16
1 စီၤယံးစဟၢ်အဖိခွါစီၤကိၤရးလၢပှၤလ့ၤဝံဖိစီၤကဃးအဒူၣ် ထၢပူၤ, အိၣ်ဒီးတၢ်ပာ်ဒူထီၣ်သးလၢတအဲၣ်ဒိးပာ်ကဲဘၣ်ဒီးကပူ ထီၣ်ထီဒါစီၤမိၤၡ့န့ၣ်လီၤ. ပှၤသၢဂၤလၢရူၤဘ့ၣ်အဒူၣ်ပူၤလၢအမ့ၢ်စီၤအလံအာ်အဖိခွါစီၤ ဒၤသၣ်ဒီးစီၤအဘံရၣ်ဒီးစီၤပ့ၤလ့းအဖိခွါစီၤအိၣ်, ပာ်ဖှိၣ်ထီၣ်အသးဒီးအီၤ,
2 ဃုာ်ဒီးပှၤအံၣ်စရ့လးဖိအဂၤတဖၣ်ခံကယၤယဲၢ်ဆံဂၤ, လၢအမ့ၢ်ခိၣ်နၢ်မံၤဟူသၣ်ဖျါတဖၣ်လၢဘၣ်တၢ်ဃုထၢထီၣ်အီၤလၢ ကမျၢၢ်ဒီကရူၢ်န့ၣ်လီၤ.
3 အဝဲသ့ၣ်ပာ်ဖှိၣ်ထီၣ်အသးလၢစီၤမိၤၡ့ဒီးစီၤအၤဟရိၣ်အမဲာ် ညါဒီးစံးဘၣ်အဝဲသ့ၣ်, “သုမၤတၢ်နးကဲာ်ဆိးလံ. ကယဲၢ်ကရၢဖိတဖၣ်လၢတၢ်အိၣ်မူကရူၢ်ပူၤအံၤဘၣ်ဃးဒီးယွၤ, ဒီးယွၤအိၣ်ဒီးပဝဲခဲလၢာ်လီၤ. မ့ၢ်လၢတၢ်န့ၣ်အဃိ, စီၤမိၤၡ့ဧၢ, နပာ်ထီၣ်နသးဒၣ်နဲလၢယွၤအကမျၢၢ်အဖီခိၣ်န့ၣ်မ့ၢ်အဘၣ်မနုၤလဲၣ်.”
4 ဖဲစီၤမိၤၡ့နၢ်ဟူဘၣ်တၢ်အံၤဒီး, အဝဲကွံာ်လီၤအသးလၢဟီၣ် ခိၣ်လိၤဒီးဘါထုကဖၣ်တၢ်လီၤ.
5 အန့ၣ်ဝံၤဒီးအဝဲဒၣ်စံးဘၣ်စီၤကိၤရး, ဒီးပှၤပိာ်အခံတဖၣ်, “ခဲမုၢ်ဆ့ၣ်ဂီၤခီန့ၣ်ယွၤကဒုးနဲၣ်ပှၤလၢမတၤမ့ၢ်ပှၤဘၣ်ဃး ဒီးအီၤလဲၣ်န့ၣ်လီၤ. အဝဲကပျဲပှၤတဂၤလၢအဘၣ်ဃးဒီးအီၤ, ဒ်ပစံးတၢ်အသိးပှၤလၢအဃုထၢတ့ၢ်ဝဲ, ကသုးဘူးအသးဆူအအိၣ်ဖဲတၢ်လုၢ်လီၢ်န့ၣ်လီၤ.
6 ခဲမုၢ်ဆ့ၣ်ဂီၤခီန့ၣ်နၤဒီးပှၤလၢအပိာ်နခံတဖၣ်ဟံးန့ၢ်သပၢၤ မ့ၣ်အူတဖၣ်
7 ဒၢနုာ်မ့ၣ်အူအ့ၣ်ဒီးပာ်တၢ်နၢမူလၢအဖီခိၣ်ဝံၤဒီးလဲၤစိာ် အီၤဆူတၢ်လုၢ်လီၢ်န့ၣ်တက့ၢ်. အန့ၣ်ဒီးပကကွၢ်သကိးလၢပကျါန့ၣ်ယွၤဃုထၢမတၤလဲၣ်န့ၣ်တက့ၢ်. သုဝဲပှၤလ့ၤဝံဖိတဖၣ်မ့ၢ်ပှၤမၤတၢ်နးကဲၣ်ဆိးလံန့ၣ်လီၤ.”
8 စီၤမိၤၡ့ကတိၤကဒီးတၢ်ဒီးစီၤကိၤရးဒီးစံးဝဲဒၣ်, “ကနၣ်တက့ၢ်. သုဝဲပှၤလ့ၤဝံဖိသ့ၣ်ဧၢ,
9 မ့ၢ်သုဆိကမိၣ်လၢကီၢ်အံၣ်စရ့လးအကစၢ်ယွၤအတၢ်ပာ်လီၤဆီ သုဒီးကမျၢၢ်အိၣ်မူသကိးတပူၤဃီအဂၤ, ဒ်သိးသုသုးဘူးသး ဆူယွၤအအိၣ်, မၤသုတၢ်မၤလၢယွၤအဒဲစီဆှံပူၤဒီးမၤယွၤအတၢ်ဆူပှၤကမျၢၢ် ဒီးမၤန့ၢ်အဝဲသ့ၣ်အတၢ်ကသ့ဝဲအဂီၢ်မ့ၢ်တၢ်အဆံးတမံၤန့ၣ်ဧါ.
10 အဝဲပျဲနၤဒီးကယဲၢ်ပှၤလ့ၤဝံဖိတဖၣ်အိၣ်ဒီးတၢ်လၤကပီၤအံၤ ဒီးခဲအံၤသုဂဲၤလိာ်လၢသုကဟံးန့ၢ်ပှၤလုၢ်တၢ်အခိၣ်အလီၢ်စ့ၢ် ကီးန့ၣ်လီၤ.
11 ဖဲနကဒူးကဒ့ၣ်တၢ်ထီဒါစီၤအၤဟရိၣ်န့ၣ်မ့ၢ်နၤဒီးပှၤပိာ်နခံ တဖၣ်ပူထီၣ်ယွၤနီၢ်နီၢ်န့ၣ်လီၤ.”
12 အန့ၣ်ဝံၤဒီးစီၤမိၤၡ့မၤလိာ်စီၤဒၤသၣ်ဒီးစီၤအဘံရၣ်ဘၣ် ဆၣ်ဒီးအဝဲသ့ၣ်စံးဝဲဒၣ်, “ပတဟဲဘၣ်.
13 နထုးထီၣ်ကွံာ်ပှၤလၢကီၢ်အဲၤကူပတူးလၢအပှဲၤဒီးဟီၣ်ခိၣ်ညၣ် ထ့ၣ်တဘ့ၣ်အပူၤဒ်သိးနကမၤသံကွံာ်ပှၤဖဲအံၤလၢပှၢ်မုၢ်ကနၢ အပူၤန့ၣ်တဘၣ်ဒံးဘၣ်ဧါ. မ့ၢ်နအဲၣ်ဒိးလိာ်ကစၢ်နသးလၢပဖီခိၣ်ဒံးဧါ.
14 နတလဲၤဆှၢဘၣ်ပှၤဆူကီၢ်တဘ့ၣ်လၢဟီၣ်ခိၣ်ညၣ်ထ့ၣ်အိၣ်ဝဲအပူၤ နီၢ်နီၢ်ဘၣ်. ဒီးနတဟ့ၣ်ပှၤစံာ်ပျီတဖၣ်ဒီးစပံးသၣ်အလီၢ်တဖၣ်ဒ်ပတၢ်န့ၢ်သါ အသိးဘၣ်. ဒီးခဲအံၤနကျဲးစၢးလၢနကလီန့ၢ်ပှၤလီၤ. ပတဟဲဘၣ်.”
15 စီၤမိၤၡ့အသးဒိၣ်ထီၣ်ဝဲဒီးစံးဘၣ်ယွၤ, “တူၢ်လိာ်ပှၤသ့ၣ်တဖၣ်အံၤအတၢ်လုၢ်တၢ်ပာ်တဖၣ်လၢအဟဲ စိာ်ဝဲန့ၣ်နီတမံၤတဂ့ၤ. ယတမၤကမၣ်တ့ၢ်အဝဲသ့ၣ်နီတဂၤဘၣ်. ယတဟံးန့ၢ်ဒၣ်လဲာ်အကသ့ၣ်ယီၤတဖၣ်အကျါတဒုဘၣ်.”
16 စီၤမိၤၡ့စံးဘၣ်စီၤကိၤရး, “ခဲမုၢ်ဆ့ၣ်န့ၣ်နၤဒီးနပှၤ ပိာ်နခံအဂၤခံကယၤယဲၢ်ဆံကဘၣ်ဟဲဆူယွၤအိၣ်ဝဲဆိးဝဲအဒဲစီ ဆှံန့ၣ်လီၤ. စီၤအၤဟရိၣ်စ့ၢ်ကီးကအိၣ်ဖဲန့ၣ်လီၤ.
17 သုဝဲတဂၤစုာ်စုာ်န့ၣ်ကဘၣ်ဟံးန့ၢ်အသပၢၤမ့ၣ်အူ, ပာ်တၢ်နၢမူလၢအလိၤဒီးဟ့ၣ်ထီၣ်အီၤဖဲတၢ်လုၢ်လီၢ်န့ၣ်လီၤ.”
18 မၤသးဒ်န့ၣ်ဒီး, ပှၤကိးဂၤဒဲးဟံးန့ၢ်အသပၢၤမ့ၣ်အူ, ပာ်ထီၣ်မ့ၣ်အူအ့ၣ်ဒီးတၢ်နၢမူလၢအဖီခိၣ်, ဒီးဆၢထၢၣ်ဖဲဒဲစီဆှံ အကျဲစၢၤဃုာ်ဒီးစီၤမိၤၡ့ဒီးစီၤအၤဟရိၣ်န့ၣ်လီၤ.
19 အန့ၣ်ဝံၤဒီးစီၤကိၤရးပာ်ဖှိၣ်ထီၣ်ကမျၢၢ်ဒီဒူၣ်ဒီထၢ, ဒီးအဝဲသ့ၣ်ဆၢထၢၣ်ဃၣ်အမဲာ်သၣ်ဆူစီၤမိၤၡ့ဒီးစီၤအၤဟရိၣ် အအိၣ်ဖဲဒဲစီဆှံအကျဲစၢၤန့ၣ်လီၤ. သတူၢ်ကလာ်န့ၣ်ယွၤအိၣ်ဝဲအတၢ်ကပြုၢ်ကပြီၤအိၣ်ဖျါထီၣ်ဆူ ကမျၢၢ်ဒီဒူၣ်ဒီထၢ,
20-21 ဒီးယွၤစံးဘၣ်စီၤမိၤၡ့ဒီးစီၤအၤဟရိၣ်, “သုးကွံာ်သုသးလၢပှၤဂီၢ်မုၢ်အံၤအအိၣ်ဒီးယကမၤဟးဂီၤအဝဲ သ့ၣ်တကီၢ်ခါန့ၣ်လီၤ.”
22 ဘၣ်ဆၣ်ဒီးစီၤမိၤၡ့ဒီးစီၤအၤဟရိၣ်တီၤလီၤအိၣ်ဒီးအမဲာ်သၣ် ဆူဟီၣ်ခိၣ်လိၤဒီးစံး, “အိ, ကစၢ်ယွၤဧၢ, နမ့ၢ်သးသမူခဲလၢာ်အဂံၢ်ခီၣ်ထံးလီၤ. ဖဲပှၤတဂၤမၤတၢ်ဒဲးဘးန့ၣ်မ့ၢ်နသးဒိၣ်ထီၣ်ကမျၢၢ်ဒီဒူၣ်ဒီထၢဧါ.”
23 ဒီးယွၤစံးဘၣ်စီၤမိၤၡ့ဒီးစံးဝဲဒၣ်,
24 “တဲဘၣ်ပှၤဂီၢ်မုၢ်လၢကသုးယံၤအသးဒီးစီၤကိၤရး, စီၤဒၤသၣ်ဒီးစီၤအဘံရၣ်အဒဲတဖၣ်တက့ၢ်.
25 တုၤနုၤတစု, ကီၢ်အံၣ်စရ့လးအပှၤခိၣ်ပှၤနၢ်တဖၣ်ပိာ်ထီၣ်စီၤ မိၤၡ့အခံဒီးလဲၤဆူစီၤဒၤသၣ်ဒီးစီၤအဘံရၣ်အအိၣ်လီၤ.
26 အဝဲဒၣ်စံးဘၣ်ပှၤဂီၢ်မုၢ်, “ဆၢထၢၣ်ယံၤဒီးပှၤတတီတလိၤတဖၣ် အံၤအဒဲတဖၣ်ဒီးထိးဘူးတၢ်ဘၣ်ဃးဒီးအဝဲသ့ၣ်န့ၣ်နီတမံၤတ ဂ့ၤ. မ့တမ့ၢ်ဘၣ်ဒီး, သုကဘၣ်တၢ်တြူာ်ကွံာ်သုဃုာ်ဒီးအဝဲသ့ၣ်အတၢ် ဒဲးဘးတဖၣ်န့ၣ်လီၤ.”
27 မၤသးဒ်န့ၣ်ဒီးအဝဲသ့ၣ်သုးကွံာ်အသးလၢစီၤကိၤရး, စီၤဒၤသၣ်ဒီးစီၤအဘံရၣ်အဒဲတဖၣ်အအိၣ်န့ၣ်လီၤ.
စီၤဒၤသၣ်, ဒီးစီၤအဘံရၣ်ဟဲထီၣ်ဝဲဒီးဆၢထၢၣ်ဖဲအဝဲသ့ၣ် အဒဲတဖၣ်အကျဲစၢၤဃုာ်ဒီးအမါတဖၣ်ဒီးအဖိတဖၣ်လီၤ.
28 စီၤမိၤၡ့စံးဘၣ်ပှၤဂီၢ်မုၢ်, “အအံၤမ့ၢ်ဒ်သိးသုကသ့ၣ်ညါ လၢယွၤဆှၢလီၤယၤဒ်လဲၣ်လၢယကမၤတၢ်ကိးမံၤဒဲးအံၤဒီးတမ့ၢ် ဘၣ်ယမၤတ့ၢ်တၢ်တဖၣ်အံၤလၢယတၢ်ဃုထၢဒၣ်ယဲဘၣ်န့ၣ်လီၤ.
29 ပှၤတဖၣ်အံၤမ့ၢ်သံဒၣ်လၢတၢ်သံမုၢ်ဆ့ၣ်မုၢ်ဂီၤတအိၣ်ဒီးတၢ် စံၣ်ညီၣ်တနီၤဟဲလၢကစၢ်ယွၤအအိၣ်ဘၣ်အဃိဒီး, ယွၤတဆှၢလီၤယၤဘၣ်.
30 ဘၣ်ဆၣ်ဒီးယွၤမ့ၢ်မၤတၢ်တမံၤမံၤလၢတၢ်တနၢ်ဟူဘၣ်တ့ၢ်နီတစု ဘၣ်ဒီးဟီၣ်ခိၣ်အိးထီၣ်အသးဒီးယူၢ်လီၤကွံာ်အဝဲသ့ၣ်ဃုာ်ဒီး ကယဲၢ်တၢ်လၢအအိၣ်ဒီးအီၤခဲလၢာ်, လၢအဝဲသ့ၣ်ကလဲၤလီၤဆူတၢ်သံအကီၢ်ပူၤမူဒံးန့ၣ်သုကသ့ၣ်ညါ လၢပှၤတဖၣ်အံၤညိကွံာ်လံယွၤလံန့ၣ်လီၤ.”
31 ဖဲအဝဲကတိၤတၢ်ဝံၤတကီၢ်ခါန့ၣ်ဟီၣ်ခိၣ်လၢစီၤဒၤသၣ်ဒီးစီၤ အဘံရၣ်အဖီလာ်သ့ၣ်ဖးအိးထီၣ်အသး,
32 ဒီးယူၢ်လီၤကွံာ်အဝဲသ့ၣ်ဒီးအဟံၣ်ဖိဃီဖိခဲလၢာ်, ဃုာ်ဒီးပှၤပိာ်စီၤကိၤရးအခံတဖၣ်ဒီးအတၢ်ဖိတၢ်လံၤခဲလၢာ် န့ၣ်လီၤ.
33 မၤသးဒ်န့ၣ်ဒီး, အဝဲသ့ၣ်လဲၤလီၤဆူတၢ်သံအကီၢ်ပူၤမူဒံးဃုာ် ဒီးအတၢ်ဖိတၢ်လံၤခဲလၢာ်လီၤ. ဟီၣ်ခိၣ်ကးတံၢ်အသးလၢအဝဲသ့ၣ်အဖီခိၣ်ဒီးအဝဲသ့ၣ်ဟါမၢ်ကွံာ် ဝဲဒၣ်လီၤ.
34 ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်ထွးထီၣ်ဃ့ၢ်ကွံာ်ဝဲ ဖဲအနၢ်ဟူဘၣ်ပှၤတဖၣ်အတၢ်ကိးပသူန့ၣ်လီၤ. အဝဲသ့ၣ်ကိးထီၣ်ဝဲ, “ဃ့ၢ်တက့ၢ်. ဟီၣ်ခိၣ်ကယူၢ်လီၤကွံာ်စ့ၢ်ကီးပှၤဘၣ်ဖုးလီၤ.”
35 အန့ၣ်ဒီးယွၤဆှၢလီၤမ့ၣ်အူတခါလၢအကပျီၤထီၣ်ဒီးအီၣ်ကွံာ် ပှၤအဂၤခံကယၤယဲၢ်ဆံလၢအဟ့ၣ်ထီၣ်တၢ်လုၢ်နၢမူန့ၣ်လီၤ.
36-37 အန့ၣ်ဝံၤဒီးယွၤစံးဘၣ်စီၤမိၤၡ့,- ဒီးစံးဝဲဒၣ်, “တဲဘၣ်, ပှၤလုၢ်တၢ်အခိၣ်စီၤအၤဟရိၣ်အဖိခွါစီၤအလၤဧစၢ်လၢ ကသုးကွံာ်ပှၤတဖၣ်လၢမ့ၣ်အူအီၣ်ကွံာ်အီၤအသပၢၤမ့ၣ်အူတိၢ်ဘီ တဖၣ်လၢအအိၣ်တ့ၢ်န့ၣ်ဒီးဖှံကွံာ်သွဲၣ်လးတဖၣ်လၢအအိၣ်လၢသပၢၤ မ့ၣ်အူတဖၣ်အပူၤဆူတၢ်လီၢ်အဂၤတတီၤတက့ၢ်. အဂ့ၢ်ဒ်အံၤ, သပၢၤမ့ၣ်အူတဖၣ်န့ၣ်စီဆှံဝဲလီၤ.
38 အဝဲသ့ၣ်ကဲထီၣ်တ့ၢ်တၢ်စီဆှံဖဲအဘၣ်တၢ်ဟ့ၣ်ထီၣ်အီၤဆူယွၤ အတၢ်လုၢ်လီၢ်အကတီၢ်န့ၣ်လီၤ. မၤသးဒ်န့ၣ်ဒီး, ဟံးထီၣ်ကွံာ်ပှၤတဖၣ်လၢအဘၣ်တၢ်မၤသံအီၤအ သပၢၤမ့ၣ်အူလၢအဝဲသ့ၣ်အတၢ်ဒဲးဘးအဂီၢ်ဒီးပိာ်ကဲထီၣ်အီၤဆူ လီခီအဘူဒီးမၤတၢ်ခိၣ်ကျၢၢ်တခါလၢတၢ်လုၢ်လီၢ်အဂီၢ်တက့ၢ်. တၢ်န့ၣ်ကမ့ၢ်တၢ်ဟ့ၣ်ပလီၢ်တမံၤဆူကီၢ်အံၣ်စရ့လးအပှၤဂီၢ်မုၢ် န့ၣ်လီၤ.”
39 မၤသးဒ်န့ၣ်ဒီး, ပှၤလုၢ်တၢ်အခိၣ်စီၤအလၤဧစၢ်ဟံးန့ၢ်သပၢၤမ့ၣ် အူတဖၣ်ပိာ်ကဲထီၣ်လီခီအဘူဖိဒ်သိးကဒုးကဲထီၣ်အီၤလၢတၢ် ခိၣ်ကျၢၢ်တခါလၢတၢ်လုၢ်လီၢ်အဂီၢ်န့ၣ်လီၤ.
40 အဝဲအံၤမ့ၢ်တၢ်ဟ့ၣ်ပလီၢ်သးတမံၤဆူပှၤအံၣ်စရ့လးဖိတဖၣ်ဒ် သိးပှၤလၢအတမ့ၢ်ဘၣ်စီၤအၤဟရိၣ်အစၢၤအသွဲၣ်တဖၣ်အသု တဟဲဘူးဒီးတၢ်လုၢ်လီၢ်နီတဂၤလၢကဆိၣ်ကဲၤတၢ်နၢမူဆူယွၤ အဂီၢ်တဂ့ၤန့ၣ်လီၤ. မ့တမ့ၢ်ဘၣ်ဒ်န့ၣ်ဒီး, အဝဲကဘၣ်တၢ်မၤဟးဂီၤကွံာ်အီၤဒ်စီၤကိၤရးဒီးအပှၤတဖၣ်အသိး န့ၣ်လီၤ. တၢ်ခဲလၢာ်အံၤဘၣ်တၢ်မၤဝံၤအီၤဒ်ယွၤမၤလိာ်တ့ၢ်စီၤအ့လၤ ဧစၢ်ခီဖျိစီၤမိၤၡ့အသိးန့ၣ်လီၤ.
41 မုၢ်ဆ့ၣ်ထီၣ်တနံၤန့ၣ်ပှၤဂီၢ်မုၢ်ဒီကရူၢ်ညါကဒူးကဒ့ၣ်တၢ်ထီ ဒါစီၤမိၤၡ့ဒီးစီၤအၤဟရိၣ်ဒီးစံးဝဲဒၣ်, “သုမၤသံတ့ၢ်ယွၤအပှၤဂီၢ်မုၢ်တနီၤလီၤ.”
42 တုၤအဝဲသ့ၣ်ပာ်ဖှိၣ်ထီၣ်တ့ၢ်အသးလၢကထီဒါစီၤမိၤၡ့ဒီးစီၤ အၤဟရိၣ်ဝံၤန့ၣ်, အဝဲသ့ၣ်ဃၣ်ကဒါအသးဆူဒဲစီဆှံ အအိၣ်ဒီးထံၣ်ဘၣ်ဝဲလၢတၢ်အၢၣ်ကျၢၢ်ဘၢအီၤဒီးယွၤအိၣ်ဝဲအတၢ် ကပီၤကပြုၢ်ကပြီၤန့ၣ်အိၣ်ဖျါထီၣ်ဝဲလီၤ.
43 ဒီးစီၤမိၤၡ့ဒီးစီၤအၤဟရိၣ်လဲၤဒီးဆၢထၢၣ်လၢဒဲစီဆှံ အမဲာ်ညါ,
44 ဒီးယွၤစံးဘၣ်စီၤမိၤၡ့, ဒီးစံးဝဲဒၣ်
45 “ဆၢထၢၣ်လၢပှၤဂီၢ်မုၢ်အံၤအလီၢ်ခံဒီးယကမၤဟးဂီၤကွံာ်အီၤ တဘျီဃီန့ၣ်လီၤ. အဝဲသ့ၣ်ခံဂၤတီၤလီၤဒီးကျးလီၤအမဲာ်ဆူ ဟီၣ်ခိၣ်လိၤ,
46 ဒီးစီၤမိၤၡ့စံးဘၣ်စီၤအၤဟရိၣ်, “ဟံးန့ၢ်နသပၢၤမ့ၣ်အူ, ဒၢနုာ်မ့ၣ်အူအ့ၣ်တဖၣ်လၢနမၤန့ၢ်လၢတၢ်လုၢ်လီၢ်န့ၣ် အပူၤဒီးပာ်ထီၣ်တၢ်နၢမူတနီၤလၢအဖီခိၣ်တက့ၢ်. အန့ၣ်ဝံၤဒီးလဲၤစိာ်အီၤချ့ချ့ဆူပှၤဂီၢ်မုၢ်အအိၣ်ဒီးမၤ တၢ်ဘူၣ်တၢ်ဘါအတၢ်မၤကဆှီအလုၢ်အလၢ်လၢအဝဲသ့ၣ်အဂီၢ်တက့ၢ်. မၤချ့ချ့တက့ၢ်. ယွၤအတၢ်သးဒိၣ်ဖျိးထီၣ်ဝဲလံဒီးတၢ်သံ သတြိာ်တမံၤစးထီၣ်မၤအသးလံ.”
47 စီၤအၤဟရိၣ်စူၢ်တၢ်, ဟံးထီၣ်အသပၢၤမ့ၣ်အူဒီးဃ့ၢ်ဝဲဆူ ပှၤဂီၢ်မုၢ်ပာ်ဖှိၣ်ထီၣ်အသးအခၢၣ်သးန့ၣ်လီၤ. ဖဲအဝဲထံၣ်ဘၣ်ဝဲလၢတၢ်ဆါသံသတြိာ်စးထီၣ်တ့ၢ်လံအသးန့ၣ်အဝဲ ပာ်ထီၣ်တၢ်နၢမူလၢမ့ၣ်အူအ့ၣ်အလိၤဒီးမၤတၢ်ဘူၣ်တၢ်ဘါအတၢ် မၤကဆှီသးအလုၢ်အလၢ်လၢပှၤဂီၢ်မုၢ်အဂီၢ်န့ၣ်လီၤ.
48 တၢ်အံၤဒုးဆိကတီၢ်ကွံာ်တၢ်ဆါသံသတြိာ်ဒီးအဝဲဆၢထၢၣ်အိၣ် တ့ၢ်ဝဲဖဲပှၤအမူဒီးပှၤသံတဖၣ်အဘၢၣ်စၢၤန့ၣ်လီၤ.
49 ပှၤဂီၢ်မုၢ်လၢအသံဝဲအနီၣ်ဂံၢ်မ့ၢ် တကလးလွံၢ်ကထိနွံကယၤ ဂၤ, လၢတဘၣ်တၢ်ဂံၢ်ဃုာ်အီၤဒီးပှၤတဖၣ်လၢအသံဝဲလၢစီၤကိးရးအတၢ် ပူထီၣ်အပူၤဘၣ်န့ၣ်လီၤ.
50 ဖဲတၢ်ဆါသံသတြိာ်အိၣ်ကတီၢ်ဝဲန့ၣ်စီၤအၤဟရိၣ်ဟဲက့ၤဝဲဆူ စီၤမိၤၡ့အအိၣ်ဖဲဒဲစီဆှံအကျဲစၢၤန့ၣ်လီၤ.