23
1 ဒီးပှၤဒုးနဲၣ်စီၤဒၤဝံး, ဒီးစံးဘၣ်အီၤ, ကွၢ်ကွၢ်, ပှၤဖလ့ ၡသးဖိ ဒုးတၢ်ဒီးကံလၤ, ဒီးမၤန့ၢ်ဆူၣ်တၢ်အိၣ်လၢ ကြဲၢ်တဖၣ်အပူၤလီၤ.
2 ဒီးစီၤဒၤဝံးသံကွၢ်တၢ်လၢယွၤ, ဒီးစံးဝဲဒၣ်, ယကလဲၤ ကျီကွံာ်ပှၤဖလ့ၡသးဖိန့ၣ်, ဒီးအုၣ်က့ၤခီၣ်က့ၤကံလၤ ဧါ. ဒီးယွၤစံးဘၣ်စီၤဒၤဝံး, လဲၤတၢ်, ဒီးအုၣ်က့ၤခီၣ် က့ၤကံလၤန့ၣ်တက့ၢ်.
3 ဒီးစီၤဒၤဝံးအပှၤကညီစံးဘၣ်အီၤ,ကွၢ်ကွၢ်,ပပျံၤတၢ်ဖဲ အံၤလၢယူဒၤအပူၤလီၤ. ပမ့ၢ်လဲၤတၢ်ဆူကံလၤထီဒါ ပှၤဖလ့ၡသးဖိအပှၤသုးမုၢ်ဒီး, ဒိၣ်တက့ၢ်ဆံးဒိၣ်လဲၣ်.
4 ဒီးစီၤဒၤဝံးသံကွၢ်ကဒီးတၢ်လၢယွၤလီၤ. ဒီးယွၤစံး ဆၢတၢ်,ဒီးစံးဝဲဒၣ်, ဂဲၤဆၢထၢၣ်,လဲၤလီၤဆူကံလၤတ က့ၢ်.အဂ့ၢ်ဒ်အံၤ, ယကဟ့ၣ်လီၤပှၤဖ့လ့ၡသးဖိလၢနစု ပူၤလီၤ.
5 ဒီးစီၤဒၤဝံး, ဒီးအပှၤကညီလဲၤဆူကံလၤ,ဒီးဒုးတၢ်ဒီး ပှၤဖလ့ၡသးဖိ,ဒီးဟဲက့ၤစိာ်အဆၣ်ဖိကီၢ်ဖိအဒၢ, ဒီး ကျီအီၤဒီးတၢ်ကျီကွံာ်ဖးဒိၣ်, ဒီးစီၤဒၤဝံးအုၣ်က့ၤခီၣ် က့ၤပှၤကံလးဖိလီၤ.
6 ဒီးတုၤစီၤအဃံၤမ့လ့းအဖိခွါ စီၤအ့ဘယၤသၢ်န့ၢ်ဃ့ၢ် ဝဲဆူစီၤဒၤဝံးအအိၣ်ဆူကံလၤန့ၣ်ဒီး, တၢ်မၤအသးလၢ အဟဲလီၤဝဲအိၣ်ဒီးအ့ဖိးတဘ့ၣ်လၢအစုပူၤလီၤ.
7 ဒီးပှၤစံးဘၣ်စီၤစီလူးလၢ စီၤဒၤဝံးဟဲဝဲဆူကံလၤအ အပူၤလီၤ. ဒီးစီၤစီလူးစံးဝဲဒၣ်, ယွၤဟ့ၣ်လီၤကွံာ်လံ အီၤလၢယစုပူၤလံ, အဂ့ၢ်ဒ်အံၤ,မ့ၢ်အလဲၤနုာ်လၢဝ့ၢ်တ ဝ့ၢ်အပူၤလၢအအိၣ်ဒီးတြဲၤဒီး တြဲၤအဘိတဖၣ်ဒီး,တၢ် ကးတံာ်ဃာ်အီၤလီၤ.
8 ဒီးစီၤစီလူးဒုးအိၣ်ဖှိၣ်ပှၤဂီၢ်မုၢ်ခဲလၢာ် လၢအကဒုး သုး,ဒ်သိးအကလဲၤဆူကံလၤ, ဒီးကဝီၤဃာ်စီၤဒၤဝံး အပှၤကညီတဖၣ်လီၤ.
9 ဒီးစီၤဒၤဝံးသ့ၣ်ညါဝဲလၢ စီၤစီလူးကူၣ်ထီၣ်ခူသူၣ်တၢ် အၢထီဒါအီၤ, ဒီးစံးဘၣ်ပှၤလုၢ်တၢ်အဒိၣ်စီၤအ့ဘယၤ သၢ်, ဟဲစိာ်အ့ဖိးတဘ့ၣ်န့ၣ်ဖဲအံၤတက့ၢ်.
10 ဒီးစီၤဒၤဝံးစံးဝဲဒၣ်, ယွၤအံၣ်စရ့လးအကစၢ်ဧၢ,နခ့ နပှၤနၢ်ဟူလံသပှၢ်တၢၢ် လၢစီၤစီလူးဃုဟဲဆူကံလၤ ဒ်သိးအကမၤဟးဂီၤဝ့ၢ်န့ၣ်လၢယဃိလီၤ.
11 ပှၤကံလၤ ဖိကဟ့ၣ်လီၤကွံာ်ယၤလၢအစုပူၤဧါ. ဒ်နခ့နပှၤနၢ်ဟူ တၢ်အသိးန့ၣ် စီၤစီလူးကဟဲလီၤစ့ၢ်ကီးဧါ.ယွၤအံၣ်စ ရ့လးအကစၢ်ဧၢ,စံးဘၣ်လၢ်နခ့နပှၤတက့ၢ်. ဒီးယွၤစံး ဝဲဒၣ်,ကဟဲလီၤဝဲလီၤ.
12 ဒီးစီၤဒၤဝံးစံးဝဲဒၣ်, ပှၤကံလၤဖိကဟ့ၣ်လီၤကွံာ်ယၤ ဒီးယပှၤကညီတဖၣ်လၢ စီၤစီလူးအစုပူၤဧါ.ဒီးယွၤစံး ဝဲဒၣ်, ကဟ့ၣ်လီၤကွံာ်ဝဲလီၤ.
13 ဒီးစီၤဒၤဝံးဒီးအပှၤကညီ ဃုကယၤဃၣ်ဃၣ်ဟးထီၣ် ကွံာ်လၢကံလၤ, ဒီးလဲၤတၢ်ဖဲအလဲၤတၢ်သ့လီၤ.ဒီး ပှၤစံးဘၣ်စီၤစီလူးလၢစီၤဒၤဝံးပူၤဖျဲးလံန့ၣ်, ဒီးတလဲၤ ထီၣ်ဝဲဘၣ်.
14 ဒီးစီၤဒၤဝံးအိၣ်ဝဲဆိးဝဲလၢပှၢ်လၢ်ကျါ လၢလၢၢ်ဧိၤလ့ ဧိၤအပူၤ, ဒီးအိၣ်ဝဲလၢကစၢၢ်တဖျၢၣ်အလိၤလၢပှၢ်လၢ် ကျါစံဖးအပူၤ, ဒီးစီၤစီလူးဃုအီၤကိးမုၢ်နံၤမုၢ်နၤဒဲး,ဒီး ယွၤတဟ့ၣ်လီၤဘၣ်အီၤလၢအစုပူၤဘၣ်.
15 ဒီးစီၤဒၤဝံးထံၣ်ဝဲလၢ စီၤစီလူးဟဲထီၣ်ဃုအသးသမူ, ဒီးစီၤဒၤဝံးအိၣ်ဝဲလၢ စံဖးအပှၢ်မုၢ်ကနၢလၢပှၢ်လၢ်ကျါ လီၤ.
16 ဒီးစီၤစီလူးအဖိခွါစီၤယိနၤသၣ်ဂဲၤဆၢထၢၣ်, ဒီးလဲၤဝဲဆူစီၤဒၤဝံးအအိၣ်လၢပှၢ်လၢ်ကျါ, ဒီးဒုးဆူၣ်ထီၣ်အ စုလၢယွၤအပူၤလီၤ.
17 ဒီးစံးဘၣ်အီၤ,ပျံၤတၢ်တဂ့ၤ,အ ဂ့ၢ်ဒ်အံၤ, စီၤစီလူးယပၢ်အစု တထံၣ်န့ၢ်ဘၣ်နၤဘၣ်, ဒီးနကကဲထီၣ်စီၤပၤလၢအံၣ်စရ့လးအဖီခိၣ်, ဒီးယက ကဲထီၣ်ပှၤခံဂၤဒီးနၤ, ဒီးစီၤစီလူးယပၢ်သ့ၣ်ညါစ့ၢ်ကီး တၢ်ဒ်န့ၣ်လီၤ.
18 ဒီးအဝဲခံဂၤန့ၣ်အၢၣ်လီၤအီလီၤတၢ်လၢ ယွၤအမဲာ် ညါလီၤ. ဒီးစီၤဒၤဝံးအိၣ်လၢပှၢ်လၢ်ကျါ, ဒီးစီၤယိနၤ သၣ်က့ၤက့ၤဝဲဆူအဟံၣ်လီၤ.
19 ဒီးပှၤစံဖးဖိဟဲဝဲဆူစီၤစီလူးအအိၣ်ဆူကံဘဧၤ, ဒီးစံး ဝဲဒၣ်, စီၤဒၤဝံးပာ်ခူသူၣ်အသးဒီးပှၤလၢလၢၢ်ဧိၤလ့ဧိၤ အပူၤ, လၢပှၢ်လၢ်ကျါ, လၢကစၢၢ်ဃကံလၤအလိၤ လၢအအိၣ်လၢယံးၡံမိၣ်လၢကလံၤထံးတခီန့ၣ် တမ့ၢ် ဘၣ်ဧါ.
20 ဒီးခဲကနံၣ်အံၤ,စီၤပၤဧၢ, ဟဲလီၤဒ်နဆၢဟဲ လီၤလၢနသးဒီဖျၢၣ်ညါအသိးန့ၣ်, ဒီးပဝဲဒၣ်တခီပ ကဟ့ၣ်လီၤကွံာ်အီၤလၢစီၤပၤအစုပူၤလီၤ.
21 ဒီးစီၤစီလူးစံးဝဲဒၣ်, မ်သုဘၣ်တၢ်ဆိၣ်ဂ့ၤလၢယွၤတ က့ၢ်.အဂ့ၢ်ဒ်အံၤ, သုသးအိၣ်ယၤလီၤ.
22 က့ၤလၢ်,ဒီး ကတဲာ်ကတီၤဒံးတၢ်, ဒီးသ့ၣ်ညါဒီးကွၢ်တၢ်အလီၢ်ဖဲ အခီၣ်အိၣ်ဝဲ, ဒီးမ့ၢ်မတၤထံၣ်ဘၣ်အီၤဖဲန့ၣ်တက့ၢ်.အ ဂ့ၢ်ဒ်အံၤ, ပှၤစံးဘၣ်ယၤလၢအမၤတၢ်ဒီးတၢ်ကူၣ်သ့ ဒိၣ်မးလီၤ.
23 ဒီးကွၢ်, ဒီးသ့ၣ်ညါကယဲၢ်အအိၣ်ခူသူၣ် အလီၢ်ဖဲအပာ်ခူသူၣ်အသးခဲလၢာ်, ဒီးဟဲကဒီးဆူယ အိၣ်ဒီးတၢ်သ့ၣ်ညါလီၤတံၢ်လီၤဆဲး, ဒီးယကလဲၤတၢ် ဒီးသုလီၤ. ဒီးမ့ၢ်အိၣ်ဝဲလၢ ကီၢ်ပူၤဒီးတၢ်ကမၤအသး လၢယကဃုန့ၢ်အီၤလၢယူဒၤအပှၤကထိတဖၣ်အကျါ ဒီကီၢ်ညါလီၤ.
24 ဒီးအဝဲသ့ၣ်တဖၣ်န့ၣ်ဂဲၤဆၢထၢၣ်, ဒီးလဲၤဝဲဆူစံဖး လၢစီၤစီလူးအမဲာ်ညါလီၤ. မ့မ့ၢ်စီၤဒၤဝံးဒီးအပှၤကညီ တဖၣ်အိၣ်ဝဲလၢပှၢ်လၢ်ကျါမၤဧိၣ်, လၢတၢ်ပျီပူၤလၢ ယံးၡံမိၣ်လၢကလံၤထံးတခီလီၤ.
25 ဒီးစီၤစီလူးဒီးအပှၤကညီတဖၣ် လဲၤဃုတၢ်လီၤ.ဒီးပှၤ စံးဘၣ်စီၤဒၤဝံး, ဒီးအဝဲဒၣ်ဟဲလီၤဆူလ့အပူၤ,ဒီးအိၣ် ဝဲလၢပှၢ်လၢ်ကျါမၤဧိၣ်လီၤ. ဒီးစီၤစီလူးနၢ်ဟူဝဲဒီးလူၤ ပိာ်စီၤဒၤဝံးအခံဆူပှၢ်လၢ်ကျါမၤဧိၣ်လီၤ.
26 ဒီးစီၤစီလူးလဲၤဝဲလၢကစၢၢ်လၢအအံၤတခီ, ဒီးစီၤဒၤ ဝံးဒီးအပှၤကညီလၢဘးခီ, ဒီးစီၤဒၤဝံးမၤဝဲချ့ချ့ဒ်သိး အကပူၤဖျဲးလၢအပျံၤစီၤစီလူးအဃိလီၤ. အဂ့ၢ်ဒ်အံၤ, စီၤစီလူးဒီးအပှၤကညီ ကဝီၤဃာ်စီၤဒၤဝံးဒီးအပှၤက ညီ, ဒ်အသိးအကမၤန့ၢ်အီၤလီၤ.
27 ဒီးကလူးတဂၤဟဲဆူစီၤစီလူးအအိၣ်, ဒီးစံးဝဲဒၣ်,မၤ ချ့ချ့ဒီးဟဲတက့ၢ်. အဂ့ၢ်ဒ်အံၤ,ပှၤဖလ့ၡသးဖိဟဲနုာ်လၢ ထံဧိၤကီၢ်ဧိၤအပူၤလီၤ.
28 ဒီးစီၤစီလူးပိာ်စီၤဒၤဝံးအခံန့ၣ် ဟဲက့ၤကဒါက့ၤ,ဒီး လဲၤထီဒါပှၤဖလ့ၡသးဖိလီၤ. မၤသးဒ်န့ၣ်ဒီးပှၤကိးတၢ် အလီၢ်န့ၣ်လၢစ့လၤဟးမၤဃလကိးလီၤ.
29 ဒီးစီၤဒၤဝံးဟးထီၣ်ဝဲဖဲန့ၣ်, ဒီးအိၣ်ဝဲဆိးဝဲလၢအတိာ် တဖၣ်အပူၤဖဲဧ့ၣ်က့ၤဒံၤလီၤ.