စံးထီၣ်ပတြၢၤ 87
1 ယွၤသူၣ်ထီၣ်အဝ့ၢ်လၢကစၢၢ်စီဆှံအဖီခိၣ်လီၤ.
2 ကစၢ်ယွၤအဲၣ်ဝဲဝ့ၢ်ယရူၤၡလ့ၣ်အါန့ၢ်တၢ်လီၢ်အဂၤ
လၢအအိၣ်လၢအံၣ်စရ့လးအပူၤတက့ၢ်လီၤ.
3 ကစၢ်ယွၤအဝ့ၢ်ဧၢ, ဒိကနၣ်
တၢ်လီၤလိၢ်လးတဖၣ်
လၢအဝဲစံးတၢ်လၢနဂ့ၢ်န့ၣ်တက့ၢ်. စ့လၤ
4 ဖဲယကွဲးလီၤ ပှၤကလုာ်တဖၣ်လၢ အစူၢ်ယၤအတၢ်ကွဲးနီၣ်န့ၣ်
ယကဒၢနုာ်ကီၢ်အဲၤကူပတူးဒီး ကီၢ်ဘၤဘူၤလိၣ်န့ၣ်လီၤ.
ယကဂံၢ်ဃုာ်ပှၤဖလ့ၡသးဖိ,
ပှၤထါယၢၣ်ဖိဒီး ပှၤကူၤၡးဖိလၢ
ပှၤဝ့ၢ်ယရူၤၡလ့ၣ်အကျါန့ၣ်လီၤ.
5 လၢစံယိၣ်အဂ့ၢ်န့ၣ် တၢ်ကစံးဝဲဒၣ်လၢ
ပှၤကိးကလုာ်ဒဲးဘၣ်ထွဲဖဲန့ၣ်,
ဒီးတၢ်စိတၢ်ကမီၤ
ခဲလၢာ်အကစၢ်
ကမၤဆူၣ်ထီၣ်အီၤလီၤ.
6 ယွၤကကွဲးလီၤအပှၤဂီၢ်မုၢ်အမံၤ အတၢ်ကွဲးနီၣ်ဒီး
ဒၢနုာ်အဝဲသ့ၣ်ခဲလၢာ်ဒ် ဝ့ၢ်ယရူၤၡလ့ၣ်အပှၤဝ့ၢ်ဖိတဖၣ်အသိး န့ၣ်လီၤ. စ့လၤ
7 အဝဲသ့ၣ် ဂဲၤကလံာ်ဒီး သူၣ်ဝံၣ်သးဆၢ
တၢ်စံးဝဲ,
“ပတၢ်ဆိၣ်ဂ့ၤခဲလၢာ်အဂံၢ်ထံးန့ၣ်
ဟဲလၢစံယိၣ်အပူၤလီၤ.”