46
1 ယွၤကတိၤတၢ်ဒီး ယၤဘၣ်ဃးဒီးပှၤကလုာ်တဖၣ်အဂ့ၢ်,
2 စးထီၣ်ဝဲဒီး ကီၢ်အဲၤကူပတူးအဂ့ၢ်န့ၣ်လီၤ. တၢ်အံၤမ့ၢ် တၢ်လၢအဝဲစံးဝဲဘၣ်ဃးဒီးကီၢ်အဲၤကူပတူးအစီၤပၤ
နကိၤအသုးမုၢ်လၢ ကီၢ်ဘၤဘူၤလိၣ် အစီၤပၤနဘူၤကးန့စၢ်
မၤနၢၤမၤဃၣ်အီၤဖဲ ဝ့ၢ်ကၢ်ကမံၣ်ဘူးဒီး ထံကျိဖရၤသး,
ဖဲကီၢ်ယူဒၤအစီၤပၤ ယဟိၤယါကံၣ်ပၢတၢ်လွံၢ်နံၣ်တနံၣ်
အပူၤန့ၣ်လီၤ.
3 “ကီၢ်အဲၤကူပတူး အသုးခိၣ်တဖၣ်ကိးထီၣ်ဝဲ, ‘ကတဲာ်ကတီၤသုကတီၤတဖၣ်
ဒီးလဲၤထီၣ်ဆူတၢ်ဒုးအပူၤတက့ၢ်.
4 ဂီၤကၢ်ထီၣ်သုကသ့ၣ်တဖၣ် ဒီးဒိးထီၣ်အီၤတက့ၢ်.
ဆၢထၢၣ်တဂ့ၢ်တဂ့ၢ်ဒီး ကုာ်ထီၣ်သုခိၣ်ကုာ်သုးတဖၣ်တက့ၢ်. ကျ့သုဘီဧိၤနးဧိၤဒီးသိးထီၣ်သုသဃိးကတီၤတဖၣ်တက့ၢ်.’
5 ယွၤသံကွၢ်ဝဲ, ဘၣ်ဆၣ်ဒီး ယထံၣ်ဘၣ်တၢ်မနုၤလဲၣ်. အဝဲသ့ၣ် ဃၣ်ကဒါက့ၤအသးလၢ တၢ်ပျံၤတၢ်ဖုးအပူၤလီၤ. အသုးဖိတဖၣ် ဘၣ်တၢ်မၤဃၣ်ကွံာ်အီၤ,
တၢ်ပျံၤတၢ်ဖုးလုၣ်ဘၢကွံာ်အီၤလီၤ. အဝဲသ့ၣ်ဃ့ၢ်တချ့ဖဲအချ့
ဒီးတကွၢ်ကဒါက့ၤအလီၢ်ခံလၢၤဘၣ်.
6 ပှၤလၢအဃ့ၢ်ချ့တဖၣ်, ဃ့ၢ်တပူၤဘၣ်.
ပှၤသုးဖိတဖၣ် ဃ့ၢ်ပူၤဖျဲးဝဲတသ့ၣ်ဘၣ်.
လၢကလံၤစိးတကပၤ, လၢထံကျိဖရၤသးအဃၢၤန့ၣ်
အဝဲသ့ၣ် အခီၣ်ဘၣ်တိၢ်ဒီး လီၤဃံၤဝဲလီၤ.
7 ပှၤလၢအဟဲထီၣ်ဝဲဒ် ထံကျိနံၤလါအသိး,
ဒ်ထံကျိတဘိလၢ အလုၣ်ဘၢထံကၢၢ်နံၤအသိးအံၤ,
မ့ၢ်မတၤတဂၤလဲၣ်.
8 တၢ်န့ၣ်မ့ၢ်ကီၢ်အဲၤကူပတူးလၢ အဟဲထီၣ်ဝဲဒ်ထံကျိနံၤ လါအသိး,
ဒ်ထံကျိအထံလုၣ်ဘၢထံကၢၢ်နံၤအသိးန့ၣ်လီၤ.
ကီၢ်အဲၤကူပတူးစံးဝဲဒၣ်, ‘ယကဟဲထီၣ်ဒီး လုၣ်ဘၢဟီၣ်ခိၣ်လီၤ.
ယကမၤဟးဂီၤ ဝ့ၢ်တဖၣ်ဒီး ပှၤဂီၢ်မုၢ်လၢ
အအိၣ်ဆိးဖဲန့ၣ်တဖၣ်လီၤ.
9 ဟ့ၣ်လီၤတၢ်ကလုၢ်လၢ ကသ့ၣ်တဖၣ်လၢ
ကလဲၤတၢ်ဒီး ပှၤနီၣ်လ့ၣ်ကဟၣ်ကနီၣ်တၢ်ဆူၣ်ဆူၣ်
အဂီၢ်တက့ၢ်.
ဆှၢထီၣ်သုးဖိတဖၣ်
လၢအစိာ်ကတီၤတဖၣ်လၢ ကီၢ်ကူၤၡးဒီး လံးဘယၢ်
ဃုာ်ဒီး ပှၤခးချံၣ်စဲၣ်နီးတဖၣ်လၢ ကီၢ်လူၤဒံန့ၣ်တက့ၢ်.’ ”
10 အအံၤတနံၤအံၤ မ့ၢ်ယွၤသ့တၢ်လၢာ်ဒီး ပၢဘၣ် တၢ်ခဲလၢာ်ကစၢ် တဂၤအမုၢ်နံၤလီၤ.
တနံၤအံၤ အဝဲကဟ့ၣ်ကၣ်တၢ်န့ၣ်လီၤ. တနံၤအံၤ အဝဲကစံၣ်ညီၣ်အဒုၣ်အဒါတဖၣ်န့ၣ်လီၤ.
အနးကအီၣ် အဝဲသ့ၣ် တုၤအီၣ်ဘျဲးအီၣ်ဒီး အီအဝဲသ့ၣ်
အသွံၣ်တုၤအသးမံဝဲတစုလီၤ.
တနံၤအံၤ, ယွၤသ့တၢ်လၢာ်လုၢ်ထီၣ်ပာ်ထီၣ်ပှၤလၢ
အမၤနၢၤဝဲတဖၣ် ဖဲထံကျိဖရၤသးအနံၤလၢ
ကီၢ်ကလံၤစိးန့ၣ်လီၤ.
11 ကီၢ်အဲၤကူပတူး အပှၤဂီၢ်မုၢ်သ့ၣ်ဧၢ, လဲၤဆူကီၢ်ကံးလဧး,
ဒီးကွၢ်ဃုကသံၣ်ဖီၣ်ကသီဖီၣ်တက့ၢ်.
သုကသံၣ်ကသီခဲလၢာ်အံၤ အဘျုးတအိၣ်ဘၣ်.
တၢ်လၢအမၤဘျါက့ၤ သုသ့တအိၣ်နီတမံၤဘၣ်.
12 ပှၤကလုာ်တဖၣ် နၢ်ဟူဘၣ်သုတၢ်ဘၣ်မဲာ်ဆှးအဂ့ၢ်ဒီး
ပှၤကိးဂၤဒဲးနၢ်ဟူဘၣ်သုတၢ်ဟီၣ်တၢ်ယၢၤန့ၣ်လီၤ.
သုးဖိတဂၤထွဲဘၣ်အဂၤဂၤ, ဒီးခံဂၤလိာ်လီၤဃံၤဝဲလၢ
ဟီၣ်ခိၣ်လိၤန့ၣ်လီၤ.
13 ဖဲကီၢ်ဘၤဘူၤလိၣ်အစီၤပၤနဘူၤကးန့စၢ် ဟဲထီၣ်ဒုးကီၢ်အဲၤကူပတူး အခါန့ၣ်, ယွၤကတိၤတၢ်ဒီးယၤလီၤ.
အဝဲစံးဝဲဒၣ်,
14 “တဲဖျါထီၣ်တၢ်အံၤ လၢကီၢ်အဲၤကူပတူးအဝ့ၢ်တဖၣ်လၢ အမ့ၢ်မံးကဒိးလး,
မဲဖံး, ဒီးဝ့ၢ်တၤပါန့ၤအပူၤတက့ၢ်.
ကတဲာ်ကတီၤထီၣ်သုသးလၢ နကဒီဒၣ်လီၤသုသးအဂီၢ်တက့ၢ်.
တၢ်လၢအအိၣ်ဒီး သုခဲလၢာ်န့ၣ် ကဘၣ်တၢ်မၤဟးဂီၤကွံာ်အီၤလၢ တၢ်ဒုးတၢ်ယၤအပူၤန့ၣ်လီၤ.
15 ဘၣ်မနုၤအဃိ သုကစၢ်ကျီၢ်ဖါလၢ အဂံၢ်ဆူၣ်ဘါဆူၣ်
အ့ပ့း (စ်)လီၤဃံၤကွံာ်ဝဲလဲၣ်. ယွၤတီၢ်လီၤဃံၤကွံာ်အီၤအဃိလီၤ.
16 သုသုးဖိတဖၣ်အခီၣ်ဘၣ်တိၢ်ဒီး လီၤဃံၤဝဲလံ.
တဂၤစံးဘၣ်အဂၤတဂၤ,
မၤချ့ချ့, ပကက့ၤဆူဟံၣ်ဆူပပှၤဂီၢ်မုၢ်အအိၣ်ဒ်သိး
ကပူၤဖျဲးထီၣ်ကွံာ်လၢ ဒုၣ်ဒါအနးအဂီၢ်န့ၣ်တက့ၢ်.’
17 ဟ့ၣ်ကီၢ်အဲၤကူပတူးအစီၤပၤအမံၤ အသီတယုၢ်လၢ အဝဲမ့ၢ်ဝဲ,
ပှၤသီၣ်သဲကတီၤဒိၣ်လီၤအကိာ်လၢ အခွဲးအယာ်
လီၤမၢ်ကွံာ်’ န့ၣ်တက့ၢ်.
18 ယၤ, ယွၤသ့တၢ်လၢာ်, ယမ့ၢ်စီၤပၤ,
ယမ့ၢ်ကစၢ်ယွၤလၢ အမူဝဲလီၤ.
ဒ်ကစၢၢ်တၤဘိၢ်ကစီၤထီၣ်ထီမးလၢကစၢၢ်တဖၣ်အဖီခိၣ်အသိး,
ဒီးဒ်ကစၢၢ်ကၢ်မ့ၤလးအိၣ်ထီၣ်ထီဝဲလၢပီၣ်လဲၣ်အဖီခိၣ်အသိးန့ၣ်,
ပှၤလၢအဒုးသုတဂၤအဂံၢ်အဘါ ကမ့ၢ်တၢ်
ဒ်န့ၣ်အသိးလီၤ.
19 သုဝဲကီၢ်အဲၤကူပတူးအပှၤဂီၢ်မုၢ်သ့ၣ်ဧၢ,
အိၣ်ကတဲာ်ကတီၤသုသးလၢ သုကလဲၤကဲ
ကုၢ်အဂီၢ်တက့ၢ်.
ဝ့ၢ်မဲဖံးကဘၣ်တၢ်ဒုးကဲထီၣ်အီၤဆူ မဲးမုၢ်ခိၣ်တတီၤ,
တၢ်ဟးဂီၤအလီၢ်တပူၤဖဲ ပှၤတအိၣ်တဆိးနီတဂၤ
ဘၣ်န့ၣ်လီၤ.
20 ကီၢ်အဲၤကူပတူးလီၤဂာ်ဒီး ဂီၤဖံးမိၢ်လၢလီၤကဟု ကညီၣ်ဒိၣ်မးတဒု
လၢအဘၣ်တၢ်ဆဲးအီၤလၢ ပကိာ်တဘ့ၣ်လၢ ကလံၤ
စိးတခီန့ၣ်လီၤ.
21 အသုးဖိတဖၣ်လၢ အဒိးလဲန့ၢ်ဝဲဒၣ်လဲာ်
မၤစၢၤလီၤက့ၤအသးတသ့ဘၣ်ဒ် ဂီၤဖံးဖိတဖၣ်အသိးန့ၣ်လီၤ.
အဝဲသ့ၣ် တဆၢထၢၣ်ဒီး ဒုးတၢ်ဘၣ်.
အဝဲသ့ၣ်ခဲလၢာ်ဃၣ်အသးဒီး ဃ့ၢ်ကွံာ်ဝဲလီၤ.
တၢ်စံၣ်ညီၣ်ဃါမနၤအမုၢ်တနံၤတုၤ အိၣ်အဝဲသ့ၣ်လံ.
မ့ၢ်အဝဲသ့ၣ်အတၢ်ဟးဂီၤအဆၢကတီၢ်န့ၣ်လီၤ.
22 ဖဲဒုၣ်ဒါအသုးမုၢ်သုးဘူးအသးအခါန့ၣ် ကီၢ်အဲၤကူပတူး
ဃ့ၢ်ကွံာ်ဝဲသီၣ်ဒ်ဂုၢ်တဘိဃ့ၢ်ပူၤဖျဲးကွံာ်
အသိးန့ၣ်လီၤ.
အဝဲသ့ၣ်ဒုးပှၤအဲၤကူပတူးဖိတဖၣ်လၢ ကွါတဖၣ်
ဒ်ပှၤပိာ်ခွါတဖၣ်ကူာ်လီၤသ့ၣ်တဖၣ်,
23 ဒီးမၤဟးဂီၤကွံာ်သ့ၣ် ပှၢ်တပှၢ်လၢ အတီၣ်အသိးန့ၣ်လီၤ.
အဝဲသ့ၣ်အပှၤပိာ်ခွါတဖၣ် အါကဲၣ်ဆိးလၢ နကဂံၢ်အီၤအဂီၢ်ဒီး
အသုးဖိတဖၣ် အနီၣ်ဂံၢ်အါန့ၢ်ဒံး ဒွဲၣ်ဧိၤတကံၤဧိၤတက့ၢ်န့ၣ်
လီၤ.
24 ကီၢ်အဲၤကူပတူး အပှၤဂီၢ်မုၢ်ဘၣ်တၢ်မၤမဲာ်ဆှးအီၤလံ.
အဝဲသ့ၣ်ဘၣ်တၢ်မၤနၢၤကွံာ်အီၤလၢ ပှၤဂီၢ်မုၢ်လၢ
ကလံစိးတခီန့ၣ်လီၤ. ယၤ, ယွၤအံၤ, ကတိၤလံတၢ်လံ.”
25 ယွၤသ့တၢ်လၢာ်, အံၣ်စရ့လးအကစၢ်ယွၤစံးဝဲဒၣ်, ယကစံၣ်ညီၣ်ဝ့ၢ်သံဘံးအကစၢ်ဧၣ်မိၣ်, ဃုာ်ဒီး ကီၢ်အဲၤကူပတူးဒီး အကစၢ်တဖၣ်ဒီး အစီၤပၤတဖၣ်န့ၣ်လီၤ.
ယကဟံးထီၣ်ကွံာ် ကီၢ်အဲၤကူပတူး အစီၤပၤဒီးကယဲၢ်ပှၤခဲ
လၢာ်လၢ အပာ်အတၢ်နာ်လၢအပူၤ,
26 ဒီးဟ့ၣ်လီၤကွံာ်အဝဲသ့ၣ် ဆူပှၤတဖၣ်လၢအသးအိၣ်မၤသံအဝဲသ့ၣ်, လၢအမ့ၢ်ကီၢ်ဘၤဘူၤလိၣ်အစီၤပၤနဘူၤကးန့စၢ်ဒီးအသုးမုၢ်, အစုပူၤန့ၣ်လီၤ. ဘၣ်ဆၣ်ဒီး လၢခံက့ၤန့ၣ်, ပှၤဂီၢ်မုၢ်ကအိၣ်ကဆိး
ကဒီးလၢကီၢ်အဲၤကူပတူးအပူၤ, ဒ်အဝဲသ့ၣ်အိၣ်ဆိးတ့ၢ်ဝဲလၢ
ခ့ခါပူၤကွံာ်အသိးန့ၣ်လီၤ. ယၤ, ယွၤအံၤကတိၤလံတၢ်လံ.”
27 “ယပှၤဂီၢ်မုၢ်သ့ၣ်ဧၢ, ပျံၤတၢ်တဂ့ၤ.
ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ.
ယကမၤထူၣ်ဖျဲးသုလၢ ထံကီၢ်လၢအယံၤတဘ့ၣ်,
လၢထံကီၢ်တဘ့ၣ်ဖဲ တၢ်စိာ်မၢကဲကုၢ်သုန့ၣ်လီၤ.
သုကဟဲက့ၤကဒါက့ၤ ဆူဟံၣ်ဒီးအိၣ်ဆိးလၢ
တၢ်ဃူတၢ်ဖိးအပူၤန့ၣ်လီၤ.
သုကအိၣ်ဂၢၢ်ဆိးကျၢၤဒီး ပှၤတမၤပျံၤဘၣ်သုနီတဂၤဘၣ်.
28 ယကဟဲဆူ သုအိၣ်ဒီးအုၣ်က့ၤခီၣ်က့ၤသုလီၤ.
ယကမၤဟးဂီၤပှၤကလုာ်ခဲလၢာ်လၢယမၤလီၤပြံလီၤပြါတ့ၢ်
သုလၢအကျါ, ဘၣ်ဆၣ်ဒီး ယတမၤဟးဂီၤသုဘၣ်.
ယတပျၢ်ဖျဲးသုလၢ တၢ်စံၣ်ညီၣ်အပူၤဘၣ်.
မ့မ့ၢ်, ဖဲယစံၣ်ညီၣ်သုဒီး ယကမၤအီၤဖဲအတီအဘၣ်န့ၣ်လီၤ.
ယၤ, ယွၤအံၤ, ကတိၤလံတၢ်လံ.”