14
1 ဒီးလၢမုၢ်တနံၤန့ၣ် တၢ်မၤအသးလၢစီၤစီလူးအဖိခွါ စီၤယိနၤသၣ်စံးဘၣ်ပှၤဖိၣ်သၣ်ခွါလၢ အစိာ်အစုက ဝဲၤ,ဟဲ, လဲၤသကိးဆူပှၤဖလ့ၡသးဖိလၢအပၢၤတၢ်တ တီၤလၢဝၢ်ဘးခီန့ၣ်တက့ၢ်. ဒီးတစံးဘၣ်တဲဘၣ်အပၢ် ဘၣ်.
2 ဒီးစီၤစီလူးအိၣ်ဝဲလၢကံဘဧၤအကတၢၢ် လၢသ့ၣ်သ လဲအဖီလာ်, လၢအအိၣ်ဝဲလၢမံးကြိၣ်အပူၤ,ဒီးပှၤဂီၢ် မုၢ်လၢအအိၣ်ဒီးအီၤန့ၣ် အိၣ်ဝဲပှၤဃုကယၤဃၣ်ဃၣ် လီၤ.
3 ဒီးစီၤအဃံးတူာ်အဖိခွါစီၤအဃံယၤ, စီၤအံကဘိးအ ဒီပုၢ်ဝဲၢ်,စီၤဖံၤနဃၣ်အဖိခွါ, စီၤဧ့လံၤအဖိခွါ,ယွၤအပှၤ လုၢ်တၢ်အဒိၣ်လၢၡံလိၤအပူၤတဂၤန့ၣ် သိးဝဲဒီးအ့ဖိး န့ၣ်လီၤ. ဒီးပှၤဂီၢ်မုၢ်တသ့ၣ်ညါဘၣ်ဝဲလၢစီၤယိ နၤသၣ်ဟးထီၣ်ဘၣ်.
4 ဒီးလၢခီဂာ်တၢ်အလီၢ်တဖၣ် အဘၢၣ်စၢၤလၢစီၤယိ နၤသၣ်ခီဂာ်ဆူ ပှၤဖလ့ၡသးဖိလၢအပၢၤတၢ်တတီၤ အအိၣ်န့ၣ်လၢၢ်ခိၣ်စူအိၣ်ဝဲတခီ, ဒီးလၢၢ်ခိၣ်စူအိၣ် လၢအဝဲတခီဒၣ်လီၤ. ဒီးတဖျၢၣ်အမံၤမ့ၢ်ဘိစ့း,ဒီးအဝဲ တဖျၢၣ်န့ၣ်အမံၤမ့ၢ်စ့နၤလီၤ.
5 တဖျၢၣ်န့ၣ်အိၣ်ဝဲလၢ ကလံၤစိးလၢမံးကမၣ်အမဲာ် ညါ, ဒီးအဝဲတဖျၢၣ်န့ၣ်အိၣ်ဝဲလၢကလံၤထံးတခီလၢ ကံဘဧၤအမဲာ်ညါလီၤ.
6 ဒီးစီၤယိနၤသၣ်စံးဘၣ် ပှၤဖိၣ်သၣ်ခွါလၢအစိာ်အစု ကဝဲၤတဂၤ, ဟဲ,လဲၤခီဂာ်သကိးတၢ်ဆူပှၤတဒိးဘၣ် တၢ်ကူးတရံးဖိလၢ အပၢၤတၢ်တတီၤအအိၣ်န့ၣ်တ က့ၢ်. ဘၣ်တဘၣ်ယွၤကမၤတၢ်လၢပဂီၢ်လီၤ.အဂ့ၢ်ဒ် အံၤ, အုၣ်က့ၤခီၣ်က့ၤတၢ်လၢအအါမ့ၢ်ဂ့ၤ,အစှၤမ့ၢ်ဂ့ၤ, တၢ်တြီယွၤတအိၣ်ဘၣ်.
7 ဒီးပှၤစိာ်အစုကဝဲၤန့ၣ်စံးဘၣ်အီၤ, မၤကယဲၢ်တၢ်လၢ အအိၣ်လၢနသးကံၢ်ပူၤတက့ၢ်. ဃၣ်နသး, ကွၢ်ကွၢ်, ယအိၣ်ဒီးနၤဖဲနသးလီၤ.
8 ဒီးစီၤယိနၤသၣ်စံးဝဲဒၣ်, ကွၢ်ကွၢ်,ပကလဲၤခီဂာ်တၢ် ဆူပှၤတဖၣ်န့ၣ်အအိၣ်, ဒီးပကဒုးနဲၣ်ပသးလၢအီၤ လီၤ.
9 မ့ၢ်စံးလၢပှၤဒ်အံၤ, အိၣ်တုၤပဟဲဆူသုအိၣ်တ က့ၢ်န့ၣ်ဒီး, ပကအိၣ်ဆၢထၢၣ်ဒၣ်တၢ်, ဒီးပတလဲၤ ထီၣ်ဘၣ်ဆူအအိၣ်ဘၣ်.
10 မ့ၢ်စံးလၢပှၤဒ်အံၤ,ဟဲထီၣ် တက့ၢ်န့ၣ်ဒီး, ပကလဲၤထီၣ်လီၤ.အဂ့ၢ်ဒ်အံၤ,ယွၤဟ့ၣ် လီၤလံအီၤလၢပစုပူၤလံ. ဒီးတၢ်န့ၣ်တကဲထီၣ်တၢ်ပ နီၣ်လၢပဂီၢ်လီၤ.
11 ဒီးပှၤခံဂၤလိာ်ဒုးနဲၣ်အသးလၢ ပှၤဖလ့ၡသးဖိလၢအ ပၢၤတၢ်တဖု, ဒီးပှၤဖလ့ၡသးဖိစံးဝဲဒၣ်,ကွၢ်ကွၢ်,ပှၤဧ့ၤ ဘြံၤဖိန့ၣ် ဟဲထီၣ်လံလၢတၢ်အိပူၤ ဖဲအပာ်ခူသူၣ်အ သးလၢအပူၤလံ.
12 ဒီးပှၤပၢၤတၢ်ဖိစံးဆၢစီၤယိနၤသၣ် စံးဘၣ်ပှၤစိာ်အစုကဝဲၤ, ဟဲထီၣ်ဆူပအိၣ်တက့ၢ်. ဒီး ပကဒုးနဲၣ်သုလၢတၢ်တမံၤလီၤ. ဒီးစီၤယိနၤသၣ်စံး ဘၣ်ပှၤစိာ်အစုကဝဲၤ, ဟဲထီၣ်ပိာ်ယခံတက့ၢ်. အဂ့ၢ် ဒ်အံၤ,ယွၤဟ့ၣ်လီၤလံအီၤလၢအံၣ်စရ့လးအစုပူၤလံ.
13 ဒီးစီၤယိနၤသၣ်လဲၤထီၣ်လၢအစုဒီးအခီၣ်, ဒီးပှၤစိာ် အစုကဝဲၤတဂၤန့ၣ်ပိာ်အခံလီၤ. ဒီးပှၤတဖၣ်န့ၣ်လီၤ ဃံၤလၢစီၤယိနၤသၣ်အမဲာ်ညါ, ဒီးပှၤစိာ်အစုကဝဲၤ တဂၤန့ၣ်မၤသံထွဲအခံလီၤ.
14 ဒီးတၢ်မၤသံအခီၣ်ထံးအံၤလၢ စီၤယိနၤသၣ်ဒီးပှၤစိာ် အစုကဝဲၤမၤဝဲန့ၣ် မ့ၢ်ပှၤကညီခံဆံဃၣ်ဃၣ်, ဒ်လၢ တၢ်အကျိၤ, လၢဂီၤဖံးတဆိမၤဝဲလၢစံာ်ပူၤ, တဝာ်အ ပူၤအသိးန့ၣ်လီၤ.
15 ဒီးတၢ်ကနိးကစုာ်အိၣ်ဝဲလၢ ပှၤသုးမုၢ်အကျါ, လၢ တၢ်ပျီပူၤ, ဒီးလၢပှၤဂီၢ်မုၢ်ခဲလၢာ်အကျါ, လၢပှၤပၢၤတၢ် ဖိတတီၤအကျါ, ဒီးပှၤမၤဟးဂီၤတၢ်ဖိ ကနိးကစုာ်စ့ၢ် ကီး, ဒီးဟီၣ်ခိၣ်ဟူးဝးတုၤတၢ်ကနိးကစုာ်ဒိၣ်နီၢ်မးလီၤ.
16 ဒီးစီၤစီလူးအပှၤပၢၤတၢ်ဖိလၢ ကံဘဧၤဘံၣ်ယၤမံၣ် တဖၣ်န့ၣ်ကွၢ်ဝဲ, ဒီးကွၢ်ကွၢ်, ပှၤဂီၢ်မုၢ်ပှံၢ်ကွံာ်ဝဲ,ဒီးလဲၤ တၢ်ဖဲအံၤဖဲနုၤလီၤ.
17 ဒီးစီၤစီလူးစံးဘၣ်ပှၤဂီၢ်မုၢ်အိၣ်ဒီးအီၤ, ဂံၢ်တၢ်,ဒီးမ့ၢ် မတၤမတၤလဲၤတၢ်လၢပအိၣ်န့ၣ်ကွၢ်တက့ၢ်. ဒီးဂံၢ်ဝဲ ဝံၤဒီး,ကွၢ်ကွၢ်, စီၤယိနၤသၣ်,ဒီးပှၤစိာ်အစုကဝဲၤတဂၤ န့ၣ်တအိၣ်ဘၣ်.
18 ဒီးစီၤစီလူးစံးဘၣ်စီၤအဃံယၤ, ဟဲစိာ်ယွၤအတလါ ဖဲအံၤတက့ၢ်. (အဂ့ၢ်ဒ်အံၤ, တၢ်လၢမုၢ်တနံၤန့ၢ်ယွၤ အတလါအိၣ်ဝဲဒီးပှၤအံၣ်စရ့လးဖိလီၤ.)
19 ဒီးစီၤစီလူး ကတိၤတၢ်ဒီးပှၤလုၢ်တၢ်အဒိၣ်အဖၢမုၢ်ဒီး, တၢ်မၤအ သးလၢတၢ်အသီၣ်အိၣ်လၢ ပှၤဖလ့ၡသးဖိအသုးမုၢ် အကျါလဲၤတၢ်, ဒီးဒိၣ်ထီၣ်, ဒီးစီၤစီလူးစံးဘၣ်ပှၤလုၢ် တၢ်အဒိၣ်န့ၣ်, ထုးက့ၤနစုတက့ၢ်.
20 ဒီးစီၤစီလူးဒီးပှၤဂီၢ်မုၢ်လၢ အအိၣ်ဒီးအီၤခဲလၢာ်အိၣ် ဖှိၣ်ရိဖှိၣ်, ဒီးလဲၤဒုးတၢ်, ဒီးကွၢ်ကွၢ်, ပှၤတဂၤလၢအ နးအိၣ်ဝဲလၢအဂိၤမီၣ်အလိၤ, ပှၤတဂၤအနးအိၣ်ဝဲလၢ အဂိၤမီၣ်အလိၤစုာ်စုာ်,ဒီးတၢ်မၤဃၣ်ဖးဒိၣ်အိၣ်ဝဲလီၤ.
21 ဒီးပှၤဧ့ၤဘြံၤဖိလၢအအိၣ်တ့ၢ်လၢထံးလၢမကိာ်ဒီးပှၤ ဖလ့ၡသးဖိ, လၢအလဲၤတၢ်ဒီးအီၤဆူ တၢ်သူၣ်ဒဲအ လီၢ်လၢတၢ်အိၣ်ဝးတရံးဝဲတဖၣ်န့ၣ် ဃၣ်အသးဒီး အိၣ်က့ၤဝဲဒီးအံၣ်စရ့လး လၢအအိၣ်ဒီးစီၤစီလူး,ဒီးစီၤ ယိနၤသၣ်လီၤ.
22 ဒီးကယဲၢ်အံၣ်စရ့လးအပှၤကညီလၢ အပာ်ခူသူၣ်အသးလၢ ကစၢၢ်အ့ဖရဲၣ်အလိၤခဲလၢာ် န့ၣ်တုၤအနၢ်ဟူလၢပှၤဖလ့ၡသးဖိ ဃ့ၢ်ဝဲန့ၣ်ဒီး,လူၤ ပိာ်တၢ်ဒုးသုးအခံတကူၢ်သ့ၣ်လီၤ.
23 ဒီးတၢ်လၢမုၢ်တနံၤန့ၣ် ယွၤအုၣ်က့ၤခီၣ်က့ၤအံၣ်စရ့ လး, ဒီးတၢ်ဒုးသုးန့ၣ်ခီဂာ်တၢ်ဆူဘ့ၤသအၤဝ့ၢ်လီၤ.
24 ဒီးအံၣ်စရ့လးအပှၤကညီ ဘၣ်တၢ်ကိၢ်တၢ်ဂီၤလၢ မုၢ်တနံၤန့ၣ်လီၤ. အဂ့ၢ်ဒ်အံၤ,စီၤစီလူးဒုးဆိၣ်ပှၤဂီၢ်မုၢ် ဒီးစံးဝဲဒၣ်, ပှၤလၢအအီၣ်တၢ်လၢမုၢ်တချုးဟါဒံးဘၣ် န့ၣ်, မ်အဘၣ်တၢ်ဆိၣ်အၢတက့ၢ်.ဒ်သိးယကမၤဆၢ တၢ်အၢလၢယဒုၣ်ယဒါအလိၤလီၤ. ဒီးပှၤတအီၣ်ကွၢ် တၢ်အီၣ်နီတဂၤဘၣ်.
25 ဒီးကယဲၢ်ပှၤကီၢ်ဖိလဲၤလၢသ့ၣ်တဖုအကျါ, ဒီးကနဲ စီအိၣ်ဝဲလၢဟီၣ်ခိၣ်လီၤ.
26 ဒီးတုၤပှၤဂီၢ်မုၢ်လဲၤနုာ်လၢ သ့ၣ်တဖုအကျါဒီး, ကွၢ်ကွၢ်,ကနဲစီလီၤစီၤလီၤ.ဒီးပှၤ တပာ်ဘၣ်အစုဆူအထးခိၣ်နီၣ်တဂၤဘၣ် အဂ့ၢ်ဒ်အံၤ, ပှၤဂီၢ်မုၢ်ပျံၤတၢ်ဆိၣ်န့ၣ်လီၤ.
27 ဒီးစီၤယိနၤသၣ်တနၢ်ဟူဘၣ်အပၢ်ဒုးဆိၣ် ပှၤဂီၢ်မုၢ် ဘၣ်, ဒီးယူာ်ထီၣ်နီၣ်ထိးဘိအနါစ့ၤလၢအအိၣ်လၢအ စုပူၤဒီးဘျၢဝဲလၢကနဲအဒၢပူၤ, ဒီးပာ်အစုလၢအထး ခိၣ်,ဒီးအမဲာ်ကပီၤထီၣ်လီၤ.
28 ဒီးပှၤလၢပှၤဂီၢ်မုၢ်အကျါတဂၤ ကတိၤတၢ်ဒီးစံးဝဲဒၣ်, နပၢ်ဒုးဆိၣ်ပှၤဂီၢ်မုၢ်သပှၢ်တၢၢ်, ဒီးစံးဝဲဒၣ်,ပှၤလၢအ အီၣ်တၢ်လၢမုၢ်မဆါတနံၤအံၤ, မ်အဘၣ်တၢ်ဆိၣ်အၢ တက့ၢ်. ဒီးပှၤဂီၢ်မုၢ်လီၤဘှါဝဲလီၤ.
29 ဒီးစီၤယိနၤသၣ်စံးဝဲဒၣ်, ယပၢ်မၤတံာ်တာ်ထံဧိၤကီၢ် ဧိၤလီၤ.ယမဲာ်ကပီၤထီၣ်န့ၣ်ကွၢ်တက့ၢ်. အဂ့ၢ်ဒ်အံၤ, ယလ့ၣ်ကွၢ်ကနဲစီတစဲးန့ၣ်လီၤ.
30 ပှၤဂီၢ်မုၢ်မ့ၢ်အီၣ်တၢ် ဒီးအီၣ်တၢ်လၢအဂုာ်န့ၢ်လၢမုၢ်မဆါတနံၤအံၤဒီး, ဂ့ၤ တက့ၢ်န့ၣ်ဆံးအါလဲၣ်. အဂ့ၢ်ဒ်အံၤ, တၢ်မၤသံပှၤဖ လ့ၡသးဖိကအိၣ်လံဒိၣ်တက့ၢ်. တမ့ၢ်ဘၣ်ဧါ.
31 ဒီးလၢမုၢ်တနံၤန့ၣ် ကျီကွံာ်ပှၤဖလ့ၡသးဖိလၢမံးက မၣ်ပၢၢ်လၢအၤယလိၣ်လီၤ. ဒီးပှၤဂီၢ်မုၢ်လီၤဘှါနးမး လီၤ.
32 ဒီးပှၤဂီၢ်မုၢ် ဃ့ၢ်သဖှိထီၣ်လၢတၢ်လၢအဂုာ်န့ၢ်အဖီ ခိၣ်,ဒီးဟံးန့ၢ်သိ,ဒီးမဲာ်တဲးလဲး, ဒီးဂီၤဖံး,ဒီးဂီၤဖံးဖိ,ဒီး မၤသံဝဲလၢဟီၣ်ခိၣ်အဖီခိၣ်, ဒီးပှၤဂီၢ်မုၢ်အီၣ်ဃုာ်အီၤ ဒီးအသွံၣ်လီၤ.
33 ဒီးပှၤစံးဘၣ်စီၤစီလူးဒီးစံးဝဲဒၣ်, ကွၢ်ကွၢ်, ပှၤဂီၢ်မုၢ် အီၣ်တၢ်ဒီးအသွံၣ်, ဒီးမၤကမၣ်ဘၣ်ယွၤလီၤ.ဒီးစံးဝဲ ဒၣ်, သုမၤကမၣ်လံတၢ်လံ.တလ့ၣ်လၢၢ်ဖးဒိၣ်တဖျၢၣ် ဆူယအိၣ်လၢမုၢ်မဆါတနံၤအံၤတက့ၢ်.
34 ဒီးစီၤစီလူးစံးဝဲဒၣ်, မၤလီၤပြံလီၤပြါလိာ်သုသးလၢ ပှၤဂီၢ်မုၢ်အကျါ, ဒီးစံးဘၣ်အီၤ, ဟဲစိာ်န့ၢ်ယၤဖဲအံၤ, တဂၤအဂီၤဖံး,တဂၤအဂီၤဖံး, ဒီးတဂၤအသိ,တဂၤအ သိ,ဒီးမၤသံတၢ်ဖဲအံၤ, ဒီးအီၣ်တၢ်တက့ၢ်.ဒီးအီၣ်တၢ် ဒီးအသွံၣ်ဒီး မၤကမၣ်ဘၣ်ယွၤတဂ့ၤ. ဒီးပှၤဂီၢ်မုၢ်ခဲ လၢာ်ဟဲစိာ်တဂၤအဂီၤဖံး,တဂၤအဂီၤဖံး, လၢမုၢ်တနၤ န့ၣ်, ဒီးမၤသံဝဲဖဲန့ၣ်လီၤ.
35 ဒီးစီၤစီလူးမၤထီၣ်တၢ်လုၢ်လီၢ်လၢယွၤအဂီၢ်, ဒီးအဝဲ န့ၣ်မ့ၢ်တၢ်လုၢ်လီၢ် အဂံၢ်ခိၣ်တဖျၢၣ်လၢ အမၤဝဲလၢ ယွၤအဂီၢ်လီၤ.
36 ဒီးစီၤစီလူးစံးဝဲဒၣ်, လဲၤပိာ်သကိးပှၤဖလ့ၡသးဖိအ ခံလၢမုၢ်နၤ, ဒီးမၤဟးဂီၤသကိးအီၤတုၤမုၢ်ဆ့ၣ်ထီၣ်တ က့ၢ်. မ်ပသုတပာ်လီၤတဲာ်နီတဂၤတဂ့ၤ.ဒီးပှၤစံးဝဲဒၣ်, မၤကယဲၢ်တၢ်လၢအဂ့ၤဝဲလၢနမဲာ်တက့ၢ်. ဒီးပှၤလုၢ် တၢ်အဒိၣ်စံးဝဲဒၣ်, သုးဘူးသကိးပသးဆူယွၤအအိၣ် တက့ၢ်.
37 ဒီးစီၤစီလူးသံကွၢ်ယွၤ, ယကလဲၤလီၤပိာ်ပှၤဖလ့ၡသး ဖိအခံဧါန့ၣ်ဧါ. ဒီးတၢ်လၢမုၢ်တနံၤန့ၣ်တစံးဆၢဘၣ် တၢ်ဘၣ်.
38 ဒီးစီၤစီလူးစံးဝဲဒၣ်, ပှၤဂီၢ်မုၢ်အခိၣ်ခဲလၢာ်သ့ၣ်ဧၢ, သုးဘူးသုသး, ဒီးမ့ၢ်တၢ်ကမၣ်မနုၤမနုၤလၢမုၢ်တနံၤ အံၤ,သ့ၣ်ညါဒီးကွၢ်တက့ၢ်.
39 အဂ့ၢ်ဒ်အံၤ,ယွၤမူဝဲလၢ အအုၣ်က့ၤခီၣ်က့ၤအံၣ်စရ့လးန့ၣ်, မ့ၢ်အမ့ၢ်ယဖိခွါစီၤ ယိနၤသၣ်ဘၣ်ဆၣ်ဒီး, သံဒီးကသံလီၤ. ဒီးပှၤတစံး ဆၢဘၣ်အီၤလၢပှၤဂီၢ်မုၢ်အကျါနီတဂၤဘၣ်.
40 ဒီးစံးဘၣ်အံၣ်စရ့လးခဲလၢာ်, အိၣ်သုဝဲလၢတခီ, ဒီး ယၤဒီးယဖိခွါစီၤယိနၤသၣ်ကအိၣ်တခီဒၣ်လီၤ. ဒီးပှၤ ဂီၢ်မုၢ်စံးဘၣ်စီၤစီလူး, မၤတၢ်လၢအဂ့ၤလၢ နမဲာ်တ က့ၢ်.
41 ဒီးစီၤစီလူးစံးဘၣ်ယွၤ, အံၣ်စရ့လးအကစၢ်ဟ့ၣ်လၢ် တၢ်လၢတၢ်ပှဲၤတက့ၢ်. ဒီးတၢ်ဟံးန့ၢ်စီၤစီလူးဒီးစီၤယိ နၤသၣ်, ဒီးပှၤဂီၢ်မုၢ်ပူၤဖျဲးဝဲလီၤ.
42 ဒီးစီၤစီလူးစံးဝဲဒၣ်, ဖးတၢ်ဒီးယၤဒီးယဖိခွါစီၤယိနၤ သၣ်အဂီၢ်တက့ၢ်. ဒီးတၢ်ဟံးန့ၢ်စီၤယိနၤသၣ်လီၤ.
43 ဒီးစီၤစီလူးစံးဘၣ်စီၤယိၤနၤသၣ်, တၢ်လၢနမၤန့ၢ်ဒုး နဲၣ်ယၤတက့ၢ်.ဒီးစီၤယိနၤသၣ်ဒုးနဲၣ်အီၤ, ဒီးစံးဝဲဒၣ်, ထဲယအီၣ်ကွၢ်ကနဲစီတစဲးလၢ နီၣ်ထိးဘိအစိးနါလၢ အအိၣ်လၢယစုပူၤလီၤ.ကွၢ်ကွၢ်, ယဘၣ်သံလီၤ.
44 ဒီးစီၤစီလူးစံးဝဲဒၣ်, ယွၤမၤဒ်န့ၣ်ဒီးမၤအါန့ၢ်ဒ်န့ၣ်တ က့ၢ်. အဂ့ၢ်ဒ်အံၤ,စီၤယိၤနၤသၣ်ဧၢ,သံဒီးနကသံလီၤ.
45 ဒီးပှၤဂီၢ်မုၢ်စံးဘၣ်စီၤစီလူး, စီၤယိနၤသၣ်လၢအမၤ တၢ်အုၣ်က့ၤခီၣ်က့ၤတၢ်ဖးဒိၣ်လၢ အံၣ်စရ့လးအကျါ န့ၣ်ကသံစ့ၢ်ကီးဧါ, မ်တၢ်သုတမၤအသးဒ်န့ၣ်တဂ့ၤ. ယွၤမူဝဲန့ၣ်, အခိၣ်သူတဘၣ်လီၤတဲာ်ဆူဟီၣ်ခိၣ်နီတ ဘိဘၣ်.အဂ့ၢ်ဒ်အံၤ,မၤတၢ်ဒီးယွၤလၢမုၢ်တနံၤအံၤလီၤ. ဒီးပှၤဂီၢ်မုၢ်မၤန့ၢ်စီၤယိနၤသၣ်,ဒီးတသံဘၣ်ဝဲဘၣ်.
46 ဒီးစီၤစီလူးက့ၤက့ၤဝဲလၢ အလူၤပှၤဖလ့ၡသးဖိ, ဒီး ပှၤဖလ့ၡသးဖိလဲၤဝဲဆူအလီၢ်ဒၣ်ဝဲန့ၣ်လီၤ.
47 ဒီးစီၤစီလူးမၤန့ၢ်ဘီမုၢ်လၢ အံၣ်စရ့လးအဖီခိၣ်, ဒီး ဒုးသုးဒီးအဒုၣ်အဒါအိၣ်ဝးတရံးအီၤခဲလၢာ်, ဒီးမိၤအး, ဒီးပှၤဧၣ်မိၣ်ဖိ, ဒီးအဒိၣ်,ဒီးစိဘၤအစီၤပၤတဖၣ်,ဒီးပှၤ ဖလ့ၡသးဖိလီၤ. ဒီးဖဲအဃၣ်အသးဆူ ပှၤအအိၣ်န့ၣ် မၤဃၣ်တၢ်လီၤ.
48 ဒီးမၤတၢ်ဆူၣ်ဆူၣ်ကလဲာ်, ဒီးကျီကွံာ်ပှၤဧမၤလ့းဖိ, ဒီးမၤပူၤမၤဖျဲးအံၣ်စရ့လး ဒီးပှၤလၢအမၤန့ၢ်ဆူၣ်အတၢ် တဖၣ်အစုပူၤလီၤ.
49 ဒီးစီၤစီလူးအဖိခွါတဖၣ်န့ၣ် မ့ၢ်စီၤယိနၤသၣ်,ဒီးစီၤ ယံးၡဝံ,ဒီးစီၤမးလကံရှူၤလီၤ. ဒီးအဖိမုၣ်တဖၣ်အမံၤ န့ၣ်အဝဲၢ်ကိတဂၤအမံၤမ့ၢ်နီၢ်မ့ရ့ာ်, ဒီးအဆံးတဂၤအ မံၤမ့ၢ်နီၢ်မံၤကၤလးလီၤ.
50 ဒီးစီၤစီလူးအမါစီၤအဃံမဧးအဖိမုၣ်အမံၤမ့ၢ် နီၢ်အ ဃံနိၣ်လီၤ. ဒီးအပှၤသုးမုၢ်အခိၣ်စီၤစီလူးအဖါတံၢ်စီၤ န့ၢ်အဖိခွါအမံၤမ့ၢ်စီၤအဘံန့ၣ်လီၤ.
51 ဒီးစီၤစီလူးအပၢ်မ့ၢ်စီၤကံၣ်, ဒီးစီၤအဘံန့ၢ်အပၢ်စီၤန့ၢ် န့ၣ်မ့ၢ်စီၤအဘံၤအ့လးအဖိခွါလီၤ.
52 ဒီးတၢ်ဒုးသုးထီဒါ ပှၤဖလ့ၡသးဖိန့ၣ်အိၣ်ဝဲဆူၣ်ဆူၣ် ကလဲာ်လၢစီၤစီလူးအမုၢ်နံၤခဲလၢာ် အဖၢမုၢ်လီၤ. ဒီး စီၤစီလူးမ့ၢ်ထံၣ်န့ၢ်ပှၤအဆူၣ်တဂၤဂၤ, ပှၤလၢအသးခူ တလ့ၢ်တဂၤဂၤဒီး, မၤန့ၢ်ဝဲလၢအဂီၢ်လီၤ.