လံာ်စီၤယိၤဘး
JOB
လံာ်စီၤယိၤဘးန့ၣ်မ့ၢ်တၢ်ဃဲၤပူလၢအဘၣ်ဃးဒီးပှၤအဂ့ၤအဝါ လၢအတူၢ်ဘၣ်တၢ်ကီတၢ်ခဲလၢာ်လၢာ်ဆ့တဂၤအဂ့ၢ်န့ၣ်လီၤ. အဝဲအဖိခဲလၢာ်ဒီးအစုလီၢ်ခီၣ်ခိၣ်သ့ၣ်တဖၣ်လီၤမၢ်ကွံာ်ဝဲ, ဒီးဘၣ်တၢ်ဆူးတၢ်ဆါလၢအလီၤသးဘၣ်အၢန့ၣ်လီၤ. လၢတၢ်ကတိၤသကိးလိာ်သးလၢထါအကျိာ်သၢဘျီလၢအပိာ်လိာ်အခံ အပူၤန့ၣ်ပှၤကွဲးလံာ်ပာ်ဖျါထီၣ်စီၤယိၤဘးအတံၤသကိးတဖၣ်, ဒီးစီၤယိၤဘးအကစၢ်ဒၣ်ဝဲကွၢ်ဆၢၣ်မဲာ်တၢ်နးတၢ်ဖှီၣ်သ့ၣ်တဖၣ် အံၤဒ်လဲၣ်န့ၣ်လီၤ. လၢခံကတၢၢ်ကစၢ်ယွၤအကစၢ်ဒၣ်ဝဲလၢအမၤဘၣ် ထွဲအသးဒီးပှၤဟီၣ်ခိၣ်ဖိ, လၢအမၤန့ၢ်တ့ၢ်တၢ်လီၢ်အကါဒိၣ်လၢတၢ်ကတိၤသကိးအပူၤန့ၣ်, လီၣ်ဖျါထီၣ်အသးဆူစီၤယိၤဘးန့ၣ်လီၤ.
စီၤယိၤဘးအတံၤသကိးသ့ၣ်တဖၣ်တဲဖျါအတၢ်နးတၢ်ဖှီၣ်လၢ တၢ်ဘူၣ်တၢ်ဘါအကျိာ်ဒ်ပှၤစံၣ်ဃဲၤတဲဃဲၤညီနုၢ်အသိးန့ၣ်လီၤ. ဒ်ကစၢ်ယွၤထီဘိဆိၣ်ဂ့ၤပှၤဂ့ၤဒီးသိၣ်ဃီၣ်ပှၤအၢပှၤသီအသိး န့ၣ် အဝဲသ့ၣ်နာ်ဝဲလၢစီၤယိၤဘးအတၢ်နးတၢ်ဖှီၣ်န့ၣ်ကမ့ၢ်ဒၣ်လၢ အမၤတၢ်ဒဲးဘးအဃိန့ၣ်လီၤ. မ့မ့ၢ်လၢစီၤယိၤဘးအဂီၢ်တခီ တၢ်မၤအသးအံၤမ့ၢ်တၢ်ဘၣ်အီၤတတီလၢအဂီၢ်န့ၣ်လီၤ. အဂ့ၢ်ဒ်အံၤအဝဲမ့ၢ်တ့ၢ်ပှၤတဂၤလၢအဂ့ၤအဝါလီၤဆီ, ဒီးပှၤအတီအလိၤန့ၣ်လီၤ. ပှၤဒ်သိးဒီးအီၤတဂၤအံၤကစၢ်ယွၤ ကပျဲတၢ်အၢတၢ်သီဒိၣ်ဒိၣ်ကလဲာ်လီၤဘၣ်အီၤန့ၣ်အဝဲနၢ်ပၢၢ်ဝဲ တသ့ဘၣ်. ဒီးအဝဲတၤကစၢ်ယွၤဒူဒူလီၤ. စီၤယိၤဘးအတၢ် နာ်တလီၤမၢ်ကွံာ်ဝဲဒၣ်ဘၣ်. မ့မ့ၢ်အဝဲဆၢမုၢ်လၢ်ဝဲလၢကဘၣ် တၢ်ပာ်တီပာ်လိၤအီၤလၢကစၢ်ယွၤအမဲာ်ညါဒီးကဒိးန့ၢ်ဘၣ် က့ၤအလၤကပီၤဒ်ပှၤအဂ့ၤအဝါတဂၤအသိးန့ၣ်လီၤ.
ကစၢ်ယွၤတဟ့ၣ်တၢ်စံးဆၢလၢစီၤယိၤဘးအတၢ်သံကွၢ်တဖၣ် အဂီၢ်န့ၣ်ဘၣ်. မ့မ့ၢ်အဝဲစံးဆၢက့ၤစီၤယိၤဘးအတၢ်နာ်ခီဖျိတၢ် လုၣ်ဘၢအီၤလၢအစိအကမီၤဒီးအတၢ်ကူၣ်သ့လၢထါအကျိၤ အကွာ်န့ၣ်လီၤ. အန့ၣ်ဒီးလၢတၢ်ဆီၣ်လီၤသးအပူၤစီၤယိၤဘး အၢၣ်လီၤဝဲလၢကစၢ်ယွၤအံၤမ့ၢ်ပှၤလၢအကူၣ်သ့ဒီးပှၤအဒိၣ်အမုၢ် တဂၤန့ၣ်လီၤ. ဒီးအဝဲပီၢ်ယၢ်လီၤက့ၤအသးလၢအတၢ်ကတိၤ အအၢအသီဒီးအတၢ်ကတိၤလၢသူၣ်ဒိၣ်သးဖျိး, လၢအစံး တ့ၢ်ဝဲတဖၣ်အဃိန့ၣ်လီၤ.
ထါအကတၢၢ်ကွဲးနီၣ်ကွဲးဃါစီၤယိၤဘးဒိးန့ၢ်ဘၣ်က့ၤတၢ် အိၣ်ဒီးအီၤဒ်လၢညါအသိးဒ်လဲၣ်. ဒီးအတၢ်ဘီၣ်တၢ်ညီ ဒိၣ်န့ၢ်အါန့ၢ်ဒံးလၢညါဒၣ်လဲာ်အဂ့ၢ်န့ၣ်လီၤ. ကစၢ်ယွၤပာ်ဒ့ၣ်ပာ်ကမၣ်ဒီးဒူစီၤယိၤဘးအတံၤသကိးသ့ၣ် တဖၣ်လၢအဝဲသ့ၣ်တနၢ်ပၢၢ်စီၤယိၤဘးအတၢ်နးတၢ်ဖှီၣ်ဘၣ် အဃိန့ၣ်လီၤ. ထဲစီၤယိၤဘးတဂၤဧိၤသ့ၣ်ညါလၢကစၢ်ယွၤ န့ၣ်ဒိၣ်န့ၢ်ဒံးတၢ်ဘူၣ်တၢ်ဘါအတၢ်စံၣ်ဃဲၤတဲဃဲၤပာ်ဖျါတ့ၢ် အီၤတက့ၢ်န့ၣ်လီၤ.
1
1 ပှၤတဂၤလၢအမံၤမ့ၢ်ဝဲစီၤယိၤဘးန့ၣ်အိၣ်ဝဲဒၣ်လၢကီၢ်ဧူးစး အပူၤန့ၣ်လီၤ. အဝဲမ့ၢ်ပှၤလၢတၢ်ပာ်တၢ်ကမၣ်လၢအလိၤအလီၢ်တအိၣ်, ပှၤအတီအလိၤ, ပှၤလၢအပျံၤယွၤဒီးဟးဆှဲးတၢ်အၢတဂၤ န့ၣ်လီၤ.
2 အဝဲအိၣ်ဒီးအဖိခွါနွံဂၤဒီးအဖိမုၣ်သၢဂၤန့ၣ်လီၤ.
3 ဒီးအတၢ်ဖိတၢ်လံၤမ့ၢ်သိနွံကထိ, ကီၤလၤအူးသၢကထိ, ဂီၤဖံးတကထိ, ဒီးကသ့ၣ်ယီၤမိၢ်ယဲၢ်ကယၤ, ဒီးအခ့အပှၤ အိၣ်ဝဲအါအါကလဲာ်န့ၣ်လီၤ. ပှၤတဂၤအံၤမ့ၢ်ပှၤအကဲဒိၣ် ကတၢၢ်လၢပှၤမုၢ်ထီၣ်ဖိခဲလၢာ်အကျါန့ၣ်လီၤ.
4 စီၤယိၤဘးအဖိခွါတဖၣ်ညီနုၢ်လဲၤသကိးမၤသကိးတၢ်အီၣ် တၢ်အီအမူး, တဂၤလၢအဟံၣ်ပူၤလၢအနံၤဒၣ်ဝဲစုာ်စုာ်န့ၣ်လီၤ. ဒီးအဝဲသ့ၣ်ကွဲမုာ်အဒီပုၢ်ဝဲၢ်မုၣ်သၢဂၤဒ်သိးကအီၣ်သကိးအီ သကိးတၢ်ဒီးအဝဲသ့ၣ်ထီဘိန့ၣ်လီၤ.
5 မုၢ်တဂီၤဖဲတၢ်အီၣ်တၢ်အီအမူးဝံၤဝဲတဘျီလၢ်လၢ်န့ၣ်, စီၤယိၤဘးဂဲၤထၢၣ်ဂီၤဂီၤဒီးကိးဖှိၣ်အဖိတဖၣ်ဒီးလုၢ်တၢ် လုၢ်မ့ၣ်အူလၢအဖိတဂၤစုာ်စုာ်အဂီၢ်ဒ်သိးကမၤကဆှီထီၣ်က့ၤ အဝဲသ့ၣ်အဂီၢ်န့ၣ်လီၤ. အဂ့ၢ်ဒ်အံၤစီၤယိၤဘးဆိကမိၣ်ဝဲလၢဘၣ် တဘၣ်အဖိခွါတဂၤဂၤလၢတၢ်တပာ်သူၣ်ပာ်သးအပူၤမၤတ့ၢ် လံတၢ်ဒဲးဘးခီဖျိတၢ်ကတိၤတရီတပါကစၢ်ယွၤလၢအသးကံၢ်ပူၤ လံ. တၢ်န့ၣ်အဃိစီၤယိၤဘးမၤတၢ်အံၤတထံၣ်ဃီလီၤ.
6 မုၢ်တနံၤဖဲကစၢ်ယွၤအကလူးတဖၣ်ဟဲပာ်ဖျါထီၣ်အသးလၢ ယွၤအမဲာ်ညါန့ၣ်, မုၣ်ကီၤလံၢ်အိၣ်စ့ၢ်ကီးလၢအဝဲသ့ၣ်အကျါန့ၣ် လီၤ.
7 ဒီးယွၤသံကွၢ်မုၣ်ကီၤလံၢ်, “နဟးမၤတ့ၢ်တၢ်မနုၤလဲၣ်.” ဒီးမုၣ်ကီၤလံၢ်စံးဆၢယွၤဒီးစံး, “ယဟးဖဲအံၤဖဲနုၤဒီးဟးဝ့ၤဝီၤလၢဟီၣ်ခိၣ်ချၢန့ၣ်လီၤ.
8 ဒီးယွၤစံးဘၣ်မုၣ်ကီၤလံၢ်, “မ့ၢ်နကွၢ်ထံယခ့ယပှၤစီၤယိၤ ဘးတဂၤလၢနသးစ့ၢ်ကီးဧါ.” လၢဟီၣ်ခိၣ်ချၢန့ၣ်ပှၤအတီအလိၤ ဒီးပှၤအဂ့ၤဒ်သိးဒီးအီၤတအိၣ်ဘၣ်နီတဂၤဘၣ်. မ့ၢ်ပှၤပျံၤယွၤဒီးဟးဆှဲးတၢ်အၢတဂၤန့ၣ်လီၤ.
9 ဒီးမုၣ်ကီၤလံၢ်စံးဆၢယွၤဒီးစံး, “တၢ်ဘၣ်ဘျုးဘၣ်ဖှိၣ် အလီၢ်မ့ၢ်တအိၣ်ဘၣ်ဒီးစီၤယိၤဘးကဘူၣ်ထီၣ်ဘါထီၣ်ယွၤစ့ၢ်ကီး ဧါ.”
10 နကဟုဘံၣ်ကယာ်ဘၢအီၤ, အပှၤဟံၣ်ဖိဃီဖိဒီးတၢ်လၢအအိၣ် ဒီးအီၤခဲလၢာ်ထီဘိန့ၣ်လီၤ. နဆိၣ်ဂ့ၤတၢ်လၢအမၤဝဲခဲလၢာ် ဒီးနဟ့ၣ်တ့ၢ်လံအီၤဂီၤဖံးလၢလၢပှဲၤပှဲၤတုၤအကမၤပှဲၤထံကီၢ် ဒီဘ့ၣ်န့ၣ်လီၤ.
11 မ့မ့ၢ်ယူာ်ထီၣ်နစုခဲအံၤဒီးဟံးထီၣ်ကွံာ်ကယဲၢ်တၢ်လၢအအိၣ် ဒီးအီၤခဲလၢာ်တက့ၢ်. ဒီးအဝဲဒၣ်ကဆိၣ်အၢနၤလၢနမဲာ် သၣ်န့ၣ်လီၤ.
12 ဒီးယွၤစံးဘၣ်မုၣ်ကီၤလံၢ်, “ဂ့ၤလံ, ကယဲၢ်တၢ်လၢအအိၣ် ဒီးအီၤခဲလၢာ်န့ၣ်အိၣ်လၢနစိနကမီၤအပူၤလီၤ. ဘၣ်ဆၣ်တဘၣ် မၤဆါစီၤယိၤဘးအနီၢ်ကစၢ်န့ၣ်ဘၣ်.” အန့ၣ်ဒီးမုၣ်ကီၤလံၢ်ဟးထီၣ်ဝဲလၢယွၤအမဲာ်ညါန့ၣ်လီၤ.
13 မုၢ်တနံၤဖဲစီၤယိၤဘးအဖိခွါဒီးအဖိမုၣ်တဖၣ်အီၣ်တၢ်ဒီးအီ စပံးထံလၢအဝဲၢ်ကိအဟံၣ်န့ၣ်,
14 ပှၤစိာ်တၢ်ကစီၣ်တဂၤဟဲဃ့ၢ်ဆူစီၤယိၤဘးအအိၣ်ဒီးစံးဝဲ, “ဖဲပထဲၣ်တၢ်ဒီးဂီၤဖံးတဖၣ်ဒီးကသ့ၣ်ယီၤမိၢ်တဖၣ်အီၣ်အဆၣ် လၢအဃၢၤအခါ,
15 ပှၤစဘၤဖိတဖၣ်ဟဲဒုးတၢ်သတူၢ်ကလာ်ဒီးမၤသံကွံာ်နခ့နပှၤ တဖၣ်လၢနးအကနၣ်ဒီးစိာ်ကွံာ်တၢ်ခဲလၢာ်ဒီးပူၤဖျဲးထဲယၤတ ဂၤဧိၤလၢယကတဲဘၣ်နၤလီၤ.”
16 ဒီးဖဲအဝဲကတိၤတၢ်အဖၢမုၢ်န့ၣ်, အခ့အပှၤအဂၤတဂၤဟဲဒီး စံးဝဲဒၣ်, “လီဖျးသံကွံာ်သိဒီးပှၤကွၢ်သိတဖၣ်ဒီးပှၤပူၤ ဖျဲးဒၣ်ထဲယၤတဂၤဧိၤလၢယကတဲဘၣ်နၤလီၤ.”
17 ဖဲအဝဲကတိၤတၢ်အဖၢမုၢ်န့ၣ်, အခ့အပှၤအဂၤတဂၤဟဲဝဲဒီး စံးဝဲဒၣ်, “ပှၤက့ၤစ့းဖိလၢအပှၤဂုာ်ဆူၣ်ပျီဆူၣ်တၢ်သၢဖု ဟဲဒုး ပှၤဒီးစိာ်ကွံာ်ကီၤလၤအူးတဖၣ်ဒီးမၤသံကွံာ်နခ့နပှၤခဲလၢာ် ဒီးပှၤပူၤဖျဲးဒၣ်ထဲယၤတဂၤဧိၤလၢယကတဲဘၣ်နၤလီၤ.”
18 ဖဲအဝဲကတိၤတၢ်အဖၢမုၢ်န့ၣ်, အခ့အပှၤအဂၤတဂၤဟဲဝဲဒၣ်ဒီး စံး, “ဖဲနဖိခွါဒီးနဖိမုၣ်တဖၣ်မၤတၢ်အီၣ်တၢ်အီအမူးဖဲအဝဲၢ် ကိအဟံၣ်ပူၤအကတီၢ်န့ၣ်,
19 ကွၢ်ကွၢ်ကလံၤမုၢ်ဖးဒိၣ်ဟဲဝဲလၢမဲးမုၢ်ခိၣ်ဒီးအူလီၤပှီၢ် ကွံာ်ဟံၣ်ဒီးပှၤခဲလၢာ်သံဝဲဒၣ်န့ၣ်လီၤ. ဒီးပှၤပူၤဖျဲးဒၣ်ထဲယၤတဂၤဧိၤလၢယကတဲဘၣ်နၤလီၤ.”
20 တုၤနုၤတစုစီၤယိၤဘးဂဲၤဆၢထၢၣ်ဒီးဖှီအဆ့လၢတၢ်သးအုး အပူၤန့ၣ်လီၤ. အဝဲလူၤဝဲအခိၣ်ဒီးထိၣ်လီၤပှီၤအသးလၢဟီၣ် ခိၣ်လိၤဒီးဘူၣ်ထီၣ်ဘါထီၣ်တၢ်လီၤ.
21 ဒီးအဝဲစံးဝဲဒၣ်, “ယဟဲထီၣ်ဘ့ၣ်ဆ့လၢယမိၢ်အဒၢလီၢ်အပူၤ ဒီးယကက့ၤဘ့ၣ်ဆ့လီၤ. ယွၤဟ့ၣ်တၢ်ဒီးယွၤဟံးက့ၤတၢ်လံ မ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်.”
22 လၢကယဲၢ်တၢ်မၤတ့ၢ်အသးခဲလၢာ်ဒၣ်လဲၣ်အဃိန့ၣ်တၢ်ဒဲးဘး မ့ၢ်ဂ့ၤ, တၢ်ပာ်ဒ့ၣ်ကမၣ်ကစၢ်ယွၤမ့ၢ်ဂ့ၤစီၤယိၤဘးတမၤဝဲဒၣ် ဘၣ်.