19
1 တၢ်မ့ၢ်ပှၤဖှီၣ်ဖိတဂၤလၢအတီအလိၤန့ၣ်, ဂ့ၤဒိၣ်န့ၢ်ဒံးတၢ်မ့ၢ်ပှၤဟးဂီၤဖိတဂၤလၢအလီတၢ်န့ၣ်လီၤ.
2 တၢ်သးဆူၣ်လၢတအိၣ်ဒီးတၢ်သ့ၣ်ညါန့ၣ်တဂ့ၤဘၣ်. ဒီးတၢ်သးတစူၤန့ၣ်ကဆှၢနၤဆူတၢ်ကီတၢ်ခဲအပူၤလီၤ.
3 ပှၤတနီၤနီၤမၤဟးဂီၤလီၤအသးဒၣ်ဝဲခီဖျိနီၢ်ကစၢ်ဒၣ်ဝဲအတၢ် မၤတဂိာ်တသီၣ်တဖၣ်ဝံၤဒီးပာ်တၢ်ကမၣ်လၢယွၤအလိၤလီၤ.
4 တၢ်ထူးတၢ်တီၤဟဲစိာ်တံၤသကိးအသီအါဂၤလီၤ. မ့မ့ၢ်တၢ်ဖှီၣ်တၢ်ယာ်န့ၣ်ဟံးဃာ်တံၤသကိးစှၤဂၤဒၣ်လဲာ်တန့ၢ် ဘၣ်.
5 နမ့ၢ်ကတိၤတၢ်လီတၢ်ဝ့ၤတဖၣ်လၢကွီၢ်ဘျီၣ်အပူၤန့ၣ်နကဘၣ် တၢ်စံၣ်ညီၣ်လီၤ. တၢ်ပူၤဖျဲးတအိၣ်ဘၣ်ဝဲဘၣ်.
6 ပှၤကိးဂၤဒဲးကျဲးစၢးဃုမၤန့ၢ်ပှၤလၢအကါဒိၣ်တဖၣ်အတၢ်ဘၣ် အသးလီၤ. ဒီးပှၤခဲလၢာ်စံးလီၤအသးလၢအဒီတံၤဒီသကိးဒီးပှၤ တဂၤလၢအဟ့ၣ်တၢ်ဟ့ၣ်တဖၣ်န့ၣ်လီၤ.
7 ပှၤဖှီၣ်ဖိယာ်ဖိတဂၤအဒီပုၢ်ဝဲၢ်တဖၣ်ဒၣ်လဲာ်သးဟ့အီၤလီၤ. အတံၤသကိးတဖၣ်ဟးယံၤဒီးအီၤန့ၣ်တလီၤကမၢကမၣ်ဘၣ်. ကျဲးစၢးဝဲဆူၣ်ထဲလဲၣ်ထဲလဲၣ်ဘၣ်ဆၣ်မၤအဝဲသ့ၣ်တန့ၢ်နီတဂၤဘၣ်.
8 မၤဘျုးလီၤနသးတမံၤဒီးမၤလိကယဲၢ်တၢ်လၢနမၤသ့န့ၣ်တက့ၢ်. အန့ၣ်ဝံၤဒီးသ့ၣ်နီၣ်ထီၣ်တၢ်လၢနမၤလိတ့ၢ်ဒီး နကဘီၣ်ထီၣ်ညီထီၣ်လီၤ.
9 ပှၤလၢအကတိၤတၢ်လီတၢ်ဝ့ၤတဖၣ်လၢကွီၢ်ဘျီၣ်ပူၤန့ၣ်ပူၤဖျဲး ဒီးတၢ်စံၣ်ညီၣ်တသ့ဘၣ်နီတဂၤဘၣ်. အဝဲဘၣ်တၢ်စံၣ်ညီၣ်ဃါမနၤလီၤ.
10 ပှၤဟးဂီၤဖိတဖၣ်တကြၢးအိၣ်မူဘၣ်လၢဟီၣ်ခိၣ် အတၢ်မုာ်တၢ်ပၢၤအပူၤဘၣ်. ဒီးကုၢ်တဖၣ်တကြၢးပၢဘၣ်ပှၤတူၢ်ဒိၣ်ကီၤဒိၣ်တဖၣ်ဘၣ်.
11 နမ့မ့ၢ်ပှၤသူၣ်ထံသးဆးန့ၣ်နကပၢၤနသးလီၤ. ဖဲပှၤတဂၤဂၤမၤကမၣ်နၤန့ၣ်, နမ့ၢ်ကွၢ်ကပာ်ကွံာ်အီၤဒီးတၢ်န့ၣ် မ့ၢ်တၢ်ဂ့ၤတၢ်ဝါဖးဒိၣ်တမံၤလီၤ.
12 စီၤပၤအတၢ်သးထီၣ်န့ၣ်လီၤဂာ်ဒ်ခ့ယုၢ်တဒုအကညီၤတၢ်အသိးလီၤ. မ့မ့ၢ်အတၢ်ဘၣ်အသးန့ၣ်မၤအသးဒ်ပစီၤထံလၢအလီၤဘၣ်လၢကပံာ် အဖီခိၣ်အသိးန့ၣ်လီၤ.
13 ဖိခွါလၢအဟးဂီၤန့ၣ်ဆှၢအပၢ်ဆူတၢ်ဟးဂီၤသ့လီၤ. ဒီးမါလၢအကဒူးကဒ့ၣ်တၢ်တဂၤန့ၣ်လီၤဂာ်ဒီးမူခိၣ်ထံလၢအလီၤ စီၤစီာ်စီာ်အသိးန့ၣ်လီၤ.
14 ပှၤကညီတဂၤန့ၢ်သါဘၣ်ဟံၣ်ဃီဒီးကျိၣ်စ့လၢအမိၢ်အပၢ်တဖၣ်အအိၣ် သ့လီၤ. မ့မ့ၢ်ထဲယွၤတဂၤဧိၤဟ့ၣ်အီၤမါလၢအသူၣ်ထံသးဆးတဂၤသ့ဝဲ လီၤ.
15 နမ့ၢ်အဲၣ်ဒိးကၢၣ်န့ၣ်မၤကွၢ်ကွၢ်တက့ၢ်. မံဆူၣ်ဆူၣ်တက့ၢ်. ဒီးနကသၣ်ဝံၤလီၤဒိလီၤ.
16 တိၢ်န့ၢ်ကစၢ်ယွၤအတၢ်သိၣ်တၢ်သီတဖၣ်ဒီးနကအိၣ်မူယံာ်ထီၣ် လီၤ. နမ့ၢ်ကွၢ်ကပာ်ကွံာ်အီၤဒီးနကသံလီၤ.
17 ဖဲနဟ့ၣ်တၢ်ဆူပှၤဖှီၣ်ဖိယာ်ဖိဒီး, တၢ်န့ၣ်မၤအသးဒ်တၢ်ဟ့ၣ် လီၤတၢ်ဆူယွၤအအိၣ်အသိးန့ၣ်လီၤ. ဒီးယွၤကဟ့ၣ်ကဒါက့ၤနတၢ်လီၤ.
18 သိၣ်က့ၤသီက့ၤနဖိနလံၤတဖၣ်ဖဲအဝဲသ့ၣ်အသးစၢ်ဒံးလၢကမၤလိ တၢ်အဂီၢ်အခါတက့ၢ်. နမ့ၢ်တမၤဘၣ်ဒီး, နမၤစၢၤလံအဝဲသ့ၣ်လၢ ကမၤဟးဂီၤလီၤက့ၤအသးဒၣ်ဝဲလီၤ.
19 ပှၤတဂၤဂၤမ့ၢ်အိၣ်ဒီးတၢ်သးထီၣ်ကဲၤတမံၤန့ၣ်, မ်အတူၢ်တၢ်အဘူးအလဲတဖၣ်န့ၣ်တက့ၢ်. နမ့ၢ်ထုးထီၣ်ကွံာ်အီၤလၢ တၢ်ကီတၢ်ခဲအပူၤတဘျီဒီးနကဘၣ်မၤကဒီးအီၤတဘျီန့ၣ်လီၤ.
20 နမ့ၢ်ဒိကနၣ်တၢ်ဟ့ၣ်ကူၣ်ဟ့ၣ်ဖးဒီးသးအိၣ်မၤလိတၢ်န့ၣ်တနံၤ န့ၣ်နကမ့ၢ်ပှၤကူၣ်တၢ်သ့လီၤ.
21 ပှၤကတိာ်ကကျဲၤကယဲၢ်တၢ်ကိးအကလုာ်ဒဲးဘၣ်ဆၣ်ဒီးယွၤအတၢ်ဘၣ် အသးန့ၣ်ကကဲထီၣ်လိၣ်ထီၣ်ဝဲဒၣ်လီၤ.
22 တၢ်လၢအလိၣ်ဝဲလၢပှၤကညီတဂၤအပူၤန့ၣ်မ့ၢ်တၢ်သးတီလီၤ. ဒီးပှၤအဖှီၣ်အယာ်တဂၤန့ၣ်ဂ့ၤဒိၣ်န့ၢ်ဒံးပှၤလီတၢ်တဂၤတက့ၢ် န့ၣ်လီၤ.
23 ပျံၤယွၤဒီးယူးယီၣ်အီၤတက့ၢ်. ဒီးနကအိၣ်မူအါနံၣ်အါလါ, သူၣ်မံသးမံဒီးပူၤဖျဲးလၢတၢ်မၤဆူးမၤဆါန့ၣ်လီၤ.
24 ပှၤတနီၤနီၤကၢၣ်ဝဲတုၤဒၣ်လဲာ်တသးအိၣ်ဒၢနုာ်တၢ်အီၣ်တၢ်အီလၢ အကိာ်ပူၤဒၣ်ဝဲဘၣ်န့ၣ်လီၤ.
25 ပှၤပာ်ထီၣ်ထီအသးတဖၣ်န့ၣ်, ကြၢးဘၣ်တၢ်စံၣ်ညီၣ်အီၤဒ်သိး, ပှၤလၢအတသ့ၣ်ညါတၢ်အါန့ၢ်အဝဲသ့ၣ်တဖၣ်ကမၤလိန့ၢ်တၢ်မၤလိ တမံၤန့ၣ်လီၤ. နမ့မ့ၢ်ပှၤကူၣ်သ့ဒီး, ဖဲတၢ်သိၣ်က့ၤသီက့ၤနၤန့ၣ်နကမၤလိတၢ်လီၤ.
26 ပှၤလၢအမၤဆူၣ်မၤစိးအပၢ်ဒီးဟီထီၣ်ကွံာ်အမိၢ်န့ၣ်, မ့ၢ်ဖိခွါတဂၤလၢအဒုးအိၣ်ထီၣ်တၢ်မဲာ်ဆှးဒီးဟဲစိာ်တၢ်ဒုၣ် ဒွဲၣ်န့ၣ်လီၤ.
27 ဖိခွါဧၢ, ဖဲနဆိကတီၢ်တၢ်မၤလိန့ၢ်တၢ်န့ၣ်, တစိၢ်ဖိဒီးနကကွၢ်ကပာ်ကွံာ်တၢ်လၢနသ့ၣ်ညါတ့ၢ်လံအီၤန့ၣ်လီၤ.
28 လၢအလီၢ်ဖဲပှၤအုၣ်အသးတဂၤပာ်လီၤအသးလၢကမၤဆါပှၤတဂၤဂၤ န့ၣ်, တၢ်စံၣ်ညီၣ်တီတအိၣ်ဘၣ်. ပှၤအအၢအသီ တဖၣ်အဲၣ်တၢ်အၢတၢ်သီအတၢ်ဝံၣ်သိဝံၣ်ဘဲးလီၤ.
29 ပှၤဟးဂီၤဖိလၢအပာ်ထီၣ်ထီအသးတဂၤန့ၣ်ကဒိးန့ၢ်နီၣ်တီၢ်တဘီ သပှၢ်တၢၢ်လီၤ.