3
1 ယတၢ်စံးတၢ်ကတိၤအဝဲအံၤမ့ၢ်အမၤဖျါလၢပကတိၤပာ်ကဖၢ လၢလီၤက့ၤကဒီးပသးန့ၣ်ဧါ. မ့ၢ်ကမ့ၢ်လၢဒ်ပှၤအဂၤတနီၤအသိး, ပလိၣ်ဘၣ်လံာ်ပရၢအုၣ်ခီၣ်အသးလၢပဂ့ၢ်ဆူသုအိၣ်, မ့တမ့ၢ်
လၢသုအိၣ်န့ၣ်ဧါ.
2 သုနီၢ်ကစၢ်ဒၣ်သုဝဲသုမ့ၢ်လံာ်ပရၢအုၣ်ခီၣ်အသး လၢအအိၣ်ဒီးပှၤ, အိၣ်ကွဲးအသးလၢပသးပူၤ, ဒ်သိးပှၤကိးဂၤဒဲးကဖးဘၣ်ဒီးသ့ၣ်ညါဝဲအဂီၢ်လီၤ.
3 အိၣ်ဖျါဝဲဒၣ်ဆှံဆှံလၢခရံာ်အနီၢ်ကစၢ်ဒၣ်ဝဲကွဲးလံာ်ပရၢ အဝဲအံၤဒီးဆှၢလီၤဝဲခီဖျိပှၤလီၤ. လံာ်ပရၢအံၤဘၣ်တၢ်ကွဲးအီၤတမ့ၢ်လၢကသံၣ်ထံဘၣ်. မ့မ့ၢ်လၢယွၤလၢအမူဝဲတဂၤအသး, ဒီးတမ့ၢ်လၢလၢၢ်
ဘ့ၣ်ဘၣ်အလိၤဘၣ်. မ့မ့ၢ်လၢပှၤကညီအသးအလိၤတခီလီၤ.
4 ပစံးဒ်အံၤန့ၣ်, မ့ၢ်လၢပအိၣ်ဒီးတၢ်စူၢ်တၢ်နာ်လၢကစၢ်ယွၤ အပူၤခီဖျိခရံာ်အဃိလီၤ.
5 တၢ်တအိၣ်လၢပပူၤနီတမံၤလၢအကပျဲပစံး, ပမၤတၢ်မၤတမံၤ အံၤသ့ဝဲန့ၣ်ဘၣ်. တၢ်သ့တၢ်ဘၣ်လၢအအိၣ်ဒီးပှၤန့ၣ်, ဟဲလၢကစၢ်ယွၤအအိၣ်တခီလီၤ.
6 အဝဲဒၣ်မ့ၢ်ပှၤလၢအဟ့ၣ်ပှၤတၢ်သ့တၢ်ဘၣ်လၢပကမၤတၢ်ခ့ တၢ်ပှၤအတၢ်မၤလၢတၢ်အၢၣ်လီၤအီလီၤအသီအဂီၢ်, တၢ်အၢၣ်လီၤအီလီၤအသီလၢအတဘၣ်ဃးဒီးတၢ်သိၣ်
တၢ်သီအလံာ်မဲာ်ဖျၢၣ်လၢအဘၣ်တၢ်ကွဲးအီၤန့ၣ်ဘၣ်. မ့မ့ၢ်ဘၣ်ဃးဒီးယွၤအသးန့ၣ်လီၤ. အဂ့ၢ်ဒ်အံၤ,
တၢ်သိၣ်တၢ်သီအလံာ်မဲာ်ဖျၢၣ်လၢအဘၣ်တၢ်ကွဲးအီၤ
န့ၣ်ဒုးအိၣ်ထီၣ်တၢ်သံ, မ့မ့ၢ်ယွၤအသးန့ၣ် ဟ့ၣ်ပှၤတၢ်မူလီၤ.
7 တၢ်သိၣ်တၢ်သီန့ၣ်ဘၣ်တၢ်ဆဲးကွဲးအီၤလၢလံာ်မဲာ်ဖျၢၣ်, လၢလၢၢ်ဘ့ၣ်ဘၣ်အလိၤ, ဒီးကစၢ်ယွၤအလၤကပီၤအိၣ်ဖျါထီၣ်ဖဲတၢ်ဟ့ၣ်လီၤအီၤအဆၢ ကတီၢ်န့ၣ်လီၤ. ဖဲတၢ်ကပြုၢ်ကပြီၤလၢစီၤမိၤၡ့အမဲာ်သၣ်
အလိၤလီၤစၢ်ကွံာ်အဆၢကတီၢ်ဒၣ်လဲာ်န့ၣ်, အသဟီၣ်ဆူၣ်မးဝဲတုၤဒၣ်လဲာ်ပှၤအံၣ်စရ့လးဖိတဖၣ်ကွၢ်ထံကွၢ်
ဆးအီၤတန့ၢ်ဘၣ်လီၤ. တၢ်သိၣ်တၢ်သီလၢအဒုးအိၣ်ထီၣ်
တၢ်သံန့ၣ်, ဖဲအသဟီၣ်ဆူၣ်အဆၢကတီၢ်မ့ၢ်ဟဲဝဲအိၣ်ဒီးတၢ်လၤ
ကပီၤထဲထဲန့ၣ်ဒီး,
8 တၢ်လၤကပီၤလၢအဘၣ်ဃးဒီးယွၤအသးအတၢ်ဖံးတၢ်မၤန့ၣ် ကဒိၣ်န့ၢ်အန့ၣ်တက့ၢ်ဆံးဒိၣ်လဲၣ်.
9 ယူဒၤအတၢ်သိၣ်တၢ်သီလၢအဒုးအိၣ်ထီၣ်တၢ်စံၣ်ညီၣ်န့ၣ်, အလၤကပီၤ မ့ၢ်အိၣ်ထဲသိးန့ၣ်ဒီးတၢ်ဖံးတၢ်မၤလၢအဟဲစိာ်တၢ်အုၣ်က့ၤခီၣ် က့ၤန့ၣ်, ကအိၣ်ဒီးအလၤကပီၤဒိၣ်န့ၢ်အန့ၣ်တက့ၢ်ဆံးဒိၣ်လဲၣ်.
10 ပကစံးလၢခဲအံၤလၢတၢ်လၤကပီၤလၢအကပြုၢ်ကပြီၤဒိၣ်ဒၣ်တၢ် တက့ၢ်အဃိန့ၣ်, တၢ်လၤကပီၤလၢအကပြုၢ်ကပြီၤ
မးဝဲဖဲအပူၤကွံာ်န့ၣ်လီၤမၢ်ကွံာ်ဝဲလံန့ၣ်လီၤ.
11 အဂ့ၢ်ဒ်အံၤ, တၢ်လၢအအိၣ်တစိၢ်တလီၢ်မ့ၢ်အိၣ်ဒီးအလၤ ကပီၤန့ၣ်, တၢ်လၢအအိၣ်ဝဲလီၤထူလီၤယိာ်ကအိၣ်ဒီးအလၤ
ကပီၤဒိၣ်န့ၢ်အန့ၣ်တက့ၢ်ဆံးဒိၣ်လဲၣ်.
12 မ့ၢ်လၢပအိၣ်ဒီးတၢ်မုၢ်လၢ်တမံၤအံၤအဃိ, ပသူၣ်ဒူသးဒူပဝဲ ဒိၣ်မးလီၤ.
13 ပတလီၤဂာ်ဒီးစီၤမိၤၡ့လၢအမၤဘၢအမဲာ်သၣ်လၢနီၣ်ကျၢၢ် ဘၢမဲာ်ဒ်သိးပှၤအံၣ်စရ့လးဖိတဖၣ်သုတထံၣ်တၢ်ကပြုၢ်ကပြီၤ
လီၤစၢ်ဒီးဟါမၢ်ကွံာ်တဂ့ၤန့ၣ်ဘၣ်.
14 အဝဲသ့ၣ်အသူၣ်အသးတဖၣ်အိၣ်ကးတံာ်အသးစဲဃဲၤလီၤ. ဒီးတုၤလီၤလၢမုၢ်မဆါတနံၤအံၤ ဖဲအဝဲသ့ၣ်ဖးလံာ်တၢ် အၢၣ်လီၤအီလီၤအလီၢ်လံၤတဖၣ်န့ၣ်, အဝဲသ့ၣ်အသးဘၣ်တၢ်ကျၢၢ်ဘၢအီၤလၢနီၣ်ကျၢၢ်ဘၢမဲာ်တခါ
ဃီန့ၣ်လီၤ. နီၣ်ကျၢၢ်ဘၢမဲာ်အဝဲအံၤဘၣ်တၢ်ထုးကွံာ်ဒၣ်အီၤဖဲ
ပှၤတဂၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်လီၤ.
15 မုၢ်မဆါတနံၤအံၤဒၣ်လဲာ်, တဘျီလၢ်လၢ်ဖဲအဝဲသ့ၣ်ဖး စီၤမိၤၡ့အတၢ်သိၣ်တၢ်သီန့ၣ်, နီၣ်ကျၢၢ်ဘၢမဲာ်အဝဲန့ၣ်မၤဘၢဒံး
အသူၣ်အသးတဖၣ်န့ၣ်လီၤ.
16 ဘၣ်ဆၣ်ဒီး, ဒ်နီၣ်ကျၢၢ်ဘၢမဲာ်အဝဲန့ၣ် ဘၣ်တၢ်ထုးကွံာ်အီၤသ့ ကစီဒီ, ဒ်တၢ်ကွဲးအသးစီဆှံကတိၤတၢ်လၢ စီၤမိၤၡ့အဂ့ၢ်ဒီးစံးဝဲအဝဲအနီၣ်ကျၢၢ်ဘၢမဲာ်ဘၣ်တၢ်ထုးကွံာ်
လံအီၤဖဲ အဃၣ်အသးဆူယွၤအအိၣ်” အသိးန့ၣ်လီၤ.
17 ခဲကနံၣ်အံၤ, “ကစၢ်” လၢတၢ်ကွဲးတတီၤအံၤအပူၤန့ၣ်မ့ၢ်ဝဲယွၤ အသးစီဆှံလီၤ. ဒီးဖဲယွၤအသးစီဆှံအိၣ်ဝဲအလီၢ်န့ၣ်တၢ်သဘျ့
အိၣ်ဝဲလီၤ.
18 လၢတၢ်န့ၣ်အဃိ, ပဝဲကိးဒံကိးနီၢ်ဂၤဒဲးပမၤဖျါထီၣ်က့ၤကစၢ် အလၤကပီၤ, တအိၣ်ဒီးတၢ်မၤဘၢပမဲာ်ဘၣ်. ဒီးတၢ်လၤကပီၤ
တမံၤဃီအဝဲန့ၣ်, ပျိာ်လဲလိာ်ကွံာ်ပှၤဆူတၢ်လီၤဂာ်ဒီးအီၤ, လၢအအိၣ်ဒီးတၢ်လၤကပီၤဒိၣ်ဒံးတက့ၢ်န့ၣ်လီၤ.