Psalm Late 121
Ei Hong dal Topa
1 Kei hong kihuna
koisung pan hong pai tu ziam ci in mualtung ka ento hi.
2 Kei hong kihu natu sia van le lei a vawt
Topa kung panin hong pai hi.
3 Ama in nang hong puksak ngawl tu hi;
nang hong dalpa in a tawntungin khangciim hi.
4 Israel te a dalpa in
lusu ngeingawlin mu ngeingawl hi.
5 Topa in nang hong cing tu hi;
ama sia na kungah nang hong dal tu in om hi.
6 Sunin ni in nang hong liamsua ngawl tu a,
zanin tha in zongh nang hong nasak ngawl tu hi.
7 Topa in nang sia launa theampo panin hong dal tu hi;
ama in nang hong keamcing tu hi.
8 Ama in na sungtanna le, na pusuana ah
tu le a tawntungin nang hong dal tu hi.