စံးထီၣ်ပတြၢၤ 6
1 ယွၤဧၢ, သိၣ်ဃီၣ်ယၤလၢနတၢ်သးဒိၣ်အပူၤတဂ့ၤ,
ဒီးစံၣ်ညီၣ်ဃၣ်ယၤလၢနတၢ်သးကဲၤထီၣ်
အပူၤန့ၣ်တဂ့ၤ.
2 ယွၤဧၢ, သူၣ်ကညီၤသးကညီၤယၤတက့ၢ်.
အဂ့ၢ်ဒ်အံၤ, ယလီၤဘှါယဲလီၤ.
ယဂံၢ်ယဘါလၢာ်ခဲလၢာ်လံ,
ဟ့ၣ်ယၤတၢ်ဂံၢ်တၢ်ဘါတက့ၢ်.
3 ယသးကိၢ်နးမးလီၤ. ယွၤဧၢ,
နကခိးနဲဆံးယံာ်လၢနကမၤစၢၤယၤအဂီၢ်န့ၣ်လဲၣ်.
4 ယွၤဧၢ, ဟဲဒီးမၤပူၤမၤဖျဲးယၤတက့ၢ်.
မၤပူၤမၤဖျဲးယၤလၢတၢ်သံ
လၢနတၢ်အဲၣ်ဂၢၢ်ကျၢၤအဃိန့ၣ်တက့ၢ်.
5 အဂ့ၢ်ဒ်အံၤ, တၢ်သ့ၣ်နီၣ်ထီၣ်က့ၤနၤ
တအိၣ်ဘၣ်လၢတၢ်သံအပူၤဘၣ်.
လၢပျုၤပူၤန့ၣ်, မ့ၢ်မတၤကသ့စံးထီၣ်ပတြၢၤ
6 တၢ်ဘှံးယသးလၢယတၢ်သူၣ်အုးသးအုးအဃိလီၤ.
ကိးမုၢ်နၤဒဲးယလီၢ်မံအံၤဘၣ်စီၣ်ဘၣ်သ့လၢ
ယတၢ်ဟီၣ်တၢ်ယၢၤအဃိ,
ဒီးယခိၣ်တခၢၣ်ဘၣ်စီၣ်ဒီဖျၢၣ်ညါလၢ
ယမဲာ်ထံမဲာ်နိန့ၣ်လီၤ.
7 ယမဲာ်ချံအဂံၢ်အဘါစၢ်လီၤဝဲ
လၢယတၢ်ကိၢ်တၢ်ဂီၤအဃိ,
ဒီးအတၢ်ထံၣ်တဆှံလၢၤဘၣ် လၢ
ယဒုၣ်ယဒါခဲလၢာ်အဃိလီၤ.
8 ကယဲၢ်ပှၤမၤတၢ်အၢတၢ်သီခဲလၢာ်သ့ၣ်ဧၢ,
ဟးထီၣ်ကွံာ်လၢယအိၣ်တက့ၢ်.
အဂ့ၢ်ဒ်အံၤ, ယွၤနၢ်ဟူလံယဟီၣ်တၢ်အသီၣ်လံ.
9 ယွၤနၢ်ဟူလံယဃ့ကညးတၢ်လံ.
ယွၤကစံးဆၢယတၢ်ထုကဖၣ်လီၤ.
10 ယဒုၣ်ယဒါခဲလၢာ်န့ၣ်အမဲာ်ကဆှး
ဒီး ကပျံၤတၢ်ဖုးတၢ်ဒိၣ်မး,
ကက့ၤကဒါက့ၤဆူအလီၢ်ခံ
လၢတၢ်သဘံၣ်ဘုၣ်သတူၢ်ကလာ်အပူၤလီၤ.