4
1 ပထူလၢအကတြ့ၣ်ကတြိၣ်တဖၣ်ထီၣ်အ့ၣ်ဝဲ, ယွၤအတၢ်လုၢ်ဟံၣ်အလၢၢ် တဖၣ်လီၤပြံလီၤပြါလၢကျဲတဖၣ်အဖီခိၣ်လီၤ.
2 ဝ့ၢ်စံယိၣ်အပှၤသးစၢ်ပိာ်ခွါတဖၣ်မ့ၢ်တ့ၢ်တၢ်လုၢ်ဒိၣ်ပှ့ၤဒိၣ် ဒ်ထူအသိးလၢပဂီၢ်,
မ့မ့ၢ်ခဲအံၤအဝဲသ့ၣ်ဘၣ်တၢ်မၤအီၤဒ်သပၢၤဟီၣ်ခိၣ်ပတီၢ်မုၢ် တဖၣ်အသိးလီၤ.
3 ထွံၣ်မံၤမိၢ်တဒုဒၣ်လဲာ်ကအံးထွဲကွၢ်ထွဲအဖိတဖၣ်လီၤ. မ့မ့ၢ်ယပှၤဂီၢ်မုၢ်မၤသးဒ်ထိၣ်ကီၤလးအူးတဖၣ်အသိး, အၢဝဲသီဝဲလၢအဖိတဖၣ်အဖီခိၣ်န့ၣ်လီၤ.
4 အဝဲသ့ၣ်ပျဲအဖိတဖၣ်သံဝဲလၢတၢ်သၣ်ဝံၤလီၤဒိဒီးတၢ်သူအသး လၢထံလီၤ.
ဖိသၣ်တဖၣ်ဃ့အီၣ်တၢ်အီၣ်ဒီးပှၤဟ့ၣ်အီၤတအိၣ်ဘၣ်နီတဂၤဘၣ်.
5 ပှၤဂီၢ်မုၢ်လၢတဘျီမ့ၢ်ပှၤအီၣ်တၢ်အီၣ်အဂ့ၤကတၢၢ်တဖၣ်သၣ်ဝံၤ လီၤဒိသံဝဲလၢကျဲတဖၣ်အပူၤလီၤ.
ပှၤဘၣ်တၢ်လုၢ်ဒိၣ်ထီၣ်အီၤလၢတၢ်ဘီၣ်တၢ်ညီအပူၤတဖၣ်လူၤကမုၢ် တၢ်လၢတၢ်ဘၣ်စူးကွံာ်တဂိာ်တသီၣ်ဘၣ်အကျါလၢကထံၣ်န့ၢ်တၢ်အီၣ် အဂီၢ်န့ၣ်လီၤ.
6 ယပှၤဂီၢ်မုၢ်ဘၣ်တၢ်စံၣ်ညီၣ်ဆါဒိၣ်န့ၢ်ဒံးပှၤအိၣ်လၢဝ့ၢ်စဒိၣ်အပူၤ တဖၣ်,
လၢအဘၣ်သဂၢၢ်ဒီးတၢ်လီၤပှီၢ်သတူၢ်ကလာ်လၢကစၢ်ယွၤအစုတဖၣ်အတၢ် မၤအဃိန့ၣ်လီၤ.
7 ပစီၤပၤဖိခွါတဖၣ်တသံၣ်သူမီၣ်ကျာ်ဘၣ်ဒီးကဆှီဝဲဒ်မူခိၣ်ဖီ အသိး,
ပှဲၤဝဲဒီးအဂံၢ်အဘါဒီးဆူၣ်ဝဲကိၤဝဲဒီးဖျါလီၤကဟု ကညီၢ်လၢတၢ်အိၣ်ဆူၣ်အိၣ်ချ့အဃိန့ၣ်လီၤ.
8 ခဲအံၤအဝဲသ့ၣ်လီၤဃံၤလၢကျဲတဖၣ်အပူၤဒီးတဘၣ်တၢ်သ့ၣ်ညါအီၤ ဘၣ်. အမဲာ်သၣ်တဖၣ်ထီၣ်သူဝဲလၢတၢ်သံအပူၤလီၤ.
အဝဲသ့ၣ်အဖံးဃ့ထီဝဲဒ်သ့ၣ်အသိးဒီးလီၤသံးလၢအဃံတဖၣ်အလိၤ လီၤ.
9 ပှၤလၢအသံတ့ၢ်လၢတၢ်ဒုးတၢ်ယၤအပူၤတဖၣ်ဂ့ၤဒိၣ်န့ၢ်ဒံးပှၤ အသံတ့ၢ်လၢခံတဖၣ်,
လၢအသၣ်ဝံၤလီၤဒိကယီကယီဆူတၢ်သံန့ၣ်လီၤ. အဂ့ၢ်ဒ်အံၤ, တၢ်အီၣ်တအိၣ်ဘၣ်လၢကဒုးမူအီၤအဂီၢ်ဘၣ်.
10 တၢ်နးတၢ်ဖှီၣ်လၢအဟဲတုၤဘၣ်ဆူယပှၤဂီၢ်မုၢ်အအိၣ်န့ၣ်ဟဲစိာ် တၢ်လီၤပျံၤလီၤဖုးဖးဒိၣ်လီၤ.
မိၢ်လၢအအဲၣ်တၢ်ကွံတၢ်တဖၣ်ချီထီၣ်အဖိဒၣ်ဝဲ တဖၣ်လၢတၢ်အီၣ်အဂီၢ်လီၤ.
11 ယွၤဃ့ၣ်လီၤကွံာ်အတၢ်သးကဲၤထီၣ်အသဟီၣ်တုၤအလၢာ်လီၤ.
ဆူးကဲၤထီၣ်ဝဲမ့ၣ်အူလၢဝ့ၢ်စံယိၣ်အပူၤဒီးတၢ်န့ၣ်အီၣ်ကွံာ် အီၤတုၤလၢဟီၣ်ခိၣ်လီၤ.
12 ပှၤအိၣ်လၢတၢ်လီၢ်တပူၤဂ့ၤတပူၤဂ့ၤ, ပှၤပၢတၢ်လၢတခီဘီ မုၢ်အထံကီၢ်တဖၣ်ဒၣ်လဲာ်မ့ၢ်ဂ့ၤ
လၢအနာ်တ့ၢ်ဝဲလၢဒုၣ်ဒါတဖုဖုနုာ်လီၤဝ့ၢ်ယရူၤၡလ့ၣ် အတြဲၤတဖၣ်ကန့ၢ်န့ၣ်, တအိၣ်ဘၣ်.
13 ဘၣ်ဆၣ်ဒီး, တၢ်မၤတ့ၢ်အသး, မ့ၢ်လၢအဝံတဖၣ်မၤတ့ၢ်တၢ်ဒဲးဘး ဒီးအပှၤလုၢ်တၢ်အခိၣ်တဖၣ်အတၢ်ကမၣ်အိၣ်လၢအဒုးအိၣ်ထီၣ် တၢ်မၤသံပှၤလၢအတၢ်ကမၣ်တအိၣ်တဖၣ်အဃိန့ၣ်လီၤ.
14 အပှၤခိၣ်နၢ်တဖၣ်လဲၤဟးဝ့ၤဝီၤလၢကျဲတဖၣ်အပူၤဒ်ပှၤမဲာ်ဘျီၣ် တဖၣ်အသိးလီၤ.
အဝဲသ့ၣ်ဘၣ်အၢဘၣ်သီလၢတၢ်သွံၣ်အါအါကလဲာ်တုၤပှၤ ကထိးဘၣ်အီၤတအိၣ်ဘၣ်နီတဂၤဘၣ်.
15 ပှၤဂီၢ်မုၢ်ကိးဃါတၢ်ဒီးစံး, “ဟးထီၣ်ကွံာ်တက့ၢ်. နမ့ၢ်တၢ်တကဆှီဘၣ်လီၤ. ထိးဘူးယၤတဂ့ၤ,” န့ၣ်လီၤ.
မၤသးဒ်န့ၣ်ဒီး, အဝဲသ့ၣ်ဟးဝ့ၤဝီၤလၢပှၤတကလုာ်ဆူပှၤတကလုာ် ဒီးပှၤသဂၢၢ်တူၢ်လိာ်အီၤတအိၣ်ဘၣ်နီတဂၤဘၣ်.
16 ယွၤတကနၣ်ဃုာ်လၢၤဘၣ်အဝဲသ့ၣ်ဘၣ်. အနီၢ်ကစၢ်ဒၣ်ဝဲမၤလီၤပြံလီၤပြါအဝဲသ့ၣ်လီၤ.
အဝဲတဒုးနဲၣ်ဖျါထီၣ်တၢ်သူၣ်အိၣ်သးအိၣ်ဆူပပှၤလုၢ်တၢ်အခိၣ် တဖၣ်ဒီးပခိၣ်ပနၢ်တဖၣ်အအိၣ်ဘၣ်.
17 ပကွၢ်တ့ၢ်တၢ်တုၤပကွၢ်ဆူညါတကဲလၢၤဘၣ်လၢတၢ်မၤစၢၤလၢအတဟဲ နီတစုအဂီၢ်
ဒီးပအိၣ်ခိးတၢ်မၤစၢၤကဟဲလၢပှၤတကလုာ်လၢအတအိၣ်ဒီးတၢ်နီ တမံၤလၢကဟ့ၣ်တၢ်အဂီၢ်န့ၣ်လီၤ.
18 ဒုၣ်ဒါန့ၣ်ခိးကွၢ်ပှၤဒီးပလဲၤတၢ်လၢကျဲတဖၣ် အပူၤဒၣ်လဲာ်တသ့ဘၣ်.
ပမုၢ်နံၤတဖၣ်လၢာ်ကွံာ်ဝဲ, တၢ်အကတၢၢ်ဟဲတုၤလံ.
19 အဝဲသ့ၣ်လူၤဖီၣ်တ့ၢ်ပှၤချ့န့ၢ်ဒံးလံာ်ကြီကြာ်တဖၣ်ယူၤသဖှိ လီၤဝဲလၢမူခိၣ်န့ၣ်လီၤ.
အဝဲသ့ၣ်လူၤဃုတ့ၢ်ပခီၣ်လီၢ်လၢ တၢ်လူၢ်တဖၣ်အဒီခိၣ်, မၤန့ၢ်ပှၤသတူၢ်ကလာ် လၢပှၢ်မုၢ်ကနၢအပူၤန့ၣ်လီၤ.
20 အဝဲသ့ၣ်ဖီၣ်န့ၢ်ပတၢ်အိၣ်မူအဂံၢ်ထံး, စီၤပၤလၢယွၤဃုထၢ တ့ၢ်,
ပှၤတဂၤလၢပနာ်တ့ၢ်အီၤလၢကကဟုဘံၣ်ကယာ်ဘၢပှၤလၢပှၤဂုာ်ဆူၣ် ပျီဆူၣ်တၢ်ကိးဖုဒဲးအစုပူၤန့ၣ်လီၤ.
21 နံၤထီၣ်ဆူညါ, ကီၢ်အဒိၣ်ဒီးကီၢ်ဧူးစးအပှၤဂီၢ်မုၢ်သ့ၣ်ဧၢ, မ်သုသးခုဖဲသုမၤသ့ဒံးန့ၣ်တက့ၢ်.
သုတၢ်နးတၢ်ဖှီၣ်ဟဲစ့ၢ်ကီးဝဲလံ. သုဝဲစ့ၢ်ကီးသုကကနုၤ ကဆဲဘ့ၣ်ဆ့လၢတၢ်မဲာ်တြီၢ်မဲာ်ဆှးအပူၤန့ၣ်လီၤ.
22 ဝ့ၢ်စံယိၣ်ဟ့ၣ်တ့ၢ်တၢ်အပှ့ၤလၢအတၢ်ဒဲးဘးအဂီၢ်လံ. ယွၤတပာ်ပှၤလၢတၢ်စိာ်မၢကဲကုၢ်အလီၢ် ယံာ်ယံာ်လၢၤဘၣ်.
မ့မ့ၢ်ကီၢ်အဒိၣ်ဧၢ, ကစၢ်ယွၤကစံၣ်ညီၣ်နၤ, ကလီၣ်ဖျါထီၣ်နတၢ်မၤ, တၢ်သရူးကမၣ်တဖၣ်န့ၣ်လီၤ.