49
Jacob ii Kammal Khakbelte
1 Jacob in a tapate samin, “Hong kikhawmtua tavun, mai sangah note tung a hong piang tu thu kong son tu hi:
2 “Jacob ii tapate awng
hong paikhawm tek tavun a,
hong ngai tavun.
Na pa Israel thu son ngai vun.
3 “Ka taciil Reuben awng,
nang sia ka thahatna
Tuaciang pasal ka tanna in,
ka ta masabel na hi a,
ka tapa teng sung pan
a kiphasakbel le a thahatbel na hi hi.
4 Nang in tuipawm khat taw
na kibang a,
Ahizong a thupibel
na hi buatu hi,
Banghang ziam cile
ka zino na luppui a,
na pa ii lupna na paksak hi.
5 “Simeon le Levi unau khat
na hi uh hi.
A ngalhiamte ngongtatna in
zangh uh hi.
6 A thuku sonna ah
ka kihel buatu a,
A kikhopna ah
ka kipawl buatu hi,
Banghang ziam cile a thin uuk uh ciang mihing that a,
Kimaina in khuitalte ii
a peangbaisak hi.
7 A thin uukna ah
haamsiatna thuak hen,
banghang ziam cile
a thin uukna nasia leih hi.
A thinsona ah
haamsiatna thuak hen,
banghang ziam cile
a thinso nasia leih hi.
Israel ngam sungah
amate ka thethaang tu hi.
A mipuite sungah
8 “Judah awng na suapui te in
nang hong pok tu hi.
Na ngalte a ngawng pan
na man hi.
Na suapuite in na mai ah
hong kun tu hi.
9 Judah sia,
Sa manin a kuahawng
zuan kik a,
Kizia in a lumsuk
tawpi khat taw kibang hi.
Kuama in ama nawngkaisak
ngam ngawl hi. Ref 49:9 Mi 24:9; Tpl 5:5
10 Judah in kumpi ciangkhut
len tu a,
A suan a paalte in
ngamuk tawntung tu hi.
Minamte in ama tungah
phiangshia puak tu a,
Thunitna taw ama mai ah
kun tu uh hi.
11 Ama in a laano sia
sapitkung khat ah khit a,
Sapitkung phabel sia tung ahi hi.
Ama in a puante chi bangin a san
sapittui sungah sawp hi.
12 Sapittui a neakna in
a mitte san ngingu a,
Noai a neakna in a hate paak hi.
13 “Zebulun sia tuipi hui ah teang tu hi.
A tuipi vaal sia teambawte
tawlngakna khat hi tu hi.
A ngam Sidon ciang dong
14 “Issachar sia a tung tona ipte
kawm ah kizia in a lum,
Laa khat sangin
phazaw ngawl hi.
15 Ahizong ama in a tawlngakna
mun ii phatna mu a
A ngam a lei nuamsa hi.
Tua ahiciang a nungzaang ah
vanh pua tu in ama kunsuk a,
Sila khat bangin na kiseamsak hi.
16 “Dan sia a mipuite ii
a ukpa hi tu hi.
Amate Israel minam dangte
bangma hi tu hi.
17 Dan sia lampi hui ah
a om ngul khat,
lamzin hui ah a om
ngul ngu nei khat hi tu a,
Tua ngul in
siphu khuatul pan tu hi,
A tungto pa a nung sangah
18 “ Topa awng, nong hut tu
19 “Phalakte pawlkhat in
Gad sim tu a,
ahizong Gad in amate
kileesak kikin sul zui tu hi.
20 “Asher ii leitang pan
an tam mama piang tu hi.
Kumpi khat ii neak tu in
a kilawm an, ama in pia tu hi.
21 “Naphtali sia
a ithuai tanote a nei,
a tai vavil sangai khat ahi hi.
22 “Joseph sia
ciktui hui khat ah a om ngamlaa khat taw kibang a,
Mualpangh ah a om ngam siphuno khat taw kibang hi.
23 A ngalte in nasia takin sim a,
A thal le a thaltangte taw del hi.
24 Ahizong Jacob ii Pathian
Vaanglianbelpa ii vaangletna le
Israel a Dal pa,
Tuucingpa hangin
A thal kinging top a,
A khutte a tha kihatsak hi.
25 Nang hong hu, na pa ii Pathian,
Thupha hong pia
Vaanglianbelpa Pathian in
Vantung pan thupha ngua taw
Leinuai tawngh pan tui taw
Khoai le vul tam mama,
tu le ta tam mama thuphate taw,
26 thupha antangte le paakte,
Taanghlai mualte ii thuphate,
Tawntung mualte panin, nopsakna te,
Hi thupha teng Joseph ii lu tungah
A suapuite sung pan
a kituam koi pa ii mitkhu tungah
tawlnga in, tung siat tahen.
27 “Benjamin sia a hang mama
ngiapui khat taw kibang hi.
Zing le nitak sa thatlum in
28 Hi te sia Israel minam sawm le niite hi a, hi thu sia amate tetek taw a kiphu a kilawm tu in a son a pa ii a tapa khat sim tungah vaithakna kammal ahi hi.
Jacob Thi na le Kivuina
29 Tua zawkciang Jacob in a tapate tungah, “Tu in ka mipuite thina ah a pai tu ka hi a, ka pate taw in suanghawng thaankhuk ah hong phumkhawm tavun, tua thaankhuk sia Hit mi Ephron ii lo sung hi a,
30 Canaan ngam Mamre ii nisuana sang Machpelah ah om hi. Abraham in hi thaankhuk le lo sia thaan mun tu in Ephron tung pan lei hi. Ref 49:30 Pian 23:3-20
31 Tua munah amate in Abraham le a zi Sarah; Isaac le a zi Rebecca phum a; tuaciang keima in Leah ka phum hi. Ref 49:31 Pian 25:9-10; Pian 35:29
32 Tua lo le thaankhuk sia Hit mite tung pan a kilei ahi hi. Tua munah hong phum tavun,” ci in thupia hi.
33 Jacob in a tapate a vaithak zawkciang, ama lumsuk kikin thi hi. Ref 49:33 Sawl 7:15