34
1 စီၤမိၤၡ့လဲၤထီၣ်လၢကီၢ်မိၤအးအတၢ်ပၢၤခိၣ်ဆူကစၢၢ်နဘိ အလိၤလၢကစၢၢ်ပံးစကၤအဒီခိၣ်, လၢဝ့ၢ်ယရံၤဃိအမုၢ်ထီၣ်, ဒီးဖဲန့ၣ်ယွၤဒုးနဲၣ်ဃီၤအီၤလၢကီၢ်ဒီတဘ့ၣ်ညါန့ၣ်လီၤ. ကီၢ်ကံးလဧးအလီၢ်ကဝီၤလၢအလဲၤယံၤဝဲလၢကလံၤစိးတကပၤတုၤ ဆူဝ့ၢ်ဒၣ်,
2 နးသၤလံအလီၢ်ကဝီၤဒီကဝီၤညါ, အ့ဖရဲၣ်ဒီးမနၤၡ့ၤအလီၢ်ကဝီၤ တဖၣ်, ယူဒၤအလီၢ်ကဝီၤလၢအလဲၤယံၤလၢမုၢ်နုာ်တကပၤလၢအလဲၤဝဲတုၤ ဆူပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်,
3 ယူဒၤအတၢ်လီၢ်လၢကလံၤထံးတကပၤ, ဒီးတၢ်ပၢၤခိၣ်လၢအစးထီၣ် အသးလၢဝ့ၢ်စိၤဧၢ်တုၤဃီၤဆူသ့ၣ်စူၣ်ပလူၣ်တဖၣ်အဝ့ၢ်, ဝ့ၢ်ယရံၤဃိန့ၣ်လီၤ.
4 အန့ၣ်ဝံၤဒီး, ယွၤစံးဘၣ်စီၤမိၤၡ့, “တၢ်အံၤမ့ၢ်ကီၢ်လၢ ယအၢၣ်လီၤတ့ၢ်စီၤအၤဘြၤဟၣ်, ဒီၤအံၤစဲးဒီးစီၤယၤကိာ်, လၢယကဟ့ၣ်လီၤအီၤဆူအဝဲသ့ၣ်အစၢၤအသွဲၣ်တဖၣ်န့ၣ်လီၤ. ယဒုးထံၣ်နၤတၢ်အံၤ, ဘၣ်ဆၣ်ယတပျဲနလဲၤနုာ်ဖဲန့ၣ်ဘၣ်.”
5 လၢတၢ်န့ၣ်အဃိ, ဒ်ယွၤစံးတ့ၢ်ဝဲလၢအဝဲကသံအသိးန့ၣ်, ယွၤအခ့အပှၤစီၤမိၤၡ့သံဝဲဖဲန့ၣ်, လၢကီၢ်မိၤအးအပူၤန့ၣ် လီၤ.
6 ယွၤခူၣ်လီၤကွံာ်အီၤလၢတၢ်တြီၤပူၤတတီၤလၢကီၢ်မိၤအးအပူၤ, အိၣ်သဃီၤဝဲဖဲဝ့ၢ်ဘ့ၤသပဧိၢ်အမဲာ်ညါ, ဘၣ်ဆၣ်တုၤလၢမုၢ်မဆါ တနံၤအံၤန့ၣ်, ပှၤတသ့ၣ်ညါဘၣ်တၢ်လီၢ်လီၤတံၢ်လီၤဆဲးဖဲ အဝဲဘၣ်တၢ်ခူၣ်လီၤအီၤန့ၣ်နီတဂၤဘၣ်.
7 ဖဲစီၤမိၤၡ့သံန့ၣ်အသးအိၣ်ဝဲတကယၤခံဆံနံၣ်, ဒီးအဝဲအဂံၢ်ဆူၣ်ဘါဆူၣ်ဒံးဒၣ်ဒ်အညီနုၢ်အသိး, ဒီးအမဲာ်ချံအတၢ်ထံၣ်ဂ့ၤဒံးဝဲလီၤ.
8 ကီၢ်အံၣ်စရ့လးအပှၤဂီၢ်မုၢ်ဟီၣ်ဝဲယၢၤဝဲလၢအဝဲအဃိလၢအသီ သၢဆံအတီၢ်ပူၤလၢကီၢ်မိၤအးအတၢ်ပၢၤခိၣ်တတီၤအပူၤန့ၣ်လီၤ.
9 စီၤနိၣ်အဖိခွါစီၤယိၤၡူဘၣ်တၢ်မၤပှဲၤအီၤဒီးတၢ်ကူၣ်သ့, မ့ၢ်လၢစီၤမိၤၡ့ဃုထၢပာ်လီၤတ့ၢ်အီၤဒ်ပှၤလၢကထီၣ်က့ၤအဝဲ အလီၢ်အသိးအဃိန့ၣ်လီၤ. ကီၢ်အံၣ်စရ့လးအပှၤဂီၢ်မုၢ်စူၢ်စီၤ ယိၤၡူဒီးတိၢ်န့ၢ်ဖံးဃာ်တၢ်မၤလိာ်တဖၣ်လၢယွၤဟ့ၣ်လီၤတ့ၢ် အဝဲသ့ၣ်ခီဖျိစီၤမိၤၡ့န့ၣ်လီၤ.
10 လၢကီၢ်အံၣ်စရ့လးအပူၤဝံတဂၤဒ်စီၤမိၤၡ့အသိးလၢယွၤကတိၤ တၢ်ဒီးအီၤမဲာ်သကိးမဲာ်န့ၣ်တအိၣ်ဘၣ်နီတစုနီတဂၤဘၣ်.
11 တၢ်လီၤလိၢ်လီၤလးတဖၣ်ဒီးတၢ်လီၤကမၢကမၣ်တဖၣ်ဒ်သိးယွၤဆှၢ လီၤစီၤမိၤၡ့ဒီးမၢအမၤဖျါဝဲထီဒါကီၢ်အဲၤကူပတူးအစီၤပၤ, အဝဲအပဒိၣ်ပပှၢ်တဖၣ်ဒီးထံကီၢ်ဒီတဘ့ၣ်ညါန့ၣ်, ဝံအဂၤတမၤတ့ၢ်ဘၣ်အီၤနီတစုနီတဂၤဘၣ်.
12 တၢ်အဒိၣ်အမုၢ်ဒီးတၢ်လီၤပျံၤတဖၣ်လၢစီၤမိၤၡ့မၤတ့ၢ်ဝဲလၢ ကယဲၢ်အံၣ်စရ့လးအမဲာ်ညါန့ၣ်, ဝံအဂၤမၤတ့ၢ်အီၤတသ့ နီတစု, နီတဂၤဘၣ်.