12
1 ဒီးတၢ်ပနီၣ်လီၤလးဖးဒိၣ် အိၣ်ဖျါထီၣ်လၢမူခိၣ်လီၤ. ပိာ်မုၣ်တဂၤကူသိးဝဲဒီးမုၢ်,ဒီးလါအိၣ်လၢအခီၣ်ဖီလာ်, ဒီးအခိၣ်သလုးလၢအခိၣ်အိၣ်ဒီးဆၣ်တဆံခံဖျၢၣ်လီၤ.-
2 ဒီးဒၢထီၣ်ဝဲ, ဒီးကိးပသူထီၣ်လၢအဟုးဆါ, ဒီးဘၣ်နး ဘၣ်ဖှီၣ်လၢအကဆံးစၢ်အဖိအဃိလီၤ.
3 ဒီးတၢ်ပနီၣ်လီၤလးအဂၤတမံၤ အိၣ်ဖျါထီၣ်လၢမူခိၣ် ဒီး,ကွၢ်ကွၢ်, ပယိၤဂီၤဖးဒိၣ်တဘိအိၣ်ဒီးအခိၣ်နွံဖျၢၣ်ဒီး အနၢၤဆံဆဲၣ်ဘိ, ဒီးခိၣ်သလုးဖိနွံဖျၢၣ်အိၣ်လၢအခိၣ် လီၤ.
4 ဒီးအမဲၢ်ထုးလီၤကွံာ်ဆၣ်ဧိၤဖီဧိၤလၢမူခိၣ်သၢပူ တပူဆူဟီၣ်ခိၣ်ချၢလီၤ.
5 ဒီးပယိၤဆၢထၢၣ်ဝဲလၢ ပိာ်မုၣ်လၢအကဆံးစၢ်အဖိ တဂၤန့ၣ်အမဲာ်ညါ, ဒ်သိးတုၤအဆံးစၢ်ဒီး,ကအီၣ်ကွံာ် အဖိလီၤ. ဒီးဆံးစၢ်အဖိပိာ်ခွါ,လၢအကစံၣ်ညီၣ်ပှၤကိး ကလုာ်ဒဲးလၢအနီၣ်ထိးထးလီၤ. ဒီးတၢ်ဟံးန့ၢ်အဖိဆူ ယွၤအအိၣ်,ဒီးဆူအလီၢ်ပစိာ်လီၤ.
6 ဒီးပိာ်မုၣ်န့ၣ်ဃ့ၢ် ကွံာ်ဆူပှၢ်မုၢ်ကနၢ, ဖဲယွၤကတဲာ်ကတီၤအလီၢ်, ဒ်သိး တၢ်ကလုၢ်အီၣ်လုၢ်အီအီၤလၢ အသီတကထိခံကယၤ ဃုဆံလီၤ.
7 ဒီးတၢ်ဒုးတၢ်ယၤအိၣ်ထီၣ်လၢမူခိၣ်လီၤ. မံၤက့လးဒီး အကလူးတဖၣ်ဒုးတၢ်ဒီးပယိၤ, ဒီးပယိၤဒီးအကလူး သ့ၣ်တဖၣ်န့ၣ်ဒုးတၢ်,
8 ဒီးတမၤနၢၤဘၣ်တၢ်ဘၣ်,ဒီးအ ဝဲသ့ၣ်အလီၢ်တအိၣ်လၢၤဘၣ်လၢမူခိၣ်ဘၣ်.
9 ဒီးပယိၤဖးဒိၣ်, ဂုၢ်လၢအအိၣ်လၢသီတဘိ,ကိးဝဲအ မံၤလၢမုၣ်ကီၤလံၢ်, ဒီးစၤတၣ်လၢအလီန့ၢ်ပှၤဟီၣ်ခိၣ်ဖိ ခဲလၢာ်,ဘၣ်တၢ်တ့ၢ်လီၤအီၤဆူဟီၣ်ခိၣ်ချၢ,ဒီးအကလူး တဖၣ်ဘၣ်တၢ်ဟီထီၣ်ကွံာ်ဒီးအီၤလီၤ.
10 ဒီးယနၢ်ဟူတၢ်ကလုၢ်သီၣ်ဖးဒိၣ်လၢမူခိၣ်စံးဝဲဒၣ်,ခဲ ကနံၣ်အံၤတၢ်အုၣ်က့ၤခီၣ်က့ၤ, ဒီးတၢ်အစိအကမီၤ,ဒီး ပကစၢ်အဘီအမုၢ်, ဒီးခရံာ်အတၢ်ပၢတၢ်ပြးကဲထီၣ်လံ လီၤ.အဂ့ၢ်ဒ်အံၤ,ပှၤလၢအပာ်တၢ်ကမၣ်လၢပဒီပုၢ်ဝဲၢ်အ လိၤ, လၢအပာ်တၢ်ကမၣ်လၢအလိၤလၢယွၤအမဲာ်ညါ လၢမုၢ်ဆါဆဲးလၢမုၢ်နၤတဂၤန့ၣ်,ဘၣ်တၢ်တ့ၢ်လီၤကွံာ် အီၤလီၤ.
11 ဒီးအဝဲသ့ၣ်မၤနၢၤအီၤလၢသိဖိအသွံၣ်, ဒီးလၢ အကလုၢ်လၢအအုၣ်အသးလီၤ. ဒီးတအဲၣ်ဘၣ်အသး ပၢၢ်လၢတၢ်သံန့ၣ်လီၤ.
12 မၤသးဒ်န့ၣ်ဒီး, မူခိၣ်,ဒီးပှၤအိၣ် လၢအပူၤသ့ၣ်ဧၢ,သးခုတက့ၢ်. ပှၤအိၣ်လၢဟီၣ်ခိၣ်ချၢ, ဒီးလၢပီၣ်လဲၣ်ပူၤန့ၣ်, ဘၣ်အဖှီၣ်လီၤ.အဂ့ၢ်ဒ်အံၤ,မုၣ် ကီၤလံၢ်သ့ၣ်ညါလၢအဆၢအကတီၢ် အိၣ်ထဲတစိၢ်ဖိသ တးဒီး, ဟဲလီၤဝဲဆူသုအိၣ်,အိၣ်ဒီးအသးဒိၣ်ထီၣ်ဒိၣ်မး လီၤ.
13 ဒီးတုၤပယိၤထံၣ်လၢအဘၣ် တၢ်တ့ၢ်လီၤကွံာ်အီၤဆူ ဟီၣ်ခိၣ်ချၢန့ၣ်ဒီး, မၤအၢမၤသီပိာ်မုၣ်လၢအဆံးစၢ်အဖိ ပိာ်ခွါလီၤ.
14 ဒီးတၢ်ဟ့ၣ်ပိာ်မုၣ်လၢလံာ်ဖးဒိၣ်အဒံးဆ့ခံ ဘ့ၣ်ဒ်သိးအကယူၤဝဲဆူပှၢ်မုၢ်ကနၢ, ဆူအလီၢ်ဒၣ်ဝဲဖဲ တၢ်ကလုၢ်အီၣ်လုၢ်အီအီၤလၢဆၢအလီၢ်တဆၢ, ဒီးအ ဆၢတဖၣ်,ဒီးတခီဆၢ,ဒီးပူၤဖျဲးဝဲလၢဂုၢ်န့ၣ်လီၤ.
15 ဒီးဂုၢ်န့ၣ်ပှဲာ်ထွဲပိာ်မုၣ်အခံလၢထံလၢအကိာ်ပူၤ,ဒ်ထံ မိၢ်ပှၢ်အသိး,ဒ်သိးထံကဆူဘၣ်အီၤလီၤ.
16 ဒီးဟီၣ်ခိၣ်မၤ စၢၤပိာ်မုၣ်, ဒီးဟီၣ်ခိၣ်အိးထီၣ်အကိာ်ပူၤ, ဒီးယူၢ်လီၤ ကွံာ်ထံမိၢ်ပှၢ်လၢပယိၤပှဲာ်ထီၣ်လၢအကိာ်ပူၤန့ၣ်လီၤ.
17 ဒီးပယိၤအသးဒိၣ်ထီၣ်ပိာ်မုၣ်, ဒီးလဲၤဒုးတၢ်ဒီးအချံ အသၣ်လၢအအိၣ်လီၤတဲာ်, လၢအတိၢ်န့ၢ်ယွၤအတၢ်မၤ လိာ်, ဒီးအိၣ်ဒီးတၢ်အုၣ်အသးဘၣ်ဃးဒီးယ့ၣ်ရှူးတဖၣ် န့ၣ်လီၤ.ဒီးဆၢထၢၣ်လၢမဲးခိၣ်လၢပီၣ်လဲၣ်နံၤလီၤ.