Psalm Late 32
Mawna Pualaakna le Maisakna
1 A mawna uh kimaisak a, a khialna uh
a kipengsakte in mihing lungdamte ahi uh hi. Ref 32:1-2 Rom 4:7-8
2 Topa ii ngamta khial hi ci a, maw a sot ngawlte le,
theamna cite theampo taw a kipealte in mihing lungdamte ahi hi.
3 Ka mawnate ka pualaak ngawl ciangin,
sunkhuateak in ka kakaana taw ka zawm ngiingeei hi.
4 Topa awng, sun taw zan taw daan nong pia hi,
khaal nisa ii tuikhu a kosak bangin
5 Tuasia ciangin nang tungah ka mawnate kong pualaak a,
ka tatkhialnate ka seal bua hi.
Tuate nang tungah pualaak tu in ka khensat hi,
tuaciang nangma in ka mawnate theampo nong maisak hi.
6 Tua ahikom a thumaan na mihingte in
a taangsap hun sung nang tungah thu hong nget tu ahi hi;
ngimna in namthuam lianpi bangin
hong pai in hong nawkngawp ciang,
amate a baan buatu hi.
7 Nangma in ka bukna mun
na hi a,
ngim ngana panin
nong hun tu hi.
Nging takin, na ngupna thu,
la in ka sa hi,
banghang ziam cile nangma in
8 Topa in, “Na pai natu lampi kong hil tu hi;
keima in kong lak tu a, ngaisutna kong pia tu hi.
9 A ki uk thei natu in kamkhau bul a kul
siphu ahibuale laa bangin na mawmaw heak vun” ci hi.
10 Mihing seksolte a thuak uh kul hi,
ahihang Topa a muangte sia ama ii itna kip in dal hi.
11 No thutangte awng, lungdam in lawp vun,
Topa sep sate hu in lungdam vun.
Ama thu a nite awng, lungdam in au keak vun!