35
1-2 Job awng, Pathian muna ah maw ka baang bua hi
na ci tu sia maan ngawl hi,
3 tua ahibuale Pathian tungah, “Ka mawna in nang bang hong tatsak ziam?
Ka maw ngawl ciang bang phattuamna nga khi ziam?” ci a na dok tu kilawm ngawl hi.
4 Nangma le na lawmte kam zongh kong zo tu hi.
5 Van ento in! meeikaaite bangza in saang ziam!
6 Na maw le tua in Pathian sia bangma tatsak ngawl hi.
A maan ngawl tamvei na vawtna in ama bang a tatsak tu ziam? Ref 35:6-8 Job 22:2-3
7 Thutang mama na hina taw in Pathian na hu ziam?
Pathian in nang tung pan kitaangsap nei ngawl hi.
8 Na maw na khial hu in a thuak sia na mipuite hi a,
phatna na vawtna in amate hu hi.
9 Mihingte a kinenniam ciang
tau a;
a hun tu in amate in
khat po ko uh hi.
10 Ahihang in amate in a haksatbel hun sungin
lametna a pia amate a bitphuapa Pathian kung zuan ngawl uh hi.
11 Amate in eite hong ciim sak,
nganhing ahibuale vacim khat pawpo sangin
a ciim zaw in hong vawt Pathian kung zuan ngawl uh hi.
12 Amate hu ngenin au ahihang Pathian in zo ngawl hi,
banghang ziam cile amate a kiphasak misiate ahi hi.
13 Amate ii aukeakna zongh a lui thawthong hi;
Vaanglianbelpa Pathian in amate mu ngawlin za ngawl hi.
14 Job awng, Pathian mu thei bong ci ni hi;
ahihang thinsau takin ngak in — na vai sia ama mai ah om nginge hi.
15 Pathian in daan pia ngawl a,
mawna zongh thusim ngawl hi, ci in ngaisun ni hi.
16 Na papau hang phattuamna om ngawl hi;
na thuson teng mama a tel ngawl na hi sia kilangh hi.