36
(၁ကွဲး.၁:၃၄- ၃၇ )
1 အအံၤမ့ၢ်စီၤဧ့ၤၡီၤလၢအဘၣ်တၢ်ကိးစ့ၢ်ကီးအီၤလၢစီၤအဒိၣ် အစၢၤအသွဲၣ်တဖၣ်န့ၣ်လီၤ.
2 စီၤဧ့ၡီၤဒိးတ့ဒိးဖျီအသးဒီးပှၤကနၤဧၣ်မုၣ်တဖၣ်လၢအမ့ၢ် ဝဲ ပှၤဃ့ၤသးဖိစီၤအလိၣ်အဖိမုၣ်နီၢ်ဧဒၤ, ဒီးပှၤဃံၤဝံဖိစီၤ စံးဘဧိၣ်အဖိခွါစီၤဧနၤအဖိမုၣ်နီၢ်အဟိးလံးဘါမၤ,
3 ဒီးစီၤယံးၡမၤဧ့လးအဖိမုၣ်, စီၤနဘါယိးအဒီပုၢ်ဝဲၢ်မုၣ် နီၢ်ဘၤစမးန့ၣ်လီၤ.
4 ဒီးနီၢ်ဧဒၤဆံးစၢ်စီၤအလံဖးစး, နီၢ်ဘၤစမးဆံးစၢ်စီၤရဧူၤ အ့လး,
5 ဒီးနီၢ်အဟိးလံးဘါမၤဆံးစၢ်စီၤယဧူၤၡး, စီၤယၤဧလၣ်, ဒီးစီၤကိးရးလီၤ. ကယဲၢ်ဖိခွါခဲလၢာ်သ့ၣ်တဖၣ်အံၤဘၣ်တၢ်ဆံး စၢ်န့ၢ်အီၤလၢစီၤဧ့ၡီၤအဂီၢ်လၢကီၢ်ကနၤဧၣ်အပူၤန့ၣ်လီၤ.
6 ဒီးစီၤဧ့ၡီၤကိးထီၣ်အမါတဖၣ်, အဖိခွါတဖၣ်, အဖိမုၣ်ဒီးကယဲၢ်ပှၤခဲလၢာ်လၢအဟံၣ်ပူၤဃုာ်ဒီးအဆၣ်ဖိကီၢ်ဖိ ခဲလၢာ်ဒီးအတၢ်ဖိတၢ်လံၤခဲလၢာ်လၢအဒိးန့ၢ်ဘၣ်တ့ၢ်ဝဲလၢကီၢ် ကနၤဧၣ်ဒီးဟးထီၣ်ကွံာ်ယံၤဝဲဒီးအပုၢ်စီၤယၤကိာ်ဆူထံကီၢ် အဂၤတဘ့ၣ်န့ၣ်လီၤ.
7 အဝဲဟးထီၣ်ကွံာ်မ့ၢ်လၢထံကီၢ်လၢအဝဲဒီးစီၤယၤကိာ်အိၣ်ဆိး ဝဲခဲအံၤလုၢ်အီၣ်လုၢ်အီအဝဲသ့ၣ်တန့ၢ်လၢၤဘၣ်အဃိန့ၣ်လီၤ. အဂ့ၢ်ဒ်အံၤ, အဝဲသ့ၣ်အိၣ်ဒီးအဆၣ်ဖိကီၢ်ဖိအါကဲာ်ဆိးဒီးအိၣ် သကိးတပူၤဃီတသ့လၢၤဘၣ်.
8 လၢတၢ်န့ၣ်အဃိစီၤဧ့ၡီၤအိၣ်ဝဲဆိးဝဲလၢကစၢၢ်စ့ဧ့ၢ်လၢကီၢ် အဒိၣ်အပူၤဒီးဘၣ်တၢ်ကိးအီၤလၢစီၤအဒိၣ်လီၤ.
9 ဒီးအအံၤမ့ၢ်စီၤဧ့ၡီၤ, ပှၤအဒိၣ်ဖိသ့ၣ်တဖၣ်အပၢ်လၢပျၢၤအစၢၤ အသွဲၣ်တဖၣ်န့ၣ်လီၤ.
10 စီၤဧ့ၡီၤအမါနီၢ်ဧဒၤဆံးစၢ်န့ၢ်အီၤအဖိခွါတဂၤလၢအမ့ၢ် စီၤအလံဖးစးလီၤ.
11 ဒီးစီၤအလံဖးစးအိၣ်ဒီးအဖိခွါယဲၢ်ဂၤလၢအမ့ၢ်ဝဲစီၤတ့ၤ မၣ်,စီၤအိမၢ်, စီၤစဖိၤ, စီၤကၤတၣ်ဒီးစီၤကနးစးတဖၣ်န့ၣ်လီၤ.
12 ဒီးစီၤဧ့ၡီၤအဖိခွါစီၤအလံဖးစးအိၣ်ဒီးအသံၣ်မါတဂၤလၢ အမံၤမ့ၢ်နီၢ်တံးမနၤလီၤ. ဒီးနီၢ်တံးမနၤဆံးစၢ်ထီၣ်စီၤဧမၤလ့းလၢစီၤအလံဖးစးအဂီၢ် န့ၣ်လီၤ. အဝဲသ့ၣ်တဖၣ်န့ၣ်မ့ၢ်စီၤဧ့ၡီၤအမါနီၢ်ဧဒၤအဖိခွါတဖၣ်လီၤ.
13 ဒီးစီၤဧ့ၡီၤအမါနီၢ်ဘၤစမးဆံးစၢ်န့ၢ်အီၤအဖိခွါတဂၤလၢ အမံၤမ့ၢ်စီၤရဧူၤအ့လးလီၤ. ဒီးစီၤရဧူၤအ့လးအိၣ်ဒီးအဖိခွါလွံၢ်ဂၤလၢအမ့ၢ်စီၤနၤ ဃး, စီၤစ့ရၤ, စီၤၡမၤဒီးစီၤမံစၤတဖၣ်လီၤ.
14 ဒီးစီၤဧ့ၡီၤအမါနီၢ်အဟိးလံးဘါမၤ, စီၤစံးဘဧိၣ်အဖိခွါ စီၤဧနၤအဖိမုၣ်ဆံးစၢ်ထီၣ်အဖိခွါသၢဂၤလၢအမ့ၢ်စီၤယဧူၡၢ်, စီၤယၤဧလၣ်ဒီးစီၤကိးရးလၢစီၤဧ့ၡီၤအဂီၢ်န့ၣ်လီၤ.
15 အအံၤမ့ၢ်ပှၤအဒူၣ်တဖၣ်လၢအဟဲလီၤစၢၤလီၤသွဲၣ်လၢစီၤဧ့ၡီၤ န့ၣ်လီၤ. စီၤဧ့ၡီၤအဖိခွါအခီၣ်ထံးတဂၤလၢအမ့ၢ်စီၤအလံဖးစးမ့ၢ်ပှၤ အဒူၣ်လၢလာ်တဖၣ်အံၤအပၢ်လၢပျၢၤန့ၣ်လီၤ. ပှၤသ့ၣ်တဖၣ်အံၤမ့ၢ်ဝဲပှၤတ့ၤမၣ်အဒူၣ်, ပှၤအိမၢ်အဒူၣ်, ပှၤစဖိၤအဒူၣ်, ပှၤကနးစးအဒူၣ်, ပှၤကိးရးအဒူၣ်, ပှၤကၤတၣ်အဒူၣ်ဒီးပှၤဧမၤလ့းအဒူၣ်လီၤ.
16 အဝဲသ့ၣ်ခဲလၢာ်မ့ၢ်ပှၤဟဲလီၤစၢၤလီၤသွဲၣ်လၢစီၤဧ့ၡီၤအမါ နီၢ်ဧဒၤလီၤ.
17 ဒီးစီၤဧ့ၡီၤအဖိခွါစီၤရဧူၤအ့လးမ့ၢ်ပှၤအဒူၣ်လၢလာ်တဖၣ် အံၤအပၢ်လၢပျၢၤန့ၣ်လီၤ. ပှၤနၤဃးအဒူၣ်, ပှၤစ့ရၤအဒူၣ်, ပှၤၡးမၤအဒူၣ်ဒီးပှၤမံစၤအဒူၣ်သ့ၣ်တဖၣ်လီၤ. အဝဲသ့ၣ်ခဲလၢာ်မ့ၢ်ပှၤဟဲလီၤစၢၤလီၤသွဲၣ်လၢစီၤဧ့ၡီၤအမါ နီၢ်ဘၤစမးန့ၣ်လီၤ.
18 ဒီးပှၤအဒူၣ်တဖၣ်လၢအဟဲလီၤစၢၤလီၤသွဲၣ်လၢစီၤဧ့ၡီၤဒီး အမါနီၢ်အဟိးလံးဘါမၤလၢအမ့ၢ်စီၤဧနၤအဖိမုၣ်န့ၣ်မ့ၢ်ဝဲ ပှၤယဧူၤၡးအဒူၣ်, ပှၤယၤဧလၣ်အဒူၣ်ဒီးပှၤကိးရးအဒူၣ်လီၤ.
19 ကယဲၢ်ပှၤအဒူၣ်ခဲလၢာ်အံၤဟဲလီၤစၢၤလီၤသွဲၣ်လၢစီၤဧ့ၡီၤ လီၤ.
(၁ကွဲး.၁:၃၈ - ၄၂ )
20 ပှၤလၢအအိၣ်ဆိးပာ်စၢၤလၢကီၢ်အဒိၣ်သ့ၣ်တဖၣ်န့ၣ်ဘၣ်တၢ်နီၤဖး လီၤအီၤဆူဒူၣ်တဖၣ်လၢအဒွးထူဒွးထံးက့ၤအတၢ်ဟဲ လီၤစၢၤလၢပှၤဃိၢ်ဖိစီၤစ့ဧ့ၢ်န့ၣ်လီၤ. ဒီးပှၤအဒူၣ်တဖၣ်န့ၣ်မ့ၢ်ဝဲ, ပှၤလိတၣ်အဒူၣ်,
21 ပှၤၡိဘလးအဒူၣ်, ပှၤစံးဘဧိၣ်အဒူၣ်, ပှၤဧနၤအဒူၣ်, ပှၤဒံၡိၣ်အဒူၣ်, ပှၤအ့စၢ်အဒူၣ်ဒီးပှၤဒံၡၣ်အဒူၣ်တဖၣ်လီၤ.
22 စီၤလိတၣ်မ့ၢ်ဝဲစီၤဃိၢ်ရၤအဒူၣ်တဒူၣ်ဒီးစီၤဟ့ၣ်မၣ်အဒူၣ် တဒူၣ်အပၢ်လၢပျၢၤလီၤ. (ဒီးစီၤလိတၣ်အိၣ်ဒီးအဒီပုၢ်ဝဲၢ်မုၣ်တဂၤလၢအမ့ၢ်နီၢ်တံး မနၤလီၤ.)
23 စီၤၡိဘလးန့ၣ်မ့ၢ်ဝဲစီၤဧးလဝၣ်အဒူၣ်တဒူၣ်, စီၤမနၤဃးအဒူၣ်တဒူၣ်, စီၤဧ့ၤဘါလးအဒူၣ်တဒူၣ်, စီၤၡဖိၤအဒူၣ်တဒူၣ်ဒီးစီၤအိၣ်နၣ် အဒူၣ်တဒူၣ်အပၢ်လၢပျၢၤန့ၣ်လီၤ.
24 စီၤစံးဘဧိၣ်အိၣ်ဒီးအဖိခွါခံဂၤလၢအမ့ၢ်ဝဲစီၤအၤယၤဒီး စီၤဧနၤလီၤ. (အဝဲအံၤမ့ၢ်စီၤဧနၤလၢအထံၣ်န့ၢ်ထံကိၢ်ထီၣ်ပၢၢ်တဖၣ်လၢပှၢ် မုၢ်ကနၢအပူၤဖဲအဝဲကွၢ်အပၢ်အကသ့ၣ်ယီၤတဖၣ်အခါန့ၣ်လီၤ.)
25 စီၤဧနၤအိၣ်ဒီးအဖိခွါစီၤဒံၡိၣ်ဒီးအိၣ်စ့ၢ်ကီးဒီးအဖိ မုၣ်တဂၤလၢအမံၤမ့ၢ်နီၢ်အဟိးလံးဘါမၤန့ၣ်လီၤ.
26 စီၤဧနၤမ့ၢ်စီၤဒံၡိၣ်အပၢ်ဒီးစီၤဒံၡိၣ်မ့ၢ်စီၤဃ့းမဒၣ် အဒူၣ်တဒူၣ်, စီၤအ့းၡဘၣ်အဒူၣ်တဒူၣ်, စီၤယံးသရၣ်အဒူၣ်တဒူၣ်ဒီးစီၤကရၣ် အဒူၣ်တဒူၣ်အပၢ်လၢပျၢၤန့ၣ်လီၤ.
27 စီၤအ့စၢ်န့ၣ်မ့ၢ်ဝဲစီၤဘံးလဟၣ်အဒူၣ်တဒူၣ်, စီၤစၤဧဝၣ်အဒူၣ်တဒူၣ်ဒီးစီၤယၤဧကၣ်အဒူၣ်တဒူၣ်အပၢ်လၢပျၢၤ န့ၣ်လီၤ.
28 စီၤဒံၡၣ်မ့ၢ်ဝဲစီၤဧူးစးအဒူၣ်တဒူၣ်ဒီးစီၤအၤရၣ်အဒူၣ် တဒူၣ်အပၢ်လၢပျၢၤန့ၣ်လီၤ.
29 အအံၤမ့ၢ်ပှၤဃိၢ်ဖိအဒူၣ်တဖၣ်လၢကီၢ်အဒိၣ်အပူၤန့ၣ်လီၤ. ပှၤလိတၣ်အဒူၣ်, ပှၤၡိဘလးအဒူၣ်, ပှၤစံးဘဧိၣ်အဒူၣ်, ပှၤစနၤအဒူၣ်,
30 ပှၤဒံၡိၣ်အဒူၣ်, ပှၤအ့စၢ်အဒူၣ်ဒီးပှၤဒံၡၣ်အဒူၣ်တဖၣ်လီၤ.
(၁ကွဲး.၁:၄၃ - ၅၄ )
31 တချုးဒံးဘၣ်လၢကီၢ်အံၣ်စရ့လးအစီၤပၤအိၣ်ဒံးနီတဂၤန့ၣ်, စီၤပၤလၢလာ်တဖၣ်အံၤပၢကီၢ်အဒိၣ်တဂၤဝံၤတဂၤန့ၣ်လီၤ.
32 စီၤဘဧိၣ်အဖိခွါစီၤဘ့လၤလၢဝ့ၢ်ဒံနဟးဘၤ,
33 စီၤစရၤအဖိခွါစီၤယိၤဘးလၢဝ့ၢ်ဘိးစရၤ,
34-35 စီၤဃူၡၣ်လၢကီၢ်တ့ၤမၣ်အလီၢ်ကဝီၤ, စီၤဘဒးအဖိခွါစီၤဟဒးလၢဝ့ၢ်ဧဝံး
36 (အဝဲမၤနၢၤကွံာ်ပှၤမံးဒယၣ်ဖိတဖၣ်လၢတၢ်ဒုးတဘျီလၢကီၢ် မိၤအးအပူၤန့ၣ်လီၤ.) စီၤစးမလၤလၢဝ့ၢ်မးစရ့ကၤ,
37 စီၤၡီလူးလၢဝ့ၢ်ရဃိဘိးအိၣ်လၢထံကျိဖရၤသးအနံၤ
38-39 စီၤဧးကဘိၢ်အဖိခွါစီၤဘဧၤလဃါနၣ်, စီၤဃဒၢ်လၢဝ့ၢ်ဖၤဧူၤ (အမါအမံၤမ့ၢ်
နီၢ်မဟ့တးဘးအ့လးလၢအမ့ၢ်နီၢ်မးတရ့းအဖိမုၣ်, စီၤမ့စဟးအလံၤမုၣ်န့ၣ်လီၤ.)
40 စီၤဧ့ၡီၤမ့ၢ်ပှၤအဒိၣ်ဖိအဒူၣ်လၢလာ်တဖၣ်အံၤအပၢ်လၢပျၢၤန့ၣ် လီၤ. ပှၤတံးမနၤအဒူၣ်, ပှၤဧးလဝၣ်အဒူၣ်,
41 ပှၤယသ့းအဒူၣ်, ပှၤအဟိးလံးဘါမၤအဒူၣ်, ပှၤအ့လးအဒူၣ်,
42 ပှၤပံနိၣ်အဒူၣ်,ပှၤကနးစးအဒူၣ်, ပှၤတ့ၤမၤအဒူၣ်, ပှၤမံးဘစၢ်အဒူၣ်,
43 ပှၤမးကဒံအ့လးအဒူၣ်ဒီးပှၤဧံရၣ်အဒူၣ်လီၤ. လီၢ်ကဝီၤဖဲပှၤအဒူၣ်တဒူၣ်စုာ်စုာ်အိၣ်ဝဲဆိးဝဲန့ၣ်ဘၣ်တၢ်သ့ၣ် ညါအီၤခီဖျိအဒူၣ်အမံၤလီၤ.