10
1 ပှၤအဆိကတၢၢ်လၢအဘၣ်ဆဲးလီၤအမံၤန့ၣ်မ့ၢ်ဝဲပဒိၣ်ဖးဒိၣ်စီၤ နဃ့မယၤလၢအမ့ၢ်စီၤဃကါလယၤအဖိခွါန့ၣ်လီၤ. အန့ၣ်ဝံၤဒီးစီၤစံးဒကံယၤဆဲးလီၤအမံၤန့ၣ်လီၤ. ဒီးပှၤအဂၤတဖၣ်လၢအဆဲးလီၤအမံၤန့ၣ်မ့ၢ်ဝဲဒ်အဖီလာ်အသိးလီၤ.
2 ပှၤလုၢ်တၢ်အခိၣ်တဖၣ်လၢအမ့ၢ်, စီၤစရါယၤ, စီၤဧစၤရယၤ, စီၤယံးရမံယၤ,
3 စီၤပၤၡဃူၢ်,စီၤအမၤရယၤ, စီၤမၤလကံယၤ,
4 စီၤဃးတူၣ်, စီၤၡဘၤနယၤ, စီၤမးလူး,
5-6 စီၤဃၤရံၣ်, စီၤမရ့မိး, စီၤဧိၤဘါဒယၤ, စီၤဒၤနံးယ့လး, စီၤကံးနသိၣ်, စီၤဘၤရူး,
7 စီၤမၡူလၣ်, စီၤအဘံယၣ်, စီၤမံယမံၣ်,
8 စီၤမၤဧါစယၤ, စီၤဘံးလကဲၤဒီးစီၤၡမါယၤန့ၣ်လီၤ.
9 ပှၤလ့ၤဝံတဖၣ်လၢအမ့ၢ်, စီၤအစၤနယၤအဖိခွါစီၤယ့ၤၡူ, စီၤဘံနူၤလၢစီၤဃ့နါဒးအဒူၣ်ထၢပူၤ, စီၤကးမံၤအ့လး,
10 စီၤၡဘၤနယၤ, စီၤဟိၤဒံယၤ, စီၤက့လံၤတၤ, စီၤပလါယၤ, စီၤဃၤနၣ်,
11 စီၤမံကၤ, စီၤရဃိာ်, စီၤဃၡၤဘယၤ,
12-13 စီၤစးကူၢ်, စီၤၡ့ရ့ဘယၤ, စီၤၡဘၤန့ယၤ, စီၤဟိၤဒံယၤ, စီၤဘၤနံ, စီၤဘနံနူၤန့ၣ်လီၤ.
14 ဒီးပှၤဂီၢ်မုၢ်အခိၣ်အနၢ်တဖၣ်လၢအမ့ၢ်စီၤပၤရိာ်, စီၤပၤဃးမိၤအး, စီၤဧ့ၤလၣ်, စီၤစးတူၤ, စီၤဘၤနံ,
15 စီၤဘူနံၤ, စီၤဧၤစကး, စီၤဘ့ဘဲၤ,
16 စီၤအဒိနံယၤ, စီၤဘံးကဝဲၤ, စီၤဧၤဒံၣ်,
17 စီၤအ့ၤတၢ်, စီၤဃံးစကံယၤ, စီၤဧၤစူၢ်,
18 စီၤဟိၤဒံယၤ, စီၤဃၤၡူၣ်, စီၤဘ့စဲၤ,
19-20 စီၤဃၤရံာ်, စီၤဧၤနသိး, စီၤန့ဘဲၤ, စီၤမၤကပံဧၣ်, စီၤမၡူလၣ်, စီၤဃ့စံၢ်,
21 စီၤမၡ့စဘ့လး, စီၤစၤဒိး, စီၤယးဒူ,
22-23 စီၤပလၤတယၤ, စီၤဃၤနၣ်, စီၤဧနၤယၤ, စီၤဟိၤၡ့, စီၤဃနၤနယၤ, စီၤဃၤၡူာ်,
24 စီၤဟးလိဃ့ၣ်, စီၤဖံးလဃၤ, စီၤၡိဘ့း,
25-26 စီၤရဃူၣ်, စီၤဃၡၤဘနၤ, စီၤမၤစ့ယၤ, စီၤအဃံယၤ, စီၤဃၣ်နၣ်, စီၤဧၤနၣ်,
27 စီၤမးလူး, စီၤဃၤရံၣ်, ဒီးစီၤဘၤနါလီၤ.
28 ပဝဲဒၣ်ကီၢ်အံၣ်စရ့လးအပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်, ပှၤခိးတၢ်လုၢ်ဟံၣ်တဖၣ်, ပှၤသးဝံၣ်တၢ်လၢတၢ်လုၢ်ဟံၣ်တဖၣ်, ပှၤမၤတၢ်လၢတၢ်လုၢ်ဟံၣ်တ ဖၣ်, ဒီးကယဲၢ်ပှၤအဂၤလၢအဒိကနၣ်ကစၢ်ယွၤအတၢ်သိၣ်တၢ်သီ လၢပှၤယူဒၤဖိအဂီၢ်လၢအထုးဖးအသးဒီးပှၤတခီဘီမုၢ်ဖိလၢ အအိၣ်လၢပကီၢ်ပူၤတဖၣ်, ပဝဲဒၣ်ဃုာ်ဒီးပမါတဖၣ်ဒီးကယဲၢ်ပဖိ တဖၣ်လၢအသးပှၢ်တုၤအနၢ်ပၢၢ်တၢ်သ့လံ,
29 ဖဲအံၤပပာ်ဖှိၣ်ပသးဒီးပခိၣ်ပနၢ်တဖၣ်ဒီးမၤတၢ်ဆိၣ်တမံၤ, လၢပမ့ၢ်မၤဟးဂီၤအီၤဒီးပကန့ၢ်ဘၣ်အဘူးအလဲလၢတၢ်ဆိၣ်အၢတ မံၤ, လၢပကအိၣ်မူဒ်ကစၢ်ယွၤအတၢ်သိၣ်တၢ်သီလၢပှၤယူဒၤဖိအဂီၢ်, လၢကစၢ်ယွၤဟ့ၣ်လီၤအီၤခီဖျိအခ့အပှၤစီၤမိၤၡ့, လၢပကစူၢ်တၢ်ခဲလၢာ်လၢယွၤ, ပကစၢ်မၤလိာ်ပှၤဒီးလၢပက တိၢ်န့ၢ်ဖံးဃာ်ကယဲၢ်အတၢ်သိၣ်တၢ်သီခဲလၢာ်ဒီးတၢ်လၢအဃ့ ဝဲတဖၣ်န့ၣ်လီၤ.
30 ပတဒိးတ့ဃုာ်ဖျီဃုာ်ပသးဒီးပှၤတခီဘီမုၢ်ဖိလၢအအိၣ်လၢပထံ ကီၢ်အပူၤန့ၣ်ဘၣ်.
31 ပှၤတခီဘီမုၢ်ဖိတဖၣ်မ့ၢ်ဟဲစိာ်အဘုဧိၤဟုဧိၤမ့ၢ်ဂ့ၤ, ဒီးတၢ်တမံၤလၢ်လၢ်မ့ၢ်ဂ့ၤလၢကဆါန့ၢ်ပှၤလၢမုၢ်အိၣ်ဘှံးနံၤ မ့ၢ်ဂ့ၤ, မုၢ်နံၤစီဆှံအဂၤမ့ၢ်ဂ့ၤန့ၣ်ပတပှ့ၤလၢအအိၣ်ဘၣ်. နွံနံၣ်တဘျီကိးဘျီဒဲးန့ၣ်ပတသူၣ်တၢ်ဖျးတၢ်ဘၣ်. ဒီးပကပျၢ်ဒ့ၣ်ကမၣ်တဖၣ်ခဲလၢာ်န့ၣ်လီၤ.
32 ကိးနံၣ်ဒဲး, ပဝဲတဂၤစုာ်စုာ်ပကမၤဘူၣ်စ့လီၤတယၢၢ်ၡက့လး သၢပူတပူလၢတၢ်ဟ့ၣ်စၢၤယွၤအတၢ်လုၢ်ဟံၣ်အတၢ်လၢာ်တၢ်စ့ၤအဂီၢ် န့ၣ်လီၤ.
33 လၢတၢ်ဘူၣ်ထီၣ်ဘါထီၣ်ယွၤလၢတၢ်လုၢ်ဟံၣ်ပူၤအဂီၢ်န့ၣ်, ပကဟ့ၣ်ကိၣ်စီဆှံတၢ်လုၢ်ဘုဧိၤဟုဧိၤကိးနံၤဒဲး, ဆၣ်ဖိကီၢ်ဖိတဖၣ်လၢကဘၣ်တၢ်ဆိၣ်ကဲၤထီၣ်အီၤကိးနံၤဒဲးဒ်တၢ် လုၢ်တၢ်ပာ်တဖၣ်, တၢ်လုၢ်စီဆှံတဖၣ်လၢမုၢ်အိၣ်ဘှံးနံၤတဖၣ်, လါထီၣ်သီအမူးတဖၣ်, ဒီးမူးအဂၤတဖၣ်အဂီၢ်, တၢ်လုၢ်စီဆှံအဂၤတဖၣ်, တၢ်လုၢ်လၢကစိာ်ကွံာ်ပှၤအံၣ်စရ့လးဖိ တဖၣ်အတၢ်ဒဲးဘးအဂီၢ်ဒီးကယဲၢ်တၢ်လိၣ်အဂၤတဖၣ်လၢယွၤတၢ်လုၢ် ဟံၣ်အဂီၢ်န့ၣ်လီၤ.
34 ပဝဲဒၣ်ပှၤဂီၢ်မုၢ်, ပှၤလုၢ်တၢ်အခိၣ်တဖၣ်, ဒီးပှၤလ့ၤဝံဖိတဖၣ် ပကဖီၣ်တၢ်ဖးကိးနံၣ်ဒဲးလၢတၢ်စံၣ်ညီၣ်တဲာ်ဘၣ်ထွဲဒီးဒူၣ်ထၢမ တၤတဖၣ်ကဘၣ်ဟ့ၣ်ထီၣ်သ့ၣ်လၢတၢ်ကဆိၣ်ကဲၤတၢ်လုၢ်တၢ်ပာ်တဖၣ်လၢ အဘၣ်တၢ်လုၢ်ထီၣ်အီၤဆူယွၤပကစၢ်ယွၤဒ်ယူဒၤအတၢ်သိၣ်တၢ်သီပာ် ဖျါအသိးန့ၣ်လီၤ.
35 ဘုဧိၤဟုဧိၤအဆိကတၢၢ်လၢပမၤန့ၢ်အီၤဒီးသ့ၣ်သၣ်အဆိက တၢၢ်လၢအမံဝဲဒီးပထဲးအီၤလၢပသ့ၣ်တဖၣ်န့ၣ်ကိးနံၣ်ဒဲးပကဟဲ စိာ်အီၤဒ်တၢ်မၤဘူၣ်ဆူယွၤအတၢ်လုၢ်ဟံၣ်န့ၣ်လီၤ.
36 ပဝဲတဂၤဘၣ်တဂၤစုာ်စုာ်, ပကဟဲစိာ်ပဖိဝဲၢ်ကိပိာ်ခွါလၢအအိၣ် ဖျဲၣ်ထီၣ်ဆူပှၤလုၢ်တၢ်အခိၣ်တဖၣ်အအိၣ်လၢယွၤအတၢ်လုၢ်ဟံၣ်အပူၤ ဒီးလုၢ်ထီၣ်အီၤဆူကစၢ်ယွၤအအိၣ်, ဒ်ယူဒၤအတၢ်သိၣ်တၢ်သီဃ့ဝဲအသိးန့ၣ်လီၤ. ဂီၤဖံးဖိအဆိကတၢၢ်လၢပဝဲတဂၤစုာ်စုာ်ပဂီၤဖံးမိၢ်တဖၣ်ဖှံလီၤဝဲ, ဒီးပသိဖိမ့ၢ်ဂ့ၤ, မဲာ်တဲးလဲးဖိမ့ၢ်ဂ့ၤလၢအဖှံလီၤအဆိက တၢၢ်န့ၣ်, ပကပာ်စီဆှံစ့ၢ်ကီးအီၤန့ၣ်လီၤ.
37 ကိၣ်လၢပမၤအီၤအဆိကတၢၢ်ခီဖျိဘုခ့လၢပကူးဘၣ်အီၤကိးနံၣ် ဒဲး, ဒီးပတၢ်မၤဘူၣ်အဂၤလၢအမ့ၢ်စပံးထံ, သ့ၣ်စၤယံးအသိ, ဒီးကယဲၢ်သ့ၣ်သၣ်အကလုာ်ကလုာ်န့ၣ်, ပကလဲၤစိာ်အီၤဆူပှၤလုၢ်တၢ်အခိၣ်တဖၣ်အအိၣ်လၢယွၤအတၢ်လုၢ်ဟံၣ် အပူၤန့ၣ်လီၤ. တၢ်မုၢ်တၢ်ဘိလၢပသူၣ်အီၤလၢပဟီၣ်ခိၣ်အပူၤဆံဆဲၣ်ပူတပူ တဖၣ်န့ၣ်, ပကလဲၤစိာ်အီၤဆူပှၤလ့ၤဝံဖိတဖၣ်လၢအထၢဖှိၣ်တၢ်ဆံ ဆဲၣ်ပူတပူတဖၣ်လၢပဒူသဝီတဖၣ်အစံာ်ပျီပူၤအအိၣ်န့ၣ်လီၤ.
38 ပှၤလုၢ်တၢ်အခိၣ်လၢအဟဲလီၤစၢၤလီၤသွဲၣ်လၢစီၤအၤဟရိၣ်တဖၣ် ကဘၣ်အိၣ်ဒီးပှၤလ့ၤဝံဖိတဖၣ်ဖဲတၢ်ဟ့ၣ်မၤဘူၣ်ဆံဆဲၣ်ပူတပူ တဖၣ်ဘၣ်တၢ်ပာ်ဖှိၣ်အီၤဒီးပှၤလ့ၤဝံဖိတဖၣ်ဘၣ်လဲၤစိာ်ဝဲ ကယဲၢ်တၢ်ဆံဆဲၣ်ပူတပူလၢတၢ်ထၢဖှိၣ်အီၤအကျါဆံဆဲၣ်ပူတပူ ဆူတၢ်လုၢ်ဟံၣ်အတၢ်ပာ်ဖှိၣ်အလီၢ်လၢတၢ်ကသူအီၤလၢယွၤအတၢ်လုၢ် ဟံၣ်အပူၤန့ၣ်လီၤ.
39 ကီၢ်အံၣ်စရ့လးအပှၤဂီၢ်မုၢ်ဒီးပှၤလ့ၤဝံဖိတဖၣ်ကဘၣ်လဲၤစိာ် တၢ်မၤဘူၣ်တဖၣ်လၢဘုဧိၤဟုဧိၤ, စပံးထံဒီးသ့ၣ်စၤယံးအသိ ဆူတၢ်ပာ်ဖှိၣ်အလီၢ်တဖၣ်ဖဲယွၤအတၢ်လုၢ်ဟံၣ်အပီးအလီ တဖၣ်ဘၣ်တၢ်ပာ်အီၤဒီး, ဖဲပှၤလုၢ်တၢ်အခိၣ်တဖၣ်လၢအအိၣ်မူအိၣ်ဒါ, ပှၤခိးတၢ်လုၢ်ဟံၣ်တဖၣ်ဒီးပှၤသးဝံၣ်တၢ်လၢတၢ်လုၢ်ဟံၣ်ပူၤတဖၣ် အတၢ်အိၣ်တၢ်ဆိးအလီၢ်တဖၣ်အိၣ်ဝဲန့ၣ်လီၤ. ပတလဲၤသဒၣ်ဘၣ်ပကစၢ်ယွၤအဟံၣ်ဘၣ်.