37
1 ယကလၢၢ်ဘၣ်ယွၤအိၣ်ဒီးယၤအတၢ်စိတၢ်ကမီၤ, ဒီးအဝဲအ သးဆှၢဃီၤယၤဒီးပာ်လီၤယၤဖဲတြီၤတခါလၢအပှဲၤဒီးတၢ်ဃံတၢ် ကွဲတဖၣ်န့ၣ်လီၤ.
2 အဝဲဆှၢတရံးယၤလၢတြီၤအံၤဒီးယထံၣ်ဘၣ်လၢဖဲန့ၣ်တၢ်ဃံ တၢ်ကွဲတဖၣ်အိၣ်အါအါဂီၢ်ဂီၢ်ဒီးမ့ၢ်တၢ်ဃံတၢ်ကွဲလၢအဃ့ထီ ဒိၣ်မးန့ၣ်လီၤ.
3 အဝဲစံးဘၣ်ယၤ, “ပှၤကညီလၢအသံသ့ဧၢ, တၢ်ဃံတၢ်ကွဲ တဖၣ်အံၤမူထီၣ်ကဒါက့ၤဘၣ်ကသ့ဒံးဧါ.” ယစံးဆၢက့ၤအီၤ, ယွၤပၢဘၣ်တၢ်ခဲလၢာ်ကစၢ်ဧၢ, ထဲဒၣ်နၤတဂၤဧိၤနသ့ၣ်ညါနဲ လီၤ.”
4 အဝဲစံးဝဲဒၣ်, “ကတိၤတၢ်လၢဝံအကျိာ်ဒီးတၢ်ဃံတၢ်ကွဲတဖၣ်အံၤတက့ၢ်. တဲဘၣ်တၢ်ဃံတၢ်ကွဲအဃ့ထီတဖၣ်အံၤလၢကကနၣ် ယွၤအကလုၢ်န့ၣ်တက့ၢ်.
5 တဲဘၣ်အဝဲသ့ၣ်လၢ, ယၤ, ယွၤပၢဘၣ်တၢ်ခဲလၢာ် ကစၢ်စံးဘၣ်အဝဲသ့ၣ်ဒ်အံၤတက့ၢ်. ယကဒၢနုာ်တၢ်သါလၢသုပူၤ ဒီးဒုးမူထီၣ်ကဒါက့ၤသုန့ၣ်လီၤ.
6 ယကဟ့ၣ်လီၤသုလၢထူၣ်ဧိၤပျၢ်ဧိၤတဖၣ်ဒီးအညၣ်တဖၣ်ဒီးမၤဘၢ သုလၢအဖံးန့ၣ်လီၤ. ယကဒၢနုာ်တၢ်သါလၢသုပူၤဒီးဒုးမူထီၣ် ကဒါက့ၤသုန့ၣ်လီၤ. အန့ၣ်ဒီးသုကသ့ၣ်ညါလၢယမ့ၢ်ယွၤန့ၣ်လီၤ.”
7 လၢတၢ်န့ၣ်အဃိ, ယကတိၤတၢ်လၢဝံအကျိာ်ဒ်တၢ်တဲဘၣ်တ့ၢ်ယၤ အသိးန့ၣ်လီၤ. ဖဲယကတိၤတၢ်အဖၢမုၢ်န့ၣ်, ယနၢ်ဟူဘၣ်တၢ်အသီၣ်ရဲာ် သီၣ်ရီာ်တမံၤဒီးတၢ်ဃံတၢ်ကွဲတဖၣ်စးထီၣ်စဲဘူးလိာ် အသးန့ၣ်လီၤ.
8 ဖဲယကွၢ်တၢ်အဖၢမုၢ်န့ၣ်, တၢ်ဃံတၢ်ကွဲဘၣ်တၢ်ကးဘၢအီၤ လၢအထူၣ်အပျၢ်တဖၣ်ဒီးအညၣ်တဖၣ်ဝံၤဒီးအဖံးန့ၣ်လီၤ. ဘၣ်ဆၣ်လၢနီၢ်ခိတဖၣ်အပူၤန့ၣ်, တၢ်သါထီၣ်တအိၣ်ဝဲဘၣ်.
9 ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, ကတိၤတၢ်လၢ ဝံအကျိာ်ဆူကလံၤအအိၣ်တက့ၢ်. တဲဘၣ်ကလံၤလၢယွၤပၢဘၣ် တၢ်ခဲလၢာ်ကစၢ်, ဟ့ၣ်လီၤအကလုၢ်လၢအကဘၣ်ဟဲလၢ တၢ်လီၢ်ကိးကပၤဒဲး, ဒ်သိးကအူသဖှိနုာ်တၢ်သါဆူနီၢ်ခိတဖၣ် လၢအသံအံၤအပူၤ, ဒီးကဒုးမူထီၣ်ကဒါက့ၤအဝဲသ့ၣ်န့ၣ်တက့ၢ်.”
10 လၢတၢ်န့ၣ်အဃိ, ယကတိၤတၢ်လၢဝံအကျိာ်ဒ်တၢ်စံးဘၣ်တ့ၢ်ယၤ အသိးန့ၣ်လီၤ. တၢ်သါဟဲနုာ်လီၤဆူနီၢ်ခိတဖၣ်အပူၤ, ဒီးအဝဲသ့ၣ် မူထီၣ်က့ၤဝဲဒီးဆၢထၢၣ်ဝဲဒၣ်န့ၣ်လီၤ. အဝဲသ့ၣ်အိၣ်ဝဲလၢလၢပှဲၤပှဲၤ လၢကဒုးအိၣ်ထီၣ်သုးမုၢ်တဖုန့ၣ်လီၤ.
11 ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, ကီၢ်အံၣ်စရ့လးအပှၤဂီၢ်မုၢ်လီၤဂာ် ဒီးတၢ်ဃံတၢ်ကွဲတဖၣ်အံၤလီၤ. အဝဲသ့ၣ်စံးဝဲလၢအဝဲသ့ၣ်ဃ့ထီကွံာ်လံ, တအိၣ်ဒီးတၢ်မုၢ်လၢ်နီတမံၤဒီးခါဆူညါလၢအဂီၢ်တအိၣ်ဘၣ်.
12 လၢတၢ်န့ၣ်အဃိ, ကတိၤတၢ်လၢဝံအကျိာ်ဆူယပှၤဂီၢ်မုၢ် အံၣ်စရ့လးဒီးတဲဘၣ်အဝဲသ့ၣ်လၢယၤ, ယွၤပၢဘၣ်တၢ်ခဲလၢာ်ကစၢ်, ကအိးထီၣ်အဝဲသ့ၣ်အသွၣ်ခိၣ်တဖၣ်န့ၣ်တက့ၢ်. ယကထုး ထီၣ်ကွံာ်အဝဲသ့ၣ်ဒီးဟဲက့ၤစိာ်က့ၤအဝဲသ့ၣ်ဆူကီၢ်အံၣ် စရ့လးန့ၣ်လီၤ.
13 တုၤယအိးထီၣ်တၢ်သွၣ်ခိၣ်တဖၣ်လၢယပှၤဂီၢ်မုၢ်ဘၣ်တၢ်ခူၣ်လီၤ အီၤဒီးထုးထီၣ်ကွံာ်အဝဲသ့ၣ်န့ၣ်, အဝဲသ့ၣ်ကသ့ၣ်ညါဝဲလၢယမ့ၢ် ယွၤန့ၣ်လီၤ.
14 ယကဒၢနုာ်ယတၢ်သါဆူအဝဲသ့ၣ်အပူၤ, မၤမူထီၣ်ကဒါက့ၤအဝဲသ့ၣ် ဒီးပျဲအဝဲသ့ၣ်အိၣ်ဆိးလၢအကီၢ်ဒၣ်ဝဲအပူၤန့ၣ်လီၤ. အန့ၣ်ဒီးအဝဲသ့ၣ်က သ့ၣ်ညါဝဲလၢယမ့ၢ်ယွၤန့ၣ်လီၤ. ယအၢၣ်လီၤတ့ၢ်လၢယကမၤတၢ်အံၤဒီးယကမၤအီၤန့ၣ်လီၤ. ယၤ, ယွၤ, ကတိၤလံတၢ်လံ.”
15-16 ယွၤကတိၤကဒီးတၢ်ဒီးယၤန့ၣ်လီၤ. အဝဲစံးဝဲဒၣ်, “ပှၤကညီအသံသ့ဧၢ, ဟံးန့ၢ်သ့ၣ်တဘိဒီးလၢ အဖီခိၣ်န့ၣ်ကွဲးလီၤတၢ်ကတိၤ, ကီၢ်ယူဒၤအဘီအမုၢ်တက့ၢ်. အန့ၣ်ဝံၤဒီးဟံးန့ၢ်ကဒီးသ့ၣ်အဂၤတဘိဒီးကွဲးလီၤလံာ်မဲာ်ဖျၢၣ်, ကီၢ်အံၣ်စရ့လးအဘီအမုၢ်, လၢအဖီခိၣ်န့ၣ်တက့ၢ်.
17 အန့ၣ်ဝံၤဒီးဖီၣ်ဃာ်စဲဘူးသ့ၣ်ခံဘိလၢာ်အထိးနါတပူၤဃီလၢ နစုပူၤဒ်သိးကလီၤဂာ်လၢသ့ၣ်တဘိဃီန့ၣ်တက့ၢ်.
18 တုၤနပှၤဂီၢ်မုၢ်နၤလၢဃ့နကတဲဘၣ်အဝဲသ့ၣ်လၢတၢ်အံၤ အခီပညီန့ၣ်,
19 တဲဘၣ်အဝဲသ့ၣ်လၢ, ယၤယွၤပၢဘၣ်တၢ်ခဲလၢာ်ကစၢ်, ကဟံးန့ၢ် သ့ၣ်ဘိလၢအမ့ၢ်ကီၢ်အံၣ်စရ့လးအခၢၣ်စးဒီးပာ်အီၤတပူၤဃီဃုာ်ဒီး အဂၤတဘိလၢအမ့ၢ်ကီၢ်ယူဒၤအခၢၣ်စးန့ၣ်လီၤ. ယကဒုးကဲထီၣ်သ့ၣ်ခံဘိန့ၣ်ဆူသ့ၣ်တဘိဃီဒီးဖီၣ်ဃာ်အီၤလၢ ယစုပူၤန့ၣ်လီၤ.
20 ဖီၣ်ဃာ်သ့ၣ်ခံဘိအံၤလၢနစုပူၤဒီးပျဲပှၤဂီၢ်မုၢ်ထံၣ်ဘၣ်အီၤန့ၣ်တက့ၢ်.
21 အန့ၣ်ဝံၤဒီးတဲဘၣ်အဝဲသ့ၣ်လၢယၤ, ယွၤပၢဘၣ်တၢ်ခဲလၢာ်ကစၢ် ကဟံးထီၣ်ကွံာ်ယပှၤဂီၢ်မုၢ်ခဲလၢာ်လၢထံကီၢ်တဖၣ်လၢအဝဲသ့ၣ် လဲၤတ့ၢ်ဝဲဒီးပာ်ဖှိၣ်က့ၤအဝဲသ့ၣ်တပူၤဃီ, ဒီးဟဲက့ၤစိာ်ကဒါက့ၤ အဝဲသ့ၣ်ဆူအထံအကီၢ်ဒၣ်ဝဲန့ၣ်တက့ၢ်.
22 ယကပာ်ဖှိၣ်အဝဲသ့ၣ်ဆူပှၤတကလုာ်ဃီလၢကီၢ်ပူၤ, လၢ ကီၢ်အံၣ်စရ့လးအကစၢၢ်တဖၣ်အဒီခိၣ်န့ၣ်လီၤ. အဝဲသ့ၣ်ကအိၣ် ဒီးစီၤပၤတဂၤလၢကပၢအဝဲသ့ၣ်ဒီးအဝဲသ့ၣ်တအိၣ်လီၤဖးလိာ် အသးဆူပှၤကလုာ်ခံကလုာ်မ့ၢ်ဂ့ၤ, လီၤဖးကွံာ်ဆူဘီမုၢ်ခံ ဘ့ၣ်မ့ၢ်ဂ့ၤလၢၤဘၣ်.
23 အဝဲသ့ၣ်တမၤဘၣ်အၢလီၤအသးလၢတၢ်ဂီၤတၢ်ဖီၣ်တဖၣ်လၢ အလီၤသးဘၣ်အၢမ့ၢ်ဂ့ၤ, မၤဟးဂီၤလီၤအသးလၢတၢ်ဒဲးဘး မ့ၢ်ဂ့ၤလၢၤဘၣ်. ယကဒုးထူၣ်ဖျဲးအဝဲသ့ၣ်လၢကျဲတဖၣ်လၢ အဝဲသ့ၣ်ပိာ်တ့ၢ်အီၤလၢအမ့ၢ်တၢ်မၤတၢ်ဒဲးဘးဒီးတၢ်သမၢကွံာ် ယၤန့ၣ်လီၤ. ယကမၤကဆှီထီၣ်အဝဲသ့ၣ်န့ၣ်လီၤ. အဝဲသ့ၣ် ကမ့ၢ်ယပှၤဂီၢ်မုၢ်ဒီးယကမ့ၢ်အဝဲသ့ၣ်အကစၢ်ယွၤန့ၣ်လီၤ.
24 စီၤပၤတဂၤလၢအလီၤဂာ်ဒီးယခ့ယပှၤစီၤဒၤဝံးကမ့ၢ်အဝဲသ့ၣ် အစီၤပၤန့ၣ်လီၤ. အဝဲသ့ၣ်ကအိၣ်ဃူအိၣ်ဖိးလၢ ပှၤပၢတၢ်တဂၤဃီအဖီလာ်ဒီးကစူၢ်ယတၢ်ဘူၣ်တၢ်ဘါအတၢ် သိၣ်တၢ်သီတဖၣ်လၢတၢ်သးတီအပူၤန့ၣ်လီၤ.
25 အဝဲသ့ၣ်ကအိၣ်ဆိးလၢကီၢ်လၢယဟ့ၣ်လီၤတ့ၢ်ယခ့ယပှၤ စီၤယၤကိာ်, ဒီးကီၢ်ဖဲအဝဲသ့ၣ်အမိၢ်အပၢ်ဖံဖုလၢပျၢၤတဖၣ်အိၣ်ဆိးတ့ၢ်ဝဲအပူၤန့ၣ်လီၤ. အဝဲသ့ၣ်ကအိၣ်ဆိးဖဲန့ၣ်လီၤထူလီၤယိာ်ဃုာ်ဒီးအဖိ အလံၤဒီးအစၢၤအသွဲၣ်ခဲလၢာ်န့ၣ်လီၤ. စီၤပၤတဂၤလၢအလီၤဂာ်ဒီး ယခ့ယပှၤစီၤဒၤဝံးကပၢတၢ်လၢအဝဲသ့ၣ်အဖီခိၣ်အစိၤစိၤအဃၣ် ဃၣ်န့ၣ်လီၤ.
26 ယကမၤတၢ်အၢၣ်လီၤတမံၤဒီးအဝဲသ့ၣ်လၢကဟ့ၣ်တၢ်အုၣ်ခီၣ်သး လၢအဝဲသ့ၣ်အတၢ်ဘံၣ်တၢ်ဘၢအစိၤစိၤအဃၣ်ဃၣ်အဂီၢ်န့ၣ်လီၤ. ယကမၤကျၢၤအဝဲသ့ၣ်ဒီးဒုးအါထီၣ်အဝဲသ့ၣ်အနီၣ်ဂံၢ်ဒီးပာ်ယတၢ် လုၢ်ဟံၣ်လၢအဝဲသ့ၣ်အကီၢ်ပူၤ, ဖဲတၢ်လုၢ်ဟံၣ်န့ၣ်ကအိၣ်ဝဲဖဲန့ၣ် လီၤစိၤလီၤထီန့ၣ်လီၤ.
27 ယကအိၣ်ဆိးဖဲန့ၣ်ဒီးအဝဲသ့ၣ်လီၤ. ယကမ့ၢ်အဝဲသ့ၣ်အကစၢ်ယွၤ ဒီးအဝဲသ့ၣ်ကမ့ၢ်ယပှၤဂီၢ်မုၢ်န့ၣ်လီၤ.
28 တုၤမ့ၢ်ယပာ်ယတၢ်လုၢ်ဟံၣ်ဖဲန့ၣ်လၢအဝဲသ့ၣ်အကျါလီၤစိၤလီၤထီဒီး, အန့ၣ်တစုပှၤကလုာ်တဖၣ်ကသ့ၣ်ညါဝဲလၢ, ယၤ, ယွၤဃုထၢတ့ၢ်ပှၤအံၣ်စရ့လးဖိလၢကမ့ၢ်ယပှၤဂီၢ်မုၢ်ဒၣ်ယဲန့ၣ်လီၤ.”