40
1-2 Job awng, nang in Vaanglianbelpa Pathian thato ni hi;
tu in tawlnga tu ni ziam ahibuale a kam zo tu ni ziam?
Job
3-4 Topa awng, a mawmawthuai kam pau khi hi.
Bang kong zo thei tu ziam? Bangma dang ka son nawn buatu hi.
5 Ka pau tu za sangin tamzaw pau zo khi hi.
6 Tuasia ciang vuipi suangval sung panin Topa in Job khatvei paupui kik hi.
Topa
7 Tu in dingtang in a,
kong dok thute hong zo ta'n.
8 Kei thutang ngawl hi hong ci nuam in hanciam a —
kei a khial hong tangsak a nang le nang kimaansak nuam ni ziam?
9 Nang keima bangin hat ni ziam?
Na aw keima vanto aw bangin na ngingsak thei ziam?
10 Tuabang ahile na vaang neina le na kisuantaak na taw ding in;
nang le nang vaangletna le minthanna puan silh in.
11 A kiphasakte en in;
na thin uukna lak in a, amate kiniamkhiaksak in.
12 Hi hi, amate en in a, khiasuk in;
mi ngilote a dinna munah sucip in.
13 A vekpi in lei sungah phum in;
mithi khua ah heencip in.
14 Tuasia ciang nang hong pok masa phit tu sia keima hi tu khi hi,
nangma ma in zawna nga hi, kong ci tu hi.
15 Behemoth nganhing pui sia en in; note 40:15\xk behemoth: pawlkhat in tui siphu ci a, a dangte in a tuanngen nganhing pui khat hi ci hi.\x*
ama ka bitphua a, tuaciang nangma kong bitphua hi.
Ama in khuipui khat bangin lopa ne hi,
16 ahizong a pumpi sungah bang thahatna om a,
a sangol sungah bang vaangletna om ziam!
17 A mei sia cedar thingkung bangin dingto a,
a peang thangolte hat hi.
18 A ngute taau bangin khoh a,
a peangte thikpum bang
19 Nganhing nungta theampo sung pan a lamdangbel ma hi!
Ama a Bitphuapa bek in ama zo thei hi.
20 Ngamsate kimaina mualte tungah
ama ii kivaak natu lopa po hi.
21 Lingkungte nuai ah ama lumin, nawng sung pumpate kawm ah buu hi.
22 Ama sia luihui a po lingkungte le pakngiamte in a lim bealhsak hi.
23 Ama in nguntui luang vahawn sia kiita ngawl hi;
ama Jordan nguntui in a maitang a the ciang om hiithiat lel hi.
24 Akua in a mittawsakin man thei tu ziam?
Ahibuale akua in thaang sungah a naak awksak thei tu ziam?