50
1 အအံၤမ့ၢ်တၢ်ကစီၣ်လၢ ယွၤဟ့ၣ်ယၤဘၣ်ဃးဝ့ၢ်ဘၤဘူၤလိၣ်ဒီး အပှၤဂီၢ်မုၢ်အဂ့ၢ်န့ၣ်လီၤ.
2 တဲဘၣ်ပှၤကလုာ်တဖၣ်လၢ တၢ်ကစီၣ်တက့ၢ်.
“တဲဖျါထီၣ်အီၤတက့ၢ်.
ဟ့ၣ်လီၤတၢ်ပနီၣ်ဒီးဘိးဘၣ်သ့ၣ်ညါတၢ်ကစီၣ်
တဖၣ်တက့ၢ်.
တဘၣ်ပာ်အီၤဒ်တၢ်ခူသူၣ်တမံၤအသိးတဂ့ၤ.
ကီၢ်ဘၤဘူၤလိၣ်အတၢ်ဂီၤတၢ်ဖီၣ်တဖၣ်ဘၣ်တၢ်မၤမဲာ်ဆှးကွံာ်အီၤလံ.
အတၢ်ဂီၤတၢ်ဖီၣ်လၢ အလီၤသးဘၣ်အၢတဖၣ်ဘၣ်
တၢ်မၤလီၤသဘှံးကွံာ်အီၤလီၤ.
3 အဂ့ၢ်ဒ်အံၤ, ပှၤတကလုာ်လၢ ကလံၤစိး တခီဟဲဝဲဒ်သိးအကဒုးကီၢ်ဘၤဘူၤလိၣ်ဒီး
ကဒုးကဲထီၣ်အီၤလၢ မဲးမုၢ်ခိၣ်တတီၤန့ၣ်လီၤ.
ပှၤကညီဒီး ဆၣ်ဖိကီၢ်ဖိတဖၣ် ကဃ့ၢ်ကွံာ်ဒီး
ပှၤတအိၣ်ဖဲန့ၣ်နီတဂၤလၢၤဘၣ်.”
4 ယွၤစံးဝဲဒၣ်, “ဖဲတၢ်ဆၢကတီၢ်န့ၣ်ဟဲလံဒီး, ကီၢ်အံၣ်စရ့လးဒီး ကီၢ်ယူဒၤအပှၤဂီၢ်မုၢ်တဖၣ်ကဟဲဃုယၤ, အဝဲသ့ၣ်အကစၢ်ယွၤ, အိၣ်ဒီးမဲာ်ထံမဲာ်နိန့ၣ်လီၤ.
5 အဝဲသ့ၣ်ကသံကွၢ်ကျဲလဲၤဆူ ဝ့ၢ်စံယိၣ်ဝံၤဒီးလဲၤပိာ်ကျဲအဝဲန့ၣ်လီၤ. အဝဲသ့ၣ်ကမၤတၢ်အၢၣ်လီၤအီလီၤအထူအယိာ်တမံၤဒီးယၤဒီး တမၤဟးဂီၤဝဲနီတစုဘၣ်.
6 ယပှၤဂီၢ်မုၢ်တဖၣ်န့ၣ်လီၤဂာ်ဒ်သိလၢ အပှၤကွၢ်သိတဖၣ် ပျဲအဝဲသ့ၣ်လီၤမၢ်ကွံာ်လၢ ကစၢၢ်ကလိတဖၣ်အကျါအသိး
န့ၣ်လီၤ. အဝဲသ့ၣ်ဟးဝ့ၤဝီၤဒ်သိတဖၣ်အသိးလၢ
ကစၢၢ်တဖျၢၣ်ဆူအဂၤတဖျၢၣ်,
ဒီးအဝဲသ့ၣ်သးပ့ၤနီၣ်ကွံာ်အဟံၣ်အိၣ်ဖဲလဲၣ်န့ၣ်လီၤ.
7 အဝဲသ့ၣ်ဘၣ်တၢ်ဒုးအီၤလၢပှၤလၢအထံၣ်န့ၢ်အီၤခဲလၢာ်လီၤ. အဝဲသ့ၣ်အဒုၣ်အဒါတဖၣ် စံးဝဲလၢ, အဝဲသ့ၣ်မၤတ့ၢ်တၢ်ဒဲးဘး ထီဒါယွၤအဃိ, တၢ်လၢပမၤတ့ၢ်န့ၣ်တကမၣ်ဘၣ်.
အဝဲသ့ၣ်အမိၢ်ပၢ်ဖံဖုလၢပျၢၤတဖၣ် နာ်ယွၤဒီးအဝဲသ့ၣ်
အကစၢ်ဒၣ်ဝဲစ့ၢ်ကီး ကြၢးသးတီတ့ၢ်ဒံးဒီးအီၤန့ၣ်လီၤ.
8 ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ထွးထီၣ်ဃ့ၢ်ကွံာ်လၢ ကီၢ်ဘၤဘူၤလိၣ်တက့ၢ်. ပာ်တ့ၢ်ကွံာ်ကီၢ်န့ၣ်တက့ၢ်.
မ်နကမ့ၢ်ဒၣ်ဝဲ ပှၤအဆိကတၢၢ်လၢ အကဟးထီၣ်န့ၣ်တက့ၢ်.
9 ယကထိၣ်ဂဲၤထီၣ် ပှၤကလုာ်တကရူၢ်လၢအဂံၢ်ဆူၣ်လၢကလံၤစိးတခီဒိးပျဲအဝဲသ့ၣ် ဒုးကီၢ်ဘၤဘူၤလိၣ်န့ၣ်လီၤ. အဝဲသ့ၣ် ကရဲၣ်လီၤအသးလၢတၢ်ဒုးအပူၤထီဒါ ထံကီၢ်အံၤဒီးမၤနၢၤအီၤန့ၣ်လီၤ. အဝဲသ့ၣ်မ့ၢ် ပှၤခးတၢ်ဖိလၢ
အသ့မးတဖၣ်ဒီး ပျၢ်တဖၣ်လၢ အခးဝဲန့ၣ်ဘၣ်တၢ်ပနီၣ်ကိးဘျီဒဲးန့ၣ်လီၤ.
10 ကီၢ်ဘၤဘူၤလိၣ်ကဘၣ်တၢ်ဂုာ်ဆူၣ်ပျီဆူၣ်အီၤ, ဒီးပှၤတဖၣ်လၢ အဂုာ်ဆူၣ်ပျီဆူၣ်အီၤ, ကဟံးန့ၢ်တၢ်ခဲလၢာ်လၢ အသးလီဝဲန့ၣ်လီၤ. ယၤ, ယွၤအံၤ, ကတိၤလံတၢ်လံ.”
11 ယွၤစံးဝဲဒၣ်, “ကီၢ်ဘၤဘူၤလိၣ်အပှၤဂီၢ်မုၢ်သ့ၣ်ဧၢ, သုဂုာ်ဆူၣ်ပျီဆူၣ်တ့ၢ်ယပှၤကလုာ်န့ၣ်လီၤ. သုသူၣ်ဖှံသးညီဒီး သူၣ်ခုသးခုဒီး သုဝ့ၤဝီၤသုသးဒ်ဂီၤဖံးမိၢ်တဒုလၢ အယီၢ်ဘုအသိးမ့ၢ်ဂ့ၤ, ကသ့ၣ်လၢအကဟဲးမ့ၢ်ဂ့ၤ
12 ဘၣ်ဆၣ်ဒီး, သုကစၢ်ဒၣ်ဝဲသုဝ့ၢ်ဖးဒိၣ်ကဘၣ်တၢ်ဆီၣ်လီၤအီၤ, ဒီးမၤမဲာ်ဆှးကွံာ်အီၤလီၤ. ကီၢ်ဘၤဘူၤလိၣ်ကကဲထီၣ်ကီၢ်အဆံးကတၢၢ်လၢ တဒိၣ်တမုၢ်ဘၣ်လၢ ထံကီၢ်တဖၣ်အကျါ, ဒီးကကဲထီၣ်မဲးမုၢ်ခိၣ်လၢ အဃ့ထီတတီၤဖဲ ထံတအိၣ်ဘၣ်န့ၣ်လီၤ.
13 မ့ၢ်လၢယသးဒိၣ်ထီၣ်အဃိ, ပှၤတအိၣ်ဆိးဘၣ်လၢ ကီၢ်ဘၤဘူၤလိၣ်အပူၤနီတဂၤဘၣ်. ကအိၣ်တ့ၢ်လၢတၢ်ဟးဂီၤ
အပူၤဒီးပှၤလၢအလဲၤတြူာ်ဘၣ်အီၤခဲလၢာ်
ကကမၢကမၣ်ဒီးအသးကလီၤကတုၤဝဲလီၤ.
14 ပှၤခးချံၣ်ဖိတဖၣ်ဧၢ, ရဲၣ်လီၤသုသးလၢ တၢ်ဒုးထီဒါ ကီၢ်ဘၤဘူၤလိၣ်အဂီၢ်ဒီး ကဝီၤဃာ်အီၤတက့ၢ်. ခးသုပျၢ်ခဲလၢာ်ဆူ ကီၢ်ဘၤဘူၤလိၣ်တက့ၢ်. အဂ့ၢ်ဒ်အံၤ, မၤတ့ၢ်တၢ်ဒဲးဘးထီဒါယၤ,
ယွၤ, န့ၣ်လီၤ.
15 ကိးပသူထီၣ်တၢ်ဒုးအတၢ်ကိးဝးတရံးန့ၣ်တက့ၢ်. ခဲကနံၣ်အံၤ, ကီၢ်ဘၤဘူၤလိၣ်ပာ်လီၤအစုကဝဲၤလံ. အဝ့ၢ်ခိၣ်ဒူတဖၣ်ဘၣ်တၢ်မၤဟးဂီၤအီၤဒီး ဘၣ်တၢ်မၤလီၤပှီၢ်အီၤလံ. သုဝဲစ့ၢ်ကီးဟ့ၣ်ကၣ်ဆၢက့ၤတၢ်အၢလၢ အဝဲသ့ၣ်အလိၤတက့ၢ်.
မၤအဝဲသ့ၣ် ဒ်အဝဲသ့ၣ်မၤဘၣ်တ့ၢ်ပှၤအဂၤတဖၣ်အသိးန့ၣ်တက့ၢ်.
16 ပျဲတၢ်ချံတဖၣ်ဘၣ်တၢ်ဖှံလီၤအီၤလၢ ထံကီၢ်န့ၣ်အပူၤ, မ့တမ့ၢ် တၢ်ကူးက့ၤဘၣ်အီၤတၢ်ထၢဖှိၣ်က့ၤဘၣ်အီၤန့ၣ်တဂ့ၤ. ကယဲၢ်ပှၤတခီထံတခီကီၢ်လၢ အအိၣ်ဆိးဖဲန့ၣ်ကပျံၤဘၣ်သုးမုၢ်လၢကဟဲထီၣ်ဒုးတၢ်အဃိဒီး, အဝဲသ့ၣ်ကက့ၤကဒါက့ၤဆူ အဟံၣ်န့ၣ်လီၤ.”
17 ယွၤစံးဝဲဒၣ်, “ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်သိတဖၣ် လၢဘၣ်တၢ်လူၤအီၤဒီးမၤလီၤပြံလီၤပြါအီၤလၢ ခ့ယုၢ်တဖၣ်အသိး န့ၣ်လီၤ. အဆိကတၢၢ်, အဝဲသ့ၣ်ဘၣ်တၢ်ဒုးအီၤလၢ ကီၢ်
အၤၡူၢ်အစီၤပၤဖးဒိၣ်, ဝံၤဒီး ကီၢ်ဘၤဘူၤလိၣ်အစီၤပၤ
နဘူၤကးန့စၢ်အ့ၣ်သဘှံးကွံာ်အဝဲသ့ၣ်အဃံအကွဲတဖၣ်န့ၣ်လီၤ.
18 လၢတၢ်အံၤအဃိ, ယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကစံၣ်ညီၣ်စီၤပၤနဘူၤကးန့စၢ်ဒီး အထံအကီၢ်, ဒ်ယစံၣ်ညီၣ်တ့ၢ်ကီၢ် အၤၡူၢ်အစီၤပၤဖးဒိၣ်အသိးန့ၣ်လီၤ.
19 ကဒုးအိၣ်ကဒါက့ၤ ကီၢ်အံၣ်စရ့လးအပှၤဂီၢ်မုၢ်လၢအထံလီၢ်ကီၢ်ပူၤလီၤ. အဝဲသ့ၣ်ကအီၣ်တၢ်အီၣ်လၢအမဲထီၣ်သၣ်ထီၣ်ဝဲ လၢကစၢၢ်ကၢ်မ့ၤလးအလိၤဒီးလၢအလီၢ်ကဝီၤတဖၣ်အပူၤဒီး
အဝဲသ့ၣ်ကအီၣ်တၢ်ခဲလၢာ်လၢ အသးအိၣ်အီၣ်ဝဲ,
လၢအမဲထီၣ်သၣ်ထီၣ်ဝဲလၢအ့ဖရဲၣ်ဒီးကံးလဧးအလီၢ်ကဝီၤတဖၣ်
အပူၤန့ၣ်လီၤ.
20 ဖဲတၢ်ဆၢကတီၢ်န့ၣ် ဟဲတုၤဝဲဒီး, တၢ်တထံၣ်ဘၣ်လၢၤ တၢ်ဒဲးဘးနီတမံၤလၢကီၢ်အံၣ်စရ့လးအပူၤ, ဒီးတၢ်အၢတၢ်သီနီတမံၤလၢ ကီၢ်ယူဒၤအပူၤလၢၤဘၣ်. အဂ့ၢ်ဒ်အံၤ, ယကပျၢ်ပှၤဂီၢ်မုၢ်အံၤလၢ ယပျဲပူၤတ့ၢ်လံ
အသးသမူတဖၣ် အတၢ်ကမၣ်န့ၣ်လီၤ, ယၤ, ယွၤအံၤ, ကတိၤလံတၢ်လံ.”
21 ယွၤစံးဝဲဒၣ်, “လဲၤထီၣ်ဒုးကီၢ်မရၤသဲၣ်ဒီးကီၢ်ပကိး အပှၤဂီၢ်မုၢ်န့ၣ်တက့ၢ်. မၤသံဒီးမၤဟးဂီၤအဝဲသ့ၣ်တက့ၢ်.
မၤတၢ်ခဲလၢာ်လၢ ယမၤလိာ်နၤန့ၣ်တက့ၢ်. ယၤ, ယွၤအံၤ,
ကတိၤလံတၢ်လံ.
22 တၢ်ဒုးအသီၣ်ဟူထီၣ်လၢ ထံလီၢ်ကီၢ်ပူၤဒီး တၢ်မၤဟးဂီၤ ဖးဒိၣ်အိၣ်ဝဲလီၤ.
23 ကီၢ်ဘၤဘူၤလိၣ်တီၢ်ကၢ်တီၢ်လီၤကလဲဟီၣ်ခိၣ်ဒီးခဲကနံၣ်အံၤ အခံၣ်ခူၣ်န့ၣ်ဘၣ်တၢ်မၤလီၤကလဲအီၤလံ. ပှၤကလုာ်ခဲလၢာ်ကမၢကမၣ်ဝဲလၢ တၢ်လၢအမၤတ့ၢ်အသးဒီး
ကီၢ်အဝဲန့ၣ်န့ၣ်လီၤ.
24 ကီၢ်ဘၤဘူၤလိၣ်ဧၢ, နဒုးတၢ်ထီဒါတ့ၢ်ယၤဒီးနဘၣ်တၢ်ဖီၣ်န့ၢ် နၤလၢထုလၢယပာ်လီၤအီၤလၢနဂီၢ်အပူၤ, တချုးလၢနသ့ၣ်ညါဒံးဒၣ်လဲာ်န့ၣ်လီၤ.
25 ယအိးထီၣ်တ့ၢ်တၢ်လီၢ်ဖဲ ယတၢ်စုကဝဲၤတဖၣ်ဘၣ်တၢ်ပာ်ဖှိၣ်တ့ၢ်အီၤ, ဒီးလၢယတၢ်သးဒိၣ်ထီၣ်အပူၤန့ၣ်ယထုးထီၣ်က့ၤအီၤ ခဲလၢာ်လီၤ. အဂ့ၢ်ဒ်အံၤ, ယၤ, ယွၤပၢဘၣ်တၢ်ခဲလၢာ်ကစၢ်ယွၤသ့တၢ်လၢာ်အိၣ်ဒီး
အတၢ်မၤလၢကဘၣ်မၤဝဲလၢ ကီၢ်ဘၤဘူၤလိၣ်အပူၤအဃိန့ၣ်လီၤ.
26 လဲၤထီၣ်ဒုးအီၤလၢ ကိးကပၤဒဲးဒီးအိးထီၣ်ကွံာ်တၢ်လီၢ်တဖၣ်လၢ အဘုဟုတဖၣ်ဘၣ်တၢ်ပာ်ဖှိၣ်အီၤန့ၣ်တက့ၢ်. ပူၣ်ထီၣ်တၢ်ဂုာ်န့ၢ် တဖၣ်ဒ်ဘုဟုအပူၤတဖၣ်အသိးန့ၣ်တက့ၢ်. မၤဟးဂီၤကွံာ်ထံကီၢ်တက့ၢ်. ပာ်တီၢ်တၢ်နီတမံၤတဂ့ၤ.
27 မၤသံအဝဲသ့ၣ်အသုးဖိလၢ အလီၤဂာ်ဒ် ကျီၢ်ဖါဖိခဲလၢာ် တက့ၢ်. မၤသံမၤဝီအဝဲသ့ၣ်တက့ၢ်. ကီၢ်ဘၤဘူၤလိၣ်အပှၤ
ဂီၢ်မုၢ်ဘၣ် တၢ်စံၣ်ညီၣ်ဃါမနၤလီၤ. တၢ်ဆၢကတီၢ်ဟဲတုၤလံ
ဝဲလၢအဝဲသ့ၣ်အဂီၢ်လၢ ကဘၣ်တၢ်စံၣ်ညီၣ်အီၤန့ၣ်လီၤ.”
28 (ပှၤတဖၣ်လၢ အဃ့ၢ်ထူၣ်ဖျဲးထီၣ်လၢ ကီၢ်ဘၤဘူၤလိၣ် န့ၣ်ဟဲဆူဝ့ၢ်ယရူၤၡလ့ၣ်ဒီး အဝဲသ့ၣ်စံးဘၣ်တဲဘၣ်တၢ်ဘၣ်ဃးဒီးယွၤ, ပကစၢ်ယွၤ, မၤကၣ်ဆၢက့ၤပှၤဘၤဘူၤလိၣ်ဖိတဖၣ်လၢ တၢ်လၢအဝဲသ့ၣ်မၤဘၣ်တ့ၢ်အဝဲ အတၢ်လုၢ်ဟံၣ်အဂီၢ်,
ဒ်လဲၣ်အဂ့ၢ်န့ၣ်လီၤ.)
29 “တဲဘၣ်ပှၤခးချံၣ်ဖိတဖၣ်လၢ ကလဲၤထီၣ်ဒုးကီၢ်ဘၤဘူၤလိၣ်တက့ၢ်. ဆှၢထီၣ်ပှၤကိးဂၤဒဲးလၢ အသူချံၣ်ခးချံၣ်သ့န့ၣ်တက့ၢ်. ကဝီၤဃာ်ဝ့ၢ်န့ၣ်ဒီး ပျဲပှၤဃ့ၢ်ထူၣ်ဖျဲးနီတဂၤတဂ့ၤ. ဟ့ၣ်ကၣ်ဆၢက့ၤအီၤ, လၢတၢ်လၢအမၤတ့ၢ်ဝဲခဲလၢာ်အဃိ, ဒီးမၤအီၤဒ်အမၤဘၣ်တ့ၢ်ပှၤအဂၤတဖၣ်အသိးန့ၣ်, အဂ့ၢ်ဒ်အံၤ,
မၤတ့ၢ်တၢ်လၢ တၢ်ထီဒါယၤ, အံၣ်စရ့လးအပှၤစီဆှံတဂၤန့ၣ်
လၢတၢ်ပာ်ကဖၢလၢသးအပူၤအဃိလီၤ.
30 လၢတၢ်န့ၣ်အဃိ, အပှၤပိာ်ခွါသးစၢ်တဖၣ်ကဘၣ်တၢ်မၤသံအီၤ လၢဝ့ၢ်အကျဲဘိတဖၣ်အပူၤ, ဒီးသုးဖိခဲလၢာ်ကဘၣ်တၢ်မၤဟးဂီၤအီၤလၢ မုၢ်နံၤအဝဲန့ၣ်လီၤ. ယၤ, ယွၤအံၤ, ကတိၤလံတၢ်လံ.
31 ကီၢ်ဘၤဘူၤလိၣ်ဧၢ, နပှဲၤဒီးတၢ်ပာ်ထီၣ်ထီနသးလီၤ. လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်ယွၤသ့တၢ်လၢာ်ထီဒါနၤလီၤ. တၢ်ဆၢကတီၢ်ဟဲတုၤလံလၢယဂီၢ်လၢယကစံၣ်ညီၣ်နၤန့ၣ်လီၤ.
32 နပှၤကလုာ်လၢ အပာ်ထီၣ်ထီအသးန့ၣ် အခီၣ်ကဘၣ်တိၢ်ဒီး ကလီၤဃံၤဝဲလီၤ. ဒီးပှၤလၢကဝံၣ်ဆၢထၢၣ်က့ၤအီၤတအိၣ်
နီတဂၤဘၣ်. ယကဒွဲၣ်အူထီၣ်နဝ့ၢ်တဖၣ်လၢ မ့ၣ်အူဒီး
တၢ်အိၣ်ဝးတရံးနၤခဲလၢာ်ကဘၣ်တၢ်မၤဟးဂီၤအီၤန့ၣ်လီၤ.”
33 ယွၤသ့တၢ်လၢာ်စံးဝဲဒၣ်, “ကီၢ်အံၣ်စရ့လးဒီးကီၢ်ယူဒၤ အပှၤဂီၢ်မုၢ်ဘၣ်တၢ်မၤအၢမၤနးအီၤလီၤ. ပှၤခဲလၢာ်
လၢအဖီၣ်န့ၢ်အဝဲသ့ၣ်န့ၣ်, ပၢၤဃာ်အဝဲသ့ၣ်ဘူးဘူးတံၢ်တံၢ်
ဒီး တပျၢ်ဖျဲးအဝဲသ့ၣ်န့ၣ်ဘၣ်.
34 ဘၣ်ဆၣ်ဒီး ပှၤတဂၤလၢကမၤပူၤဖျဲးအဝဲသ့ၣ်န့ၣ်အဂံၢ်ဆူၣ်အဘါ ဆူၣ်ဝဲဒီးအမံၤမ့ၢ်ဝဲ ယွၤသ့တၢ်လၢာ်န့ၣ်လီၤ. အဝဲအကစၢ်ဒၣ်ဝဲ ကဟံးထီၣ်အဝဲသ့ၣ်အကွီၢ်ဒီးကဟဲစိာ်တၢ်ဃူတၢ်ဖိးဆူ ဟီၣ်ခိၣ်,
ဒီးတၢ်ကီတၢ်ခဲဆူဘၤဘူၤလိၣ်အပှၤဂီၢ်မုၢ်အအိၣ်န့ၣ်လီၤ.”
35 ယွၤစံးဝဲဒၣ်, “မ်တၢ်သံကဘၣ်ကီၢ်ဘၤဘူၤလိၣ်,
မ်တၢ်သံကဘၣ်အပှၤဂီၢ်မုၢ်, အပှၤပၢတၢ်တဖၣ်,
အပှၤလၢအကူၣ်တၢ်သ့တဖၣ်
န့ၣ်တက့ၢ်.
36 မ်တၢ်သံကဘၣ်အဝံလၢ အလီအတၢ်တဖၣ်တက့ၢ်.
အဝဲသ့ၣ်မ့ၢ်မးပှၤဟးဂီၤဖိတဖၣ်န့ၣ်လီၤ.
မ်တၢ်သံကဘၣ်အပှၤသုးဖိတဖၣ်န့ၣ်တက့ၢ်.
အဝဲသ့ၣ်ကပျံၤတၢ်ဖုးတၢ်ဒိၣ်မးလီၤ.
37 မ်တၢ်မၤဟးဂီၤကွံာ်အကသ့ၣ်တဖၣ်ဒီး
အလ့ၣ်ကဟၣ်တဖၣ်တက့ၢ်.
မ်တၢ်သံကဘၣ်အသုးဖိတဖၣ်လၢ အဒိးလဲဝဲတက့ၢ်.
အဝဲသ့ၣ် အဂံၢ်အဘါကစၢ်ဆံးဒိၣ်လဲၣ်.
မ်တၢ်မၤဟးဂီၤကွံာ်အတၢ်လုၢ်ဒိၣ်ပှ့ၤဒိၣ်တဖၣ်,
ဒီးဂုာ်ဆူၣ်ပျီဆူၣ်ဒီး ဟံးန့ၢ်ဆူၣ်အီၤတက့ၢ်.
38 မ်တၢ်ယီၤဃ့ကလီၤဘၣ်လၢ အထံကီၢ်အလိၤ,
ဒီးမၤလီၤသံးကွံာ်အထံကျိတဖၣ်တက့ၢ်.
ကီၢ်ဘၤဘူၤလိၣ်မ့ၢ် ကီၢ်တဘ့ၣ်လၢအပှဲၤဒီးတၢ်ဂီၤတၢ်
ဖီၣ်လီၤပျံၤလီၤဖုး, လၢအဒုးပျုၢ်ထီၣ်ပှၤဂီၢ်မုၢ်န့ၣ်လီၤ.
39 သတးဒီး ကီၢ်ဘၤဘူၤလိၣ် ကဘၣ်တၢ်မၤတံာ် တာ်ုုမၤပျံၤမၤဖုးအီၤလၢ တၢ်ဝံတၢ်နါဒီး သးလၢအတ
ကဆှီတဖၣ်, ဒီးလၢထိၣ်လၢအတကဆှီတဖၣ်န့ၣ်လီး.
ပှၤဂီၢ်မုၢ်တအိၣ်လၢၤ ကဒီးဖဲန့ၣ်နီတစုဘၣ်. အစိၤစိၤဃၣ်
ဃၣ်န့ၣ် ပှၤတအိၣ်ဘၣ်ဖဲန့ၣ်ဘၣ်.
40 တၢ်တမံၤဃီလၢ အဘၣ်တ့ၢ်ဝ့ၢ်စဒိၣ်ဒီး ဂမိရၤဖဲ ယမၤဟးဂီၤအဝဲသ့ၣ်ဒီး ဝ့ၢ်အိၣ်ဘူးအိၣ်တံၢ်တဖၣ်
န့ၣ်ကဘၣ်စ့ၢ်ကီးဘၤဘူၤလိၣ်လီၤ. ပှၤတအိၣ်လၢၤဖဲန့ၣ်
နီတဂၤနီတစုလၢၤဘၣ်. ယၤ, ယွၤအံၤ, ကတိၤလံတၢ်လံ.
41 ပှၤဂီၢ်မုၢ်ဟဲဝဲလၢ ကီၢ်တဘ့ၣ်လၢကလံၤစိးတခီ,
မ့ၢ်ပှၤတကလုာ်ဖးဒိၣ်လၢလီၢ်ယံၤန့ၣ်လီၤ.
စီၤပၤအါဂၤကတဲာ်ကတီၤအသး လၢတၢ်ဒုးတၢ်ယၤအဂီၢ်လီၤ.
42 အဝဲသ့ၣ်ဟံးထီၣ်အချံၣ်တဖၣ်ဒီး အနးတဖၣ်လီၤ.
အဝဲသ့ၣ် အၢဝဲသီဝဲတသးကညီၤတၢ်ဘၣ်.
ဖဲအဝဲသ့ၣ်ဒိးအကသ့ၣ်တဖၣ်န့ၣ်, အတၢ်သီၣ်ဟူထီၣ်
ဝဲဒ်ပီၣ်လဲၣ်အထံသီၣ်ရုၢ်ရုၢ်အသိးန့ၣ်လီၤ.
အဝဲသ့ၣ်အိၣ်ကတဲာ်ကတီၤလံ အသးလၢ ကဒုးတၢ်ထီ
ဒါကီၢ်ဘၤဘူၤလိၣ်န့ၣ်လီၤ.
43 ကီၢ်ဘၤဘူၤလိၣ်အစီၤပၤနၢ်ဟူတၢ်ကစီၣ်ဒီးအစုတဖၣ်လီၤစၢ်ဝဲလီၤ.
တၢ်သူၣ်ကိၢ်သးဂီၤလုၣ်ဘၢအီၤဒ် ပိာ်မုၣ်တဂၤလၢ
အဟုးဆါဝဲအသိးန့ၣ်လီၤ.
44 ဒ်ခ့ယုၢ်တဒုဟဲထီၣ်လၢ သ့ၣ်ပှၢ်အတီၣ်လၢထံကျိယၢ်ဒ့ၣ်အသရ့ၤဆူ တၢ်အီၣ်ဆၣ်လီၢ်လါဟ့အသိးန့ၣ်, ယၤ, ယွၤအံၤ, ကဟဲဒီး ဒုးဃ့ၢ်ထီၣ်ကွံာ်ပှၤဘၤဘူၤလိၣ်ဖိတဖၣ် သတူၢ်ကလာ်လၢ
အဝဲသ့ၣ်အဝ့ၢ်န့ၣ်လီၤ. အန့ၣ်ဝံၤဒီး, ခိၣ်နၢ်တဂၤလၢ ယဃုထၢအီၤကပၢပှၤတကလုာ်န့ၣ်လီၤ.
မတၤထိၣ်သတြီၤအသးဒီး ယၤကသ့တဂၤလဲၣ်. မတၤ,
တၤယၤကဘူၣ်တဂၤလဲၣ်. ပှၤပၢတၢ်မတၤတဂၤထီဒါယၤကသ့န့ၣ်လဲၣ်.
45 လၢတၢ်န့ၣ်အဃိ, ဒိကနၣ်တၢ်ကူၣ်ကျဲၤလၢ ယမၤတ့ၢ်အီၤ ထီဒါဝ့ၢ်ဘၤဘူၤလိၣ်ဒီး တၢ်လၢယတိာ်ပာ်လၢ ယကမၤအပှၤ
ဂီၢ်မုၢ်န့ၣ်တက့ၢ်. အဝဲဒၣ်အဖိတဖၣ်ဒၣ်လဲာ်ကဘၣ်တၢ်တွံၢ်ထီၣ်
ကွံာ်အီၤဒီး ပှၤကိးဂၤဒဲးကပျံၤဘၣ်ဖုးဘၣ်အီၤန့ၣ်လီၤ.
46 ဖဲဝ့ၢ်ဘၤဘူၤလိၣ်လီၤပှီၢ်ကွံာ်ဝဲန့ၣ်, တၢ်အသီၣ်ဖးဒိၣ်တမံၤက ဟူထီၣ်ဝဲတုၤဒၣ်လဲာ်ဟီၣ်ခိၣ်ဒီဘ့ၣ်ကဟူးဝ:ဝဲ, ဒီးပှၤကလုာ်
အဂၤတဖၣ် ကနၢ်ဟူဘၣ်တၢ်ပျံၤတၢ်ဖုးအတၢ်ကိးထီၣ်တဖၣ်န့ၣ်လီၤ.”