5
Thupiak Sawmte
(Pusuana 20:1-17)
1 Moses in Israel mite theampo samin amate tungah, “Israel mite awng, tuni in kong piak thukham theampo ngai vun. Sin vun a, pha tak zui vun.
2 Topa ih Pathian in Sinai Mual tungah thuciamna khat vawt a,
3 ih pate bek taw hi ngawlin, tuni in a nungta ei teng taw zong a vawt ahi hi.
4 Tualai mual tungah meikuang sung pan kimaingat in Topa in note hong paupui hi.
5 Tua meikuang kiita in mual tungah kaato ngam ngawl na hi uh kom Ama citeng, hong son tu in tua hunin note le Topa kilaklaw ah ka ding hi.
“ Topa in,
6 ‘Keima in Topa na Pathian, na saltanna Egypt pan hong suatakpa ka hi hi.
7 “ ‘Keima simngawl pathian dang bia heak vun.
8 “ ‘Vantung ahizong, leitung ahizong leinuai, tui sungah ahizong a om na khat pawpo taw a kibang milim note atu in vawt heak vun. Ref 5:8-9 Thiam 26:1; Thkna 4:15-18; 27:15
9 Milim khat pawpo mai ah kun heak vun, ahibuale bia heak vun, banghang ziam cile keima in Topa na Pathian ka hi a, hong demte ka dual bua hi. Kei hong ngaimawte le amate ii a suan a paalte tungah khang thum khang li dongin daan ka pia tu hi.
10 Ahizong kei hong it a, ka thukhamte a zuite tungah ka itna khang tul tam mama dongin ka lak hi. Ref 5:9-10 Pu 34:6-7; Mi 14:18; Thkna 7:9-10
11 “ ‘Keima min, a sia vawt natu in zangh heak vun, banghang ziam cile keima Topa na Pathian in ka min a zangh khial pawpo daan ka pia tu hi. Ref 5:11 Thiam 19:12
12 “ ‘Keima Topa na Pathian ii kong thupiak bangin Sabbath tang vun a, thiangthosak vun. Ref 5:12 Pu 16:23-30; 31:12-14
13 Note na na sep natu in ni luk na nei uh a, Ref 5:13-14 Pu 23:12; 31:15; 34:21; 35:2; Thiam 23:3
14 ahizong ni sali ni sia kei atu in a kikoituam tawlngak ni ahi hi. Tua ni in kuama — nangma, na tate, na silate, na ngannote na ngamsung hong teang ngamdangmite in naseam ngawl tu uh hi. Nangma tawlngak bangin na silate zongh tawlnga nanak tu uh hi.
15 Egypt ah sila na hi na le keima Topa na Pathian in ka vaangletna le ka thahatna taw kong suatakna thu ciamtee vun. Tua hu in Sabbath tang tu in thu kong pia hi.
16 “ ‘Keima Topa na Pathian ii kong thupiak bangin na nu le na pa zakta vun, tua hile na ma vang tu a, kong piak natu ngam ah khuangei mama na nungta tu uh hi. Ref 5:16 Thkna 27:16; Mt 15:4; 19:19; Mk 7:10; 10:19; Lk 18:20; Eph 6:2 Eph 6:3
17 “ ‘Mihing that heak vun. Ref 5:17 Pian 9:6; Thiam 24:17; Mt 5:21; 19:18; Mk 10:19; Lk 18:20; Rom 13:9; Jas 2:11
18 “ ‘Palngul mawna vawt heak vun. Ref 5:18 Thiam 20:10; Mt 5:27; 19:18; Mt 10:19; Lk 18:20; Rom 13:9; Jas 2:11
19 “ ‘Nguta heak vun. Ref 5:19 Thiam 19:11; Mt 19:18; Mk 10:19; Lk 18:20; Rom 13:9
20 “ ‘A maan ngawlin khat pawpo mawsiat heak vun. Ref 5:20 Pu 23:1; Mt 19:18; Mk 10:19; Lk 18:20
21 “ ‘Midang khat ii zi lungngul heak vun, a inn, a lo, a silate, a khui, a laa, ahibuale a neisa khat pawpo lungngul heak vun. Ref 5:21 Rom 7:7,13:9
22 “Hite sia mual tungah na kikhop uh lai in Topa ii note theampo tungah hong piak thupiakte ahi hi. Meikuang sung pan le meeisaa te sung panin ama in a vaanglian aw taw hong paupui a, hi thupiakte hong pia in thudang hong son ngawl hi. Tuaciang ama in tua teng suangpheak nii tungah at in, kei tungah hong pia hi.
Mihingte Launa
(Pusuana 20:18-21)
23 “Mualtung bup meikuang a khuazing sung pan aw na zaak uh ciang, na lampuite le na nam lutangte kei kungah hong pai in,
24 ‘Meikuang sung pan hong paupuina aw ih zaak ciang Topa ih Pathian in ama ii letna le a minthanna hong lak hi! Pathian in mihing khat paupui zo hi napi ama nungta suak thei lai veve ahi hunlam eite in tuni in ih mu zo hi.
25 Ahizong banghangin thina tu masuan in om kik tu khu ziam? A lauhuai tua meikuang in hong kaanghlum tu hi. Topa ih Pathian hong paupuina aw ih za kik le ih thi takpi tu hi.
26 A nungta Pathian ii meikuang sung pan a paupuina a zaak zawkciang a nungta mihing om ngei na ziam?
27 Moses awng, pai kik in a, Topa ih Pathian ii ci theampo ngai in. Tua zawkciang hong heak kikin nang tungah hong ci teng ko hong son ta'n. Kote in hong ngai in kong ni tu uh hi,’ nong ci uh hi. Ref 5:22-27 Heb 12:18-19
28 “Hi thute Topa in a zaak ciang ama in kei tungah, ‘Hi mihingte pauna ka za a, amate maan hi.
29 Amate in hi bangin phawk tawntung thong le pha hi! Amate le a suan a paalte, a ma vangin a daupai thei tawntung natu in, keima hong zakta tawntungin ka thupiak theampo hong zui pole pha hi.
30 A buk uh ah a heak kik natu in, pai in va son ta'n.
31 Ahizong Moses awng, nang sia keima taw hi lai ah om in a, ka thukhamte le thupiakte theampo kong pia tu hi. Ka piak tu ngam sungah hi thute a zui thei natu in tua teng mipite hil in,’ hong ci hi.
32 “Israel mite awng, Topa na Pathian ii hong thupiak theampo, pha tak zui vun. Ama thukhamte bangma paltan heak vun.
33 Na laak tu ngam sungah na teen suak thei natu le na nopsak tawntung thei natu in tuate theampo zui tavun.