5
1 ပှၤစူၤရံဖိအသုးမုၢ်, အသုးခိၣ်ကျၢၢ်စီၤနဧၤမၣ်, ဘၣ်တၢ်ပာ်ကဲအီၤဒိၣ်ဒိၣ်မုၢ်မုၢ်, ဒီးပာ်လုၢ်ဒိၣ်ပှ့ၤဒိၣ်အီၤ လၢကီၢ်စူၤရံအစီၤပၤ, မ့ၢ်လၢခီဖျိစီၤနဧၤမၣ်အဃိန့ၣ်, ယွၤဟ့ၣ်ကီၢ်စူၤရံအသုးမုၢ်တဖၣ်လၢတၢ်မၤနၢၤအဃိန့ၣ်လီၤ. အဝဲမ့ၢ်ပှၤသုးဖိလၢအဂံၢ်ဆူၣ်ဘါဆူၣ်တဂၤ, ဘၣ်ဆၣ်အဝဲဘၣ်တၢ်ဆါအၢလၢအလီၤပျံၤလီၤဖုးတမံၤန့ၣ်လီၤ.
2 လၢအဝဲသ့ၣ်အတၢ်လဲၤဒုးထီဒါကီၢ်အံၣ်စရ့လးအကျါတဘျီ အပူၤန့ၣ်, ပှၤစူၤရံဖိတဖၣ်ဟဲက့ၤကိးဝဲပှၤအံၣ်စရ့လးပိာ် မုၣ်ဖိတဂၤလၢအကဲထီၣ်စီၤနဧၤမၣ်အမါအကုၢ်ပိာ်မုၣ်ဖိန့ၣ်လီၤ.
3 ဘၣ်မုၢ်တနံၤ, အဝဲစံးဘၣ်အကစၢ်မုၣ်ဒ်အံၤ, “ယဆၢမးလၢယကစၢ်လဲၤဆူဝံတဂၤလၢအအိၣ်ဆိးလၢကီၢ်ၡၤမရံ အပူၤအအိၣ်, ကသ့ဝဲန့ၣ်လီၤ. အဝဲကမၤဘျါအီၤလၢအတၢ်ဆါန့ၣ်လီၤ.”
4 တုၤစီၤနဧၤမၣ်နၢ်ဟူဘၣ်တၢ်အံၤန့ၣ်, အဝဲလဲၤဃီၤဆူစီၤပၤအ အိၣ်, ဒီးတဲဘၣ်အီၤတၢ်လၢဖိသၣ်ပိာ်မုၣ်စံးတ့ၢ်ဝဲန့ၣ်လီၤ.
5 စီၤပၤစံးဝဲဒၣ်, “လဲၤဆူကီၢ်အံၣ်စရ့လးအစီၤပၤအအိၣ်ဒီး လဲၤစိာ်လံာ်ပရၢအံၤဆူအအိၣ်န့ၣ်တက့ၢ်.”
လၢတၢ်န့ၣ်အဃိစီၤနဧၤမၣ်ဟးထီၣ်ဝဲ, လဲၤစိာ်စ့ညၣ်အဘ့ၣ်သၢက လး, ထူအဘ့ၣ်ဃုကထိဒီးတၢ်ကူတၢ်သိးအဂ့ၤလၢတၢ်ကလံၤအသးအဂီၢ် အဘ့ၣ်တဆံန့ၣ်လီၤ.
6 လံာ်ပရၢလၢအဝဲလဲၤစိာ်ဝဲန့ၣ်စံးဝဲဒ်အံၤ, “လံာ်ပရၢအံၤကဒုးသ့ၣ်ညါနၤလၢယသုးခိၣ်ဖးဒိၣ်စီၤနဧၤမၣ် န့ၣ်လီၤ. ယအဲၣ်ဒိးလၢနကမၤဘျါက့ၤအီၤလၢအတၢ်ဆါန့ၣ်လီၤ.”
7 တုၤကီၢ်အံၣ်စရ့လးအစီၤပၤဖးလံာ်ပရၢအံၤဝံၤန့ၣ်အဝဲဖှီယာ် အကူအသိးတဖၣ်လၢတၢ်ကမၢကမၣ်အပူၤဒီးစံးဝဲဒၣ်, “ကီၢ်စူၤရံအစီၤပၤဆၢဝဲလၢယကမၤဘျါက့ၤပှၤတဂၤအံၤကသ့ ဝဲဒ်လဲၣ်. မ့ၢ်အဝဲဆိကမိၣ်ဝဲလၢယမ့ၢ်ကစၢ်ယွၤ, လၢအအိၣ်ဒီးတၢ်မူဒီးတၢ်သံအတၢ်စိတၢ်ကမီၤန့ၣ်ဧါ. တၢ်အံၤမ့ၢ်တၢ်လၢအဖျါဝဲလၢအဝဲစးထီၣ်ဃုတၢ်အ့ၣ်လိာ်အသးဒီး ယၤန့ၣ်လီၤ.”
8 တုၤဝံအလံၤၡါနၢ်ဟူတၢ်လၢအမၤတ့ၢ်အသးန့ၣ်အဝဲဆှၢလီၤတၢ် ကစီၣ်ဆူအအိၣ်စံးဝဲ, “ဘၣ်မနုၤအဃိ, နဘၣ်သးတံာ်တာ်ထဲအံၤညါန့ၣ်လဲၣ်. ဆှၢလီၤပှၤတဂၤန့ၣ်ဆူယအိၣ်တက့ၢ်. ဒီးယကဒုးနဲၣ်အီၤလၢဝံအိၣ်ဝဲတဂၤလၢကီၢ်အံၣ်စရ့လးအပူၤ န့ၣ်လီၤ.”
9 လၢတၢ်န့ၣ်အဃိ, စီၤနဧၤမၣ်လဲၤဝဲအိၣ်ဒီးအကသ့ၣ်တဖၣ်ဒီးအလ့ၣ် ကဟၣ်, ဒီးအိၣ်ကတီၢ်ဝဲဖဲစီၤအလံၤၡါအဟံၣ်အကျဲစၢၤန့ၣ်လီၤ.
10 စီၤအလံၤၡါမၢလီၤအခ့အပှၤတဂၤဒ်သိးကလဲၤတဲအီၤလၢအဝဲကလဲၤ ဒီးလုၣ်ထံနွံဘျီ, လၢထံကျိယၢ်ဒ့ၣ်အပူၤ, ဒီးအဝဲကဘျါက့ၤလၢာ်လၢာ်ဆ့ဆ့လၢ အတၢ်ဆါန့ၣ်လီၤ.
11 ဘၣ်ဆၣ်စီၤနဧၤမၣ်ဟးထီၣ်ကွံာ်လၢတၢ်သးကဲၤထီၣ်အပူၤဒီးစံး ဝဲဒၣ်, “ယဆိကမိၣ်လၢအစှၤကတၢၢ်အဝဲကဟဲထီၣ်ဆူယအိၣ်, ဘါထုကဖၣ်တၢ်ဆူအယွၤအဝဲအကစၢ်ယွၤအအိၣ်, ယၤထီၣ်အစုလၢတၢ်ဆါအပူၤလီၢ်အဖီခိၣ်ဒီးမၤဘျါက့ၤယၤန့ၣ် လီၤ.
12 လၢန့ၣ်အမဲာ်ညါ, လၢပအိၣ်ပဆိးအလီၢ်လၢဝ့ၢ်ဒၤမ့ၤစ့းန့ၣ်, ထံကျိတဖၣ်လၢအမ့ၢ်ထံကျိအဘၤနါ, ဒီးဖၢ်ပၢ်တဂ့ၤဒိၣ်န့ၢ်ဒံး ထံကျိတဘိဘိလၢကီၢ်အံၣ်စရ့လးအပူၤန့ၣ်ဘၣ်ဧါ. ယလုၣ်ထံလၢထံကျိတဖၣ်န့ၣ်အပူၤဒီးဘျါက့ၤသ့ဝဲလီၤ.”
13 အခ့အပှၤတဖၣ်လဲၤဆူအအိၣ်ဒီးစံးဘၣ်အီၤ, “တၢ်ဒိၣ်ဧၢ, ဝံမ့ၢ်တဲဘၣ်နၤလၢနကဘၣ်မၤတၢ်အကီအခဲတမံၤမံၤန့ၣ်နကမၤနဲလီၤ. ခဲကနံၣ်အံၤဒ်အဝဲစံးတ့ၢ်အသိး, ထဲနကလဲၤလုၣ်ထံလၢနနီၢ်ကစၢ် ဒၣ်နဲဒီးဘၣ်တၢ်မၤဘျါက့ၤနၤန့ၣ်, ဘၣ်မနုၤနမၤတကဲန့ၣ်လဲၣ်.”
14 လၢတၢ်န့ၣ်အဃိ, စီၤနဧၤမၣ်လဲၤလီၤဆူထံကျိယၢ်ဒ့ၣ်အပူၤ, ဘျၢလီၤအသးလၢထံကျိအပူၤနွံဘျီ, ဒ်စီၤအလံၤၡါနဲၣ်တ့ၢ်အီၤကျဲအသိး, ဒီးအဝဲဘၣ်တၢ်မၤဘျါက့ၤအီၤလၢာ်လၢာ်ဆ့ဆ့န့ၣ်လီၤ. အဝဲအဖံးအညၣ်တဖၣ်ဂ့ၤထီၣ်ကဒါက့ၤဒီးကဆှီထီၣ်က့ၤဝဲဒ်ဖိသၣ် တဂၤအဖံးအညၣ်အသိးန့ၣ်လီၤ.
15 အဝဲက့ၤကဒါက့ၤဆူစီၤအလံၤၡါအအိၣ်ဃုာ်ဒီးအပှၤခဲလၢာ်ဒီး စံးဝဲဒၣ်, “ခဲကနံၣ်အံၤယသ့ၣ်ညါလၢ, လၢပှၤအံၣ်စရ့လးဖိအကစၢ်ယွၤအမဲာ် ညါန့ၣ်ကစၢ်အဂၤတအိၣ်နီတဂၤဘၣ်န့ၣ်လီၤ. လၢတၢ်န့ၣ်အဃိတၢ်ဒိၣ်ဧၢ, တူၢ်လိာ်ဘၣ်ယတၢ်ဟ့ၣ်တမံၤတက့ၢ်.”
16 စီၤအလံၤၡါစံးဆၢဝဲဒၣ်, “လၢယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယဆိၣ်လီၤယသးလၢယတတူၢ်လိာ်တၢ်ဟ့ၣ်တမံၤအံၤန့ၣ်ဘၣ်.”
စီၤနဧၤမၣ်ဃ့ကညးအီၤသပှၢ်ပှၢ်လၢအဝဲ ကတူၢ်လိာ်တၢ်ဟ့ၣ်အံၤ, ဘၣ်ဆၣ်အဝဲတတူၢ်လိာ်ဝဲဒၣ်ဘၣ်.
17 လၢတၢ်န့ၣ်အဃိစီၤနဧၤမၣ်စံးဝဲဒၣ်, “နမ့ၢ်တတူၢ်လိာ်ဘၣ်ယတၢ် ဟ့ၣ်အံၤန့ၣ်, ပျဲယမၤန့ၢ်ဟီၣ်ခိၣ်လၢယကက့ၤစိာ်အီၤဆူဟံၣ်ဒီးယၤ, ဘျဲးစိာ်ကသ့ၣ်လၤခံဒုတက့ၢ်. အဂ့ၢ်ဒ်အံၤ, စးထီၣ်ခဲအံၤဒီးဆူညါန့ၣ်, ယတလုၢ်လၢၤဘၣ်တၢ်လုၢ်တၢ်ပာ်မ့ၢ် ဂ့ၤ, တၢ်လုၢ်မ့ၣ်အူမ့ၢ်ဂ့ၤဆူကစၢ်အဂၤတဖၣ်လၢၤဘၣ်. ယကလုၢ်တၢ်ထဲဆူယွၤတဂၤဧိၤအအိၣ်လီၤ.
18 လၢတၢ်န့ၣ်အဃိ, ယမုၢ်လၢ်လၢယွၤကပျၢ်ယတၢ်ကမၣ်ဖဲ ယလဲၤပိာ်ယစီၤပၤအခံဆူကီၢ်စူၤရံအကစၢ်ရံးမိၣ်အတၢ်လုၢ်ဟံၣ်, ဒီးဘူၣ်ထီၣ်ဘါထီၣ်အီၤန့ၣ်လီၤ. သပှၢ်ကတၢၢ်ယွၤကပျၢ်ယတၢ်ကမၣ် န့ၣ်လီၤ.”
19 စီၤအလံၤၡါစံးဝဲဒၣ်, “လဲၤတၢ်မုာ်မုာ်တက့ၢ်.”
ဒီးစီၤနဧၤမၣ်ဟးထီၣ်ကွံာ်ဝဲန့ၣ်လီၤ. ဖဲအဝဲလဲၤတ့ၢ်ယံၤ ဒံးထဲတစဲးဧိၤန့ၣ်,
20 စီၤအလံၤၡါအခ့အပှၤစီၤက့ၤဃစံစံးလီၤအသး, “ယကစၢ်ပျဲဟးထီၣ်ကွံာ်ကလီကွံာ်စီၤနဧၤမၣ်, တအိၣ်ဘၣ်ဒီးတၢ်ဟံးန့ၢ်တ့ၢ်တၢ်ဟ့ၣ်ဘၣ်လီၤ. အဝဲကြၢးတူၢ်လိာ်တၢ်လၢပှၤစူၤရံဖိစီၤနဧၤမၣ်ဟ့ၣ်အီၤန့ၣ် လီၤ. ခီဖျိယွၤလၢအမူဝဲန့ၣ်, ယကလဲၤဃ့ၢ်ပိာ်ထွဲအခံဒီးမၤန့ၢ် တၢ်တမံၤမံၤလၢအအိၣ်န့ၣ်လီၤ.”
21 လၢတၢ်န့ၣ်အဃိအဝဲဟးထီၣ်လူၤပိာ်ထွဲစီၤနဧၤမၣ်အခံန့ၣ်လီၤ. တုၤစီၤနဧၤမၣ်ထံၣ်ဘၣ်လၢပှၤတဂၤဟဲဃ့ၢ်ပိာ်ထွဲအခံန့ၣ်, အဝဲစံၣ်လီၤလၢအလ့ၣ်ကဟၣ်အလိၤလၢကသဂၢၢ်အီၤအဂီၢ်ဒီးသံကွၢ် အီၤ, “မ့ၢ်တၢ်လဲၤကမၣ်အသးတမံၤမံၤဧါ.”
22 စီၤက့ၤဃစံစံးဆၢဝဲ, “တမ့ၢ်နီတမံၤဘၣ်.” ဘၣ်ဆၣ်ယကစၢ်မၢလီၤယၤလၢယကတဲဘၣ်နၤလၢခဲအံၤဒၣ်လဲာ်, ပှၤခံဂၤလၢဝံတဖၣ်အကရူၢ်ပူၤလၢကစၢၢ်အ့ဖရဲၣ်တခီဟဲတုၤဝဲ, ဒီးအဝဲအဲၣ်ဒိးဝဲလၢနကဟ့ၣ်အဝဲသ့ၣ်စ့အဘ့ၣ်သၢကထိဒီးတၢ်ကူ တၢ်သိးအဂ့ၤလၢကကလံၤအသးခံဘျီအဂီၢ်န့ၣ်လီၤ.”
23 စီၤနဧၤမၣ်စံးဆၢဝဲ, “ဝံသးစူၤက့ၤစိာ်စ့အဘ့ၣ်ဃုကထိတ က့ၢ်.” အဝဲတဲတၢ်ဂ့ၢ်န့ၣ်သပှၢ်ပှၢ်, ဒီးစၢဃာ်စ့န့ၣ်လၢထၢၣ်ခံဖျၢၣ် အပူၤအိၣ်ဒီးတၢ်ကူတၢ်သိးအဂ့ၤလၢပှၤကလံၤကလဲအသးခံဘျီအ ဂီၢ်, ဒီးဟ့ၣ်လီၤဝဲဆူအခ့အပှၤခံဂၤ, ဒီးမၢအလဲၤတၢ်လၢစီၤက့ၤ ဃစံအမဲာ်ညါဒီးစိာ်န့ၢ်အီၤန့ၣ်လီၤ.
24 တုၤအလဲၤတုၤဆူတၢ်လူၢ်ဖဲစီၤအလံၤၡါအိၣ်ဝဲန့ၣ်, စီၤက့ၤဃစံဟံးန့ၢ်စ့ထၢၣ်ခံဖျၢၣ်န့ၣ်ဒီးက့ၤစိာ်နုာ်ဝဲဆူ ဟံၣ်ပူၤန့ၣ်လီၤ. အန့ၣ်ဝံၤဒီးအဝဲဆှၢကဒါက့ၤစီၤနဧၤမၣ်အခ့အပှၤတဖၣ်န့ၣ်လီၤ.
25 စီၤက့ၤဃစံက့ၤနုာ်ကဒါက့ၤဆူဟံၣ်ပူၤဒီးစီၤအလံၤၡါသံ ကွၢ်အီၤ, “နလဲၤဖဲလဲၣ်.”
အဝဲစံးဆၢဝဲ, “အိ, တၢ်ဒိၣ်ဧၢ, ယတလဲၤတၢ်နီတပူၤဘၣ်.”
26 ဘၣ်ဆၣ်စီၤအလံၤၡါစံးဝဲ, “ဖဲပှၤတဂၤန့ၣ်စံၣ်လီၤလၢအလ့ၣ် ကဟၣ်အလိၤလၢကသဂၢၢ်နၤအဂီၢ်န့ၣ်, မ့ၢ်ယတအိၣ်ဖဲန့ၣ်လၢသူၣ်လၢသးဘၣ်ဧါ. အကတီၢ်အံၤတမ့ၢ်ဘၣ်တၢ် အကတီၢ်လၢပကတူၢ်လိာ်စ့ဒီးတၢ်ကူတၢ်သိး, သ့ၣ်စၤယံးအလီၢ်ဒီးစပံးမုၢ်အလီၢ်, ဒီးဂီၤဘုၣ်ဂီၤဖံးမ့တမ့ၢ်တၢ်ခ့တၢ်ပှၤတဖၣ်န့ၣ်ဘၣ်.
27 ခဲကနံၣ်အံၤစီၤနဧၤမၣ်အတၢ်ဆါကလီၤဘၣ်လၢနလိၤဒီး, နၤဒီးနစၢၤနသွဲၣ်တဖၣ်ကအိၣ်ဒီးတၢ်ဆါအံၤလီၤစိၤလီၤထီန့ၣ် လီၤ.”
တုၤစီၤက့ၤဃစံဟးထီၣ်ကွံာ်န့ၣ်အဝဲမၤန့ၢ်တၢ်ဆါဒီးအဖံးဝါ ဝဲဒ်မူခိၣ်ဖီအသိးန့ၣ်လီၤ.