Psalm Late 107
LAIBU A NGANA
Pathian ii Phatna Pokna
1 “ Topa tungah
lungdamko vun,
banghang ziam cile ama pha hi;
ama ii hong itna in kikhomsuan hi!” Ref 107:1 1 Khang 16:34; 2 Khang 5:13; 7:3; Ezra 3:11; Ps 100:5; 106:1; 118:1; 136:1; Jer 33:11
2 Ama hong ngup sa
note theampo in hi kammalte lo kikikin Topa pok vun.
Ama in na ngalte kung panin hong suatak a,
3 ngamdang pan le nisuana, nitumna,
sak le thang panin no hong ciapui kik hi.
4 Pawlkhatte in
senneal ngamsung lampi om ngawlna ah vakthap a,
a teen natu khuapi paina lampi a mu zo bua uh hi.
5 Amate a ngilkialin a dangtaak a,
lametna bangma a nei nawn bua uh hi.
6 Tuasia ciang
a ngim ngana sung pan amate in Topa biakpui uh a,
ama in a cimawkna uh sung pan hun hi.
7 Ama in lampi tang khat tawnin amate lampui a,
a teen thei natu khuapi khat ah then hi.
8 Amate atu nalamdang a septe hang le
ama ii itna kip hu in amate in Topa tungah lungdamko tu uh hi.
9 Ama in a dangkote
dangcimsak a,
a ngilkialte an phate taw
10 Pawlkhatte khuangaina le khuazing sungah teang a,
luangta in thikkol kibul uh hi,
11 banghang ziam cile
amate in Vaanglianbelpa Pathian thupiakte nalh a,
ama hilnate nial uh hi.
12 Amate in na ham sepna taw a tha uh tul hi;
amate puk tu a, kuama in a hu buatu uh hi.
13 A ngim nga uh ciang amate in Topa biakpui a,
ama in a cimawkna uh panin hun hi.
14 Topa in amate sia khuangaina le khuazing sung pan pusua a,
a thikkolte sukthapsak hi.
15 Amate atu a lamdang na a septe hang le
a itna kip hu in amate in Topa tungah
lungdamko hamtang tu uh hi.
16 Taau taw kivawt kongkhate ama in saattham a,
a ki uumna thikzawlte
17 Pawlkhatte mawmaw a,
a mawna hu le a ngitlo hu in thuak uh hi;
18 amate in an kii a, thi dedek in om uh hi.
19 Tuaciang a ngim nga uh ciangin amate in Topa sam a,
amate cimawkna sung pan Topa in hun hi.
20 Ama in a thupiakna taw amate damsak a,
thaankuul panin hun hi.
21 Amate atu a lamdang na a septe hang le
a itna kip hu in amate in Topa tungah lungdamko hamtang tu uh hi.
22 Ama tungah
sangaw biakpiakna taw lungdamko hamtang tu a,
lungdam lasakna taw
ama sep sa theampo son hamtang tu hi.
23 Pawlkhatte in tuipite tungah
teambawte taw khualhaw in
tuipi tung panin a nuntak natu
zong uh hi.
24 Amate in Topa vawt thei nate mu uh a,
tuipi tungah a lamdang a vawtte mu uh hi.
25 Ama in thupia a, vuipi nasia mama khat hong va a,
tua in tuihualte thawn hi.
26 Teambawte vui sung a saangna ah kilawnto in,
a thukna ah tumsuk hi.
Tuabang lauhuaina sungah teambaw naseamte a thinkiam uh hi;
27 amate sia zukhamte bangin lutu in hoi vatut uh a,
amate thiamna theampo sia a kizangh thei bua hi.
28 A ngim nga uh ciang amate in Topa biakpui a,
a cimawkna uh panin ama in hun hi.
29 Ama in a kinuai
vuipi suangvalte thimsak a, tuihualte dai hi.
30 Tua tuihualte a thim hu in amate lungdam a,
amate thet nopna teambaw tawlngakna mun
ngammuanna taw
ama in then hi.
31 Amate atu nalamdang a septe hang le
a itna kip hu in amate in Topa tungah
lungdamko hamtang tu uh hi.
32 Mihingte kikhopna sungah amate in ama ii letna thangsak hamtang tu a,
upate thu kikupna mai ah ama pok tu uh hi.
33 Topa in ngunte kangcipsak a,
ciktuite luangsak nawn ngawl hi.
34 Tua munah a teangte ii seksolna hangin,
ama in leiphate ci al lei ngamtul suaksak hi.
35 Ama in sennealngam sia tuicingna mun suaksak a,
lei kona mun sia ciktui luanna in kheal hi.
36 Ama in a ngilkialte tua munah teangsak a,
amate in a teen natu in khuapi khat saat uh hi.
37 Amate in lote ah thaicii tu in sapitkung suan uh a,
anlaak hun ciangin an tam mama la uh hi.
38 A mite ama in thupha pia a, ta tam mama hing uh hi;
Khui honte zongh a kiam ngawl natu in ama in kepsak hi.
39 Ngitlo zawthawkna le ngim nganate hangin,
Pathian mite ngallel in zawnsak a thuak uh ciang,
40 amate a zothawte ama in ngaimawkna lak a,
lampi om ngawlna sennealngam sungah vakthapsak hi.
41 Ahihang taangsapna a neite sia amate lungmanna panin
ama in suatak a, a innkuanpuite tuu hon bangin pungsak hi.
42 Thutang mite in hi thu mu in lungdam uh a,
ahihang a seksol theampo thimsak hi.
43 A ciimte in hi thute ngaisun thei tahen;
Topa ii itna kip ngaisun thei tahen.