12
1 ဒီးစီၤၡမူၤအ့လးစံးဘၣ်အံၣ်စရ့လးခဲလၢာ်, ကွၢ်ကွၢ်, ကယဲၢ်တၢ်လၢသုစံးဘၣ်ယၤခဲလၢာ်န့ၣ် ယကနၣ်သု ကလုၢ်လံ, ဒီးယပာ်စီၤပၤလၢသုဖီခိၣ်လံ.
2 ဒီးခဲက နံၣ်အံၤ, ကွၢ်ကွၢ်,စီၤပၤတဂၤန့ၣ်လဲၤတၢ်လၢသုမဲာ် ညါ, ဒီးယဲဒၣ်အံၤယသးပှၢ်တ့ၢ်လံ,ဒီးယခိၣ်ဝါလံ,ဒီး ကွၢ်ကွၢ်, ယဖိခွါတဖၣ်အိၣ်ဒီးသု, ဒီးလၢယဖိသၣ် လံၤလံၤတုၤမုၢ်မဆါတနံၤအံၤ ယလဲၤတၢ်လၢသုမဲာ် ညါလီၤ.
3 ကွၢ်ကွၢ်, ယၤလီၤ.အုၣ်သုသးထီဒါယၤလၢယွၤအ မဲာ်ညါ, ဒီးလၢအပှၤဒိးဖှူအသးတဂၤအမဲာ်ညါတက့ၢ်. ယဟံးန့ၢ်မတၤတဂၤအဂီၤဖံးလဲၣ်, ဒီးယဟံးန့ၢ်မတၤ တဂၤအကသ့ၣ်ယီၤလဲၣ်, ဒီးယလီန့ၢ်မတၤတဂၤအ တၢ်လဲၣ်, ဒီးယမၤန့ၢ်ဆူၣ်မတၤတဂၤအတၢ်လဲၣ်, ဒီး ယဒိးန့ၢ်ခိၣ်ဖးလၢမတၤတဂၤအစုပူၤ, ဒီးမၤဘျီၣ်ယ မဲာ်လၢအီၤန့ၣ်လဲၣ်, ဒီးယကဟ့ၣ်က့ၤသုလီၤ.
4 ဒီးအဝဲသ့ၣ်စံး, နတလီန့ၢ်ပတၢ်ဘၣ်, ဒီးနတမၤန့ၢ် ဆူၣ်ပတၢ်ဘၣ်, ဒီးနတဟံးန့ၢ်ဘၣ်တၢ်လၢပှၤအစုနီ တဂၤနီတမံၤဘၣ်.
5 ဒီးအဝဲဒၣ်စံးဘၣ်အီၤ, ယွၤမ့ၢ်တၢ်အုၣ်အသးထီဒါ သု, ဒီးအပှၤဒိးဖှူအသးတဂၤမ့ၢ်တၢ်အုၣ်အသးလၢမုၢ် တနံၤအံၤ, လၢသုတထံၣ်န့ၢ်ဘၣ်တၢ်လၢယစုပူၤနီတ မံၤဘၣ်.ဒီးအဝဲသ့ၣ်စံး, မ့ၢ်တၢ်အုၣ်အသးလီၤ.
6 ဒီးစီၤၡမူၤအ့လးန့ၣ်စံးဘၣ်ပှၤဂီၢ်မုၢ်, ယွၤမ့ၢ်ပှၤလၢ အပာ်စီၤမိၤရှ့ဒီးစီၤအၤဟရိၣ်, ဒီးဒုးကဲထီၣ်သုပၢ်လၢ ကီၢ်အဲၤကူပတူးအပူၤန့ၣ်လီၤ.
7 ဒီးခဲကနံၣ်အံၤအိၣ် ဆၢထၢၣ်ဒ်သိး ယကစံၣ်ညီၣ်သုလၢယွၤအမဲာ်ညါ လၢယွၤအမၤတၢ်အဂ့ၢ်အကျိၤလၢအမၤသု, ဒီးသုပၢ် တဖၣ်န့ၣ်တက့ၢ်.
8 တုၤစီၤယၤကိာ်လဲၤနုာ်လၢ အဲၤ ကူပတူးအပူၤ, ဒီးသုပၢ်တဖၣ်ကိးထီၣ်ယွၤဒီး, ယွၤ မၢလီၤစီၤမိၤရှ့ဒီးစီၤအၤဟရိၣ်, လၢအဒုးဟးထီၣ်ကွံာ် သုပၢ်တဖၣ်လၢအဲၤကူပတူး, ဒီးဒုးအိၣ်ဒုးဆိးအီၤလၢ တၢ်အလီၢ်ဖဲအံၤလီၤ.
9 ဒီးတုၤအသးပ့ၤနီၣ်ယွၤအကစၢ်ဒီး, အဝဲဒၣ်ဆါကွံာ် အီၤဆူစီၤဃါစိၢ်အပှၤသုးမုၢ်အခိၣ်စီၤစံစရၤအစုပူၤ, ဒီး ဆူပှၤဖလ့ၡသးဖိအစုပူၤ, ဒီးဆူမိၤအးအစီၤပၤအစုပူၤ, ဒီးအဝဲသ့ၣ်ဒုးသုးဒီးအီၤလီၤ..
10 ဒီးကိးထီၣ်ယွၤ,ဒီးစံး ဝဲဒၣ်, ပမၤကမၣ်တၢ်လံ.အဂ့ၢ်ဒ်အံၤ, ပလဲၤသဒၣ်ယွၤ လံ, ဒီးပမၤဘၣ်ဘဧၤလးတဖၣ်, ဒီးဧၤၡတြိးအတၢ်, ဘၣ်ဆၣ်ဒီးခဲကနံၣ်အံၤ, မၤပူၤမၤဖျဲးပှၤဒီးပဒုၣ်ပဒါအ စုပူၤတက့ၢ်., ဒီးပကမၤနတၢ်လီၤ.
11 ဒီးယွၤမၢလီၤစီၤယရူဘဧၤလး, ဒီးစီၤဘဒၣ်,ဒီးစီၤယံး ဖသၤ, ဒီးစီၤၡမူၤအ့လး,ဒီးမၤပူၤမၤဖျဲးသုဒီးသုဒုၣ်သု ဒါအိၣ်ဝးတရံးသု, ဒီးသုအိၣ်သုဆိးခၢၣ်သနၢၢ်လီၤ.
12 ဒီးတုၤသုထံၣ်ဘၣ် ပှၤဧၣ်မိၣ်ဖိအစီၤပၤစီၤနၤဃၣ်တ ဂၤဟဲထီဒါသုဒီး,သုစံးဘၣ်ယၤ, တမ့ၢ်ဘၣ်,စီၤပၤတ ဂၤဘၣ်ပၢတၢ်လၢပဖီခိၣ်လီၤ. ဒီးယွၤသုကစၢ်မ့ၢ်သုစီၤ ပၤလီၤ.
13 ဒီးခဲကနံၣ်အံၤ, ကွၢ်ကွၢ်, သုစီၤပၤတဂၤသုဃုထၢ အီၤ,လၢသုဃ့အီၤလီၤ.ဒီးကွၢ်ကွၢ်, ယွၤဟ့ၣ်လီၤသုလၢ စီၤပၤတဂၤလီၤ.
14 ဒီးသုမ့ၢ်ပျံၤယွၤ,ဒီးမၤအတၢ်,ဒီးဒိ ကနၣ်အကလုၢ်အကထါ, ဒီးတပူထီၣ်ဘၣ်ယွၤအထး ဘၣ်,ဒီးသုဝဲဒီးစီၤပၤစ့ၢ်ကီးလၢအပၢတၢ်လၢ သုဖီခိၣ် မ့ၢ်လူၤယွၤသုကစၢ်အသးဒီး,Ref ဂ့ၤလံ.
15 မ့မ့ၢ်သုမ့ၢ် တဒိကနၣ်ဘၣ်ယွၤအကလုၢ်အကထါ, ဒီးမ့ၢ်ပူထီၣ် ယွၤအထးခိၣ်ဒီး, ယွၤအစုကအိၣ်လၢသုလိၤ, ဒ်အ အိၣ်လၢသုပၢ်တဖၣ်အလိၤအသိးန့ၣ်လီၤ.
16 ဒီးခဲကနံၣ်အံၤဆၢထၢၣ်, ဒီးထံၣ်တၢ်အဒိၣ်တမံၤအံၤ လၢယွၤအမဲာ်ညါတက့ၢ်.
17 တၢ်လၢမုၢ်မဆါတနံၤအံၤ, မ့ၢ်ကူးဘုကၠူၣ်အကတီၢ်န့ၣ်တမ့ၢ်ဘၣ်ဧါ, ယကကိး ထီၣ်ယွၤ, ဒီးအဝဲဒၣ်ကဟ့ၣ်လီသီၣ်,ဒီးတၢ်စူၤ,ဒီးလၢ သုဃ့စီၤပၤန့ၣ် သုကသ့ၣ်ညါဒီးထံၣ်လၢသုမၤတၢ်အၢ တၢ်သီအဒိၣ်အယိာ်လၢယွၤအမဲာ်ညါလံလီၤ.
18 ဒီးစီၤၡမူၤအ့လးကိးထီၣ်ယွၤ, ဒီးတၢ်လၢမုၢ်တနံၤန့ၣ် ယွၤဟ့ၣ်လီသီၣ်, ဒီးတၢ်စူၤလီၤ, ဒီးပှၤဂီၢ်မုၢ်ခဲလၢာ် ပျံၤယွၤ,ဒီးစီၤၡမူၤအ့လးဒိၣ်မးလီၤ.
19 ဒီးပှၤဂီၢ်မုၢ်ခဲလၢာ်စံးဘၣ်စီၤၡမူၤအ့လး, ဘါထုကဖၣ် န့ၢ်နခ့နပှၤအဂီၢ်လၢယွၤနကစၢ် ဒ်သိးပသုတသံတဂ့ၤ န့ၣ်တက့ၢ်. အဂ့ၢ်ဒ်အံၤ,လၢပဃ့စီၤပၤန့ၣ်,ပပာ်ဖှိၣ်တၢ် အၢတမံၤအံၤလၢ ပတၢ်ဒဲးဘးခဲလၢာ်အဖီခိၣ်လီၤ.
20 ဒီးစီၤၡမူၤအ့လးစံးဘၣ်ပှၤဂီၢ်မုၢ်ခဲလၢာ်န့ၣ်, ပျံၤတ ဂ့ၤ. (သုမၤတၢ်အၢတၢ်သီခဲလၢာ်န့ၣ်ဘၣ်ဆၣ်ဒီး.ဃၣ် ကပၤလၢတၢ်လူၤယွၤအသးန့ၣ်တဂ့ၤ. မၤယွၤအတၢ်
21 လၢသုသးဒီဖျၢၣ်ညါတက့ၢ်. ဒီးဃၣ်ကပၤ, ဒီးပိာ်တၢ် ကလီကလီလၢအတဂိာ်တသီၣ်ဘၣ်လၢ အမၤပူၤမၤ ဖျဲးတၢ်တသ့ဘၣ်အခံန့ၣ်တဂ့ၤ. အဂ့ၢ်ဒ်အံၤ,မ့ၢ်ဝဲလၢ တၢ်ကလီကလီၤလီၤ.)
22 အဂ့ၢ်ဒ်အံၤ,ယွၤတလဲၤသဒၣ် ဘၣ်အပှၤဂီၢ်မုၢ်လၢအမံၤဖးဒိၣ်အဃိဘၣ်လီၤ. အဂ့ၢ် ဒ်အံၤ,ဘၣ်ယွၤအသးလၢအကပာ်သုလၢ အပှၤဂီၢ်မုၢ် န့ၣ်လီၤ.
23 မ့မ့ၢ်ယဲဒၣ်အံၤလၢ ယဘါထုကဖၣ်န့ၢ်သုဂီၢ်န့ၣ် မ် ယသုတဆိတ့ၢ်ဒီးမၤကမၣ်ဘၣ်ယွၤတဂ့ၤ. ယကသိၣ် လိသုလၢကျဲအဂ့ၤအဝါ,ဒီးအတီအလိၤလီၤ.
24 ထဲပျံၤယွၤဒီးမၤအတၢ်လၢ တၢ်မ့ၢ်တၢ်တီလၢသုသး ဒီဖျၢၣ်ညါတက့ၢ်.အဂ့ၢ်ဒ်အံၤ, ကွၢ်ဆိကမိၣ်တၢ်အဒိၣ် တဖၣ်လၢအမၤန့ၢ်သုဂီၢ်တက့ၢ်.
25 မ့မ့ၢ်သုမ့ၢ်မၤဒံးတၢ်အၢဒီး, သုမ့ၢ်ဂ့ၤ,သုစီၤပၤမ့ၢ်ဂ့ၤ ကတုၤလၢတၢ်ဟးဂူာ်ဟးဂီၤလီၤ.