36
1-2 ဒီးစီၤအလံဟူၤစံးဝဲဒၣ်, ဒ်ကစၢ်ယွၤအခၢၣ်စးအသိးန့ၣ် တၢ်လၢယကဘၣ်စံးအါထီၣ်အိၣ်ဒံးသတးဒီးဝံသးစူၤဒိ
ကနၣ်ဆူညါတစဲးတက့ၢ်.
3 ယတၢ်သ့ၣ်ညါနၢ်ပၢၢ်အါဝဲလီၤ. ယကတဲသုတၢ်လၢယသ့ၣ်ညါ, ဒ်သိးယကပာ်ဖျါထီၣ်ကစၢ်ယွၤ, ပှၤလၢအတ့လီၤယၤန့ၣ်တီဝဲလိၤဝဲလီၤ.
4 တၢ်လၢယစံးဘၣ်နၤန့ၣ်တမ့ၢ်တၢ်ကဘျံးကဘျၣ်ဘၣ်နီ တမံၤဘၣ်. နထံၣ်ဘၣ်ပှၤကူၣ်သ့နီၢ်နီၢ်တဂၤလၢနမဲာ်ညါလီၤ.
5 ကွၢ်ကွၢ်, ကစၢ်ယွၤန့ၣ်ဒိၣ်နီၢ်မးလီၤ. အဝဲတသးဘၣ်အၢဘၣ် ပှၤနီတဂၤဘၣ်. အဝဲဒိၣ်ဝဲဆူၣ်ဝဲဒီးဂၢၢ်ဝဲကျၢၤဝဲလၢအတၢ်
တိာ်အပူၤလီၤ.
6 တဒုးမူဘၣ်ပှၤတၢ်ဒဲးဘးဖိတဖၣ်ဘၣ်. ဒီးထီဘိစံၣ်ညီၣ် တီပှၤဖှီၣ်ဖိယာ်ဖိန့ၣ်လီၤ.
7 ကဟုဘံၣ်ကယာ်ဘၢပှၤအတီအလိၤတဖၣ်, ပျဲအဝဲသ့ၣ်ကပၢ တၢ်ဒ်စီၤပၤတဖၣ်အသိးဒီးပျဲအဘၣ်တၢ်မၤလၤကပီၤအီၤအစိၤ
စိၤအဃၣ်ဃၣ်လီၤ.
8 ဘၣ်ဆၣ်ဒီးပှၤကညီမ့ၢ်ဘၣ်တၢ်စၢဃံးအီၤလၢတၢ်နးတၢ် ဖှီၣ်အပျံၤတဖၣ်ဒီး,
9 ကစၢ်ယွၤဒုးနဲၣ်အီၤလၢအတၢ်ဒဲးဘးတဖၣ်ဒီးအတၢ်ပာ် ထီၣ်ထီအသးန့ၣ်လီၤ.
10 ဟ့ၣ်လီၤအီၤလၢတၢ်သးအိၣ်ဒိကနၣ်တၢ်သိၣ်ဂ့ၤသီဘၣ်ဒ်သိး ကဃၣ်ကွံာ်အသးလၢတၢ်အၢလီၤ.
11 အဝဲသ့ၣ်မ့ၢ်စူၢ်ကစၢ်ယွၤဒီးမၤအတၢ်န့ၣ်, အမုၢ်နံၤတဖၣ်ကပှဲၤ ဝဲဒီးတၢ်ဃူတၢ်ဖိးဒီးတၢ်ဘီၣ်တၢ်ညီန့ၣ်လီၤ.
12 မ့ၢ်တစူၢ်ဝဲဒီးအဝဲသ့ၣ်ကဟးဂီၤဝဲလၢနး, ကသံဝဲလၢအတၢ်သ့ၣ် ညါနၢ်ပၢၢ်တအိၣ်ဘၣ်အဃိန့ၣ်လီၤ.
13 ပှၤတဖၣ်လၢ အအိၣ်ဒီးသးလၢတစူၢ်တနာ်ယွၤန့ၣ်, သးဒိၣ်ထီၣ်တထံၣ် ဃီဒီးဖဲအဘၣ်တၢ်စံၣ်ညီၣ်အီၤဒၣ်လဲာ်န့ၣ်, တကိးထီၣ်ဝဲလၢ
တၢ်မၤစၢၤအဂီၢ်ဘၣ်.
14 အဝဲသ့ၣ်သံဖဲအသးစၢ်ဒံးအခါ, ဒီးအတၢ်အိၣ်မူလၢာ်ကွံာ်ဝဲ ဒ်ပှၤလီၤသးဘၣ်အၢအိၣ်လၢတၢ်လုၢ်ဟံၣ်ပူၤတဖၣ်အသိးန့ၣ်လီၤ.
15 ဘၣ်ဆၣ်ဒီးကစၢ်ယွၤသိၣ်လိပှၤကညီခီဖျိတၢ်ဘၣ်နးဘၣ်ဖှီၣ်ဒီး သူဝဲတၢ်ကိၢ်တၢ်ဂီၤလၢ ကအိးထီၣ်အဝဲသ့ၣ် အမဲာ်ချံအဂီၢ်န့ၣ်လီၤ.
16 စီၤယိၤဘးဧၢ, ကစၢ်ယွၤထုးထီၣ်ကွံာ်နၤလၢတၢ်ကိၢ်တၢ် ဂီၤအပူၤဆူတၢ်လီၢ်အလဲၢ်တတီၤဖဲတၢ်တြီမၤတံာ်တာ်တ
အိၣ်ဘၣ်ဒီးနစီၢ်နီၤခိၣ်ဘၣ်တၢ်ကတဲာ်ကတီၤအီၤပှဲၤဝဲဒီး
တၢ်အီၣ်အဝံၣ်အဘဲလီၤ.
17 မ့မ့ၢ်ခဲကနံၣ်အံၤနဘၣ်တၢ်စံၣ်ညီၣ်နၤဒ်နကြၢးဒိးန့ၢ်ဘၣ်ဝဲ အသိးန့ၣ်လီၤ.
18 ပလီၢ်နသးဒ်သိးတၢ်ထူးတၢ်တီၤသုတကလံာ်န့ၢ်နၤဒီးပျဲ ခိၣ်ဖးလာ်ဆှိးဖးဒိၣ်ဆှၢကမၣ်နကျဲတဂ့ၤ.
19 နကိးထီၣ်တၢ်လၢတၢ်မၤစၢၤအဂီၢ်သနာ်က့, အဘျုးတအိၣ် နီတမံၤဘၣ်. ကယဲၢ်နဂံၢ်နဘါခဲလၢာ်မၤစၢၤနၤတသ့လၢၤဘၣ်.
20 တဘၣ်ဆူလၢ်ဟူတၢ်ဆၢကတီၢ်ဖဲပှၤဂီၢ်မုၢ်ကဘၣ်တၢ်မၤဟးဂီၤအီၤ, သတူၢ်ကလာ်အမုၢ်တနၤန့ၣ်တဂ့ၤ.
21 ပလီၢ်နသးဒ်သိးနသုတဃၣ်နသးဆူတၢ်အၢတၢ်သီတဂ့ၤ. တၢ်ဟ့ၣ်လီၤနၤလၢတၢ်တူၢ်ဘၣ်ခီၣ်ဘၣ်ဒ်သိးကမၤပူၤဖျဲး နၤလၢတၢ်န့ၣ်လီၤ.
22 ကွၢ်ကွၢ်, ယွၤအိၣ်ထီၣ်ထီဝဲလၢအစိကမီၤဒၣ်ဝဲအပူၤလီၤ. အဝဲမ့ၢ်သရၣ်အဒိၣ်ကတၢၢ်လၢပှၤခဲလၢာ်အကျါလီၤ.
23 တၢ်လၢကစၢ်ယွၤကဘၣ်မၤဝဲမ့ၢ်တၢ်မနုၤဂ့ၤ, ပှၤကဆှိးကမၣ် အီၤလၢအမၤတၢ်အၢတၢ်သီမ့ၢ်ဂ့ၤသ့န့ၣ်တအိၣ်ဘၣ်နီတဂၤဘၣ်.
24 သ့ၣ်နီၣ်ထီၣ်က့ၤလၢနကဘၣ်ပာ်ဒိၣ်အတၢ်မၤလၢပှၤကိးဂၤဒဲး အဂီၢ်ဒီးစံးထီၣ်ပတြၢၤအီၤလၢတၢ်သးဝံၣ်န့ၣ်တက့ၢ်.
25 ပှၤကိးဂၤဒဲးထံၣ်ဘၣ်တ့ၢ်လံတၢ်လၢအမၤတ့ၢ်ဝဲ, ဘၣ်ဆၣ်ဒီး ပှၤနၢ်ပၢၢ်အီၤတသ့ဘၣ်နီတဂၤဘၣ်.
26 ကွၢ်ကွၢ်, ကစၢ်ယွၤမ့ၢ်တၢ်အဒိၣ်အထီ, ဒီးပတသ့ၣ်ညါ ဘၣ်အီၤဘၣ်. ဒီးပဃုကွၢ်အနံၣ်အလါအတၢ်ဂံၢ်တသ့ဘၣ်.
27 အဂ့ၢ်ဒ်အံၤ, ပှၤလၢအထုးထီၣ်ထံလၢဟီၣ်ခိၣ်ချၢဒီးဒုးစူၤ လီၤကဒါက့ၤဝဲဒ်တၢ်စူၤထံအသိးန့ၣ်မ့ၢ်ကစၢ်ယွၤလီၤ.
28 အဝဲမၢတၢ်ဟဲစူၤလီၤလၢတၢ်အၢၣ်တဖၣ်ဒီးဒုးလီၤဘၣ်ဝဲ ဆူကယဲၢ်ပှၤခဲလၢာ်အလိၤန့ၣ်လီၤ.
29 တၢ်အၢၣ်တဖၣ်သုးအလီၢ်ဒ်လဲၣ်မ့ၢ်ဂ့ၤ, လီသီၣ်လၢမူကပိာ် လိၤဖဲကစၢ်ယွၤအိၣ်ဝဲအလီၢ်ဒ်လဲၣ်မ့ၢ်ဂ့ၤပှၤတသ့ၣ်ညါဘၣ်
နီတဂၤဘၣ်.
30 ကွၢ်ကွၢ်, ရၤလီၤဝဲအလီဝၢ်ဒံးဝးတရံးအခိၣ်အဃၢၤလၢမူ ကပိာ်လိၤဘၣ်ဆၣ်ပီၣ်လဲၣ်အတၢ်ယိာ်န့ၣ်အိၣ်ခံးသူဝဲလီၤ.
31 လၢတၢ်အံၤမ့ၢ်ကစၢ်ယွၤစံၣ်ညီၣ်ပှၤဂီၢ်မုၢ်တဖၣ်ဒီးဟ့ၣ်လီၤ တၢ်အီၣ်တၢ်အီအါအါကလဲာ်ဒ်လဲၣ်န့ၣ်လီၤ.
32 အဝဲဟံးဃာ်လီဝၢ်ဒံးလၢအစုတဖၣ်ဒီးဟ့ၣ်လီၤအကလုၢ်လၢ ကဖျးလီၤတၢ်အလီၢ်ဖဲလဲၣ်န့ၣ်လီၤ.
33 လီသီၣ်ဘိးဘၣ်သ့ၣ်ညါကလံၤသီၣ်ဂီၤအတၢ်ဟဲသုးဘူး အသးဒီးဂီၤဘုၣ်ဂီၤဖံးဒၣ်လဲာ်သ့ၣ်ညါအတၢ်ဟဲလံန့ၣ်လီၤ.
-