8
1 မ်နမၤနသး ဒ်ယဒီပုၢ်ဝဲၢ်ခွါလၢအစူၢ်ယမိၢ်အနုၢ်ခိၣ် မီၣ်အသိးန့ၣ်တက့ၢ်.တုၤယထံၣ်ဘၣ်နၤလၢခိဒီး,ယက နၢမူနၤ,ဒီးပှၤတဒုၣ်ဒွဲၣ်ဘၣ်ယၤလၢအဃိနီတဂၤဘၣ်.-
2 ယကဆှၢနၤ, ယကဒုးဟဲနၤဆူယမိၢ်အဟံၣ်ပူၤ,ဒ်သိးန ကသိၣ်လိယၤလီၤ. ယကဒုးအီနၤလၢစပံးထံဃါဃုာ်, ဒီးလၢသလဲသၣ်အထံလီၤ.
3 အစုစ့ၣ်အိၣ်ဝဲလၢယခိၣ်ဖီ လာ်,ဒီးအစုထွဲဖိးယၤလီၤ.
4 ယရူၤၡလ့ၣ်အဖိမုၣ်သ့ၣ်ဧၢ, ယဒုးဆိၣ်သုလၢသုသု တထိၣ်ဂဲၤ, ဒီးလၢအတချုးဘၣ်ဒံးဘၣ်အသးဘၣ်ဒီး, သုသုတမၤဖုသံနီၣ်ထီၣ်ပှၤလၢယအဲၣ်အီၤန့ၣ်တဂ့ၤ.
5 ပှၤဟဲလၢပှၢ်လၢ်ကျါသန့ၤအသးလၢ ပှၤလၢအအဲၣ်ဝဲ တဂၤန့ၣ်မ့ၢ်မတၤတဂၤလဲၣ်. ယထိၣ်ဂဲၤနၤလၢပြၢးတး ပူာ်အဖီလာ်လီၤ.ဖဲန့ၣ်နမိၢ်ဆံးစၢ်န့ၢ်နၤ,ဖဲန့ၣ်ပှၤလၢ အ ဆံးစၢ်နၤတဂၤဆံးစၢ်န့ၢ်နၤလီၤ.
6 ပာ်ယၤဒ်တၢ်စဲဃာ်ပ နီၣ်လၢနသးလိၤအသိး, ဒ်တၢ်စဲဃာ်ပနီၣ်လၢနစုဒုၣ်အ လိၤအသိးန့ၣ်တက့ၢ်. အဂ့ၢ်ဒ်အံၤ,တၢ်အဲၣ်န့ၣ်ဆူၣ်ဝဲထဲ သိးဒီးတၢ်သံ,တၢ်သးက့ၣ်န့ၣ်ကီဝဲထဲသိးဒီးပျုၤပူၤလီၤ. အမ့ၣ်လၣ်တဖၣ်န့ၣ်မ့ၢ်မ့ၣ်အူအီၣ်တၢ်အမ့ၣ်လၣ်, ယွၤ အမ့ၣ်လၣ်လီၤ.
7 ထံအါမၤလီၤပံာ်တၢ်အဲၣ်တသ့ဘၣ်, ဒီးထံကျိမၤလီၤအုးသံအီၤတသ့ဘၣ်. ပှၤမ့ၢ်ဟ့ၣ်အဟံၣ် အစုလီၢ်အခီၣ်ခိၣ်ခဲလၢာ်လၢတၢ်အဲၣ်အဂီၢ်ဒီး,ပှၤတပာ် အီၤလၢတၢ်နီတမံၤဘၣ်.
8 ပအိၣ်ဒီးပဒီပုၢ်ဝဲၢ်မုၣ်အဆံးတဂၤ, ဒီးအနုၢ်တအိၣ် ဘၣ်.လၢမုၢ်တနံၤလၢပှၤကကတိၤတၢ်လၢအဂ့ၢ်အကျိၤ န့ၣ်ပကမၤပဒီပုၢ်ဝဲၢ်မုၣ်အဂီၢ်လၢမနုၤတမံၤလဲၣ်.
9 မ့မ့ၢ် တၢ်အဒူၣ်ဒီး,ပကမၤထီၣ်တၢးထီစ့လၢအဖီခိၣ်လီၤ. မ့မ့ၢ် တြဲၤတဘ့ၣ်ဒီး, ပကကရၢအီၤလၢသ့ၣ်ဆှိအ့ရ့းအသ့ၣ် ဘၣ်လီၤ.
10 ယဲဒၣ်အံၤယမ့ၢ်တၢ်အဒူၣ်, ဒီးယနုၢ်မၤသးဒ်တၢးထီ တဖၣ်အသိးန့ၣ်လီၤ. မၤသးဒ်န့ၣ်ဒီးယအိၣ်လၢအမဲာ် ညါဒ်ပှၤလၢအထံၣ်န့ၢ်တၢ်အမုာ်အဖိးအသိးန့ၣ်လီၤ.
11 စီၤၡလိၤမိၤအိၣ်ဝဲဒီးစပံးမုၢ်အလီၢ်လၢ ဘဧၤလဟမိၣ် လီၤ.ဟ့ၣ်လီၤအစပံးမုၢ်အလီၢ်လၢပှၤပၢၤတၢ်ဖိလီၤ. လၢ အတၤသၣ်အဂီၢ်န့ၣ်ဘၣ်ဟဲစိာ်တဂၤစ့တကထိ, တဂၤ စ့တကထိလီၤ.
12 ယစပံးမုၢ်အလီၢ်လၢအမ့ၢ်ယတၢ်န့ၣ် အိၣ်ဝဲလၢယမဲာ်ညါလီၤ. စီၤၡလိၤမိၤဧၢ,မ်နဝဲအိၣ်တက ထိ, ဒီးပှၤလၢအပၢၤတၤသၣ်တဖၣ်အဝဲန့ၣ်ခံကယၤတ က့ၢ်.
13 ပှၤလၢအအိၣ်အဆိးလၢ တၤသၣ်အလီၢ်ပူၤနဲဒၣ်တ ဂၤဧၢ, ပှၤဒီတံၤဒီသကိးတဖၣ်န့ၣ်ကနၣ်နကလုၢ်လီၤ. ဒုးနၢ်ဟူယၤတက့ၢ်.
14 ပှၤလၢယအဲၣ်အီၤတဂၤဧၢ,ဃ့ၢ်တၢ်ချ့ချ့ဒ်တၤဟိစဘံ အသိးဒ်တၤဟိဖိအဖါလၢတၢ်နၢမူအကစၢၢ်လိၤအသိးန့ၣ်တက့ၢ်.