26
A Niivei Mihing Simna
1 Natsiatna a ven ciang Topa in Moses le Aaron tapa Eleazar tungah, Ref 26:1-51 Mi 1:1-46
2 “Israel taangpi bup, kum kul le a tungsia, ngalkap a seam thei tu pa theampo a innkuan zui in mihing simna vawt in,” ci hi.
3-4 Moses le Eleazar in a thu ni a, kum kul pan a tungsia a pha, pa theampo kaikhawm hi. Amate sia Jericho pan Jordan Ngunngal khat Moab zaangtam ah kikhawm uh hi.
Hite sia Egypt pan a pusuak Israel mite ahi hi.
5 Reuben nam Reuben sia Jacob tapa lianbel hi pan: Hanoch, Pallu,
6 Hezron le Carmi bee le phungte ahi uh hi.
7 Hi nam teng sungah pasal 43,730 om hi.
8 Pallu suan le paalte sia Eliab,
9 le a tapate Nemuel, Dathan le Abiram te ahi hi, Dathan le Abiram sia taangpi ii teal ahi hi. Amate in Moses le Aaron thu nialin Topa a leedo Korah nungzuite taw kikop hi.
10 Lei kihongin amate valhlum a, amate le Korah thi uh hi, tuaciang a nungzui pasal 250 teng mei in kaanghlum a, amate sia mihingte kidopna tu suak hi.
11 Ahizong Korah tapate kithatlum ngawl hi.
12 Simeon nam pan; Nemuel, Jamin, Jachin,
13 Zerah le Shaul bee le phungte ahi hi.
14 Hi bee le phungte sungah pasal 22,200 om hi.
15 Gad minam pan : Zephon, Haggi, Shuni,
16 Ozni, Eri,
17 Arod le Areli bee le phungte ahi hi.
18 Hi bee le phungte sungah pasal 40,500 om hi.
19-21 Judah nam pan: Shelah, Perez, Zerah, Hezron le Hamul bee le phungte ahi hi. Judah ii tapa nii ahi Er le Onan sia, Canaan ngam ah thi hi.
22 Hi bee le phungte sungah pasal 76,500 om hi.
23 Issachar nam pan: Tola, Puah,
24 Jashub le Shimron bee le phungte ahi hi.
25 Hi bee le phungte sungah pasal 64,300 om hi.
26 Zebulun nam pan: Sered, Elon, le Jahleel bee le phungte ahi hi.
27 Hi bee le phungte sungah pasal 60,500 om hi.
28 Tapa nii ii pa Joseph namte sia Manasseh le Ephraim ahi hi.
29 Manasseh nam pan: Manasseh tapa Machir sia Gilead ii pa hi a, a nuai a bee le phung teng sia Gilead ii suante:
30 Iezer, Helek,
31 Asriel, Shechem,
32 Shemida le Hepher bee le phungte ahi hi.
33 Hepher tapa Zelophehad in tapa nei ngawl a, tanu bek nei hi. A tanute min sia Mahlah, Noah, Hoglah, Milcah le Tirzah ahi hi.
34 Hi bee le phungte sungah pasal 52,700 om hi.
35 Ephraim nam pan: Shuthelah, Becher, le Tahan bee le phungte ahi hi.
36 Eran bee le phung sia Shuthelah ii suan le paalte ahi hi.
37 Hi bee le phungte sungah pasal 32,500 om hi.
Hi bee le phungte sia Joseph ii suan le paalte ahi hi.
38 Benjamin nam pan: Bela, Ashbel, Ahiram,
39 Shephupham le Hupham bee le phungte ahi hi.
40 Ard le Naaman bee le phungte sia Bela ii suan le paalte ahi hi.
41 Hi bee le phungte sungah pasal 45,600 om hi.
42 Dan nam pan: Hushim bee le phung hi a,
43 pasal 64,400 om hi.
44 Asher nam pan: Imnah, Ishvi, le Beriah bee le phungte ahi hi.
45 Heber le Malchiel bee le phungte sia Beriah ii suan le paalte ahi hi.
46 Asher in ta numei khat nei a, a min Serah ahi hi.
47 Hi bee le phungte sungah pasal 53,400 om hi.
48 Naphtali nam pan: Jahzeel, Guni,
49 Jezer, le Shillem bee le phungte ahi hi.
50 Hi bee le phungte sungah pasal 45,400 om hi.
51 Israel pasal a vekpi in 601,730 pha hi.
52 Topa in Moses tungah, Ref 26:52-56 Mi 34:13; Jos 14:1-2
53 “A mi phaza zui in, hi namte ngam hawmsak in.
54-56 Lai meetang sawkin ngam hawmsak in a, mi tam namte ngamzai pia in, mi tawm namte ngamno pia in,” ci hi.
57 Levi nam sungah Gershon, Kohath le Merari bee le phungte kihel hi.
58 A suan le paalte sungah Libni, Hebron, Mahli, Mushi, le Korah bawngte kihel hi. Kohath sia Amram ii pa hi a,
59 Amram in Egypt pan a piang Levi ii tanu Jochebed teenpui hi. Ama in Amram taw tapa nii, Aaron le Moses le tanu khat Miriam nei hi.
60 Aaron in tapa li nei a, Nadab, Abihu, Eleazar le Ithamar ahi hi. Ref 26:60; Mi 3:2
61 Nadab le Abihu te sia Topa tungah a thiangtho ngawl meihal biakpiakna a piak ciang thi khawm hi.Ref 26:61 Thiam 10:1-2; Mi 3:4
62 Levi mite tha khat pan a tungsia pa 23,000 pha hi. Amate Israel ngam sungah neisa bangma kipia ngawl ahikom Israel midangte taw kihel ngawlin a tuamin kiciamtee hi.
63 Hi bee le phungte theampo Moses le Eleazar in Jericho pan, Jordan Ngunngal khat Moab zaangtam ah Israel mite mihing simna a vawt lai a kiciamtee ahi hi.
64 Moses le Aaron ii Sinai Sennealngam ah mihing sim phit lai in a kihelte khat zongh taang nawn ngawl hi.
65 Topa in amate a vekpi in dui sungah thi siat tu hi, a ci bangin Jephunneh tapa Caleb le Nun tapa Joshua simngawl thi siat hi.Ref 26:65 Mi 14:26-35