2
1 ဒီးနီၢ်ဃးနၤဘါထုကဖၣ်တၢ်ဒီးစံးဝဲဒၣ်,ယသူၣ်ဖှံသးညီလၢယွၤအပူၤ,ယနၢၤဘၣ်တၢ်ပာ်ထီၣ်လၢယွၤအပူၤ,ယထးခိၣ်လဲၢ်ထီၣ်လၢယဒုၣ်ယဒါအဖီခိၣ်, မ့ၢ်ယသးခုလၢနတၢ်အုၣ်က့ၤခီၣ်က့ၤအပူၤအဂ့ၢ်လီၤ.
2 တၢ်စီဆှံဒ်ယွၤအသိးတအိၣ်ဘၣ်. အဂ့ၢ်ဒ်အံၤ, လၢနၤအမဲာ်ညါန့ၣ်တၢ်တအိၣ်ဘၣ်,ဒီးလၢၢ်ဒ်ပကစၢ်အသိးန့ၣ်တအိၣ်ဘၣ်.
3 ကတိၤလၢၤတၢ်ထီၣ်ထီထဲထဲန့ၣ်တဂ့ၤ.မ်တၢ်ကတိၤရၤအသုတထီၣ်ဖျဲးလၢသုထးခိၣ်တဂ့ၤ,အဂ့ၢ်ဒ်အံၤ, ယွၤမ့ၢ်တၢ်သ့ၣ်ညါအကစၢ်,ဒီးအဝဲဒၣ်စီၤတၢ်မၤအသးတဖၣ်လီၤ.
4 ပှၤအဆူၣ်တဖၣ်အချံၣ်ကၢ်လံ,ဒီးပှၤလၢအဂံၢ်စၢ် အဘါစၢ်တဖၣ် အယီၢ်ဒ့ကံၢ်တူာ် အသးဒီးတၢ်ဂံၢ်တၢ်ဘါလီၤ.
5 ပှၤလၢအပှဲၤတဖၣ်န့ၣ်ဒိးလဲအသးလၢကိၣ်အဂီၢ်,ဒီးပှၤလၢတၢ်သၣ်ဝံၤအသးန့ၣ် အတၢ်သၣ်ဝံၤအသး တုာ်လီၤ.အန့ၣ်ဒီးပှၤတူာ်ဖိဆံးစၢ်န့ၢ်ပှၤနွံဂၤ,ဒီးပှၤလၢအဖိအိၣ်အါဂၤန့ၣ်လီၤဘှါဝဲလီၤ.
6 ယွၤမၤသံတၢ်,ဒီးမၤမူတၢ်,ဒုးလဲၤလီၤဆူပျုၤပူၤ,ဒီးဒုးဟဲက့ၤထီၣ်လီၤ.
7 ယွၤမၤဖှီၣ်မၤယာ်,ဒီးမၤထူးမၤတီၤ,ဆီၣ်လီၤတၢ်ဒီးပာ်ထီၣ်ထီတၢ်လီၤ.
8 ဒုးဟဲထီၣ်ပှၤဖှီၣ်ဖိလၢဟီၣ်ခိၣ်အကမူၣ်ပူၤ,ဒီးဝံၣ်ဆၢထၢၣ်ပှၤဃ့တၢ်ဖိလၢတၢ်ကမှံၤအပူၤ,ဒ်သိးအကပာ်အီၤလၢပဒိၣ်ဖးဒိၣ်အကျါ,ဒီးဒုးန့ၢ်သါအီၤလၢတၢ်ကဟုကညီၣ်အလီၢ်ပစိာ်လီၤ.အဂ့ၢ်ဒ်အံၤ,ဟီၣ်ခိၣ်အထူၣ်တဖၣ်မ့ၢ်ယွၤအတၢ်,ဒီးပာ်ဟီၣ်ခိၣ်လၢအဖီခိၣ်လီၤ.
9 ကဟံးဃာ်အပှၤဂ့ၤပှၤဝါအခီၣ်,မ့မ့ၢ်ပှၤအၢပှၤသီကအိၣ်ဘှီၣ်လၢတၢ်ခံးကျါ,အဂ့ၢ်ဒ်အံၤ,ပှၤတမၤနၢၤတၢ်လၢတၢ်အဂံၢ်အဘါဘၣ်.
10 ပှၤလၢအထီဒါယွၤကလီၤကလဲလီၤ.လီကသီၣ်လၢအဖီခိၣ်လၢမူခိၣ်,ယွၤကစံၣ်ညီၣ်ဟီၣ်ခိၣ်အကတၢၢ်တဖၣ်,ဒီးကဟ့ၣ်တၢ်အဂ့ၤအဘၣ်လၢအစီၤပၤ,ဒီးပာ်ထီၣ်ထီအပှၤဒိးဖှူအသးတဂၤအနၢၤလီၤ.
11 ဒီးစီၤအ့လကါနၤန့ၣ် က့ၤက့ၤဆူရၤမါဆူအဟံၣ်. ဒီးဖိသၣ်တဂၤန့ၣ် မၤယွၤအခ့အပှၤအတၢ်လၢပှၤလုၢ် တၢ်အဒိၣ်စီၤဧ့လံၤအမဲာ်ညါလီၤ.
12 ဒီးစီၤဧ့လံၤအဖိခွါတဖၣ်မ့ၢ်ပှၤဘလးယဧၤလးဖိ, ဒီး တသ့ၣ်ညါဘၣ်ယွၤဘၣ်.
13 ဒီးအအံၤမ့ၢ်ပှၤလုၢ်တၢ်အ ဒိၣ်အလုၢ်အလၢ် ဘၣ်ဃးဒီးပှၤဂီၢ်မုၢ်, တုၤပှၤတဂၤ လုၢ်တၢ်လုၢ်ဒီး,လၢတၢ်ညၣ်ချီအသးအဖၢမုၢ်, ပှၤလုၢ် တၢ်အဒိၣ်အခ့အပှၤဟဲဝဲ အိၣ်ဒီးနီၣ်ကွးတၢ်ညၣ်သၢ တြၢ်လၢအစုပူၤ,
14 ဒီးဆဲးဝဲလၢသပၢၤမ့ၣ်အူအပူၤဂ့ၤ, သပၢၤချီတၢ်အပူၤဂ့ၤ, သပၢၤလူတၢ်အပူၤဂ့ၤ, သပၢၤ ကလာ်ထီၣ်အပူၤဂ့ၤ, ဒီးကယဲၢ်တၢ်လၢ နီၣ်ကွးဟံး ထီၣ်ခဲလၢာ်န့ၣ် ပှၤလုၢ်တၢ်အဒိၣ်ဟံးန့ၢ်လၢအဂီၢ်ဒၣ်ဝဲလီၤ. မၤဝဲဒ်န့ၣ်လၢၡံလိၤအပူၤဒီးကယဲၢ်ပှၤအံၣ်စရ့လး ဖိလၢအလဲၤတၢ်ဖဲန့ၣ်လီၤ.
15 လၢအတချုးဆိၣ်ကဲၤထီၣ်ကွံာ်ဒံးဘၣ် တၢ်ညၣ်အသိ ဒီး, ပှၤလုၢ်တၢ်အဒိၣ်အခ့အပှၤဟဲစ့ၢ်ကီး, ဒီးစံးဘၣ်ပှၤ လၢအလုၢ်တၢ်န့ၣ် ဟ့ၣ်တၢ်ညၣ်ဒ်သိးပကကၣ်အီၤလၢ ပှၤလုၢ်တၢ်အဒိၣ်အဂီၢ်တက့ၢ်. အဂ့ၢ်ဒ်အံၤ, တဟံးန့ၢ် ဘၣ်တၢ်ညၣ်ချီအသးလၢနၤဘၣ်, မ့ၢ်အသံကစဲာ်လီၤ.
16 ဒီးပှၤတဂၤမ့ၢ်စံးဘၣ်အီၤ, မ်ပှၤဆိၣ်ကဲၤထီၣ်ကွံာ်ဆိ တၢ်ညၣ်အသိသပှၢ်တၢၢ်တက့ၢ်. ဒီးလၢခံက့ၤဟံးန့ၢ် ဖဲအဘၣ်နသးတက့ၢ်န့ၣ်ဒီး, အဝဲဒၣ်ကစံးဘၣ်အီၤ, မ့ၢ် မးနဘၣ်ဟ့ၣ်လီၤခဲကနံၣ်အံၤ, ဒီးမ့တမ့ၢ်ဘၣ်ဒီး, ယ ကဟံးန့ၢ်ဆူၣ်လီၤ.
17 ဒီးပှၤဖိၣ်သၣ်ခွါတဖၣ်န့ၣ် အတၢ်ဒဲးဘးဒိၣ်ဝဲလၢယွၤ အမဲာ်ညါဒိၣ်မးလီၤ. အဂ့ၢ်ဒ်အံၤ, ပှၤကညီသးဟ့တၢ် မၤဘူၣ်ယွၤလီၤ.
18 ဒီးစီၤၡမူၤအ့လးန့ၣ် မၤတၢ်အခ့အပှၤအတၢ်မၤလၢယွၤအမဲာ်ညါလီၤ. ပှၤဖိသၣ်အယီၢ်ဒ့ကံၢ်တူာ်အသးဒီး အ့ဖိးဖှီဝါကဆှၣ်တဘ့ၣ်လီၤ.
19 ဒီးအမိၢ်မၤန့ၢ်အီၤလၢ ဆ့ဖိတဘ့ၣ်, ဒီးတုၤအဟဲ ထီၣ်ဒီးအဝၤ ဒ်သိးအကလုၢ်တၢ်လုၢ်တနံၣ်အဂီၢ်တနံၣ် အဂီၢ်ဒီး, ဟဲစိာ်ဝဲဆူအအိၣ်တနံၣ်ဘၣ်တနံၣ်လီၤ.
20 ဒီး စီၤဧ့လံၤဆိၣ်ဂ့ၤစီၤအ့လကါနၤဒီးအမါ, ဒီးစံးဝဲဒၣ်, မ် ယွၤဟ့ၣ်လီၤနချံနသၣ် လၢပိာ်မုၣ်အံၤလၢ တၢ်လိၢ် လၢအဒုးလိၢ် ယွၤအဃိန့ၣ်တက့ၢ်. ဒီးအဝဲသ့ၣ်က့ၤ က့ၤဝဲဆူအလီၢ်အိၣ်လီၢ်ဆိးန့ၣ်လီၤ.
21 အန့ၣ်ဒီးယွၤအိၣ်သကိးနီၢ်ဃးနၤ, ဒီးအဝဲဒၣ်ဒၢထီၣ်, ဒီးဆံးစၢ်န့ၢ်အဖိခွါသၢဂၤ, ဒီးအဖိမုၣ်ခံဂၤလီၤ. ဒီးဖိ သၣ်စီၤၡမူၤအ့လးန့ၣ်ဒိၣ်ထီၣ်ဝဲလၢယွၤအမဲာ်ညါလီၤ.
22 စီၤဧ့လံၤန့ၣ်အသးပှၢ်တ့ၢ်ဒိၣ်မးလီၤ. ဒီးနၢ်ဟူဝဲလၢ ကယဲၢ်တၢ်လၢ အဖိခွါတဖၣ်မၤဝဲလၢ အံၣ်စရ့လးခဲ လၢာ်အကျါ, လၢအမံဃုာ်ဒီးပိာ်မုၣ်တဖၣ်လၢအမၤ တၢ်လၢတၢ်အိၣ်ဖှိၣ်အဒဲအကျဲစၢၤန့ၣ်လီၤ.
23 ဒီးအဝဲဒၣ်စံးဘၣ်အီၤ, သုမၤဒ်န့ၣ်ဘၣ်မနုၤလဲၣ်, အ ဂ့ၢ်ဒ်အံၤ, ယနၢ်ဟူသုမၤတၢ်အၢတဖၣ်လၢ ပှၤဂီၢ်မုၢ် အံၤခဲလၢာ်လီၤ.
24 မၤတဂ့ၤ, ယဖိခွါဧၢ, အဂ့ၢ်ဒ်အံၤ, တၢ်အကစီၣ်လၢ ယနၢ်ဟူန့ၣ် တမ့ၢ်ဘၣ်တၢ်အဂ့ၤ ဘၣ်, သုမၢယွၤအပှၤဂီၢ်မုၢ်လုၣ်သ့ၣ်ခါပတာ်တၢ်လီၤ.
25 ပှၤကညီမ့ၢ်မၤကမၣ်ဘၣ် ပှၤကညီဒီး, ပှၤစံၣ်ညီၣ် ကွီၢ်ကစံၣ်ညီၣ်အီၤလီၤ. မ့မ့ၢ်ပှၤကညီ မ့ၢ်မၤကမၣ် ဘၣ်ယွၤဒီး, မ့ၢ်မတၤကကတိၤလိာ်ကွီၢ်လၢအဂီၢ်တ ဂၤလဲၣ်. ဘၣ်ဆၣ်ဒီးတဒိကနၣ် အပၢ်အကလုၢ်ဘၣ်. အဂ့ၢ်ဒ်အံၤ, ယွၤအသးအိၣ်လၢအကမၤသံအီၤလီၤ.
26 (ဒီးဖိသၣ်စီၤၡမူၤအ့လးဒိၣ်ထီၣ်ဒံး, ဒီးဂ့ၤဝဲဒီးယွၤဒီး ပှၤကညီစ့ၢ်ကီးလီၤ.)
27 ဒီးယွၤအပှၤကညီတဂၤဟဲဆူစီၤဧ့လံၤအအိၣ်, ဒီးစံး ဝဲဒၣ်, ယွၤစံးဒ်အံၤ, မ့ၢ်ယလီၣ်ဖျါထီၣ်ယသးလၢနပၢ် အပှၤဟံၣ်ဖိအမဲာ်ညါ လၢအအိၣ်လၢအဲၤကူပတူးလၢ ဖၤရိၤအဟံၣ်ပူၤန့ၣ်ဧါ.
28 ဒီးမ့ၢ်ယဃုထၢအီၤလၢအံၣ်စ ရ့လးအဒူၣ်ခဲလၢာ်အကျါ, ဒ်သိးအကကဲထီၣ်ယပှၤ လုၢ်တၢ်အဒိၣ်, လၢအကလုၢ်တၢ်လၢ ယတၢ်လုၢ်လီၢ် အဖီခိၣ်, လၢအကဆိၣ်ကဲတၢ်နၢမူ, လၢအကသိးအ့ ဖိးတဘ့ၣ်လၢယမဲာ်ညါန့ၣ်ဧါ. ဒီးယဟ့ၣ်လီၤနပၢ်အ ပှၤဟံၣ်ဖိလၢ ကယဲၢ်ပှၤအံၣ်စရ့လးဖိ အတၢ်လုၢ်လၢ မ့ၣ်အူန့ၣ်ဧါ.
29 သုယီၢ်လီၤယတၢ်လုၢ်, ဒီးတၢ်မၤဘူၣ် ယၤလၢယမၤလိာ် လၢယအိၣ်အလီၢ်အပူၤ, ဒီးမၤလၤ ကပီၤနဖိခွါတဖၣ်လၢယဖီခိၣ်, ဒ်သိးသုကမၤဘီၣ်ထီၣ် သုသးလၢ ယပှၤဂီၢ်မုၢ်အံၣ်စရ့လးအတၢ်မၤဘူၣ်အဂ့ၤ ကတၢၢ်တဖၣ်န့ၣ်မ့ၢ်အဘၣ်မနုၤလဲၣ်.
30 မၤသးဒ်န့ၣ်ဒီး ယွၤအံၣ်စရ့လးအကစၢ်စံးဝဲဒၣ်, မ့ၢ်မးယစံးတ့ၢ်လၢန ပှၤဟံၣ်ဖိဒီးနပၢ်အပှၤဟံၣ်ဖိ ကလဲၤတၢ်လၢယမဲာ်ညါ လီၤစိၤလီၤထီလီၤ. မ့မ့ၢ်ခဲကနံၣ်အံၤယွၤစံးဝဲဒၣ်, မ်တၢ် သုတမၤအသးဒ်န့ၣ်ဒီးယၤတဂ့ၤ. အဂ့ၢ်ဒ်အံၤ,ပှၤလၢအ မၤလၤကပီၤယၤန့ၣ်ယကမၤလၤကပီၤအီၤ, ဒီးပှၤလၢ အမၤယၤတရီတပါန့ၣ် တၢ်ကမၤအီၤတရီတပါလီၤ.
31 ကွၢ်ကွၢ်, မုၢ်နံၤတဖၣ်ကဟဲလၢယကဒီၣ်တဲာ်နစုဒုၣ် ဒီးနပၢ်အပှၤဟံၣ်ဖိအစုဒုၣ်, ဒီးပှၤသးပှၢ်တအိၣ်ဘၣ် လၢနပှၤဟံၣ်ဖိအကျါဘၣ်.
32 ဒီးနကထံၣ်ဘၣ်တၢ်အိၣ် အလီၢ်အတၢ်နးတၢ်ဖှီၣ်, လၢကယဲၢ်တၢ်လၢယွၤကမၤ ဂ့ၤအံၣ်စရ့လးအလီၢ်လီၤ. ဒီးပှၤသးပှၢ်တအိၣ်ဘၣ်လၢ နပှၤဟံၣ်ဖိအကျါ နီတနံၤနီတနၤဘၣ်.
33 ဒီးပှၤကညီဘၣ်ဃးဒီးနၤလၢ ယတဒီၣ်တဲာ်ဘၣ်လၢ ယတၢ်လုၢ်လီၢ်တဂၤဂၤန့ၣ် ကကဲလၢတၢ်မၤလၢာ်န မဲာ်, ဒီးတၢ်မၤကိၢ်နသး, ဒီးနပှၤဟံၣ်ဖိအတၢ်အါထီၣ် ခဲလၢာ်န့ၣ်ကသံဖဲအသူၣ်စၢ်သးဘီၣ်န့ၣ်လီၤ.
34 ဒီးအအံၤလၢအကဟဲဘၣ်နဖိခွါခံဂၤ, စီၤဃၤဖနံဒီး စီၤဖံၤနဃၣ်န့ၣ်, ကကဲတၢ်ပနီၣ်လၢနဂီၢ်, ကသံဝဲခံဂၤ လၢာ်လၢမုၢ်တနံၤဃီလီၤ.
35 ဒီးယကဒုးဂဲၤဆၢထၢၣ်ပှၤ လုၢ်တၢ်အဒိၣ်လၢအကလုၢ်တီလၢယဂီၢ်တဂၤ, လၢအ ကမၤတၢ်ဒ်ကယဲၢ်တၢ် လၢအဘၣ်ယသးလၢအအိၣ် လၢယသးကံၢ်ပူၤအသိးန့ၣ်လီၤ. ဒီးယကသူၣ်န့ၢ်အီၤ လၢအဟံၣ်ကျၢၤ, ဒီးကလဲၤတၢ်လၢယပှၤဒိးဖှူတၢ်တ ဂၤအမဲာ်ညါကိးမုၢ်နံၤမုၢ်နၤဒဲးလီၤ.
36 ဒီးတၢ်ကမၤအသးလၢ ကယဲၢ်ပှၤကညီလၢ အအိၣ် လီၤတဲာ်လၢ နပှၤဟံၣ်ဖိအကျါတဂၤလၢ်လၢ်န့ၣ် က ဟဲတီၤလီၤ လၢအမဲာ်ညါလၢစ့တဘ့ၣ်, ဒီးကိၣ်တ လိၣ်အဂီၢ်, ဒီးကစံး, ပာ်လၢ်ယၤလၢပှၤလုၢ်တၢ်အ ဒိၣ်အလီၢ်ဒ်သိးယကအီၣ်ကိၣ်တလိၣ်တက့ၢ်.