32
1 ဖဲစီၤစံးဒကံယၤ ကဲကီၢ်ယူဒၤအစီၤပၤ ဆံဆဲၣ်နံၣ်တနံၣ်, လၢအမ့ၢ် စ့ၢ်ကီး
ကီၢ်ဘၤဘူၤလိၣ်အစီၤပၤ နဘူၤကးန့
စၢ်အနံၣ်ပှဲၤထီၣ် တဆံဃိးနံၣ်တနံၣ်န့ၣ်,
ယွၤကတိၤတ့ၢ်တၢ်ဒီး ယၤလီၤ.
2 အကတီၢ်ဖဲန့ၣ်, ကီၢ်ဘၤဘူၤလိၣ် အစီၤပၤ အသုးမုၢ်လဲၤထီၣ်ဒုး ဝ့ၢ်ယရူၤၡလ့ၣ်ဒီး
ယဘၣ်တၢ်စၢဃာ်ယၤလၢဃိာ်အဂၢၤ
ပူၤလၢ အအိၣ်ဖဲ စီၤပၤအနူၢ်ပူၤန့ၣ်လီၤ.
3 စီၤပၤစံးဒကံယၤဒုးဃာ်ယၤဖဲန့ၣ်ဒီး လိာ်ဘၢ လိာ်ကွီၢ်ယၤမ့ၢ်လၢ ယစံးတၢ်လၢယွၤစံးတ့ၢ်ဝဲ
လၢ လာ်တဖၣ်အံၤအဃိန့ၣ်လီၤ. “ယကပျဲကီၢ်
ဘၤဘူၤလိၣ်အစီၤပၤ ဒုးန့ၢ်ဝ့ၢ်အံၤ,
4 ဒီးစီၤပၤစံးဒကံယၤတပူၤဖျဲး ဝဲဒၣ်ဘၣ်, အဝဲကဘၣ် တၢ်ဟ့ၣ်လီၤကွံာ်အီၤဆူ ကီၢ်ဘၤဘူၤလိၣ် အစီၤပၤ
အစုပူၤလီၤ. အဝဲကထံၣ်ဘၣ်အီၤလၢ မဲာ်သကိးမဲာ်ဒီး
ကကတိၤဘၣ်တၢ်ဒီးအီၤ ခီဂၤဂၤန့ၣ်လီၤ.
5 စီၤစံးဒကံယၤကဘၣ်တၢ်စိာ်ကွံာ်အီၤဆူ ကီၢ်ဘၤဘူၤလိၣ်, ဒီးအဝဲဒၣ်ကအိၣ်ဖဲန့ၣ် တုၤလီၤလၢယမၤတၢ်ဒီးအီၤတမံၤ
မံၤတစုန့ၣ်လီၤ. အဝဲဒၣ်မ့ၢ်ဒုးပှၤဘၤဘူၤလိၣ်ဖိတဖၣ်
ဒၣ်လဲာ်, အဝဲတမၤန့ၢ်မၤနၢၤတၢ်ဘၣ်. ယၤ, ယွၤအံၤ,
ကတိၤလံတၢ်လံ.”
6-7 ယွၤစံးဘၣ်တ့ၢ်ယၤလၢ, စီၤဃနၤန့လးလၢ အမ့ၢ်ယဖါတံၢ် စီၤၡၤလူၣ်အဖိခွါန့ၣ်
ကဟဲဆူယအိၣ်, အိၣ်ဒီးတၢ်သကွံၢ်ကညးလၢ ယကပှ့ၤ
အဝဲအစံာ်ပျီတဘ့ၣ်လၢ အအိၣ်ဝဲလၢ ဧၤနသိးလၢ ဘံၣ်ယၤ
မံၣ်အဒူၣ်လီၢ်ကဝီၤအပူၤ, မ့ၢ်လၢယမ့ၢ်အဝဲအဘူးအတံၢ်အဘူး
ကတၢၢ်ဒီး အိၣ်ဒီးတၢ်ကြၢးတၢ်ဘၣ်လၢ ယကပှ့ၤအီၤလၢယဂီၢ်
ဒၣ်ယဲအဃိန့ၣ်လီၤ.
8 အန့ၣ်ဝံၤဒီး, ဒ်ယွၤစံးတ့ၢ်ဝဲအသိး, စီၤဃနၤန့လးဟဲဆူ ယအိၣ်ဖဲ ဃိာ်အဂၢၤပူၤဒီး မၢယပှ့ၤစံာ်ပျီန့ၣ်လီၤ.
သတးဒီးယသ့ၣ်ညါ ယဲလၢယွၤကတိၤတ့ၢ်လံ
တၢ်ဒီးယၤနီၢ်နီၢ်လံန့ၣ်လီၤ.
9 ယပှ့ၤစံာ်ပျီန့ၣ်လၢ စီၤဃနၤန့လးအအိၣ်ဒီးယစီၤန့ၢ်အီၤ စ့လၢအဂီၢ်, အပှ့ၤလီၤတဲာ်ဝဲစ့ ၡကလးတဆံနွံဘ့ၣ်န့ၣ်လီၤ.
10 ယဆဲးလီၤယမံၤ, ဒီးစဲဃာ်ပနီၣ်လံာ်ဃံၤဃာ်လၢပှၤအုၣ်အသး အမဲာ်ညါဒီး စီၤထီၣ်စ့လၢ စီၢ်ပီၢ်ပူၤန့ၣ်လီၤ.
11 ဝံၤဒီး ယဟံးန့ၢ်တၢ်ပှ့ၤတၢ်အလံာ်အုၣ်သးခံဘ့ၣ်လိာ်လၢ အမ့ၢ်ဝဲ, လံာ်စဲဃာ်ပနီၣ်လၢ အအိၣ်ဒီး တၢ်အၢၣ်လီၤအီ
လီၤလိာ်သးဒီး အဂ့ၢ်အခၢး တဖၣ်တဘ့ၣ်, ဒီးလံာ်လၢ
တၢ်စဲပနီၣ်တအိၣ်ဘၣ်တဘ့ၣ်,
12 ဒီးဟ့ၣ်လီၤအီၤဆူ စီၤဘၤရူးလၢ အမ့ၢ်စီၤန့ၤရံယၤအဖိခွါ ဒီးစီၤမၤစ့ယၤအလံၤခွါ အစုပူၤန့ၣ်လီၤ. ယဟ့ၣ်လီၤတၢ်သ့ၣ်
တဖၣ်အံၤလၢ အစုပူၤလၢ စီၤဃနၤန့လးဒီး ပှၤအုၣ်အသး
တဖၣ်လၢ အဆဲးလီၤအမံၤလၢ တၢ်ပှ့ၤတၢ်အလံာ်အုၣ်အသး
အပူၤ, ဒီးပှၤတဖၣ်လၢ အဆ့ၣ်နီၤလၢကွီၢ်အဂၢၤပူၤခဲလၢာ်အမဲာ်
ညါန့ၣ်လီၤ.
13 လၢအဝဲသ့ၣ်ခဲလၢာ်အမဲာ်ညါန့ၣ်, ယစံးဘၣ်စီၤဘၤရူး,
14 “ယွၤသ့တၢ်လၢာ်, အံၣ်စရ့လးအကစၢ်ယွၤ, ဟ့ၣ်လီၤ အကလုၢ်လၢ နကဟံးန့ၢ်လံာ်အုၣ်သးတဖၣ်အံၤ, လၢ
အမ့ၢ်တၢ်ပှ့ၤတၢ်အလံာ်အုၣ်အသးလၢ အအိၣ်ဒီၤ တၢ်
စဲပနီၣ်ဒီးလံာ်လၢ တၢ်စဲပနီၣ်တအိၣ်ဘၣ်, ခံဘ့ၣ်လိာ်ဒီး
ဒၢနုာ်အီၤလၢ သပၢၤဟီၣ်ခိၣ် စ့ၤကိာ်အပူၤ, ဒ်သိးအဝဲ
သ့ၣ်ကဘၣ်တၢ်ကတီၤဃာ်အီၤလၢ နံၣ်ကဟဲအါနံၣ်
အပူၤအဂီၢ်န့ၣ်လီၤ.
15 ယွၤသ့တၢ်လၢာ်, အံၣ်စရ့လးအကစၢ်ယွၤ, စံးတ့ၢ်ဝဲလၢ ဟံၣ်တဖၣ်, စံာ်ပျီတဖၣ်, ဒီးစပံးလီၢ်တဖၣ်ကဘၣ်တၢ်ပှၤ
န့ၢ်ကဒီးအီၤလၢ ထံကီၢ်တဘ့ၣ်အံၤအပူၤန့ၣ်လီၤ.”
16 ဖဲယဟ့ၣ်လီၤတၢ်ပှ့ၤတၢ်အလံာ်အုၣ်သးဆူ စီၤဘၤရူး အစုပူၤဝံၤဒီး, ယဃ့ထုကဖၣ်ဒီးစံး,
17 “ယွၤပၢဘၣ်တၢ်ခဲလၢာ်တဂၤဧၢ, နတ့လီၤပာ်လီၤဟီၣ်ခိၣ်ဒီး မူခိၣ်လၢ နစိကမီၤဒီး နဂံၢ်ဆူၣ်ဘါဆူၣ်အပူၤလီၤ.
တၢ်ကီကဲၣ်ဆိးလၢနဂီၢ်တအိၣ်နီတမံၤဘၣ်.
18 နဒုးနဲၣ်တ့ၢ်တၢ်အဲၣ်တထံၣ်ဃီဆူ ပှၤအကထိတဖၣ်, ဘၣ်ဆၣ်ဒီး နစံၣ်ညီၣ်စ့ၢ်ကီၤပှၤဂီၢ်မုၢ်လၢ အမိၢ်အပၢ်
တဖၣ် အတၢ်ဒဲးဘးတဖၣ်အဃိန့ၣ်လီၤ. နမ့ၢ်ကစၢ်ယွၤ
လၢအဒိၣ်နီၢ်မးဒီး အစိအကမီၤဒိၣ်နီၢ်မးတဂၤန့ၣ်လီၤ.
နမ့ၢ်ယွၤသ့တၢ်လၢာ်တဂၤလီၤ.
19 နမၤတၢ်ကူၣ်သ့အတၢ်ရဲၣ်တၢ်ကျဲၤတဖၣ်ဒီး မၤတၢ်လၢ အလီၤဘီလီၤမုၢ်တဖၣ်န့ၣ်လီၤ. နထံၣ်တၢ်ခဲလၢာ်လၢ
ပှၤဂီၢ်မုၢ်မၤဝဲ, ဒီးနဟ့ၣ်ဘျုးအဝဲသ့ၣ်ဒ် အမၤတၢ်တဖၣ်
အသိးန့ၣ်လီၤ.
20 ယံာ်တ့ၢ်လၢပျၢၤန့ၣ်, နမၤတ့ၢ်တၢ်လီၤလး တဖၣ်ဒီး တၢ်လီၤကမၢကမၣ်တဖၣ်လၢ ကီၢ်အဲၤကူပတူး အပူၤ,
ဒီးနမၤထွဲဒံးနဲတုၤမုၢ်မဆါတနံၤအံၤလၢကီၢ်အံၣ်စရ့လး
အပူၤ, ဒီးလၢပှၤကလုာ်အဂၤခဲလၢာ်အကျါ, တုၤဒၣ်လဲာ်
ခဲကနံၣ်အံၤ, နဘၣ်တၢ်သ့ၣ်ညါနၤသကုၤဆးဒးန့ၣ်လီၤ.
21 ခီဖျိတၢ်လီၤလးတဖၣ်ဒီး တၢ်လီၤကမၢကမၣ်တဖၣ်လၢ အမၤပျံၤ မၤဖုးပဒုၣ်ပဒါတဖၣ်န့ၣ်, နသူတ့ၢ်နစိနကမီၤဒီး
နတၢ်ဂံၢ်ဆူၣ်ဘါဆူၣ် ဒ်သိး နကထုးထီၣ်ကွံာ်ပှၤဂီၢ်မုၢ်
အံၣ်စရ့လးလၢ ကီၢ်အဲၤကူပတူးန့ၣ်လီၤ.
22 နဟ့ၣ်လီၤတ့ၢ် အဝဲသ့ၣ်လၢ ကီၢ်တဘ့ၣ်လၢ အထူးဝဲတီၤဝဲဒီး အဟီၣ်ခိၣ်ညၣ်ထ့ၣ်ဂ့ၤဝဲ, ဒ်နအၢၣ်လီၤတ့ၢ်
အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.
23 ဘၣ်ဆၣ်, ဖဲအဝဲသ့ၣ်ဟဲနုာ်လီၤဆူ ထံကီၢ်အံၤဒီး မၤန့ၢ်အီၤဝံၤန့ၣ်တစူၢ်နတၢ်မၤလိာ်တဖၣ်မ့ၢ်ဂ့ၤ, တအိၣ်မူဒ်
နသိၣ်က့ၤသီက့ၤအီၤ အသိးမ့ၢ်ဂ့ၤဘၣ်. တၢ်လၢနဟ့ၣ်
လီၤနကလုၢ်လၢ ကမၤဝဲန့ၣ်, အဝဲသ့ၣ်တမၤဝဲနီတမံၤဘၣ်.
လၢတၢ်န့ၣ်အဃိ, နဒုးလီၤဘၣ်တၢ်ဟးဂီၤခဲလၢာ်အံၤလၢ
အဝဲသ့ၣ်အလိၤန့ၣ်လီၤ.
24 ပှၤဘၤဘူၤလိၣ်ဖိတဖၣ် မၤထီၣ်တ့ၢ်ဟီၣ်ခိၣ်ထီၣ် စိကဝီၤဃာ်တၢ်တဖၣ်, ဝးတရံးဝ့ၢ်လၢ ကဒုးန့ၢ်ဝဲအဂီၢ်,
ဒီးအဝဲသ့ၣ်လဲၤထီၣ် ဒုးဝဲန့ၣ်လီၤ. တၢ်ဒုးတၢ်ယၤ,
တၢ်သၣ်ဝံၤလီၤဒိဒီး တၢ်ဆူးတၢ်ဆါ ကဒုးလီၤဝ့ၢ်အံၤဆူ
အဝဲသ့ၣ်တဖၣ် အစုပူၤန့ၣ်လီၤ. နကထံၣ်ဘၣ်လၢ တၢ်လၢ
နစံးတ့ၢ်အီၤ ခဲလၢာ်န့ၣ်, မၤအသးလံန့ၣ်လီၤ.
25 အန့ၣ်ဒၣ်လဲာ်, ယွၤပၢဘၣ်တၢ်ခဲလၢာ်တဂၤဧၢ, နမ့ၢ်ပှၤတဂၤလၢ အဟ့ၣ်လီၤ အကလုၢ်လၢ ယ
ကဘၣ်ပှ့ၤစံာ်ပျီတဘ့ၣ်အံၤလၢ ပှၤအုၣ်အသးတဖၣ်အမဲာ်ညါ, ဖဲတၢ်မၤအသးလၢ ဝ့ၢ်အံၤ ကဘၣ်တၢ်ဒုးန့ၢ်အီၤလၢ ပှၤဘၤဘူၤလိၣ် ဖိတဖၣ်အံၤအခါဒၣ်လဲာ်န့ၣ်လီၤ.”
26-27 အန့ၣ်ဝံၤဒီး, ယွၤစံးဘၣ်ယၤ, “ယမ့ၢ်ယွၤ, ပှၤဟီၣ်ခိၣ်ဖိခဲလၢာ်အကစၢ်ယွၤလီၤ.
တၢ်ကီကဲၣ်ဆိးလၢ ယဂီၢ်တအိၣ်နီတမံၤဘၣ်.
28 ယကဟ့ၣ်လီၤဝ့ၢ်အံၤဆူ ကီၢ်ဘၤဘူၤလိၣ်အစီၤပၤနဘူၤကးန့ စၢ် ဒီးအသုးမုၢ်အစုပူၤလီၤ. အဝဲသ့ၣ်ကမၤန့ၢ်အီၤ,
29 ဒီးဒွဲၣ်အူထီၣ်အီၤလၢ မ့ၣ်အူလီၤ. အဝဲသ့ၣ် ကဆူးထီၣ်ကွံာ် ဝ့ၢ် အံၤ ဃုာ်ဒီးဟံၣ်တဖၣ် ဖဲပှၤဂီၢ်မုၢ်မၤသးဒိၣ်တ့ၢ်ယၤ ခီဖျိတၢ်ဆိၣ်
ကဲၤ တၢ်နၢမူလၢဘဧၤလၤ အဂီၢ်လၢ ဟံၣ်ခိၣ်တဖၣ်အလိၤဒီး ခီဖျိ
တၢ်လူလီၤဂၢ်လီၤ တၢ်လုၢ်စပံးထံတဖၣ်ဆူ ကစၢ်အဂၤတဖၣ်
အအိၣ်အဃိလီၤ.
30 လၢအဝဲသ့ၣ် အတၢ်စံၣ်စိၤတဲစိၤ အခီၣ်ထံးလံၤလံၤန့ၣ်, ကီၢ်အံၣ်စရ့လး အပှၤဂီၢ်မုၢ်ဒီး ကီၢ်ယူဒၤအပှၤဂီၢ်မုၢ်တဖၣ်
မၤသးတမုာ်တ့ၢ်ယၤဒီး မၤသးဒိၣ်ထီၣ်တ့ၢ်ယၤ ခီဖျိတၢ်လၢ
အဝဲသ့ၣ်မၤတ့ၢ်ဝဲအဃိန့ၣ်လီၤ.
31 ဝ့ၢ်အံၤ အပှၤဂီၢ်မုၢ် မၤသးဒိၣ်ဒီး မၤသးကဲၤထီၣ်ယၤစးထီၣ် မုၢ်တနံၤလၢ ဝ့ၢ်အံၤဘၣ်တၢ်သူၣ်ထီၣ်ဘှီထီၣ်အီၤန့ၣ်လီၤ.
ယပာ်လီၤတ့ၢ်ယသးလၢ ယကမၤဟးဂီၤကွံာ်အီၤ,
32 မ့ၢ်လၢတၢ်အၢတၢ်သီ ခဲလၢာ်လၢ အဘၣ်တၢ်မၤတ့ၢ်အီၤလၢ ပှၤဂီၢ်မုၢ်လၢ ကီၢ်ယူဒၤဒီးဝ့ၢ်ယရူၤၡလ့ၣ်, ဃုာ်ဒီး
အဝဲသ့ၣ်အစီၤပၤတဖၣ်ဒီး အခိၣ်အနၢ်တဖၣ်,
ဒီးအပှၤလုၢ်တၢ်အခိၣ်တဖၣ်ဒီး အဝံတဖၣ်အဃိန့ၣ်လီၤ.
33 အဂ့ၢ်ဒ်အံၤ, အဝဲသ့ၣ်ဃၣ်ဒူချၢကွံာ် အသးလၢယၤ, ဒီးယသိၣ်လိ ဒံးအဝဲသ့ၣ်ဒၣ်လဲာ်န့ၣ်, အဝဲသ့ၣ်တဒိကနၣ်ဝဲဒီး
တမၤလိတၢ်ဘၣ်.
34 အဝဲသ့ၣ် ပာ်ထီၣ်ဒၣ်လဲာ် အတၢ်ဂီၤတၢ်ဖီၣ် တဖၣ်လၢအလီၤသးဘၣ် အၢလၢယွၤအ
တၢ်လုၢ်ဟံၣ်လၢ တၢ်သူၣ်ထီၣ်အီၤလၢ တၢ်
ဘူၣ်ထီၣ်ဘါထီၣ်ယၤအဂီၢ်အပူၤ, ဒီးအဝဲသ့ၣ်
မၤဘၣ်အၢကွံာ်အီၤန့ၣ်လီၤ.
35 အဝဲသ့ၣ် သူၣ်ထီၣ်ဘှီထီၣ်တ့ၢ် တၢ်လုၢ်လီၢ်တဖၣ် လၢ ဘဧၤလး အဂီၢ်လၢဟံၣ်နိၣ်အတြီၤပူၤလၢ
ကလုၢ်ထီၣ်အဖိခွါ တဖၣ်ဒီးအဖိမုၣ်တဖၣ်ဆူ
ကစၢ်မိလးအဂီၢ်န့ၣ်လီၤ. ယတမၤလိာ်တ့ၢ် အ
ဝဲသ့ၣ်လၢ ကမၤတၢ်အံၤအဂီၢ်ဘၣ်, ဒီးအဝဲသ့ၣ်
ကမၤတၢ်ဒ်သိးအံၤ ဒီးဒုးမၤကီၢ်ယူဒၤအပှၤဂီၢ်မုၢ်
လၢတၢ်ဒဲးဘးန့ၣ်, ယတဆိကမိၣ်ထီၣ်ဒၣ်လဲာ်
အီၤဘၣ်လီၤ.”
36 ယွၤ, အံၣ်စရ့လးအကစၢ်ယွၤ စံးဘၣ်ယၤ, “စီၤယံးရမံၤယၤဧၢ, ပှၤဂီၢ်မုၢ်စံးဝဲလၢတၢ်
ဒုးတၢ်ယၤ, တၢ်သၣ်ဝံၤလီၤဒိ, ဒီးတၢ်ဆူးတၢ်
ဆါကဒုးလီၤဝ့ၢ်အံၤ ဆူကီၢ်ဘၤဘူၤလိၣ် အစီၤ
ပၤအစုပူၤလီၤ. ဒိကနၣ်တၢ်အဂၤလၢ ယကစံးဒံးယဲတက့ၢ်.
37 ယကထၢဖှိၣ်က့ၤ ပှၤဂီၢ်မုၢ်တပူၤဃီလၢ ထံကီၢ်ခဲလၢာ်ဖဲ ယမၤလီၤပြံလီၤပြါတ့ၢ်အဝဲသ့ၣ်လၢ ယတၢ်သးဒိၣ်ဒီး သးကဲၤထီၣ်
အပူၤ, ဒီးယကဟဲက့ၤစိာ်ကဒါက့ၤ အဝဲသ့ၣ်ဆူတၢ်လီၢ်အံၤဒီး ပျဲအအိၣ်ဆိးဖဲအံၤလၢ တၢ်ပူၤဖျဲးအပူၤန့ၣ်လီၤ.
38 အန့ၣ်ဝံၤဒီး အဝဲသ့ၣ်ကမ့ၢ်ယပှၤဂီၢ်မုၢ်ဒီးယကမ့ၢ် အဝဲသ့ၣ် အကစၢ်ယွၤန့ၣ်လီၤ.
39 ယကဟ့ၣ်အဝဲသ့ၣ်လၢ တၢ်အိၣ်မူအတၢ်တိာ်ထဲတမံၤဧိၤ ဒ်သိးကအိၣ်ဒီးတၢ်သးတဖျၢၣ်ဃီ, လၢအကမၤလၤ
ကပီၤယၤကိးဆၢကတီၢ်ဒဲး, လၢအဝဲသ့ၣ်အကစၢ်ဒၣ်ဝဲ
အတၢ်ဂ့ၤအဂီၢ်ဒီး လၢအစၢၤအသွဲၣ်တဖၣ် အတၢ်ဂ့ၤအဂီၢ်န့ၣ်လီၤ.
40 ယကမၤတၢ်အၢၣ်လီၤအီလီၤ အထူအယိာ်တမံၤဒီး အဝဲသ့ၣ်န့ၣ်လီၤ. ယတဆိကတီၢ်ယတၢ်မၤဂ့ၤ တဖၣ်တၢ်လၢ
အဝဲသ့ၣ်အဂီၢ်နီတစုဘၣ်, ဒီးယကမၤပှဲၤ
အဝဲသ့ၣ် အသးဒီး တၢ်ပျံၤယၤဒ်သိး
အဝဲသ့ၣ်အသုတဃၣ်ကွံာ်အသးလၢ
ယၤနီတစုတဂ့ၤအဂီၢ်န့ၣ်လီၤ.
41 ယကသးခုသးမုာ်လၢ ယမၤတၢ်မၤဂ့ၤတဖၣ်လၢ အဝဲသ့ၣ်အဂီၢ်, ဒီးယကဒုးအိၣ်ဂၢၢ်ဆိးကျၢၤ အဝဲသ့ၣ်လၢထံကီၢ်အံၤအပူၤလၢ
ယသးဒီဖျၢၣ်ဒီး ယသးတုၤအလၢာ်န့ၣ်လီၤ.
42 ဒ် ယဒုးလီၤဘၣ်တ့ၢ်တၢ်တတၢးတနါအံၤလၢ ပှၤဂီၢ်မုၢ်အလိၤအသိးန့ၣ်, ယကဟ့ၣ်အဝဲသ့ၣ်လၢ
တၢ်ဂ့ၤခဲလၢာ်လၢယအၢၣ်လီၤတ့ၢ်န့ၣ်လီၤ.
43 ှပှၤဂီၢ်မုၢ်စံးဝဲလၢ ကီၢ်အံၤကလီၤဂာ်ဒီးမဲးမုၢ်ခိၣ်တတီၤဖဲ ပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ တအိၣ်ဆိးဘၣ်လၢအပူၤ,
ဒီးလၢအကဘၣ်တၢ်ဟ့ၣ်လီၤကွံာ်အီၤဆူ
ပှၤဘၤဘူၤလိၣ်ဖိတဖၣ်အစုပူၤန့ၣ်လီၤ. ဘၣ်ဆၣ်
ဒီး စံာ်ပျီတဖၣ် ကဘၣ်တၢ်ပှ့ၤကဒီးအီၤလၢကီၢ်အံၤအပူၤန့ၣ်လီၤ.
44 ပှၤဂီၢ်မုၢ်ကပှ့ၤအီၤအိၣ်ဒီး လံာ်ဃံၤဃာ်တဖၣ်လၢ တၢ်ဆဲးလီၤမံၤ, တၢ်စဲပနီၣ်ဃာ်အီၤဒီး တၢ်အုၣ်သးအသးလၢ အဂ့ၢ်န့ၣ်လီၤ.
တၢ်အံၤကမၤအသးလၢ ဘံၣ်ယၤမံၣ်အဒူၣ်ထၢအလီၢ်ကဝီၤ
တဖၣ်အပူၤ, လၢကီၢ်ယူဒၤအဝ့ၢ်တဖၣ်အပူၤ, ဒီး
လၢဝ့ၢ်လၢအိၣ်လၢ တၢ်လူၢ်တၢ်တြီၤ အကျါတဖၣ်အပူၤ,
ဒီးဝ့ၢ်တဖၣ်လၢ တၢ်လူၢ်ခီၣ်ထံးဒီး ကီၢ်ယူဒၤကလံၤထံးအပူၤ
န့ၣ်လီၤ. ယကပာ်က့ၤယပှၤဂီၢ်မုၢ်လၢ
အဝဲသ့ၣ်အကီၢ်ဒၣ်ဝဲအပူၤလီၤ. ယၤ, ယွၤအံၤ,
ကတိၤလံတၢ်လံ.”