3
1 ဒီးကွဲးန့ၢ်တၢ်အိၣ်ဖှိၣ်လၢစၢ်ဒံအကလူး, ပှၤအိၣ်ဒီး ယွၤအသးနွံဖျၢၣ်, ဒီးဆၣ်နွံဖျၢၣ်တဂၤန့ၣ်,စံးတၢ်ဒ်အံၤ, ယသ့ၣ်ညါနတၢ်ဖံးတၢ်မၤ, ဒီးနမံၤအိၣ်လၢနမူ,ဒီးနသံ လီၤ.
2 ဆိးသီတက့ၢ်. တၢ်လၢအအိၣ်လီၤတဲာ်လၢအ ကသံတ့ၢ်တဖၣ်န့ၣ်,ဒုးဆူၣ်ထီၣ်အဂံၢ်အဘါတက့ၢ်.အ ဂ့ၢ်ဒ်အံၤ, ယတထံၣ်န့ၢ်ဘၣ်နတၢ်ဖံးတၢ်မၤလၢထီၣ်ပှဲၤ ထီၣ်လၢယွၤအမဲာ်ညါဘၣ်.
3 မၤသးဒ်န့ၣ်ဒီး,နဒိးန့ၢ်တၢ် ဒီးနနၢ်ဟူတၢ်ဒ်လဲၣ်ဒ်လဲၣ်န့ၣ်သ့ၣ်နီၣ်ထီၣ်တက့ၢ်. ဒီး တိၢ်န့ၢ်တၢ်,ဒီးပီၢ်ယၢ်လီၤက့ၤနသးတက့ၢ်. နမ့ၢ်တဆိး သီဘၣ်ဒီး,ယကဟဲဆူနအိၣ်,ဒ်တၢ်ဟုၣ်တၢ်ဘျၣ်အသိး ဒီးယကဟဲဆူနအိၣ်နၣ်ရံၣ်ဖဲလဲၣ်ဖဲလဲၣ်န့ၣ်, နတသ့ၣ် ညါဘၣ်.
4 ဘၣ်ဆၣ်ဒီး နအိၣ်ဒီး ပှၤအမံၤလၢစၢ်ဒံအပူၤစှၤဂၤ, လၢအတမၤဘၣ်အၢဘၣ်အကူအသိးန့ၣ်,ဒီးကဟးဝဲဒီး ယၤလၢအကူအသိးဝါလီၤ. အဂ့ၢ်ဒ်အံၤ,မ့ၢ်အဂ့ၤအဘၣ် လီၤ.
5 ပှၤလၢအမၤနၢၤတၢ်န့ၣ်, ကကူကသိးဝဲဒီးတၢ်ဝါ,ဒီး ယတတြူာ်ကွံာ်ဘၣ်အမံၤလၢ လံာ်မူအပူၤလ့ၤတက့ၤ ဘၣ်,ဒီးယကအၢၣ်လီၤအီလီၤအမံၤလၢယပၢ်အမဲာ်ညါ, ဒီးအကလူးတဖၣ်အမဲာ်ညါလီၤ.
6 ပှၤအိၣ်ဒီးအနၢ်, မ်အနၢ်ဟူတၢ်လၢသးန့ၣ် စံးဘၣ် တၢ်အိၣ်ဖှိၣ်တဖၣ်တက့ၢ်.
7 ဒီးကွဲးန့ၢ် တၢ်အိၣ်ဖှိၣ်လၢ ဖံၤလဒ့းလဖံအကလူး တၢ်စီဆှံ, တၢ်မ့ၢ်တၢ်တီ,ပှၤအိၣ်ဒီးစီၤဒၤဝံးအနီၣ်ဝံာ်,ဒီး အိးထီၣ်တၢ်ဒီးပှၤတကးတံာ်ဃာ်ဘၣ်နီတဂၤဘၣ်, ဒီး ကးတံာ်ဃာ်တၢ်ဒီးပှၤ တအိးထီၣ်ဘၣ်နီတဂၤဘၣ်တ ဂၤန့ၣ်,စံးတၢ်ဒ်အံၤ,
8 နတၢ်ဖံးတၢ်မၤယသ့ၣ်ညါလီၤ. ကွၢ်ကွၢ်, ယဟ့ၣ်လံတြဲၤအိၣ်အိးထီၣ်အသးလၢပှၤကး တံာ်ဃာ်အီၤတသ့ဘၣ် နီတဂၤဘၣ်လၢနမဲာ်ညါလီၤ. အဂ့ၢ်ဒ်အံၤ, နအိၣ်ဒီးနဂံၢ်နဘါတဆံးတက့ၢ်, ဒီးနတိၢ် န့ၢ်ယကလုၢ်ယကထါ,ဒီးနတသမၢဘၣ်ယမံၤဘၣ်.
9 ကွၢ်ကွၢ်, ပှၤဘၣ်ဃးဒီး မုၣ်ကီၤလံၢ်အတၢ်အိၣ်ဖှိၣ် လၢအစံးလီၤအသးလၢ ပှၤယူဒၤဖိဒီးတမ့ၢ်ဘၣ်,မ့ၢ်ပှၤ လၢအကတိၤကဘျံးကဘျၣ်တဖၣ်န့ၣ်,ယဟ့ၣ်လီၤလၢ နစုပူၤ,ကွၢ်ကွၢ်,ယကဒုးဟဲအီၤဆူနအိၣ်ဒ်သိးအကဘါ တၢ်လၢနခီၣ်ထံး, ဒီးကသ့ၣ်ညါဝဲလၢယအဲၣ်နၤလီၤ.
10 အဂ့ၢ်ဒ်အံၤ, မ့ၢ်နဟံးဃာ်ယတၢ်ဝံသးစူၤအကလုၢ်အ ကထါဒီး,ယကဟံးဃာ်နၤလၢတၢ်လ့ပစီအနၣ်ရံၣ်လၢ အကဟဲဘၣ်တ့ၢ်ဝဲ, ဒီးလ့ပစီပှၤအိၣ်သကုၤဆးဒးလၢ ဟီၣ်ခိၣ်ချၢန့ၣ်လီၤ.
11 ယဟဲချ့ချ့လီၤ. ဒ်သိးပှၤသုတဟံးန့ၢ်နခိၣ်သလုးတ ဂ့ၤဒီး, ဟံးဃာ်တၢ်အိၣ်ဒီးနၤတက့ၢ်.
12 ပှၤလၢအမၤနၢၤ တၢ်န့ၣ်, ယကမၤအီၤလၢဟံၣ်ထူၣ်လၢယကစၢ်အတၢ် လုၢ်ဟံၣ်ပူၤ, ဒီးတဟးထီၣ်လၢၤဘၣ်ဆူခိဘၣ်.ဒီးယက ကွဲးယကစၢ်အမံၤ, ဒီးယကစၢ်အဝ့ၢ်ယရူၤၡလ့ၣ်အသီ လၢအဟဲလီၤလၢမူခိၣ်လၢယကစၢ်အအိၣ်အမံၤ, ဒီးယ မံၤသီဒၣ်ယဲ,လၢအလိၤန့ၣ်လီၤ.
13 ပှၤအိၣ်ဒီးအနၢ်, မ်အနၢ်ဟူတၢ်လၢ သးန့ၣ်စံးဘၣ် တၢ်အိၣ်ဖှိၣ်တဖၣ်တက့ၢ်.
14 ဒီးကွဲးန့ၢ်တၢ်အိၣ်ဖှိၣ်လၢ လီၤဒံၤကံအကလူး, တၢ် အၤမ့ၣ်, ပှၤအုၣ်အသးအကလုၢ်တီအတီအလိၤ,တၢ်အ ခီၣ်ထံးလၢယွၤတ့လီၤတၢ်တဂၤန့ၣ်,စံးတၢ်ဒ်အံၤ,
15 ယ သ့ၣ်ညါနတၢ်ဖံးတၢ်မၤလၢခုၣ်ဧီၢ်တခုၣ်, ကိၢ်ဧီၢ်တကိၢ် ဘၣ်လီၤ.နခုၣ်မ့ၢ်ဂ့ၤ,နကိၢ်မ့ၢ်ဂ့ၤ, ယသးအိၣ်လၢနကမ့ၢ် တမံၤမံၤလီၤ.
16 မၤသးဒ်န့ၣ်ဒီး, နတခုၣ်ဘၣ်,နတကိၢ် ဘၣ်,မ့ၢ်နလၢၤဒီး, ယကဘှိးထီၣ်ကွံာ်နၤလၢယကိာ်ပူၤ လီၤ.
17 မ့ၢ်နစံးလီၤနသး, ယမ့ၢ်ပှၤအထူးအတီၤ,ဒီးယစု လီၢ်ယခီၣ်ခိၣ်အါထီၣ်လံ, ဒီးယကန့ၢ်ဘၣ်ဒံးတၢ်တမံၤ မံၤအလီၢ်တအိၣ်ဘၣ်, ဒီးနတသ့ၣ်ညါဘၣ်လၢနဘၣ် တၢ်နးတၢ်ဖှီၣ်,ဒီးတၢ်သးကညီၤနၤအလီၢ်အိၣ်,ဒီးနဘၣ် တၢ်ဖှီၣ်တၢ်ယာ်, ဒီးနမဲာ်ဘျီၣ်,ဒီးနအိၣ်ဘ့ၣ်ဆ့သတး ဒီး,
18 ယဒုးကူၣ်ဘၣ်ကူၣ်သ့နၤ,လၢနကပှ့ၤထူလၢအ ဘၣ်ပှံၢ်စီဝဲလၢမ့ၣ်အူလၢယၤ, ဒ်သိးနကထူးထီၣ်တီၤ ထီၣ်, ဒီးဒ်သိးနကကူတၢ်သိးတၢ်, ဒီးနအိၣ်ဘ့ၣ်ဆ့အ တၢ်မဲာ်ဆှးသုတအိၣ်တဂ့ၤဒီး, ပှ့ၤနကူနသိးတၢ်ဝါလၢ ယၤတက့ၢ်.ဒီးဒ်သိးနကထံၣ်ဘၣ်က့ၤတၢ်ဒီး,ဖှူနမဲာ်ဒီး ကသံၣ်မဲာ်ဆါတက့ၢ်.
19 ဖဲဒၣ်ပှၤလၢယအဲၣ်အီၤတဖၣ် န့ၣ်, ယသိၣ်ဃီၣ်အီၤ,ဒီးယသိၣ်က့ၤသီက့ၤအီၤလီၤ.မၤ သးဒ်န့ၣ်ဒီး,ဂဲၤလိာ်ဒီးပီၢ်ယၢ်လီၤက့ၤနသးတက့ၢ်.
20 ကွၢ်ကွၢ်, ယဆၢထၢၣ်လၢတြဲၤအခီၣ်ထံးဒီးဒိတကျိာ် တၢ်လီၤ. ပှၤမ့ၢ်နၢ်ဟူယကလုၢ်ဒီးအိးထီၣ်တြဲၤတဂၤဂၤ ဒီး, ယကလဲၤနုာ်ဆူအအိၣ်,ဒီးအီၣ်ဃုာ်အီဃုာ်တၢ်ဒီး အီၤလၢဟါအီၣ်, ဒီးကအီၣ်ဃုာ်အီဃုာ်ဒီးယၤလီၤ.
21 ပှၤ လၢအမၤနၢၤတၢ်န့ၣ်, ယကဒုးဆ့ၣ်နီၤအီၤဒီးယၤလၢယ လီၢ်ပစိၣ်အဖီခိၣ်, ဒ်ယမၤနၢၤတၢ်ဒီးယဆ့ၣ်နီၤဒီးယပၢ် လၢအလီၢ်ပစိာ်အဖီခိၣ်အသိးန့ၣ်လီၤ.
22 ပှၤအိၣ်ဒီးအနၢ်န့ၣ်, မ်အနၢ်ဟူတၢ်လၢသးန့ၣ်စံးဘၣ် တၢ်အိၣ်ဖှိၣ်တဖၣ်တက့ၢ်.