စံးထီၣ်ပတြၢၤ 74
1 ကစၢ်ယွၤဧၢ, ဘၣ်မနုၤလၢနညိကွံာ်ပှၤ
လီၤထူလီၤယိာ်န့ၣ်လဲၣ်.
ဘၣ်မနုၤလၢနတၢ်သးထီၣ်အမ့ၣ်အူခုၣ်ထီၣ်ထီဒါ
နတၢ်အီၣ်ဆၣ်အလီၢ်အသိတဖုန့ၣ်လဲၣ်.
2 သ့ၣ်နီၣ်ထီၣ်က့ၤနပှၤဂီၢ်မုၢ်,
ပှၤလၢနဃုထၢတ့ၢ်လံလၢနဂီၢ်လၢပျၢၤ,
လၢနထုးထီၣ်ကွံာ်အီၤလၢကုၢ်အလီၢ်
လၢကကဲထီၣ်နဒူၣ်ဖိထၢဖိဒၣ်နဲန့ၣ်တက့ၢ်.
သ့ၣ်နီၣ်ထီၣ်က့ၤကစၢၢ်စံယိၣ်,
လၢတဘျီနအိၣ်နဆိးတ့ၢ်နဲန့ၣ်တက့ၢ်.
3 ပဒုၣ်ပဒါတဖၣ်မၤဟးဂီၤတ့ၢ်လံတၢ်ခဲလၢာ်လၢ
အအိၣ်လၢတၢ်လုၢ်ဟံၣ်အပူၤန့ၣ်လံ.
ကွၢ်ဃုသ့ၣ်ညါတၢ်ဟးဂီၤလၢာ်လၢာ်ဆ့ဆ့
4 နဒုၣ်နဒါတဖၣ်ကိးထီၣ်လၢတၢ်မၤနၢၤအပူၤ,
လၢနတၢ်လုၢ်ဟံၣ်အပူၤန့ၣ်လီၤ.
ဖဲန့ၣ်အဝဲသ့ၣ်သူၣ်ထီၣ်အနီၣ်တယၣ်တဖၣ်ဒ်
တၢ်မၤနၢၤအပနီၣ်တဖၣ်အသိးလီၤ.
5 အဝဲသ့ၣ်လီၤဂာ်ဒီးပှၤကျီသ့ၣ်လၢ
အကျီလီၤကွံာ်သ့ၣ်တဖၣ်လၢအကွါန့ၣ်လီၤ.
6 အဝဲသ့ၣ်ကျီဟးဂီၤကွံာ်သ့ၣ်အဂီၤပၤတဖၣ်
လၢအကွါဒီးခံၣ်ခူၣ်တဖၣ်န့ၣ်လီၤ.
7 အဝဲသ့ၣ်မၤဟးဂီၤနတၢ်လုၢ်ဟံၣ်ဒီး
ဒွဲၣ်အူကွံာ်ဝဲဒၣ်လၢမ့ၣ်အူန့ၣ်လီၤ.
နတၢ်ဘူၣ်ထီၣ်ဘါထီၣ်အလီၢ်န့ၣ်အဝဲသ့ၣ်
မၤဘၣ်အၢဘၣ်သီကွံာ်ဝဲ န့ၣ်လီၤ.
8 အဝဲသ့ၣ် စံးလီၤအသးလၢ အဲၣ်ဒိးမၤဟးဂီၤကွံာ်ပှၤ
လၢာ်လၢာ်ဆ့ဆ့လီၤ.
အဝဲသ့ၣ်ဒွဲၣ်ကွံာ်ကယဲၢ်မ့ၢ်ယွၤအတၢ်လီၢ်စီဆှံ
9 ပတထံၣ်ဘၣ်ပတၢ်ပနီၣ်စီဆှံတဖၣ်လၢၤဘၣ်,
ဝံတအိၣ်လၢၤနီတဂၤဘၣ်,
ဒီးတၢ်အံၤကယံာ်ဆံးယံာ်လဲၣ်န့ၣ်
ပှၤလၢပကျါတသ့ၣ်ညါနီတဂၤဘၣ်.
10 ကစၢ်ယွၤဧၢ, ပဒုၣ်ပဒါသ့ၣ်တဖၣ်
ကနံၤဘၣ်ဖၣ်လဲနၤဆံးယံာ်လဲၣ်.
မ့ၢ်အဝဲသ့ၣ်ကကတိၤတရီတပါနမံၤထီဘိဧါ.
11 ဘၣ်မနုၤလၢနထုးက့ၤနစုန့ၣ်လဲၣ်.
ဘၣ်မနုၤလၢနပၢၤဃာ်နစုထွဲလၢ
12 ကစၢ်ယွၤမ့ၢ်ယစီၤပၤလၢပျၢၤ,
လၢအမၤတၢ်အုၣ်က့ၤခီၣ်က့ၤလၢ
ထံဧိၤကီၢ်ဧိၤအပူၤလီၤ.
13 နမၤသ့ၣ်ဖးပီၣ်လဲၣ်လၢနဂံၢ်နဘါလီၤ.
နဘိးကၢ်ပယိၤအခိၣ်လၢထံကျါလီၤ.
14 နမၤလီၤကလဲသမၣ်အခိၣ်,
ဒီးနဟ့ၣ်လီၤကွံာ်အီၤဒ်တၢ်အီၣ်လၢပှၤအိၣ်လၢ
ပှၢ်မုၢ်ကနၢတဖၣ်အဂီၢ်အသိးန့ၣ်လီၤ.
15 နဒုးယွၤလီၤထံကျိဖိဒီးထံထီၣ်ပၢၢ်
ဒီးနဒုးဃ့ထီၣ်ကွံာ်ထံကျိဖးဒိၣ်တဖၣ်လီၤ.
16 နတ့လီၤမုၢ်ဆါဒီးမုၢ်နၤ,
ဒီးနပာ်လီၤမုၢ်ဒီးလါလၢအလီၢ်ဒၣ်ဝဲန့ၣ်လီၤ.
17 နပာ်လီၤဟီၣ်ခိၣ်အသရ့ၤ,
ဒီးနတ့တၢ်ကိၢ်ကတီၢ်ဒီးတၢ်ဂိၢ်အကတီၢ်န့ၣ်လီၤ.
18 ကစၢ်ယွၤဧၢ, သ့ၣ်နီၣ်ထီၣ်က့ၤတၢ်အံၤ,
လၢနဒုၣ်နဒါဒုၣ်ဒွဲၣ်နၤဒ်လဲၣ်,
ဒီးပှၤဂီၢ်မုၢ်လၢအတစီတဆှံ
မၤတရီတပါနမံၤဒ်လဲၣ်န့ၣ်တက့ၢ်.
19 ဟ့ၣ်လီၤကွံာ်နထိၣ်လွံၢ်ဘုၣ်အသးဆူ
တၢ်မံၤလာ်တဖၣ်န့ၣ်တဂ့ၤ.
ဒီးသးပ့ၤနီၣ်ကွံာ်နပှၤဂီၢ်မုၢ်လၢအဘၣ်နးဘၣ်ဖှီၣ်အသး သမူ
လီၤထူလီၤယိာ်တဂ့ၤ.
20 သ့ၣ်နီၣ်ထီၣ်က့ၤနတၢ်အၢၣ်လီၤလၢ
နမၤတ့ၢ်ဒီးပှၤန့ၣ်တက့ၢ်.
တၢ်မၤတၢ်လၢတၢ်စုဆူၣ်ခီၣ်တကးအိၣ်လၢ
ထံကီၢ်ပူၤလၢတၢ်လီၢ်အခံးကိးတီၤဒဲးလီၤ.
21 မ်ပှၤလၢအဘၣ်တၢ်မၤအၢမၤနး
အသုတဘၣ်တၢ်မၤမဲာ်ဆှးအီၤန့ၣ်တဂ့ၤ.
မ်ပှၤဖှီၣ်ဖိယာ်ဖိဒီးပှၤလၢအလိၣ်ဘၣ်
တၢ်မၤစၢၤသ့ၣ်တဖၣ်စံးထီၣ်ပတြၢၤနၤတက့ၢ်.
22 ကစၢ်ယွၤဧၢ, ထိၣ်ဂဲၤထီၣ်နသးဒီး
ဒီဒၣ်နကွီၢ်န့ၣ်တက့ၢ်.
သ့ၣ်နီၣ်ထီၣ်က့ၤပှၤလၢအတအိၣ်ဒီးယွၤ
နံၤဘၣ်ဖၣ်လဲနၤဒီတနံၤညါန့ၣ်တက့ၢ်.
23 သးပ့ၤနီၣ်နဒုၣ်နဒါတဖၣ်
အတၢ်ကိးထီၣ်လၢတၢ်သးထီၣ်အပူၤ,
ပှၤလၢအထီဒါနၤတဖၣ်အတၢ်တၢထီၣ်တၢလီၤ
လၢအသီၣ်ထီၣ်ဝဲတထံၣ်ဃီန့ၣ်တဂ့ၤ.