2
1 မၤသးဒ်န့ၣ်ဒီး, ပှၤကညီလၢအစံၣ်ညီၣ်တၢ်ကိးဂၤဒဲး ဧၢ,နကတိၤပူၤဖျဲးနသးအလီၢ်တအိၣ်ဘၣ်. အဂ့ၢ်ဒ်အံၤ, တၢ်လၢနစံၣ်ညီၣ်ပှၤဂၤန့ၣ်, နစံၣ်ညီၣ်ဃၣ်နသးဒၣ်နဲ လီၤ.
2 အဂ့ၢ်ဒ်အံၤ,ပှၤလၢအစံၣ်ညီၣ်တၢ်,နဲဒၣ်အံၤ,နမၤ တၢ်ဒ်သိးသိးလီၤ. ဒီးပသ့ၣ်ညါလၢ ယွၤအတၢ်စံၣ်ညီၣ် မ့ၢ်ဖဲဒၣ်တၢ်မ့ၢ်တၢ်တီလၢ ပှၤမၤတၢ်ဒ်န့ၣ်အသိးအလိၤ လီၤ.
3 ဒီးပှၤလၢအစံၣ်ညီၣ်ပှၤလၢအမၤတၢ်ဒ်န့ၣ်သိးတ ဖၣ်, ဒီးမၤဝဲဒ်သိးသိးပှၤကညီဧၢ,မ့ၢ်နဆိကမိၣ်လၢနက ပူၤဖျဲးဒီးယွၤအတၢ်စံၣ်ညီၣ်န့ၣ်ဧါ.
4 မ့တမ့ၢ်ဘၣ်ဒီး,မ့ၢ်န တသ့ၣ်ညါဘၣ်လၢ ယွၤအဘျုးအဖှိၣ်ဆှၢနၤဆူတၢ်ပီၢ် ယၢ်လီၤက့ၤနသးဘၣ်ဒီး, နမၤတရီတပါယွၤအဘျုးထူး အဖှိၣ်တီၤ, ဒီးအတၢ်ကီၤအသး, ဒီးအတၢ်ဝံသးစူၤန့ၣ် ဧါ.
5 ဘၣ်ဆၣ်ဒီး, ဒ်နသးကိၤ,ဒီးနသးတပီၢ်ယၢ်လီၤက့ၤ အသးဘၣ်အသိးန့ၣ်, နပာ်ဖှိၣ်တၢ်သးဒိၣ်လၢနဂီၢ်ဒၣ်နဲ, တုၤတၢ်သးဒိၣ်အနံၤအသီဒီး ယွၤအတၢ်စံၣ်ညီၣ်တီအိၣ် ဖျါန့ၣ်လီၤ.
6 အဝဲဒၣ်ကဟ့ၣ်တၢ်လၢပှၤ,ဒ်အတၢ်မၤတ ဖၣ်အသိးစုာ်စုာ်လီၤ.
7 လၢပှၤလၢအဝံသးစူၤမၤတၢ်ဂ့ၤ ဒီးဃုတၢ်လၤကပီၤ, ဒီးတၢ်ယူးတၢ်ယီၣ်,ဒီးတၢ်သံတသ့ ဘၣ်တဖၣ်န့ၣ်, တၢ်မူအထူအယိာ်လီၤ.
8 မ့မ့ၢ်လၢပှၤလၢ အဂ့ၢ်လိာ်ဘှီလိာ်, ဒီးတစူၢ်ဘၣ်တၢ်မ့ၢ်တၢ်တီဘၣ်,ဒီးစူၢ် ဝဲလၢတၢ်တတီတလိၤဘၣ်တဖၣ်န့ၣ်, တၢ်သးဒိၣ်, ဒီး တၢ်သးကဲၤထီၣ်,
9 တၢ်နးတၢ်ဖှီၣ်,ဒီးတၢ်ကီတၢ်ခဲ,လၢ ကယဲၢ်ပှၤလၢအမၤတၢ်အၢတဂၤလၢ်လၢ်အလိၤ, ပှၤယူ ဒၤဖိလၢအဆိ, ဒီးပှၤဟ့းလ့ၣ်ဖိစ့ၢ်ကီးလီၤ.
10 မ့မ့ၢ်တၢ်လၤ တၢ်ကပီၤ, ဒီးတၢ်ယူးတၢ်ယီၣ်,ဒီးတၢ်ဃူတၢ်ဖိးလၢက ယဲၢ်ပှၤလၢအမၤတၢ်ဂ့ၤတဂၤလၢ်လၢ်အလိၤ, ပှၤယူဒၤဖိ လၢအဆိ,ဒီးပှၤဟ့းလ့ၣ်ဖိစ့ၢ်ကီးလီၤ.
11 အဂ့ၢ်ဒ်အံၤ, ယွၤတကွၢ်ဒိၣ်ဆံးအါစှၤဘၣ်တၢ်ဘၣ်.
12 အဂ့ၢ်ဒ်အံၤ, ဖဲဒၣ်ပှၤလၢအတအိၣ်ဘၣ်ဒီးတၢ်သိၣ်တၢ်သီဒီးမၤတၢ်ဒဲးဘးတဖၣ်န့ၣ်, တအိၣ်စ့ၢ်ကီးဘၣ်ဒီးတၢ်သိၣ်တၢ်သီဘၣ်ဒီး, ကတုၤဝဲလၢတၢ်ဟးဂီၤလီၤ.ဒီးဖဲဒၣ်ပှၤလၢအအိၣ်ဒီးတၢ်သိၣ်တၢ်သီဒီး, မၤတၢ်ဒဲးဘးတဖၣ်န့ၣ်, ကဘၣ်တၢ်စံၣ်ညီၣ်လၢတၢ်သိၣ်တၢ်သီန့ၣ်လီၤ.-
13 (အဂ့ၢ်ဒ်အံၤ, ပှၤလၢအနၢ်ဟူတၢ်သိၣ်တၢ်သီတဖၣ်န့ၣ်, တမ့ၢ်ဘၣ်အတီဝဲလိၤဝဲလၢယွၤအမဲာ်ညါဘၣ်. မ့ၢ်ပှၤ လၢအတိၢ်န့ၢ်တၢ်သိၣ်တၢ်သီတဖၣ်, ကဘၣ်တၢ်ပာ်တီ ပာ်လိၤအီၤလီၤ.
14 အဂ့ၢ်ဒ်အံၤ, တုၤပှၤကလုာ်တဖၣ်လၢ အတအိၣ်ဘၣ်ဒီးတၢ်သိၣ်တၢ်သီဘၣ်န့ၣ်, တိၢ်န့ၢ်ဒၣ် တၢ်လၢတၢ်သိၣ်တၢ်သီန့ၣ်ဒီး, တၢ်သိၣ်တၢ်သီတအိၣ် ဘၣ်ဒီး,အဝဲသ့ၣ်တဖၣ်န့ၣ်, မ့ၢ်တၢ်သိၣ်တၢ်သီလၢအဂီၢ် ဒၣ်ဝဲလီၤ.
15 အဝဲသ့ၣ်တဖၣ်န့ၣ်, အသးလၢအသ့ၣ်ညါ ဒၣ်တၢ်အုၣ်ဒၣ်အသးဒီး, မ့ၢ်တၢ်ဒဲးဘးမ့ၢ်ဂ့ၤ,တၢ်မၤပူၤ ဖျဲးမ့ၢ်ဂ့ၤ, အတၢ်ဆိကမိၣ်ပာ်ဒၣ်လၢအလိၤယၢ်ခီယၢ်ခီ သတးဒီး, ဒုးနဲၣ်ဝဲလၢတၢ်သိၣ်တၢ်သီအတၢ်မၤအိၣ်ကွဲး အသးလၢအသးအလိၤလီၤ).
16 လၢမုၢ်တနံၤလၢယွၤက စံၣ်ညီၣ်ပှၤကညီအတၢ်ခူသူၣ်တဖၣ် လၢယ့ၣ်ရှူးခရံာ်အ စုပူၤ,ဒ်ယတၢ်သးခုအကစီၣ်အသိးန့ၣ်လီၤ.
17 ဘၣ်ဆၣ်ဒီးတၢ်မ့ၢ်ကိးနၤလၢပှၤယူဒၤဖိ, ဒီးနမ့ၢ်သ နံာ်သန့ၤနသးလၢတၢ်သိၣ်တၢ်သီ, ဒီးနမ့ၢ်ပာ်ထီၣ်နသး ကဖၢလၢလၢယွၤအပူၤ,
18 ဒီးနမ့ၢ်သ့ၣ်ညါအသး,ဒီးနမ့ၢ် ဘၣ်တၢ်သိၣ်လိနၤလၢတၢ်သိၣ်တၢ်သီ, ဒီးနမ့ၢ်အၢၣ်လီၤ အီလီၤတၢ်ဂ့ၤလီၤဆီဒၣ်တၢ်တဖၣ်,
19 ဒီးနမ့ၢ်နာ်လီၤန သးလၢနမ့ၢ်ပှၤဆှၢပှၤမဲာ်ဘျီၣ်, ဒီးတၢ်ကပီၤလၢပှၤအိၣ် လၢတၢ်ခံးကျါအဂီၢ်,
20 ဒီးပှၤသိၣ်က့ၤသီက့ၤပှၤလၢအ တသ့ၣ်ညါဘၣ်တၢ်ဘၣ်, ဖိဒံဖိသၣ်အသရၣ်,ပှၤအိၣ်ဒီး တၢ်မ့ၢ်တၢ်တီအက့ၢ်အဂီၤ လၢတၢ်သိၣ်တၢ်သီအပူၤသ တးဒီး,
21 ပှၤလၢအသိၣ်လိပှၤဂၤ,နၤဧၢ, မ့ၢ်နတသိၣ်လိ လီၤဒၣ်နသးဘၣ်ဧါ.ပှၤလၢအစံး, သုတဟုၣ်တၢ်တဂ့ၤ, နၤဧၢ,မ့ၢ်နဟုၣ်တၢ်စ့ၢ်ကီးဧါ.
22 ပှၤလၢအစံး,သုတအဲၣ် ဘၢတၢ်တဂ့ၤ,နၤဧၢ, မ့ၢ်နအဲၣ်ဘၢတၢ်စ့ၢ်ကီးဧါ.ပှၤလၢ အသးဘၣ်အၢတၢ်ဂီၤတဖၣ်,နၤဧၢ, မ့ၢ်နဟုၣ်တၢ်ဘၣ် ဃးဒီးကစၢ်အဟံၣ်စ့ၢ်ကီးဧါ.
23 ပှၤလၢအပာ်ထီၣ်အသး ကဖၢလၢလၢတၢ်သိၣ်တၢ်သီအပူၤ, နၤဧၢ, နမၤဟးဂီၤ ယွၤအလၤကပီၤလၢ နလုၣ်သ့ၣ်ခါပတာ်တၢ်သိၣ်တၢ် သီ,စ့ၢ်ကီးဧါ.
24 အဂ့ၢ်ဒ်အံၤ,ဒ်တၢ်ကွဲးအသးအသိးန့ၣ်, ယွၤအမံၤ ဘၣ်တၢ်ဒုၣ်ဒွဲၣ်လၢ ပှၤကလုာ်တဖၣ်အကျါ, လၢသုဃိလီၤ.Ref 2.24 ဃ့း. ၃၆း၂၀.
25 အဂ့ၢ်ဒ်အံၤ,နမ့ၢ်တိၢ်န့ၢ်တၢ်သိၣ်တၢ်သီဒီး,တၢ်ကူးတ ရံးအိၣ်ဒီးအဘျုးလီၤ. မ့မ့ၢ်နမ့ၢ်လုၣ်သ့ၣ်ခါပတာ်တၢ် သိၣ်တၢ်သီဒီး, နတၢ်ကူးတရံးကဲထီၣ်ဝဲလၢတၢ်တကူး တရံးဘၣ်လီၤ.
26 မၤသးဒ်န့ၣ်ဒီးပှၤလၢအတဒိးဘၣ်တၢ် ကူးတရံးဘၣ်, မ့ၢ်တိၢ်န့ၢ်တၢ်သိၣ်တၢ်သီအတၢ်မၤလိာ် ဒီး, တၢ်ကပာ်က့ၤအတၢ်တကူးတရံးဘၣ်လၢတၢ်ကူး တရံးန့ၣ်,တမ့ၢ်ဘၣ်ဧါ.
27 ဒီးပှၤတဒိးဘၣ်တၢ်ကူးတရံး ဒ်အလုၢ်အလၢ်အသိး, မ့ၢ်တိၢ်န့ၢ်တၢ်သိၣ်တၢ်သီဒီး,က စံၣ်ညီၣ်နၤလၢအအိၣ်ဒီးလံာ်ဖျၢၣ် ဒီးတၢ်ကူးတရံး, ဒီး လုၣ်သ့ၣ်ခါပတာ်တၢ်သိၣ်တၢ်သီ, တမ့ၢ်ဘၣ်ဧါ.
28 အဂ့ၢ် ဒ်အံၤ,တၢ်အိၣ်ဖျါန့ၣ်, တမ့ၢ်ဘၣ်ပှၤယူဒၤဖိဘၣ်,ဒီးတၢ် အိၣ်ဖျါလၢတၢ်ဖံးတၢ်ညၣ်, တမ့ၢ်ဘၣ်တၢ်ကူးတရံး ဘၣ်.
29 မ့မ့ၢ်ပှၤယူဒၤဖိမ့ၢ်တၢ်အိၣ်ခူသူၣ်,ဒီးတၢ်ကူးတ ရံးမ့ၢ်တၢ်လၢသူၣ်လၢသး, ဘၣ်ဃးဒီးသး,ဒီးတမ့ၢ်ဘၣ် လၢလံာ်အဖျၢၣ်ဘၣ်. ဒီးအတၢ်စံးထီၣ်ပတြၢၤ တဟဲ ဘၣ်လၢပှၤကညီဘၣ်,မ့ၢ်လၢယွၤလီၤ.