5
1 ယဒီပုၢ်ဝဲၢ်မုၣ်ဧၢ, ယမါဧၢ, ယဟဲနုာ်လံလၢယတၤ သၣ်အလီၢ်ပူၤလံ. ယထၢထီၣ်ယမူရၣ်,ဒီးယတၢ်နၢမူ, ယအီၣ်ယကနဲခိၣ်ထံဒီးယကနဲစီ, ယအီယစပံးထံ,ဒီး ယတၢ်နုၢ်ထံလီၤ. ယတံၤယသကိးသ့ၣ်ဧၢ,အီၣ်တၢ်,ဒီး အီတၢ်,အီလၢအအါတက့ၢ်,ယပှၤသးဘိသ့ၣ်ဧၢ.
2 ယမံဘၣ်ဆၣ်ဒီး,ယသးအိၣ်သပှ့ၤမဲာ်လီၤ. မ့ၢ်ပှၤလၢ ယအဲၣ်အီၤတဂၤအကလုၢ်လၢအဒိတကျိာ်တြဲၤဒီးစံးဝဲ, အိးထီၣ်န့ၢ်ယၤ, ယဒီပုၢ်ဝဲၢ်မုၣ်ဧၢ, ယပှၤသးဘိဧၢ, ယ ထိၣ်လွံၢ်, ယပှၤအလၢအပှဲၤတဂၤဧၢ,အဂ့ၢ်ဒ်အံၤ,ယခိၣ် ဘၣ်စီၣ်ပှဲၤလၢပစီၤထံ,ယခိၣ်သူလၢမုၢ်နၤအတၢ်လီၤစီၤ အဖျၢၣ်တဖၣ်လီၤ.
3 ယဘ့ၣ်ကွံာ်ယဆ့, ယကသိးထီၣ်အီၤဒ်လဲၣ်. ယသ့ စီကွံာ်ယခီၣ်, ယကမၤဘၣ်အၢအီၤဒ်လဲၣ်.
4 ပှၤလၢယ အဲၣ်အီၤဒၢနုာ်အစုလၢတြဲၤအတၢ်အိပူၤ, ဒီးယသးကနိး လၢအဃိလီၤ.
5 ယဂဲၤဆၢထၢၣ်ဒ်သိးယကအိးထီၣ်န့ၢ် ပှၤလၢယအဲၣ်အီၤတဂၤ, ဒီးယစုလီၤစီၤလၢမူရၣ်ဒီးယစု မုၢ်လၢမူရၣ်လၢ အလီၤစီၤဒၣ်တၢ်လၢတြဲၤအနီၣ်ဘိအ
6 လိၤလီၤ. ယအိးထီၣ်န့ၢ်ပှၤလၢယအဲၣ်အီၤတဂၤ, ဒီးပှၤ လၢယအဲၣ်အီၤန့ၣ်သုးကွံာ်လံအသး, ဟးထီၣ်လံ. လၢ အကတိၤတၢ်ဒီးယၤန့ၣ် ယသးကတုၤလီၤ.ယဃုအီၤ, ဒီးယထံၣ်န့ၢ်အီၤတသ့ဘၣ်. ယကိးထီၣ်အီၤ, ဒီးတစံး ဆၢဘၣ်ယၤဘၣ်.
7 ပှၤပၢၤတၢ်ဖိလၢအလဲၤဝ့ၤဝီၤတၢ် လၢဝ့ၢ်ပူၤတဖၣ်န့ၣ်ထံၣ်န့ၢ်ယၤ, ဒီးတီၢ်ယၤ, ဒီးဆဲးယၤ လီၤ. ပှၤလၢအပၢၤဝ့ၢ်ခိၣ်ဒူန့ၣ်ထုးထီၣ်ကွံာ်ယနီၣ်ကျၢၢ် ဘၢမဲာ်လီၤ.
8 ယရူၤၡလ့ၣ်အဖိမုၣ်သ့ၣ်ဧၢ,ယဒုးဆိၣ်သု, သုမ့ၢ်ထံၣ်န့ၢ်ပှၤလၢယအဲၣ်အီၤဒီး, သုကစံးဘၣ်တဲဘၣ် အီၤလၢယဆါလၢတၢ်အဲၣ်အဃိလီၤ.
9 ပှၤအဃံကတၢၢ်အလၤကတၢၢ် လၢပိာ်မုၣ်အကျါတ ဂၤဧၢ, ပှၤလၢနအဲၣ်အီၤဂ့ၤန့ၢ်ပှၤတၢ်အဲၣ်အီၤအဂၤတဂၤ ဒ်လဲၣ်.လၢနဒုးဆိၣ်ပှၤအဃိန့ၣ် ပှၤလၢနအဲၣ်အီၤတ ဂၤန့ၣ်ဂ့ၤန့ၢ်ပှၤလၢတၢ်အဲၣ်အီၤအဂၤတဂၤဒ်လဲၣ်.
10 ပှၤလၢယအဲၣ်အီၤတဂၤန့ၣ်ဝါဝဲ, ဒီးဂီၤဝဲ, တၢ်အခိၣ် လၢပှၤတကလးအကျါလီၤ.
11 အခိၣ်မၤသးဒ်ထူစီအသိး န့ၣ်, အခိၣ်သူမၤသးဒ်သ့ၣ်စူၣ်ပလိၣ်အဒ့လၢအဝးဝဲအ သိးန့ၣ်, သူဝဲဒ်စိးဝၣ်ဃးအသိးန့ၣ်လီၤ.
12 အမဲာ်မ့ၢ်ထိၣ် လွံၢ်အဝဲလၢထံကျိအဃၢၤ, သ့စီအသးလၢတၢ်နုၢ်ထံ အိၣ်ဝဲလၢတၢ်ပှဲၤအပူၤလီၤ.
13 အဘိးမၤအသးဒ်ဟီၣ်ခိၣ် အကဝီၤအိၣ်ဒီးသ့ၣ်ဖိနၢမူတဖၣ်အသိးန့ၣ်လီၤ. အပျုၤ မ့ၢ်ဖီဒ့ၣ်ညါလၢအလီၤစီၤမူရၣ် လၢအလီၤစီၤဒၣ်တၢ်,-
14 အစုမ့ၢ်ပသံးထူအိၣ်ဝဲဒီးတၢ်မျၢ်ဘီဟ့, အဟၢဖၢမ့ၢ်က ဆီမဲတ့အသးအိၣ်ဒီးတၢ်မျၢ်နံၤလါ,
15 အခီၣ်ဒုၣ်မ့ၢ်လၢၢ် ဝါကံၣ်ဃ့အထူၣ်အိၣ်ဝဲလၢအခီၣ်ထူစီအဖီခိၣ်, အမဲာ် သၣ်မၤသးဒ်လဘၤနိၣ်, အိၣ်ဒီးအကဟုကညီၢ်ထဲသိး ဒီး သ့ၣ်ဆှိအ့ရ့း,
16 အထးခိၣ်ဆၢမးလီၤ.မ့ၢ်အဃံအ လၤဒီဂၤညါလီၤ. အဝဲန့ၣ်မ့ၢ်ပှၤလၢယအဲၣ်အီၤ,ဒီးအဝဲ န့ၣ်မ့ၢ်ယတံၤယသကိး,ယရူၤၡလ့ၣ်အဖိမုၣ်သ့ၣ်ဧၢ.