2
1 ဒီးစီၤနိၣ်အဖိခွါစီၤယိၤၡူမၢလီၤပှၤကွၢ်ဟုၣ်ကွၢ် စုးတၢ်ခံဂၤလၢသူၣ်ဒဲလီၢ်ၡံးတံၣ်အိၣ်ဒီးတၢ်မၤလိာ်အဝဲသ့ၣ် လၢအကလဲၤတၢ်, ဒီးလၢတၢ်ခူသူၣ်အပူၤကကွၢ်ဃုသ့ၣ်ညါကီၢ်ကနၤဧၣ်, လီၤဆီဒၣ်တၢ်ဝ့ၢ်ယရံၤဃိန့ၣ်လီၤ. ဖဲအဝဲသ့ၣ်လဲၤတုၤလၢဝ့ၢ်န့ၣ်ဒီး, လဲၤနုာ်မံဝဲဖဲပှၤဃဲသဲမုၣ်နီၢ်ရၤဃးအဟံၣ်န့ၣ်လီၤ.
2 ဝ့ၢ်ယရံၤဃိအစီၤပၤနၢ်ဟူဝဲလၢပှၤအံၣ်စရ့လးဖိတနီၤဟဲဝဲလၢမုၢ်နၤအံၤ လၢအကကွၢ်ဟုၣ်ကွၢ်စုးထံကီၢ်,
3 သတးဒီးအဝဲဆှၢလီၤတၢ်ကစီၣ်ဆူနီၢ်ရၤဃးအအိၣ်ဒီးစံးဝဲ, “ပှၤလၢအအိၣ်လၢနဟံၣ်ပူၤတဖၣ်ဟဲလၢကကွၢ်ဟုၣ်ကွၢ်စုးထံကီၢ် ဒီဘ့ၣ်လီၤ. ဟဲစိာ်ထီၣ်အဝဲသ့ၣ်တက့ၢ်.”
4 အဝဲစံးဆၢဝဲ, “မ့ၢ်, ပှၤဟဲတုၤလၢယဟံၣ်လီၤ. ဘၣ်ဆၣ်ယတသ့ၣ်ညါအဝဲသ့ၣ်ဟဲဖဲလဲၣ်န့ၣ်ဘၣ်.
5 အဝဲသ့ၣ်ဟးထီၣ်ကွံာ်ဖဲမုၢ်လီၤနုာ်အကတီၢ်တ ချုးဒံးဘၣ်လၢဝ့ၢ်အတြဲၤဘၣ်တၢ်ကးတံၢ်အီၤန့ၣ်လီၤ. ယတသ့ၣ်ညါစ့ၢ်ကီးအဝဲသ့ၣ်ကလဲၤဖဲလဲၣ်ဘၣ်. ဘၣ်ဆၣ်နမ့ၢ်လူၤအဝဲသ့ၣ်ချ့ချ့ဒီးနကချုးန့ၢ်အဝဲသ့ၣ်ကစီ ဒီန့ၣ်လီၤ.”
6 နီၢ်နီၢ်တခီ, နီၢ်ရၤဃးဒုးလဲၤထီၣ်ပှၤခံဂၤန့ၣ်ဆူဟံၣ် ခိၣ်ဒီးမၤဘၢအဝဲသ့ၣ်လၢခီမၤအဘိတဖၣ်လၢအအိၣ်လၢဟံၣ်ခိၣ် န့ၣ်လီၤ.
7 စီၤပၤအပှၤတဖၣ်ဟးထီၣ်လၢဝ့ၢ်ပူၤ ဝံၤဒီးဝ့ၢ်တြဲၤဘၣ်တၢ်ကးတံၢ်အီၤန့ၣ်လီၤ. အဝဲသ့ၣ်လဲၤဒီးလူၤဃုပှၤအံၣ်စရ့လးဖိအပှၤကွၢ်ဟုၣ်ကွၢ်စုး တၢ်တုၤတၢ်လီၢ်ဖဲကျဲလၢအလဲၤခီဂာ်ထံကျိယၢ်ဒ့ၣ်န့ၣ်လီၤ.
8 တချူးဒံးဘၣ်လၢပှၤကွၢ်ဟုၣ်ကွၢ်စုးတၢ်ခံဂၤအံၤမံဒံးဘၣ်န့ၣ်, နီၢ်ရၤဃးလဲၤထီၣ်ဆူဟံၣ်ခိၣ်,
9 ဒီးစံးဘၣ်အဝဲသ့ၣ်, “ယသ့ၣ်ညါလၢယွၤဟ့ၣ်လီၤသုကီၢ်အံၤလီၤ. ပှၤကိးဂၤဒဲးလၢထံကီၢ်ပူၤအံၤပျံၤသုလီၤ.
10 ပနၢ်ဟူတ့ၢ်လၢဖဲသုဟးထီၣ်လၢကီၢ်အဲၤကူပတူးအခါန့ၣ်, ယွၤမၤလီၤသံးကွံာ်ပီၣ်လဲၣ်ဂီၤလၢသုမဲာ်ညါန့ၣ်လီၤ. ပနၢ်ဟူစ့ၢ်ကီးလၢသုမၤသံပှၤအမိၢ်ဖိအစီၤပၤ ခံဂၤစီၤစံဃိၣ်ဒီးစီၤဧိာ်လၢအအိၣ်လၢထံကျိယၢ်ဒ့ၣ်အမုၢ် ထီၣ်တကပၤဒ်လဲၣ်အဂ့ၢ်န့ၣ်လီၤ.
11 ဖဲပနၢ်ဟူတၢ်အံၤတဘျီဃီဒီးပပျံၤတၢ်လီၤ. လၢသုဃိပတၢ်သူၣ်ဒူသးဒူလီၤမၢ်ကွံာ်လၢာ်လံ. ယွၤသုကစၢ်ယွၤအံၤမ့ၢ်ကစၢ်ယွၤလၢအအိၣ်လၢမူခိၣ်လၢထးဒီး လၢဟီၣ်ခိၣ်အံၤစ့ၢ်ကီးန့ၣ်လီၤ.
12 ဒီးခဲကနံၣ်အံၤဆိၣ်လီၤသုသးလၢယွၤအမဲာ်ညါလၢသုကမၤဂ့ၤ ဘၣ်ယပှၤဟံၣ်ဖိဒ် ယမၤဂ့ၤဘၣ်သုအသိးဒီးဟ့ၣ်ယၤတၢ်ပနီၣ်တမံၤလၢယနာ်န့ၢ်သုကသ့ အဂီၢ်န့ၣ်တက့ၢ်.
13 အၢၣ်လီၤယၤလၢသုကမၤပူၤဖျဲးယပၢ်ဒီးယမိၢ်, ယဒီပုၢ်ဝဲၢ်ခွါတဖၣ်ဒီးယဒီပုၢ်ဝဲၢ်မုၣ်တဖၣ်ဃုာ် ဒီးအဝဲသ့ၣ်အဒူၣ်ဖိထၢဖိခဲလၢာ်တက့ၢ်. တဘၣ်ပျဲပှၤမၤသံပှၤတဂ့ၤ.”
14 ဒီးပှၤတဖၣ်န့ၣ်စံးဘၣ်အီၤ, “ပမ့ၢ်တမၤဒ်ပစံးအသိးဘၣ်ဒီး, မ်ကစၢ်ယွၤဟံးထီၣ်ကွံာ်ပသးသမူတဖၣ်တက့ၢ်. တၢ်လၢပမၤအံၤန့ၣ်နမ့ၢ်တတဲပှၤနီတဂၤဘၣ်ဒီး, ပအၢၣ်လီၤနၤလၢဖဲယွၤဟ့ၣ်လီၤပှၤကီၢ်အံၤန့ၣ်, ပကမၤနၤဂ့ၤဂ့ၤဒီးတီတီန့ၣ်လီၤ.”
15 နီၢ်ရၤဃးအိၣ်လၢဟံၣ်တဖျၢၣ်လၢအအိၣ်လၢဝ့ၢ်ခိၣ်ဒူအဖီခိၣ်သ တးဒီးအဝဲဒၣ်စဲၤလီၤပှၤတဖၣ်အံၤလၢပဲတြီလၢပျံၤတဘိန့ၣ် လီၤ.
16 အဝဲဒၣ်စံးဝဲ, “လဲၤဆူကစၢၢ်ကလိအကျါတက့ၢ်. မ့တမ့ၢ်ဘၣ်ဒီးစီၤပၤအပှၤတဖၣ်ကထံၣ်န့ၢ်သုလီၤ. အိၣ်ခူသူၣ်ဖဲန့ၣ်သၢသီတုၤအဝဲသ့ၣ်ဟဲက့ၤကဒါက့ၤတက့ၢ်. အန့ၣ်ဝံၤဒီးသုလဲၤဒၣ်လၢသုကျဲသ့လီၤ.”
17 ပှၤတဖၣ်န့ၣ်စံးဘၣ်အီၤ, “ပကဟံးဃာ်တၢ်အၢၣ်လီၤလၢနမၢပမၤဒီးနၤန့ၣ်လီၤ.
18 နဲနဘၣ်မၤတၢ်အံၤလီၤ. ဖဲပဟဲဒုးနထံနကီၢ်န့ၣ်, စၢဃာ်လုၣ်ဂီၤတဘိအံၤလၢပဲတြီလၢ နစဲၤလီၤပှၤန့ၣ်တက့ၢ်. ဒီးပာ်ဖှိၣ်နပၢ်, နမိၢ်, နဒီပုၢ်ဝဲၢ်ခွါတဖၣ်, ဒီးနပၢ်အဒူၣ်ဖိထၢဖိခဲလၢာ်လၢနဟံၣ်ပူၤတက့ၢ်.
19 ပှၤတဂၤဂ့ၤတဂၤဂ့ၤမ့ၢ်ဟးထီၣ်လၢနဟံၣ်ပူၤဒီး, အတၢ်သံကမ့ၢ်ဒၣ်အတၢ်ကမၣ်ဒၣ်ဝဲန့ၣ်လီၤ. ဒီးတမ့ၢ်ပမူပဒါဘၣ်န့ၣ်လီၤ. ဘၣ်ဆၣ်ဒီး, ပှၤတဂၤဂ့ၤတဂၤဂ့ၤလၢအအိၣ်လၢနဟံၣ်ပူၤအံၤတၢ်မ့ၢ်ဘၣ်ဒိဘၣ် ထံးအီၤန့ၣ်, အဝဲန့ၣ်မ့ၢ်ပမူပဒါန့ၣ်လီၤ.
20 သနာ်က့, တၢ်လၢပမၤန့ၣ်, နမ့ၢ်တဲဘၣ်ပှၤတဂၤဂၤဒီး, တလိၣ်လၢပကဟံးဃာ်ပတၢ်အၢၣ်လီၤလၢနမၢပမၤဒီးနၤန့ၣ်ဘၣ်လီၤ.”
21 အဝဲအၢၣ်လီၤဝဲဒီးပျၢ်ကွံာ်အဝဲသ့ၣ်န့ၣ်လီၤ. တုၤအဝဲသ့ၣ်ဟးထီၣ်ကွံာ်ဝဲဒီး, အဝဲစၢဃာ်လုၣ်ဂီၤတဘိလၢပဲတြီန့ၣ်လီၤ.
22 ပှၤကွၢ်ဟုၣ်ကွၢ်စုးတၢ်တဖၣ်လဲၤဆူကစၢၢ်ကလိအကျါဒီးအိၣ်ခူ သူၣ်ဝဲလီၤ. စီၤပၤအပှၤတဖၣ်ကွၢ်ဃုအဝဲသ့ၣ်သကုၤဆးဒးလၢသၢသီအတီၢ်ပူၤ ဘၣ်ဆၣ်ဒီးတထံၣ်န့ၢ်အဝဲသ့ၣ်ဘၣ်. အဃိ, အဝဲသ့ၣ်က့ၤကဒါက့ၤဆူဝ့ၢ်ယရံၤဃိန့ၣ်လီၤ.
23 ထဲန့ၣ်ဒီး, ပှၤကွၢ်ဟုၣ်ကွၢ်စူးတၢ်ခံဂၤဟဲက့ၤလီၤလၢကစၢၢ်က လိ, ခီဂာ်ထံကျိ, ဒီးက့ၤကဒါက့ၤဆူစီၤယိၤၡူအအိၣ်လီၤ. အဝဲသ့ၣ်စံးဘၣ်အီၤလၢတၢ်ခဲလၢာ်လၢအမၤအသးဒီးအဝဲသ့ၣ်န့ၣ် လီၤ.
24 ဒီးစံးဝဲဒၣ်, “ပသ့ၣ်ညါလီၤတံၢ်လၢယွၤဟ့ၣ်လီၤပှၤထံကီၢ်ဒီဘ့ၣ်လံ. ပှၤဖဲန့ၣ်ခဲလၢာ်ပျံၤပှၤဒိၣ်မးန့ၣ်လီၤ.”