6
Job
1-2 Ka ngimna le
ka khuangainate khai kitee le
3 tuipi vaal a senvuite sangin
ngitzaw tu hi,
tua hi a kamkhal ka paunate in
note lamdang hong sasak heak hen.
4 Vaanglianbel Pathian in
thaltangte taw hong kap a,
tuaciang a nguu in
ka pumpi zenh hi.
Pathian in a kiitakhuai nate
5 Laa in lopa a neak ciang lungkim a,
khuipui in taangphaw a neak ciang thim dide hi.
6 Ahizong akua in limna nei ngawl,
ci al ngawl an ne zo tu ziam?
Aktuui dida sungah
bang limna om na ziam?
7 Tuabang ante lim ka sa bua a,
ka neak peuma in hong sungnimsak hi.
8 Pathian in ka nget sia
banghang hong pia ngawl hi tu ziam?
Banghangin ka thunget
hong zo ngawl hi tu ziam?
9 Ama in kei
hong that vet pole maw!
10 Tuabang hong tha nop tu sia he leng
ka natna bangza in a lian tazong,
lungdamin ka kilawn tu hi,
Pathian thiangtho hi,
ci in he khi hi;
ama ii hong thupiak po nalh ngeingawl khi hi.
11 Ka luhai lai natu in
bang thahatna nei na khi ziam?
Muanmawkna ka nei ngawl
nungsang banghang
nung tataa lai tu khi ziam?
12 Kei suang taw kivawt khi ziam?
Ka pumpi sia taau ahi ziam?
13 Keima le keima ka kihut natu
tha nei ngawl khi hi;
hu ngen in ka tai thei tu mun
14 Pathian nusia ka hi a,
ka hi bua zong —
hi bang ngimna ah lawm le ngual
thumaan kisamh khi hi,
15 Ahihang no ka lawmte awng,
nguazuk ngawl ciang a kang
luite bangin hong theam nu hi.
16 Luite vuuk le tuikhalte in
khakcip a,
17 ahizong nisa sungah
tuate bo a,
lui taw teng kongaw in om hi.
18 Sennealngam khualhawte
tui a zonna in ngam amh a;
amate sennealngam sungah vakkotin thi uh hi.
19 Sheba pan le Tema pan
tua khualhawte in tui zong uh hi,
20 ahihang luiko hui teng ah
a lametna uh bo hi.
21 No teng sia kei atu in
tua luikote taw kibang nu hi,
ka thuak teng na mu uh ciang
lau in nungkin nu hi.
22 Letsong khat nong piak tu ahizong,
kei taangin khat po sumnguk nong piaksak tu in ahizong,
23 ngal khat po ahibuale
zawthawk thu a zangh thei
khat pawpo pan ahizong
nong hut tu in kong ngen ziam?
24 Pha hi, hong hil tavun,
ka khialnate hong son tavun.
Thim dide in ka om tu a,
kong ngai tu hi.
25 Thumaan kammalte up taak hi,
ahihang no nawnsan nu hi.
26 Ka kam pan vui bek pusuak in
a pau hong sa nu hi;
tua ahile thinkiam a
ka paute banghang hong zo nu ziam?
27 Tanga silate na nga natu in
aisaanna nuangtangte ngawngawn na lawn uh a,
tuaciang na lawm phabelte
duupin na hau natu zong nu hi!
28 Ka maitang hong en tavun.
Leilot ngawl tu khi hi.
29 A vaal kai in pau zo nu hi.
Na thumaan ngawlna uh kheal vun.
Hong puanil heak vun.
Kei sia thumaan khi hi.
30 Ahihang leilot thuson
hong sa nu hi —
a maan le a maan ngawl
khentel in son thei ngawl hong sa nu hi.