14
1 ဒီးပှၤဂံၢ်စၢ်ဘါစၢ်လၢတၢ်နာ်န့ၣ်, တူၢ်လိာ်အီၤဘၣ် ဆၣ်ဒီး, လၢတၢ်တဲးလိာ်ဃိလိာ် ဘၣ်ဃးဒီးတၢ်ဆိက မိၣ်န့ၣ်တမ့ၢ်ဘၣ်.
2 ပှၤတနီၤနီၤနာ်ဝဲလၢအဂ့ၤအီၣ်တၢ် ခဲလၢာ်လီၤ. မ့မ့ၢ်ပှၤလၢအဂံၢ်စၢ်အဘါစၢ်န့ၣ်,အီၣ်တၢ် ဒိးတၢ်လၣ်လီၤ.
3 ပှၤလၢအအီၣ်တၢ်န့ၣ်, မ်အသုတမၤ တရီတပါပှၤလၢအတအီၣ်ဘၣ်တၢ်န့ၣ်တဂ့ၤ. ဒီးပှၤလၢ အတအီၣ်ဘၣ်တၢ်န့ၣ်, မ်အသုတစံၣ်ညီၣ်ပှၤလၢအအီၣ် တၢ်န့ၣ်တဂ့ၤ. အဂ့ၢ်ဒ်အံၤ,ယွၤတူၢ်လိာ်အီၤလံ.
4 ပှၤလၢ အစံၣ်ညီၣ်ပှၤဂၤအခ့အပှၤနဲဒၣ်အံၤ, နမ့ၢ်မတၤတဂၤ လဲၣ်. အဝဲဒၣ်န့ၣ်ဆၢထၢၣ်မ့ၢ်ဂ့ၤ,လီၤဃံၤမ့ၢ်ဂ့ၤ,မ့ၢ်လၢ အကစၢ်တဂၤဒၣ်ဝဲအမဲာ်ညါလီၤ. ဒီးကဆၢထၢၣ်ဝဲလီၤ. အဂ့ၢ်ဒ်အံၤ,ကစၢ်ဒုးဆၢထၢၣ်အီၤသ့လီၤ.
5 ပှၤတဂၤစံၣ်ညီၣ်ဝဲလၢမုၢ်တနံၤန့ၣ်, ဂ့ၤန့ၢ်မုၢ်နံၤအဂၤ တဖၣ်တက့ၢ်လီၤ. ဒီးပှၤတဂၤစံၣ်ညီၣ်ဝဲလၢကိးမုၢ်နံၤဂ့ၤ ဒ်သိးသိးလီၤ. မ်ပှၤနာ်ဝဲလၢလၢပှဲၤပှဲၤလၢအသးဒၣ်ဝဲ ကိးအဂၤဒဲးတက့ၢ်.
6 ပှၤလၢအတိၢ်မုၢ်တနံၤန့ၣ်, တိၢ်ဝဲ လၢယွၤအဃိ, ဒီးပှၤလၢအတတိၢ်ဘၣ်မုၢ်တနံၤန့ၣ်,တ တိၢ်ဘၣ်ဝဲ, မ့ၢ်လၢယွၤအဃိလီၤ. ဒီးပှၤလၢအအီၣ်တၢ် န့ၣ်,အီၣ်တၢ်လၢယွၤအဃိလီၤ. အဂ့ၢ်ဒ်အံၤ,မ့ၢ်အစံးထီၣ် ပတြၢၤယွၤအဘျုးအဖှိၣ်လီၤ. ဒီးပှၤလၢအတအီၣ်ဘၣ် တၢ်န့ၣ်, တအီၣ်ဘၣ်ဝဲ, မ့ၢ်လၢယွၤအဃိ,ဒီးစံးထီၣ်ပ တြၢၤယွၤအဘျုးအဖှိၣ်လီၤ.
7 အဂ့ၢ်ဒ်အံၤ, ပတမူဘၣ်လၢပဂီၢ်ဒၣ်ဝဲနီတဂၤဘၣ်,ဒီး ပတသံဘၣ်လၢပဂီၢ်ဒၣ်ပဝဲနီတဂၤဘၣ်.
8 အဂ့ၢ်ဒ်အံၣ်, ပမ့ၢ်မူဒီး, ပမူလၢကစၢ်အဂီၢ်,ဒီးပမ့ၢ်သံဒီး,ပသံလၢက စၢ်အဂီၢ်လီၤ. မၤသးဒ်န့ၣ်ဒီး,ပမူမ့ၢ်ဂ့ၤ,ပသံမ့ၢ်ဂ့ၤ,ပမ့ၢ်က စၢ်အတၢ်လီၤ.
9 အဂ့ၢ်ဒ်အံၤ,ဒ်သိးအကကဲထီၣ်ပှၤသံဒီး ပှၤမူတဖၣ်အကစၢ်ဒီး, ခရံာ်သံဝဲဒီး မူထီၣ်က့ၤဝဲလီၤ.
10 ဒီးနဲဒၣ်အံၤ, နစံၣ်ညီၣ်နဒီပုၢ်ဝဲၢ်ဘၣ်မနုၤလဲၣ်,ဒီးနမၤ တရီတပါနဒီပုၢ်ဝဲၢ်ဘၣ်မနုၤလဲၣ်. အဂ့ၢ်ဒ်အံၤ,ပဘၣ်ဆၢ ထၢၣ်လၢ ခရံာ်စံၣ်ညီၣ်တၢ် အလီၢ်ပစိာ် အမဲာ်ညါခဲ လၢာ်လီၤ.
11 အဂ့ၢ်ဒ်အံၤ, တၢ်ကွဲးအသး,ကစၢ်စံးဝဲဒၣ်, ယမူယဲ, ဒီးကယဲၢ်ပှၤကချံးလီၤအခီၣ်လ့ၢ်ခိၣ်လၢယမဲာ် ညါ,ဒီးကယဲၢ်ပှၤအပျ့ၤကအၢၣ်လီၤအီလီၤယွၤကိးအဂၤ ဒဲးလီၤ.Ref 14.11 ၡါ. ၄၅း၂၃
12 မၤသးဒ်န့ၣ်ဒီး,ပဘၣ်ဟ့ၣ်တၢ်စံး ဆၢလၢယွၤလၢပကစၢ်ဒၣ်ပဝဲအဂ့ၢ်ကိးဂၤဒဲးလီၤ.
13 မၤသးဒ်န့ၣ်ဒီး, ပသုတစံၣ်ညီၣ်လိာ်လၢၤပသးသကိး သကိးတဂ့ၤ. မ့မ့ၢ်မ်ပစံၣ်ညီၣ်တၢ်အံၤတမံၤတက့ၢ်,လၢ ပှၤသုတပာ်တၢ်ဘၣ်တိၢ်အလီၢ်မ့ၢ်ဂ့ၤ, တၢ်လီၤဃံၤအ လီၢ်မ့ၢ်ဂ့ၤ, လၢအဒီပုၢ်ဝဲၢ်အကျဲတဂ့ၤ.
14 ယသ့ၣ်ညါဒီး တၢ်ဒုးနာ်ယၤသပှၢ်တၢၢ်လၢ ကစၢ်ယ့ၣ်ရှူးအပူၤ, လၢ တၢ်တကဆှီဒၣ်တၢ်တအိၣ်ဘၣ်နီတမံၤဘၣ်. ဘၣ်ဆၣ် ဒီးပှၤလၢအဆိကမိၣ် လၢတၢ်တမံၤမံၤမ့ၢ်တၢ်တကဆှီ ဘၣ်ဒီး,တၢ်န့ၣ်မ့ၢ်တၢ်တကဆှီဘၣ်လၢအဂီၢ်လီၤ.
15 ဒီး နဒီပုၢ်ဝဲၢ်အသးမ့ၢ်ဆါလၢနတၢ်အီၣ်အဃိဒီး, နတလဲၤ လၢၤဘၣ်ဒ်တၢ်အဲၣ်တၢ်ကွံအသိးဘၣ်. ပှၤလၢခရံာ်ဒိး သံအသးလၢအဂီၢ်န့ၣ်, နသုတမၤဟးဂီၤအီၤလၢနတၢ် အီၣ်န့ၣ်တဂ့ၤ.
16 မၤသးဒ်န့ၣ်ဒီး,သုတၢ်ဂ့ၤန့ၣ်မ်အသုတ ဘၣ်တၢ်ဒုၣ်ဒွဲၣ်အီၤတဂ့ၤ.
17 အဂ့ၢ်ဒ်အံၤ, ယွၤအဘီအမုၢ် တမ့ၢ်ဘၣ်တၢ်အီၣ်တၢ်အီဘၣ်. မ့ၢ်တၢ်တီတၢ်လိၤ, ဒီး တၢ်ဃူတၢ်ဖိး, ဒီးတၢ်သးခုလၢသးစီဆှံအပူၤလီၤ.
18 အ ဂ့ၢ်ဒ်အံၤ, ပှၤလၢအမၤခရံာ်အတၢ်လၢတၢ်န့ၣ်တဖၣ်အ ပူၤန့ၣ်, မ့ၢ်တၢ်ဘၣ်ယွၤအသးဒီး,တၢ်ဂ့ၤလၢပှၤကညီအ မဲာ်ညါလီၤ.
19 မၤသးဒ်န့ၣ်ဒီး, မ်ပလူၤတၢ်ဘၣ်ဃးဒီးတၢ်ဃူတၢ်ဖိး, ဒီးတၢ်ဒုးထီၣ်ဒုးထီလိာ်အသးသကိးသကိးတက့ၢ်.
20 သုတမၤဟးဂီၤယွၤ အတၢ်မၤလၢ တၢ်အီၣ်အဃိတဂ့ၤ. တၢ်ခဲလၢာ်မ့ၢ်အကဆှီလီၤ. ဘၣ်ဆၣ်ဒီး,ပှၤလၢအအီၣ် တၢ်တုၤအကဲထီၣ် တၢ်ဘၣ်တိၢ်အလီၢ်န့ၣ် မ့ၢ်တၢ်အၢ လၢအဂီၢ်လီၤ.
21 အီၣ်တၢ်ညၣ်မ့ၢ်ဂ့ၤ, အီစပံးထံမ့ၢ်ဂ့ၤ,မၤ တၢ်အဂုၤအဂၤလၢအကမၤနဒီပုၢ်ဝဲၢ်ဘၣ်တိၢ်မ့ၢ်ဂ့ၤ, ဘၣ် တၢ်လီၤကမၣ်မ့ၢ်ဂ့ၤ, ဘၣ်တၢ်မၤစၢ်လီၤအဂံၢ်အဘါမ့ၢ် ဂ့ၤ, ဂ့ၤဟးဆှဲးပှၤလီၤ.
22 နတၢ်နာ်အိၣ်ဧါ.မ်အအိၣ်ဒီးန ကစၢ်ဒၣ်နဲလၢယွၤအမဲာ်ညါတက့ၢ်. ပှၤလၢအတစံၣ် ညီၣ်ဃၣ်လီၤအသးလၢအတၢ်မၤဒၣ်ဝဲန့ၣ်အဃိ, ဘၣ် ဆိၣ်ဂ့ၤဝဲလီၤ.
23 ဘၣ်ဆၣ်ဒီးပှၤလၢအသးဒ့ဒီ, မ့ၢ်အီၣ်မ့ၢ် အီတၢ်ဒီး, မ့ၢ်အဘၣ်တၢ်စံၣ်ညီၣ်ဃၣ်လီၤ. အဂ့ၢ်ဒ်အံၤ, တဘၣ်ဃးဘၣ်ဒီးတၢ်နာ်ဘၣ်. ဒီးကယဲၢ်တၢ်လၢအတ ဘၣ်ဃးဘၣ်ဒီးတၢ်နာ်န့ၣ်,မ့ၢ်တၢ်ဒဲးဘးလီၤ.