Psalm Late 22
Hee vangui a Auna le Pokna La
1 Ka Pathian, ka Pathian awng,
banghangin kei hong nusia ni ziam?
Cimaw in, nong hu natu hong ausan khi hi,
ahihang huna hong pai tuan ngawl lai hi. Ref 22:1 Mt 27:46; Mk 15:34
2 Ka Pathian awng, sunin kong biakpui hi,
ahihang nong zo bua hi;
zanin kong biakpui hi,
ahihang thin muanna ka nga tuan bua hi.
3 Ahihang nang sia
Israel te ii a pok,
a Thiangtho Pa in
na maang hi.
4 Ka taanghpupite in nang hong muang hi;
amate in nang hong muang a, nang in amate na hun hi.
5 Amate in nang hong ko a, launa panin suakta uh hi;
amate in nang hong muang a, thinkiamna a thuak bua uh hi.
6 Ahihang kei sia mihing zongh hi nawn ngawl khi hi;
lungno khat ka hi a
mihing theampo in hong thusim ngawlin hong nunau uh hi;
7 Hong mu theampo in
hong selno hi;
a leei uh hong daw a,
a lu uh hong pei san hi. Ref 22:7 Mt 27:39; Mk 15:29; Lk 23:35
8 “Nangma in Topa na suang hi.
Banghangin nang hong hun ngawl ziam?
Topa in hong it ahi le
banghangin nang hong hu ngawl ziam?” amate in hong ci san hi. Ref 22:8 Mt 27:43
9 Bit tak a hong piangsak sia nangma na hi a,
tuaciang nausen ka hi lai in nong keamcing hi.
10 Ka pian ni panin nang kong suang a,
nang sia ka Pathian na hi tawntung hi.
11 Ngimna hong nai a, hong hu tu kuama om ngawl ahiciang,
kei kung pan kiheam heak in.
12 Khuitalte bangin ka ngalte in hong kiim uum a;
ka kiimkot ah om uh hi,
amate sia a kiitakhuai Bashan ngam khuitalte bang ahi uh hi.
13 Amate in tawpite bangin a kam uh kaa a,
hawkin kei hong laai uh hi.
14 Ka tha tual zo a,
lei ah tui buak bangin bo vangeu hi.
ka ngu kipeenate zongh kipealkhial siat zo a,
ka lungtang sia khuainun tuitham bang hi.
15 Ka longtawl sia leivui bangin ko a,
ka leei sia ka vadang ah kibelto hi.
Leivui sungah a thi tu in nong nusia zo hi.
16 Mihing ngilo honkhat sia ka kiim ah hong om a,
uihonte bangin kei hong neak hi;
amate in ka khut le ka peang pan hong laai hi.
17 Ka ngu ka taangte sia lawt siat a,
ka ngalte in hong en a hong sal uh hi.
18 Amate in ka puante a hawm natu in aisaan hi. Ref 22:18 Mt 27:35; Mk 15:24; Lk 23:34; Jn 19:24
19 Topa awng, kei kung panin kiheam heakin a,
kei hong suatak tu in a manlangin hong pai ta'n.
20 Namsau panin hong hun ta'n a,
hi uite panin ka nuntakna hong hun ta'n.
21 Hi tawpite panin
hong suatak ta'n;
hi ngam khuitalte mai ah
22 Ka mipuite tungah nangma ii nong sepsaksate ka son tu a,
amate kikhopna sungah nang kong pok tu hi.Ref 22:22 Heb 2:12
23 “ Topa naseamte awng,
ama pok vun!
Jacob suante awng,
ama zatakna pia vun!
no Israel mite awng,
ama bia vun!
24 Ama in a zawngte ngaingon in
ahibuale amate thuaknate awlmawk ngawlin a om bua hi;
amate a nungngat bua a,
hu ngenin a biapui uh ciang ama in zo hi.
25 Mihonpite kikhopna sungah
nangma ii nong sepsaksate ka pok tu hi;
nang hong biate ii omna munah
ka kamciamsa sangaw biakpiakna ka pia tu hi.
26 Mizawngte in a du zaza
ne tu uh a,
Topa kung a zuan peuma in
ama a pok tu uh hi.
Amate in a tawntungin
27 Ngam theampo in Topa a phawk tu uh hi.
Leitung mun tuatuamte panin
ama a zuan tu a minam theampo in ama a bia tu uh hi.
28 Topa sia kumpipa hi a,
ama in ngam theampo uk hi.
29 Mihing kiphasak theampo in ama mai ah kun tu a,
a thithei theampo in ama mai ah kun tu hi.
30 Maisang khangkikte in
ama atu seam tu uh hi;
amate in hong khang pheang tute tungah
Topa thu son tu uh hi.
31 A piang pheang tu mite tungah
“Topa in a mite hun hi” ci in kison tu hi.