3
1 ဒီးအအံၤမ့ၢ်ဝဲဝ့ၢ်အခိၣ်ဒူဘၣ်တၢ်ဘှီထီၣ်က့ၤအီၤဒ်လဲၣ်အဂ့ၢ် န့ၣ်လီၤ. ပှၤလုၢ်တၢ်အခိၣ်အဒိၣ်ကတၢၢ်စီၤအ့လယၤၡံာ်ဒီးပှၤမၤသကိးတၢ် ဒီးအီၤပှၤလုၢ်တၢ်အခိၣ်တဖၣ်ဘှီထီၣ်ကဒါက့ၤပဲတရီသိဒီးပာ် စီဆှံဝဲ, ဒီးပာ်ဝဲပဲတရီလၢအလီၢ်ဒၣ်ဝဲန့ၣ်လီၤ. အဝဲသ့ၣ်ပာ်စီဆှံတ့ၢ်တၢ်ဒူၣ်စးထီၣ်ဆူတၢးထီမ့ၤအၤဒီးတုၤ လၢတၢးထီဃနၤန့လးန့ၣ်လီၤ.
2 ဒီးပှၤဝ့ၢ်ယရံၤဃိတဖၣ်ဘှီထီၣ်ဝဲလၢခံတပတီၢ်ဒီးလၢအဝဲသ့ၣ် အလီၢ်ခံန့ၣ်
စီၤအံၤမရံအဖိခွါစီၤစးကူၢ်ဘှီထီၣ်ဝဲလၢခံတပတီၢ်န့ၣ်လီၤ.
3 ဒီးစီၤဟးစနုၤအၤအဒူၣ်ထၢတဖၣ်ဘှီထီၣ်ဝဲပဲတရီညၣ်န့ၣ်လီၤ. အဝဲသ့ၣ်ပာ်လီၤကျိၤဒီးမၤထီၣ်တြဲၤလၢအလီၢ်ဒၣ်ဝဲ, ဒီးမၤဝဲနီၣ်ဝံာ်စဲတဖၣ်ဒီးနီၣ်ဘိတဖၣ်လၢကကးတံၢ်တြဲၤအဂီၢ် န့ၣ်လီၤ.
4 ဒီးစီၤမရ့မိးလၢအမ့ၢ်စီၤအူၤရံယၤအဖိခွါစီၤကိစးအလံၤ ဘှီထီၣ်ဝဲလၢခံတပတီၢ်န့ၣ်လီၤ.
ဒီးစီၤမၡူလၣ်လၢအမ့ၢ်စီၤဘရ့ကံယၤအဖိခွါ, စီၤမၡ့ဘ့လးအလံၤဘှီထီၣ်ဝဲလၢခံတပတီၢ်န့ၣ်လီၤ.
ဒီးစီၤဘနါအဖိခွါစီၤစၤဒိးဘှီထီၣ်ဝဲလၢခံတပတီၢ်န့ၣ်လီၤ.
5 ဒီးပှၤတကိၤဖိဘှီဝဲလၢခံတပတီၢ်ဘၣ်ဆၣ်ပှၤကဲခိၣ်ကဲနၢ်တဖၣ် လၢဝ့ၢ်ပူၤဂ့ၢ်လိာ်ဝဲလၢအဝဲသ့ၣ်ကမၤတၢ်လၢအစုလၢအဘၣ် တၢ်မၢအီၤလၢပှၤကွၢ်ထွဲတၢ်ဖံးတၢ်မၤသ့ၣ်တဖၣ်န့ၣ်လီၤ.
6 ဒီးစီၤပၤစ့ၤအဖိခွါစီၤယဟိယဒါဒီးစီၤဘစိဒယၤအဖိခွါ စီၤမၡူလၣ်ဘှီက့ၤဝဲပဲတရီလီၢ်လံၤန့ၣ်လီၤ. ဒီးပာ်လီၤဝဲကျိၤတဖၣ်ဒီးပဲတရီ တဖၣ်လၢအလီၢ်ဒၣ်ဝဲ, ဒီးမၤဝဲတြဲၤအနီၣ်ဝံာ်စဲတဖၣ်ဒီးအနီၣ်ဘိတဖၣ်လၢတၢ် ကကးတံၢ်တြဲၤအဂီၢ်န့ၣ်လီၤ.
7 ဒီးပှၤကံးဘိၣ်ဖိစီၤမလၤတယၤ, ပှၤမ့ၤရိနိၤသးဖိစီၤယၤ ဒိၣ်, ပှၤကံးဘိၣ်ဒီးပှၤမံးစပၤဖိသ့ၣ်တဖၣ်မၤဝဲလၢခံတပတီၢ်တုၤ လီိၤလၢဖရၤသးအမုၢ်နုာ်အပဒိၣ်ဖးဒိၣ်အိၣ်ဆိးအလီၢ်န့ၣ်လီၤ.
8 ဒီးစီၤဃၤရဟယၤအဖိခွါစီၤဧူးစံၤအ့လးလၢအမ့ၢ်ပှၤပိာ်ထူ တဂၤမၤဝဲလၢခံတပတီၢ်န့ၣ်လီၤ.
ဒီးစီၤဃနၤနယၤလၢအမ့ၢ်ပှၤမၤသိနၢမူတဂၤဘှီဝဲလၢခံ တပတီၢ်တုၤလီၤလၢဝ့ၢ်ခိၣ်ဒူဖးလဲၢ်န့ၣ်လီၤ.
9 ဒီးစီၤဃူၢ်အဖိခွါစီၤရဖါယၤလၢအမ့ၢ်ပှၤပၢၤဝ့ၢ်ယရူၤၡလ့ၣ် ကီၢ်ဆၣ်တဝာ်ဘှီဝဲလၢခံတပတီၢ်န့ၣ်လီၤ.
10 ဒီးစီၤဃရူမာ်အဖိခွါစီၤယဒံၤယၤဘှီဝဲလၢခံတပတီၢ်လၢ အအိၣ်ဘူးဒီးအဟံၣ်န့ၣ်လီၤ.
ဒီးစီၤဃၡၤဘံယၤအဖိခွါစီၤဃးတူၣ်ဘှီထီၣ်ဝဲလၢခံတပတီၢ် န့ၣ်လီၤ.
11 ဒီးစီၤဃၤရံၣ်အဖိခွါစီၤမၤလကံယၤ, စီၤပၤဃးမိၤအးအဖိ ခွါစီၤဃၤရူာ်ဘှီဝဲလၢခံတပတီၢ်ဒီးဖၣ်ကပူၤအပျိာ်ဖးထီ တဖၣ်န့ၣ်လီၤ.
12 ဒီးစီၤဟးလိဃ့ၣ်အဖိခွါစီၤၡၤလူၣ်လၢအမ့ၢ်ပှၤပၢၤဝ့ၢ်ယရူၤ ၡလ့ၣ်ကီၢ်ဆၣ်အတဝာ်ဘှီဝဲလၢခံတပတီၢ်န့ၣ်လီၤ. (အဖိမုၣ်တဖၣ်မၤစၢၤအီၤလၢတၢ်ဘှီထီၣ်န့ၣ်လီၤ.)
13 ဒီးစီၤဃၤနူၣ်ဒီးပှၤအိၣ်ဝဲဆိးဝဲလၢစါနိၤတဖၣ်ဘှီဝဲပဲ တရီကစၢၢ်ကဆူးန့ၣ်လီၤ. ဒီးမၤထီၣ်အတြဲၤ, အနီၣ်ဝံာ်စဲ, အနီၣ်ဘိဒီးဘှီက့ၤဝဲဝ့ၢ်ခိၣ်ဒူအပျၢ်တကထိပၢၢ်လၢပဲတရီတၢ် အ့ၣ်န့ၣ်လီၤ.
14 ဒီးစီၤရ့ကးအဖိခွါစီၤမၤလကံယၤလၢအမ့ၢ်ပှၤပၢၤဘ့ၤသဟး ကၤရ့ၣ်အကီၢ်ဆၣ်ဘှီက့ၤဝဲပဲတရီတၢ်အ့ၣ်န့ၣ်လီၤ. အဝဲပာ်က့ၤဝဲပဲတရီလၢအလီၢ်ဒၣ်ဝဲ, ပဲတရီအနီၣ်ဝံာ်စဲတဖၣ် ဒီးအနီၣ်ဘိတဖၣ်လၢတၢ်ကးတံၢ်တြဲၤအဂီၢ်န့ၣ်လီၤ.
15 ဒီးစီၤကိးလဃိစ့ၤအဖိခွါစီၤၡၤလူၣ်လၢအမ့ၢ်ပှၤပၢၤမံး စပၤကီၢ်ဆၣ်ဘှီက့ၤဝဲပဲတရီထံထီၣ်ပၢၢ်န့ၣ်လီၤ. အဝဲမၤထီၣ်တၢ်ခိၣ်ဒုးလၢပဲတြီအကျဲအဂီၢ်ဒီးပာ်ဝဲတြဲၤ တဖၣ်, အနီၣ်ဝံာ်စဲတဖၣ်ဒီးအနီၣ်ဘိတဖၣ်လၢအလီၢ်ဒၣ်ဝဲန့ၣ်လီၤ. ဒီးဖဲနိၣ်ၡံလိၤန့ၣ်ဘှီထီၣ်ဝဲတၢ်ဒူၣ်လၢစီၤပၤအတၤသၣ် လီၢ်အဃၢၤတုၤလီၤလၢဃီလၢအလဲၤလီၤဆူစီၤဒၤဝံးအဝ့ၢ်ပူၤ န့ၣ်လီၤ.
16 ဒီးစီၤဧၤစဘူးအဖိခွါစီၤနဃ့မယၤလၢအမ့ၢ်ပှၤပၢၤဘ့ၤသစူၢ် ကီၢ်ဆၣ်တဝာ်န့ၣ်, ဘှီက့ၤဝဲလၢခံတပတီၢ်တုၤလီၤလၢစီၤဒၤဝံးအသွၣ်ခိၣ်, ကမါဒီးပှၤသုးဖိအိၣ်ဟံၣ်တဖၣ်န့ၣ်လီၤ.
17 ဒီးပှၤလ့ၤဝံဖိတဖၣ်အံၤမ့ၢ်ပှၤလၢအဘှီထီၣ်ကဒါက့ၤဝ့ၢ်ခိၣ် ဒူတနီၤန့ၣ်လီၤ.
စီၤဘၤနံအဖိခွါစီၤရဃူၣ်ဘှီထီၣ်ဝဲလၢခံတပတီၢ်န့ၣ်လီၤ.
စီၤဃၡၤဘယၤလၢအမ့ၢ်ပှၤပၢၤကီၢ်ဆၣ်ကံလၤတဝာ်ဘှီဝဲလၢခံ တပတီၢ်လၢအကီၢ်ဆၣ်အခၢၣ်စးန့ၣ်လီၤ.
18 ဒီးစီၤဃ့နါဒးအဖိခွါစီၤဘၤဝဲၤလၢအမ့ၢ်ကီၢ်ဆၣ်ကံလၤ အတဝာ်အပဒိၣ်ဘှီဝဲလၢခံတပတီၢ်လီၤ.
19 ဒီးစီၤယ့ၤၡူအဖိခွါစီၤဧ့စ့ၢ်လၢအမ့ၢ်မံးစပၤအပဒိၣ်ဖး ဒိၣ်ဘှီဝဲလၢခံတပတီၢ်အိၣ်သဃဲၤဒီးတၢ်လဲၤထီၣ်ဆူပှၤသုးဖိ အစုကဝဲၤအဟံၣ်တုၤလီၤလၢဝ့ၢ်ခိၣ်ဒူအသနၢၣ်န့ၣ်လီၤ.
20 ဒီးစီၤစးဘဲအဖိခွါစီၤဘၤရူးဘှီဝဲအဂၤတပတီၢ်တုၤလီၤလၢ ပှၤလုၢ်တၢ်အခိၣ်အဒိၣ်ကတၢၢ်စီၤအ့လယၤၡံာ်အဟံၣ်အကျဲ စၢၤန့ၣ်လီၤ.
21 ဒီးစီၤဧူၤရံယၤအဖိခွါ, စီၤကိစးအလံၤစီၤမရ့မိးဘှီ က့ၤဝဲလၢခံတပတီၢ်တုၤလီၤလၢစီၤအ့လယၤၡံာ်အဟံၣ်ကတၢၢ်န့ၣ် လီၤ.
22 ဒီးပှၤလုၢ်တၢ်အခိၣ်တဖၣ်အံၤမ့ၢ်ပှၤလၢအဘှီထီၣ်ကဒါက့ၤဝ့ၢ် ခိၣ်ဒူတနီၤန့ၣ်လီၤ.
ပှၤလုၢ်တၢ်အခိၣ်တဖၣ်လၢယရူၤၡလ့ၣ်အကပိာ်ကပၤဘှီထီၣ်ဝဲ ဝ့ၢ်ခိၣ်ဒူအဂၤတတီၤန့ၣ်လီၤ.
23 ဒီးစီၤဘံၣ်ယၤမံၣ်စီးစီၤဃၤၡူာ်ဘှီထီၣ်ဝဲဝ့ၢ်ခိၣ်ဒူလၢ ခံတပတီၢ်လၢအအိၣ်လၢအဝဲသ့ၣ်အဟံၣ်မဲာ်ညါန့ၣ်လီၤ.
ဒီးစီၤဧနၤနယၤအလံၤ, စီၤမၤစ့ယၤအဖိခွါစီၤဧစၤရယၤဘှီ ဝဲလၢခံတပတီၢ်လၢအအိၣ်လၢအဟံၣ်မဲာ်ညါန့ၣ်လီၤ.
24 ဒီးစီၤဃ့နါဒးအဖိခွါစီၤဘံနူၤဘှီဝဲလၢခံတပတီၢ်စး ထီၣ်လၢစီၤဧစၤရယၤအဟံၣ်တုၤလီၤလၢဝ့ၢ်ခိၣ်ဒူသနၢၣ်န့ၣ်လီၤ.
25 ဒီးစီၤဧူၤစံအဖိခွါစီၤပလါလးဘှီဝဲလၢခံတပတီၢ်စးထီၣ် လၢဝ့ၢ်ခိၣ်ဒူအသနၢၣ်ဒီးနီလၢထးခီတတီၤအပျိာ်ဖးထီဘူးဒီး ပှၤခိးတၢ်အဂၢၤန့ၣ်လီၤ.
ဒီးစီၤပၤရိာ်အဖိခွါစီၤပဒါယၤဘှီထီၣ်ဝဲလၢခံတပတီၢ်ဆူ မုၢ်ထီၣ်ဘူးဒီးပဲတရီထံဒီးပျိာ်ဖးထီလၢအဒီဒၣ်တၢ်လုၢ် ဟံၣ်န့ၣ်လီၤ.
26 (ဒီးတၢ်လီၢ်အံၤဘူးဒီးဝ့ၢ်လၢအဘၣ်တၢ်ကိးအီၤလၢဧိၤဖ့လး ဖဲပှၤမၤတၢ်လၢတၢ်လုၢ်ဟံၣ်တဖၣ်အိၣ်ဝဲဆိးဝဲအလီၢ်န့ၣ်လီၤ.)
27 ဒီးပှၤတကိၤဖိဘှီဝဲလၢခံတပတီၢ်ဒီးအအံၤမ့ၢ်အတၢ်ဘှီထီၣ် ခံခါတခါစးထီၣ်လၢပျိာ်ထီပၢၤဃးယွၤအတၢ်လုၢ်ဟံၣ်တုၤလီၤ လၢဝ့ၢ်ခိၣ်ဒူအိၣ်ဘူးဒီးဧိၤဖ့လးန့ၣ်လီၤ.
28 ဒီးပှၤလုၢ်တၢ်အခိၣ်တဖၣ်ဘှီထီၣ်ဝဲလၢခံတပတီၢ်, လၢကလံၤစိးကသ့ၣ်အပဲတရီ, တဂၤလၢအဟံၣ်ဒၣ်ဝဲအမဲာ်ညါစုာ်စုာ် န့ၣ်လီၤ.
29 ဒီးစီၤအံးမ့ၢ်အဖိခွါစီၤစၤဒိးဘှီထီၣ်ဝဲလၢခံတပတီၢ် သဃဲၤဒီးအဟံၣ်ဒၣ်ဝဲန့ၣ်လီၤ.
ဒီးစီၤၡကါနယၤအဖိခွါစီၤၡမါယၤလၢအမ့ၢ်ပှၤပၢၤပဲတရီလၢ မုၢ်ထီၣ်ဘှီထီၣ်ဝဲလၢခံတပတီၢ်န့ၣ်လီၤ.
30 ဒီးစီၤၡလ့မယၤအဖိခွါစီၤဃနၤနယၤ, စီၤစၤလာ်အဖိခွါဃု ဂၤတဂၤလၢအမ့ၢ်စီၤဃၤနူၣ်ဘှီဝဲလၢခံတပတီၢ်, ဒီးမ့ၢ်ခံပတီၢ်တပတီၢ်လၢအဝဲသ့ၣ်အဂီၢ်န့ၣ်လီၤ.
ဒီးစီၤဘရ့ကံယၤအဖိခွါစီၤမၡူလၣ်ဘှီဝဲလၢခံတပတီၢ်အိၣ် သဃဲၤဒီးအဟံၣ်န့ၣ်လီၤ.
31 ဒီးပှၤပိာ်ထူစီၤမၤလကံယၤဘှီဝဲလၢခံပတပတီၢ်တုၤလီၤလၢ တၢ်သူၣ်ထီၣ်လၢအဘၣ်တၢ်သူအီၤလၢပှၤမၤတၢ်လၢတၢ်လုၢ်ဟံၣ်ဒီးပှၤ ကၤတၢ်ဖိတဖၣ်လၢအစးထီၣ်အသးလၢပဲတရီမံးဖကး, အိၣ်ဘူးဒီးဒၢးလၢအအိၣ်ဝဲလၢမုၢ်ထီၣ်ကလံၤစိးအသနၢၣ်အဝ့ၢ် ခိၣ်ဒူအဖီခိၣ်န့ၣ်လီၤ.
32 ဒီးပှၤပိာ်ထူဖိတဖၣ်ဒီးပှၤကၤတၢ်ဖိတဖၣ်ဘှီထီၣ်ဝဲအပတီၢ်လၢ ခံကတၢၢ်တပတီၢ်စးထီၣ်လၢတၢ်လီၢ်လၢတၢ်အသနၢၣ်ဒီးတုၤဝဲဆူပဲတရီ သိန့ၣ်လီၤ.