4
1 To ahite awng, na sila te tungah dikna le thutang taw na ngamta vun. Vantung ah note zongh in Topa khat na nei uh hunlam phawk tavun. Ref 4:1 Eph 6:9
Kihilnate
2 Thu na ngen tawntung nanak vun. Thu na nget uh ciang na pilvang vun a, Pathian tungah lungdam na ko vun.
3 Ko atu zongh hong ngetsak tavun, tua hile Pathian in Christ ii thukute huvau ka hil natu hunpha hong pia tu hi. Banghang ziam cile tua thu in tu laitak a, thongsung a ka omna thu ahi hi.
4 Tua ahikom tua thu a thiang a, ka son tu bangin ka son thei natu in thu na ngetsak vun.
5 Thu um ngawlte tung na ngamtatna uh ah ciimna na zangh vun a, hunpha na nga uh theampo a pha takin na zangh vun. Ref 4:5 Eph 5:16; 4:7; Sawl 20:4; 2 Tim 4:12
6 Na kampau na uh sia a zaak nop huai hi tu a, a lawp huai hi tawntung tu hi, tuaciangin mihing khat sim tungah a maanin na zo kik thei tavun.
A khakbel Paupuina
7 Ih it ih suapuipa Tychicus, a thumaan naseampa le Topa nasepna sungah ih naseppui pa in kei huvau thupiang thakte hong son siat tu hi. Ref 4:7-8 Eph 6:21-22
8 Note kungah ama kong paisakna in tua thu hang ahi hi, kote bangbangin om ka hi uh hunlam hong son ciangin na thin uh a nop natu ka deina ahi hi.
9 Ama in Onesimus a kici khat taw hong ton hi, tua pa in a thumaan suapui hi a, no pawl sungah hong kihel khat ahi hi. Amate nii in hi sungah thupiang theampo hong son tu hi. Ref 4:9 Phm 10:12
10 Kei taw thong sungah a om Aristarchus in hong paupui hi, tuasia bangma Barnabas suapuisealpa Mark zongh in hong paupui hi. Mark sia no sangah hong pai ahile vai na muak vun ci in sawlna zongh nga zo nu hi Ref 4:10 Sawl 19:29; 27:2; Phm 24; Sawl 12:12-25; 13:13; 15:37-39
11 Justus zongh a kici Joshua zongh in paupuina kam hong thaak hi. Hite thum in Jew te sung pan hong kikhealte hi a Pathian ngam atu kei taw na a seam khawmte hi a, amate in nasia takin hong hute ahi uh hi.
12 Epaphras zongh in hong paupui hi, ama in Jesus Christ ii naseampa khat hi a noma pawl sungah a kihel khat ahi hi. Ama in Pathian tungah note sia a khanthin le a cingtaak tak a, a thinzo Tapidawte, Pathian ii deina bang a, khuangkhim takin a zuite bangin kho takin, na din natu in nasia tatakin thu hong ngetsak tawntung hi. Ref 4:12 Col 1:7; Phm 23
13 No atu le Laodicea le Hierapolis ah a om mihingte atu in nasia takin na a seampa hi ci in keima tatak ma in tetti ka pang hi.
14 Ih it syavuan Luke le Demas in paupuina kam hong thaak hi. Ref 4:14 2 Tim 4:11; Phm 24; 2 Tim 4:10; Phm 24
15 Laodicea khua ah a om ih suapuite le Nympha le tua nu inn ah a kikhawm pawlpi tungah thupha ka deisaknate na sonsak vun.
16 Hi laithak na sim zawk uh ciangin Laodicea pawlpite zongh in na simsak hamtang vun. Laodicea khua a om ih suapuite hong puak tu lai sia zongh na sim vun.
17 Tuaciangin Archippus munah, “Topa nasepna sungah, na sep tu hong kipiate na zaw thei natu na son in,” na cisak vun. Ref 4:17 Phm 2
18 \sig Paul ii hong paupuina \sig* ci in hi lai, keima khut vateak taw ma kong at hi. Koltaang ka hi hong mangil heak vun!
Pathian ii thuthiamna in no taw hong om tahen.