စံးထီၣ်ပတြၢၤ 64
1 ကစၢ်ယွၤဧၢ, ဒိကနၣ်လၢ်ယတၢ်ထုကဖၣ်န့ၣ်တက့ၢ်.
ယအိၣ်လၢတၢ်ကိၢ်တၢ်ဂီၤအပူၤလီၤ.
ယပျံၤယဲယဒုၣ်ယဒါသ့ၣ်တဖၣ်လီၤ.
မၤပူၤဖျဲးယသးသမူန့ၣ်တက့ၢ်.
2 ပာ်ခူသူၣ်ယၤလၢပှၤအၢဖိအတၢ်ကူၣ်ခူသူၣ်တဖၣ်,
လၢပှၤမၤတၢ်အၢတၢ်သီသ့ၣ်တဖၣ်
အတၢ်ပာ်ဖှိၣ်အသးန့ၣ်တက့ၢ်.
3 အဝဲသ့ၣ်ကျ့အပျ့ၤတဖၣ်ဒ်နးတဖၣ်အသိး,
ဒီးပညိၣ်အတၢ်ကတိၤအအၢအသီတဖၣ် ဒ်ပျၢ်တဖၣ်အသိးန့ၣ်လီၤ.
4 ခးခူသူၣ်ပှၤလၢအတၢ်ကမၣ်တအိၣ်,
ခးအီၤသတူၢ်ကလာ်ဒီးတပျံၤဘၣ်တၢ်ဘၣ်.
5 အဝဲသ့ၣ်ဟ့ၣ်ဆူၣ်ထီၣ်လိာ်အသးတဂၤဒီးတဂၤလၢ
တၢ်ကူၣ်အအၢအသီတဖၣ်အဂီၢ်,
ကူၣ်ကျဲၤတၢ်လီၢ်ဖဲကပာ်လီၤခူသူၣ်ပျံၤသကွီၤ,
ဒီးစံးဝဲဒၣ် “မ့ၢ်မတၤထံၣ်ပှၤကသ့လဲၣ်,”
6 အဝဲသ့ၣ်ဒုးကဲထီၣ်တၢ်ကူၣ်အအၢအသီတဖၣ်ဒီးစံးဝဲ, “မ့ၢ်မတၤဃုထံၣ်န့ၢ်ပတၢ်ကမၣ်တဖၣ်ကသ့လဲၣ်.”
အဂ့ၢ်ဒ်အံၤ အသးဒီးအတၢ်ဆိကမိၣ်န့ၣ်
7 ဘၣ်ဆၣ်ကစၢ်ယွၤကခးအပျၢ်လၢအဝဲသ့ၣ်,
အဝဲသ့ၣ်ကဘၣ်ဒိဆါသတူၢ်ကလာ်လီၤ.
8 လၢအဝဲသ့ၣ်အတၢ်ကတိၤတဖၣ်န့ၣ်အဃိ
ယွၤကမၤဟးဂီၤအဝဲသ့ၣ်,
ဒီးပှၤလၢအထံၣ်အဝဲသ့ၣ်ခဲလၢာ်
ကကျၢၢ်ကျာ်အခိၣ်လီၤ.
9 အန့ၣ်ဒီး ပှၤခဲလၢာ်ကပျံၤတၢ်လီၤ.
အဝဲသ့ၣ်က
ဆိကမိၣ်ဝဲတၢ်လၢယွၤမၤတ့ၢ်ဝဲဒီး တဲဖျါထီၣ်ကစၢ်ယွၤအတၢ်မၤတဖၣ်န့ၣ်လီၤ.
10 မ်ပှၤတီပှၤလိၤသးခုလၢယွၤအပူၤ
ဒီးအိၣ်ပူၤဖျဲးလၢအပူၤန့ၣ်တက့ၢ်.
မ်ပှၤလၢအအိၣ်ဒီးတၢ်သူၣ်တီသးလိၤ မၤလၤကပီၤအပီၤအီၤလၢ အသးပူၤတက့ၢ်.
စံးထီၣ်ပတြၢၤအီၤတက့ၢ်.