Psalm Late 105
Pathian le Ama Mite
(1 Khangtaanghthu 16:8-22)
1 Topa tungah lungdamkona pia vun a, ama ii letna thangsak vun;
ama sep sate minam tuatuamte tungah son vun.
2 Topa tungah pokna lasa vun;
a lamdang a sep sa nate thu son vun.
3 Ama ii neisa ih hi hu in
lungdam vun;
ama a bia theampo
lawp tahen.
4 Hu ngen tu in Topa zuan vun;
a kizom suakin ama bia vun.
5-6 A naseampa Abraham ii suante, a teal pa Jacob ii suante awng:
Pathian ii a sep nalamdang laknate le
7 Topa in ih Pathian hi;
ama thupiakte in leitung bup atu ahi hi.
8 Ama in a thuciam sia a tawntung kholet tu a,
ama kamciamte khang tul dongin kipsak tu hi.
9 Abraham taw a vawt thukimna sia le
Isaac tungah a kamciam sia ama in kipsak tu hi. Ref 105:9 Pian 12:7; 17:8; 26:3
10 A tawntungin a kikhom tu
thuciamna khat Topa in Jacob taw vawt hi. Ref 105:10-11 Pian 28:13
11 “Canaan ngam nang
kong pia tu a,
nangma ii neisa hi tu hi,”
12 Pathian mite sia citawm a,
Canaan ngam ah zin tang uh hi.
13 Amate sia ngam khat pan ngam khat ah,
kumpi ngam khat pan ngam khat ah vak kawkoai uh hi.
14 Ahihang Pathian in amate kuama in a zothawsak bua hi;
amate a dal natu in kumpipate tungah hi bangin kidop natu thupia hi: Ref 105:14-15 Pian 20:3-7
15 “Ka tealsa ka naseamte susia heak vun;
ka kamsaangte thutha heak vun,” ci hi.
16 Topa in amate ngam ah kialpi tungsak a,
a an uh a vekpi in laaksak hi. Ref 105:16 Pian 41:53-57
17 Ahihang ama in sal bangin a kizuak
Joseph a kici mihing khat amate mai ah paikholsak hi. Ref 105:17 Pian 37:28; 45:5
18 Ama sonkhol thu a taangtun mateng in
Joseph ii peangte thikkhau kibul a,
thikkol sia
a ngawng ah kibul hi.
19 Pathian kammal in ama sia maan hi ci in lak hi. Ref 105:18-19 Pian 39:20—40:23
20 Tuasia ciangin
Egypt ngam kumpipa in ama suaktasak hi;
minamte a ukpa in ama suaktasak hi. Ref 105:20 Pian 41:14
21 Ama in Joseph sia a ngamukna teng lampui tu le,
a ngam bup ukpa tu in koi a, Ref 105:21 Pian 41:39-41
22 kumpipa ii uliante tungsia ah vaangneina le
kumpipa ngaisutna a piate
lamlak tu in thuneina pia hi.
23 Tua zawkciang Jacob sia Egypt ngam ah pai a,
tua ngam ah teang hi. Ref 105:23 Pian 46:6; 47:11
24 Topa in a mite tungah ta tam mama pia a,
a ngalte sangin hatsak zaw hi. Ref 105:24-25 Pu 1:7-14
25 Ama in a mite Egypt te ii a ngaimawk natu in vawt a,
ama in a naseamte
26 Tua zawkciang ama in a naseampa
Moses le a teal pa Aaron paisak hi. Ref 105:26 Pu 3:1—4:17
27 Amate in Pathian ii a nasia mama sepnate seam a
Egypt ngam ah a lamdang laknate vawt hi.
28 Tua ngam sungah Pathian in khuazing puak hi,
ahihang Egypt te in ama thupiakna a ni bua uh hi. Ref 105:28 Pu 10:21-23
29 Ama in nguntuite
chisan suaksak a,
a ngasate theampo thisak hi. Ref 105:29 Pu 7:17-21
30 A ngam bup sia ulolte dimteak a,
kumpipa inn ngawngawn ulol taw kidim hi. Ref 105:30 Pu 8:1-6
31 Pathian in thupia a,
tho le thataa sia
a ngam sung bup ah
a hataak in om hi. Ref 105:31 Pu 8:16-17;20-24
32 Nguatui taangin ngialtang le khualeng te
amate ngam sungah a puak hi; Ref 105:32-33 Pu 9:22-25
33 amate ii sapitkungte le theikungte lalsak a,
thingkungte theampo
nuaitan hi. Ref 105:34-35 Pu 10:12-15
34 Ama in thupia a khaumawte hong pai in,
sim zawk ngawl awn tampi pha uh hi:
35 tuate in a ngam sungah thingno lopa theampo netum uh a,
lo ante theampo khawng siat uh hi.
36 Ama in Egypt ngam ah innkuante theampo sung pan
tapaciil teng thatlum hi. Ref 105:36 Pu 12:29
37 Tua zawkciang ama in Israel te pusua pui hi;
amate in ngunn le khamh pua uh a,
amate a vekpi in ciidam in thahat uh hi. Ref 105:37-38 Pu 12:33-36
38 Egypt te in amate kiita ahikom
amate ii a nusiat ciangin a lungdam uh hi.
39 Pathian in a mite tungah meeilom khat koi a,
zan in khuavak pia tu in mei khat koi hi. Ref 105:39 Pu 13:21-22
40 Amate in ngen a, ama in vamimte puak hi;
ama in amate lungkim natu in vantung pan an khiak hi. Ref 105:40 Pu 16:2-15
41 Ama in suangpi khat hong a, tui hong phulkeak hi,
tua tui in sennealngam sungah ngun bangin luang hi. Ref 105:41 Pu 17:1-7; Mi 20:2-13
42 A naseampa Abraham tungah
a kamciam thiangtho a piak teng ama in ciamtee hi.
43 Tua ahikom ama in a tealsa a mite pusuapui a,
amate in lawpna taw lasa in au uh hi.
44 Ama in midangte ii leitangte amate tungah pia a,
tuaciang a lo teng a tansak sia, Ref 105:44 Jos 11:16-23
45 a mihingte in ama thukhamte a zui natu le
a thupiak theampo a zui natu in a vawt ahi hi.