4
1 မ့မ့ၢ်ဒ်န့ၣ်ဒီး, ပကစံးလၢပပှၤကလုာ်အပၢ်စီၤအၤဘြၤဟၣ် အဂ့ၢ်ဒ်လဲၣ်. အတၢ်လဲၤခီဖျိမ့ၢ်တၢ်မနုၤလဲၣ်.
2 အဝဲမ့ၢ်ဘၣ်တၢ်ပာ်တီပာ်လိၤအီၤလၢကစၢ်ယွၤခီဖျိတၢ် တဖၣ်လၢအဝဲမၤတ့ၢ်ဝဲဒီး, ကအိၣ်ဒီးတၢ်တမံၤမံၤလၢကပာ်ကဖၢလၢအသးအဂီၢ်န့ၣ်လီၤ. ဘၣ်ဆၣ်ဒီးအဝဲပာ်ကဖၢလၢအသးလၢကစၢ်ယွၤအမဲာ်ညါ
တသ့ဘၣ်.
3 တၢ်ကွဲးအသးစံးဝဲဒၣ်, “စီၤအၤဘြၤဟၣ်နာ်ကစၢ်ယွၤဒီးမ့ၢ်လၢတၢ်နာ်အံၤအဃိ, ကစၢ်ယွၤတူၢ်လိာ်အီၤဒ်ပှၤတီပှၤလိၤတဂၤအသိးန့ၣ်လီၤ.”
4 ပှၤလၢအဖံးတၢ်မၤတၢ်တဂၤန့ၣ်, တၢ်ဟ့ၣ်အီၤအဘူးအလဲဒီးတၢ်အံၤတၢ်တပာ်အီၤဒ်တၢ်ဟ့ၣ် တမံၤအသိးန့ၣ်ဘၣ်. မ့မ့ၢ်ဒ်အမ့ၢ်တၢ်တမံၤလၢအဝဲကြၢး
ဒိးန့ၢ်ဘၣ်ဝဲန့ၣ်လီၤ.
5 မ့မ့ၢ်ပှၤတဂၤလၢအသန့ၤအသးလၢအတၢ်စူၢ်တၢ်နာ်, ဒီးတမ့ၢ်ဘၣ်အတၢ်ဖံးတၢ်မၤဘၣ်, လၢအနာ်ကစၢ်ယွၤလၢ အပျၢ်ကွံာ်ပှၤဂၤအတၢ်ကမၣ်န့ၣ်, အတၢ်နာ်ဝဲအံၤကစၢ်ယွၤ
ပာ်သူၣ်ပာ်သးလၢအဂ့ၢ်ဒ်သိးအကပာ်တီပာ်လိၤအီၤ
အဂီၢ်န့ၣ်လီၤ.
6 တၢ်လၢစီၤဒၤဝံးတဲထီၣ်ဝဲတဖၣ်န့ၣ်မ့ၢ်တၢ်တမံၤဃီန့ၣ်လီၤ. အဝဲတဲတၢ်ဘၣ်ဃးပှၤတဂၤလၢအသူၣ်ခုသးခုလၢကစၢ်ယွၤ တူၢ်လိာ်အီၤဒ်ပှၤအတီအလိၤတဂၤအသိးတမ့ၢ်လၢအတၢ်မၤ
အဃိန့ၣ်ဘၣ်ဆိၣ်ဂ့ၤဝဲလီၤ.
7 စီၤဒၤဝံးစံးဝဲ,
“ပှၤလၢယွၤပျၢ်ကွံာ်အတၢ်ကမၣ်ဒီး
တြူာ်ကွံာ်အတၢ်ဒဲးဘးတဖၣ်န့ၣ်,
ဘၣ်ဆိၣ်ဂ့ၤဝဲလီၤ.
8 ပှၤတဂၤလၢယွၤတကွဲးနီၣ်ကွဲးဃါ
အတၢ်ဒဲးဘးတဖၣ်န့ၣ်, ဘၣ်ဆိၣ်ဂ့ၤဝဲလီၤ.”
9 တၢ်သးခုလၢစီၤဒၤဝံးစံးကတိၤလၢအဂ့ၢ်အံၤ, မ့ၢ်အမ့ၢ်ဒၣ်ထဲပှၤတဖၣ်လၢအကူးတရံးအသးအဂီၢ်န့ၣ်ဧါ. တမ့ၢ်ဘၣ်. မ့ၢ်စ့ၢ်ကီးလၢပှၤတကူးတရံးအသးတဖၣ်အဂီၢ်န့ၣ်လီၤ. အဂ့ၢ်ဒ်အံၤ, ပစံးတ့ၢ်လံလၢစီၤအၤဘြၤဟၣ်နာ်ကစၢ်ယွၤဒီးမ့ၢ်လၢ
အတၢ်နာ်အံၤအဃိ, ကစၢ်ယွၤတူၢ်လိာ်အီၤဒ်ပှၤတီပှၤလိၤတဂၤ
အသိးန့ၣ်လီၤ.
10 တၢ်အံၤမၤအသးအခါဖဲလဲၣ်. မ့ၢ်အမၤအသးတချုးစီၤအၤဘြၤဟၣ်ဒိးတၢ်ကူးတရံးဧါ. မ့တမ့ၢ်လၢကူးတရံးအသးဝံၤအလီၢ်ခံဧါ. တချုးအဒိးတၢ်ကူး တရံး, ဒီးတမ့ၢ်လၢအကူးတရံးသးဝံၤအလီၢ်ခံန့ၣ်ဘၣ်.
11 အဝဲကူးတရံးအသးလၢခံ, ဒီးအတၢ်ကူးတရံးအံၤမ့ၢ်တၢ်ပနီၣ် တမံၤလၢအဒုးနဲၣ်ဝဲကစၢ်ယွၤအတၢ်တူၢ်လိာ်အီၤဒ်ပှၤတီပှၤလိၤ
တဂၤအသိးလၢအတၢ်နာ်အဃိ, တချုးဒံးဘၣ်လၢအဝဲဘၣ်တၢ်ကူးတရံးအီၤန့ၣ်လီၤ.
သတးဒီး, စီၤအၤဘြၤဟၣ်မ့ၢ်ပှၤနာ်ကစၢ်ယွၤခဲလၢာ်အပၢ်
လၢသူၣ်လၢသး, ဒီးပှၤခဲလၢာ်အံၤဘၣ်တၢ်တူၢ်လိာ်အီၤလၢ
ယွၤဒ်ပှၤတီပှၤလိၤအသိး, ဖဲအဝဲသ့ၣ်တဒိးဘၣ်တၢ်ကူးတရံးအခါဒၣ်လဲာ်န့ၣ်လီၤ.
12 အဝဲမ့ၢ်စ့ၢ်ကီးပှၤဒိးတၢ်ကူးတရံးခဲလၢာ်အပၢ်, အခီပညီတမ့ၢ်ထဲအဝဲသ့ၣ်ကူးတရံးအသးအဃိဘၣ်. မ့မ့ၢ်, မ့ၢ်လၢအဝဲသ့ၣ်အိၣ်မူစ့ၢ်ကီးတၢ်နာ်အတၢ်အိၣ်မူ
တမံၤဃီလၢပပၢ်စီၤအၤဘြၤဟၣ်အိၣ်မူတ့ၢ်ဝဲ တချုးလၢ
အဒိးတၢ်ကူးတရံးအဃိန့ၣ်လီၤ.
13 ကစၢ်ယွၤအၢၣ်လီၤအီလီၤစီၤအၤဘြၤဟၣ်ဒီးအစၢၤအသွဲၣ် တဖၣ်လၢဟီၣ်ခိၣ်ကကဲထီၣ်အတၢ်န့ၣ်လီၤ. တၢ်အၢၣ်လီၤ
အီလီၤအံၤဘၣ်တၢ်မၤအီၤ, တမ့ၢ်လၢစီၤအၤဘြၤဟၣ်တိၢ်န့ၢ်
တၢ်သိၣ်တၢ်သီအဃိဘၣ်. မ့ၢ်လၢအဝဲစူၢ်က့ၤနာ်က့ၤကစၢ်
ယွၤ, ဒီးကစၢ်ယွၤတူၢ်လိာ်အီၤဒ်ပှၤတီပှၤလိၤတဂၤအသိး
အဃိန့ၣ်လီၤ.
14 မ့ၢ်အဂ့ၢ်ဒ်လဲၣ်န့ၣ်, တၢ်လၢကစၢ်ယွၤအၢၣ်လီၤအီလီၤတဖၣ်မ့မ့ၢ်ဒၣ်ထဲလၢ ပှၤလၢအတိၢ်န့ၢ်တၢ်သိၣ်တၢ်သီတဖၣ်အဂီၢ်န့ၣ်ဒီး, ပှၤကညီအတၢ်စူၢ်တၢ်နာ်အခီပညီတအိၣ်နီတမံၤလၢၤဘၣ်, ဒီးကစၢ်ယွၤအတၢ်အၢၣ်လီၤအီလီၤကဲထီၣ်တၢ်ကလီကလီန့ၣ်လီၤ.
15 တၢ်သိၣ်တၢ်သီဒုးအိၣ်ထီၣ်ကစၢ်ယွၤအတၢ်သးထီၣ်ဒီးဖဲ တၢ်သိၣ်တၢ်သီတအိၣ်ဘၣ်န့ၣ်, တၢ်လုၣ်သ့ၣ်ခါပတာ်
တၢ်သိၣ်တၢ်သီတအိၣ်ဘၣ်လီၤ.
16 ဒီးလၢတၢ်န့ၣ်အဃိတၢ်အၢၣ်လီၤအီလီၤအံၤဒိးသန့ၤထီၣ် အသးလၢတၢ်နာ်အဖီခိၣ်, မ့ၢ်ဒ်သိးအကကဲထီၣ်တၢ်အုၣ်ခီၣ်အသးလၢကစၢ်ယွၤဟ့ၣ်
ကလီတၢ်အၢၣ်လီၤအီလီၤအံၤလၢစီၤအၤဘြၤဟၣ်အစၢၤ
အသွဲၣ်ခဲလၢာ်, ဒီးတမ့ၢ်ထဲလၢပှၤတိၢ်န့ၢ်တၢ်သိၣ်တၢ်သီ
အဂီၢ်ဧိၤဘၣ်. မ့ၢ်စ့ၢ်ကီးလၢပှၤသ့ၣ်တဖၣ်လၢအနာ်တၢ်ဒ်
စီၤအၤဘြၤဟၣ်နာ်တ့ၢ်ဝဲအသိးအဂီၢ်န့ၣ်လီၤ. အဂ့ၢ်ဒ်အံၤ, စီၤအၤဘြၤဟၣ်မ့ၢ်ပဝဲခဲလၢာ်အပၢ်လၢသူၣ်လၢသးန့ၣ်
လီၤ.
17 တၢ်ကွဲးအသးစံးဝဲဒၣ်, “ယဒုးကဲထီၣ်လံနၤလၢပှၤ အါကလုာ်အပၢ်လံ.” လၢတၢ်န့ၣ်အဃိ, တၢ်အၢၣ်လီၤအီလီၤအံၤဂ့ၤဝဲလၢကစၢ်ယွၤအမဲာ်ညါ
လၢစီၤအၤဘြၤဟၣ်နာ်, ကစၢ်ယွၤတဂၤလၢ
အမၤမူထီၣ်က့ၤပှၤသံ, ဒီးဖဲအဟ့ၣ်လီၤအကလုၢ်န့ၣ်တၢ်လၢအတအိၣ်ဘၣ်
တဖၣ်အိၣ်ထီၣ်ဒီးကဲထီၣ်ဝဲန့ၣ်လီၤ.
18 ဖဲတၢ်မုၢ်လၢ်တအိၣ်ဘၣ်န့ၣ်, စီၤအၤဘြၤဟၣ်နာ်တၢ်ဒီးမုၢ်လၢ်တၢ်သတးဒီးကဲထီၣ် “ပှၤအါကလုာ်အပၢ်,” ဒ်တၢ်ကွဲးအသးစံးဝဲအသိး, “နစၢၤနသွဲၣ်တဖၣ်ကအါဝဲဂီၢ်ဝဲဒ်ဆၣ်ဧိၤဖီဧိၤအသိး
န့ၣ်လီၤ.”
19 အဝဲကအိၣ်အနံၣ်တကယၤဃၣ်ဃၣ်ဘၣ်ဆၣ်, ဖဲအဆိကမိၣ်ထီၣ်အနီၢ်ခိလၢအဘူးကသံအံၤအဂ့ၢ်, ဒီးဖဲအသ့ၣ်ညါလီၤတံၢ်ဝဲနီၢ်စၤရါအဖိအိၣ်တသ့လၢၤဘၣ် အဂ့ၢ်န့ၣ်, အတၢ်နာ်တလီၤစၢ်ဘၣ်.
20 အတၢ်နာ်တကဒံကဒါဘၣ်, ဒီးအသးတဒ့ဒီလၢကစၢ် ယွၤအတၢ်အၢၣ်လီၤအီလီၤအဖီခိၣ်ဘၣ်. အတၢ်နာ်မၤပှဲၤအီၤဒီးတၢ်ဂံၢ်တၢ်ဘါဒီးအဝဲစံးထီၣ်ပတြၢၤ
ကစၢ်ယွၤလီၤ.
21 အဝဲနာ်ဝဲလၢလၢပှဲၤပှဲၤလၢကစၢ်ယွၤမၤလၢထီၣ်ပှဲၤထီၣ် အတၢ်အၢၣ်လီၤအီလီၤသ့ဝဲဒၣ်န့ၣ်လီၤ.
22 လၢတၢ်န့ၣ်အဃိ, စီၤအၤဘြၤဟၣ်, ခီဖျိတၢ်နာ်န့ၣ်, စီၤအၤဘြၤဟၣ် “ဘၣ်တၢ်တူၢ်လိာ်အီၤဒ်ပှၤတီပှၤလိၤတဂၤ
အသိးလၢကစၢ်ယွၤန့ၣ်လီၤ.”
23 တၢ်ကတိၤ “ဘၣ်တၢ်တူၢ်လိာ်အီၤဒ်ပှၤတီပှၤလိၤတဂၤ အသိး” အံၤ, တၢ်ကွဲးအီၤတမ့ၢ်ထဲလၢအဝဲတဂၤဧိၤအဂီၢ်
ဘၣ်.
24 ဘၣ်တၢ်ကွဲးစ့ၢ်ကီးအီၤလၢပဝဲလၢအကဘၣ်တၢ်တူၢ်လိာ်အီၤဒ် ပှၤတီပှၤလိၤအသိးတဖၣ်အဂီၢ်, ပဝဲလၢအစူၢ်က့ၤနာ်က့ၤကစၢ်ယွၤလၢအဒုးဂဲၤဆၢထၢၣ်က့ၤ
ကစၢ်ယ့ၣ်ၡူးလၢတၢ်သံတဂၤန့ၣ်လီၤ.
25 အဝဲဘၣ်တၢ်ဟ့ၣ်လီၤကွံာ်အီၤလၢအကသံလၢပတၢ်ဒဲးဘး တဖၣ်အဃိ, ဒီးဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤဒ်သိး
အကပာ်တီပာ်လိၤပှၤအဂီၢ်န့ၣ်လီၤ.