19
Simeon atu A kipia Ngam
1 A niina a kipia sia Simeon nam innkuante atu hi. A ngam sia Judah nam atu a kipia ngam sungah kithungsuk hi.
2 Tuasung ah Beersheba, Sheba, Moladah,
3 Hazar Shual, Balah, Ezem,
4 Eltolad, Bethul, Hormah,
5 Ziklag, Beth Marcaboth, Hazar Susah,
6 Beth Lebaoth le Sharuhen kihel a: a kiim a khuate taw khuapi sawm le thum ahi hi.
7 Tuaban ah, Ain, Rimmon, Ether le Ashan om a: khuapi li le a kiim a khuate taw ahi hi.
8 Hi khuapite kiim ah a om khuate theampo kihel a thang sangah Baalath Beer ahibuale Ramah dong ahi hi. Hi ngam sia Simeon nam innkuante ii nga ngam ahi hi. Ref 19:2-8 1 Khang 4:28-33
9 Judah a kipia sia amate kisapna sangin lianzaw ahikom a ngam khen khat Simeon nam kipia hi.
Zebulun atu a kipia Ngam
10 A thumna a kipia sia Zebulun nam innkuante atu hi. Amate nga leitang sia Sarid dong ban hi.
11 Tua mun panin ngamngi sia nitumna sang Mareal ah pai in, Dabbesheth le Jokneam nisuana ah a om lui sia ban hi.
12 Sarid ii langkhat panin nisuana Chisloth Tabor te ngamngi ah, tua zawkciang Daberath le Japhia dong pai hi.
13 Tua mun pan nisuana sangah paisuak a, Gath Hepher le Ethkazin ah, tuaciang Neah sangah kiheak in, Rimmon paina sang zuan hi.
14 Saksang ngamngi sia Hannathon sangah kiheak, Iphtahel Kuam ah tawp hi.
15 A ngam sungah Kattath, Nahalal, Shimron, Idalah le Bethlehem kihel a: a kiim a khuate taw kopin khuapi sawm le nii ahi hi.
16 Hi khuapite le a khuate sia Zebulun nam innkuante ii a nga ngam sia sungah om hi.
Issachar atu A kipia Ngam
17 A lina ah a kipia sia Issachar nam innkuante atu ahi hi.
18 A ngam sungah Jezreel, Chesulloth, Shunem,
19 Hapharaim, Shion, Anaharath,
20 Rabbith, Kishion, Ebez,
21 Remeth, Engannim, Enhaddah le Bethpazzez te kihel hi.
22 Ngamngi sia zong Tabor, Shahazumah le Beth Shemesh ban a, Jordan ah tawp hi. A kiim a om khuate taw khuapi sawm le luk ahi hi.
23 Hi khuapi te le a khuate sia Issachar nam sung a innkuante neisa tu in a nga ngam sungah om hi.
Asher atu a kipia Ngam
24 A ngana a kipia sia Asher nam innkuante atu ahi hi.
25 Tua ngam ah Helkath, Hali, Beten, Achshaph,
26 Allam Melech, Amad le Mishal kihel hi. Nitumna sangah a ngamngi in Carmel le Shihor Libnath baan hi.
27 Nisuana sang a zot ciang, ngamngi sia Bethdagon ah pai in, Zebulun le Iphtahel Kuam baan in saksang Bethemek le Neiel ah pai hi. Tuasia a saksang Cabul,
28 Ebron, Rehob, Hammon le Kanah, Sidon dong paisuak hi.
29 Ngamngi sia Ramah ah kiheak a, a khua kulhpi taw a ki uum Tyre dong theng hi; tua mun pan Hosah ah kiheak a, Mediterranean Tuipi ah tawp hi. A ngam sia Mahalab, Achzib,
30 Ummah, Aphek le Rehob kihel a: khuapi kulh le nii le a kiim khuate taw ahi hi.
31 Hi khuapite le a khuate sia Asher nam innkuante neisa tu in a nga ngam sungah om hi.
Naphtali Minamte atu A kipia Ngam
32 A lukna a kipia ngam sia Naphtali nam innkuante atu ahi hi.
33 A ngamngi sia Heleph pan pai a, Zaanannim ah a po oak thingkung ah, Adaminekeb le Jamnia ah, tuaciang Lakkum dong paitanin Jordan ngun ah tawp hi.
34 Tua mun pan ngamngi sia nitumna sangah kiheak a, Aznoth Tabor ah, tua mun pan Hukkok ah, tuaciang thang sangah Zebulun, nitumna sangah Asher, nisuana sangah Jordan taw kipha hi.
35 Kulhpi taw ki uum a khuapite sia Ziddim, Zer, Hammath, Rakkath, Chinnereth,
36 Adamah, Ramah, Hazor,
37 Kedesh, Edrei, Enhazor,
38 Yiron, Migdalel, Horem, Bethanath le Beth Shemesh hi a: a kiim khuate taw kopin khuapi sawm le kua ahi hi.
39 Hi khuapite le a khuate sia Naphtali nam innkuante neisa tu in a kipia ngam sungah om hi.
Dan atu A kipia Ngam
40 A sali na a kipia ngam sia Dan nam innkuante atu ahi hi.
41 A ngam sia Zorah, Eshtaol, Irshemesh,
42 Shaalbim, Aijalon, Ithlah,
43 Elon, Timnah, Ekron,
44 Eltekeh, Gibbethon, Baalath,
45 Jehud, Beneberak, Gathrimmon,
46 Mejarkon le Rakkon, tuaciang Joppa kiim a ngam zongh kihel hi.
47 Dan mite in a ngam a taan uh ciang, amate Laish ah pai in sim uh hi. Amate in a khua la in, a mite that a, tuaciang amate ii neisa suaksak hi. Amate sia tua munah teang in, a khuapi min sia Laish pan a taanghpupi Dan min taw laih uh hi. Ref 19:47 Thkte 18:27-29
48 Hi khuapite le a kiim a khuate sia Dan nam innkuan te neisa tu in a nga ngam le lei ah om hi.
A khakbel A kipia Ngam
49 Israel mite in ngam le lei a hawmna teng a man uh ciang Nun tapa Joshua ii neisa tu in ngam khen khat pia uh hi.
50 Topa thupiak bangin, ama ii nget khuapi: Timnath Serah kipia a, Ephraim mualtung ngam sungah om hi. Ama in khuapi puua kik in tua munah teang hi.
51 Thiampi Eleazar, Nun tapa Joshua le Israel nam teng ii innkuan lampuite in hi ngam le lei sia a hawm uh ciang, Topa ii ompuina Puanbuk kongbiang Shiloh ah, Topa a dokna in laimee sawk uh hi. Hi bangin amate in a ngam hawmna teng man uh hi.