4
1 ဒီးတ့ဝဲလၢတၢ်လုၢ်လီၢ်တိၢ်, အထီအပျၢ်ခံဆံ, ဒီးအ ဒီၣ်ဃီၤအပျၢ်ခံဆံ, ဒီးအကစီၤထီၣ်ဆံဆဲၣ်ပျၢ်လီၤ.
2 ဒီးသိဝဲလၢပီၣ်လဲၣ်တဖျၢၣ်လီၤ. အဘၢၣ်စၢၤလၢအ ဃၢၤတခီပၢၢ်လၢအဃၢၤအဝဲတခီ, မ့ၢ်အပျၢ်တဆံလီၤ. မ့ၢ်တၢ်ဖျၢၣ်သလၢၣ်ဝးတရံးဝဲ, ဒီးအကစီၤထီၣ်မ့ၢ်ယဲၢ် ပျၢ်ဒီးပျံၤအထီအပျၢ်သၢဆံဝးတရံးအီၤလီၤ.
3 ဒီးလၢအဖီလာ်န့ၣ် အိၣ်ဝဲဒီးဂီၤဖံးအဂီၤ ဝးတရံးတ ပျၢ်ဆံဆဲၣ်ဒု, တပျၢ်ဆံဆဲၣ်ဒု, ဝးတရံးပီၣ်လဲၣ်ဒီဖျၢၣ် ညါလီၤ. ဂီၤဖံးတဖၣ်န့ၣ်ဘၣ်သိအသးလၢ ခံဂ့ၢ်ဖဲပီၣ် လဲၣ်ဘၣ်သိအသးလီၤ.
4 ဒီးအိၣ်ဝဲလၢဂီၤဖံးတဆံခံဒုအဖီခိၣ်လီၤ. သၢဒုကွၢ်ဝဲ ဆူကလံၤစိး, ဒီးသၢဒုကွၢ်ဝဲဆူမုၢ်နုာ်, ဒီးသၢဒုကွၢ်ဝဲ ဆူကလံၤထံး, ဒီးသၢဒုကွၢ်ဝဲဆူမုၢ်ထီၣ်လီၤ. ဒီးပီၣ်လဲၣ် န့ၣ်အိၣ်ဝဲလၢအဖီခိၣ်,ဒီးအခံအိၣ်ဆူတၢ်အပူၤတခီလီၤ.
5 ဒီးအတီၣ်မ့ၢ်တဖံး, ဒီးအခိၣ်ဒူမၤအသးဒ်သလၢအ ခိၣ်ဒူအသိးန့ၣ်အိၣ်ဝဲဒီးဖီဒ့ၣ်ညါအဖီတဖၣ်လီၤ. ဒီးတြီၢ် ဝဲလၢဘၤသးသၢကထိလီၤ.
6 ဒီးမၤသရာ်ဆံဆဲၣ်ဖျၢၣ်, ဒီးပာ်ဝဲယဲၢ်ဖျၢၣ်လၢစုထွဲတ ခီ, ဒီးယဲၢ်ဖျၢၣ်လၢစုစ့ၣ်တခီ, ဒ်သိးပှၤကသ့ကွံာ်တၢ်လၢ အပူၤလီၤ. တၢ်လၢပှၤလုၢ်တၢ်လၢတၢ်လုၢ်မ့ၣ်အူအဂီၢ်န့ၣ် သ့ကွံာ်ဝဲလၢအပူၤလီၤ. မ့မ့ၢ်ပီၣ်လဲၣ်တဖျၢၣ်န့ၣ်အိၣ်ဝဲ လၢပှၤလုၢ်တၢ်အဒိၣ်သ့ကွံာ်အသးလၢအပူၤအဂီၢ်လီၤ.
7 ဒီးတ့မ့ၣ်အူဒၢထူ ဒ်အတၢ်ဂီၤအသိးန့ၣ်ဆံဆဲၣ်ဖျၢၣ်, ဒီးပာ်ဝဲလၢနူၢ်ပူၤ, ယဲၢ်ဖျၢၣ်လၢစုထွဲတခီ, ဒီးယဲၢ်ဖျၢၣ် လၢစုစ့ၣ်တခီလီၤ.
8 ဒီးတ့ဝဲလၢစီၢ်နီၤခိၣ် ဆံဆဲၣ်ဖျၢၣ်, ဒီးပာ်ဝဲလၢနူၢ်ပူၤ ယဲၢ်ဖျၢၣ်လၢစုထွဲတခီ, ဒီးယဲၢ်ဖျၢၣ်လၢ စုစ့ၣ်တခီလီၤ. ဒီးတ့သလၢထူအဖျၢၣ်တကယၤလီၤ.
9 ဒီးမၤပှၤလုၢ်တၢ်အဒိၣ်အဂၢၤ, ဒီးဂၢၤဖးဒိၣ်, ဒီးတြဲၤ လၢတၢ်ဂၢၤအဂီၢ်, ဒီးပီၤတြဲၤလၢတိၢ်လီၤ.
10 ဒီးပာ်ပီၣ်လဲၣ်တဖျၢၣ်လၢစုထွဲတခီ လၢမုၢ်ထီၣ်အက ပၤ, သဃီၤဝဲဒီးကလံၤထံးန့ၣ်လီၤ.
11 ဒီးစီၤဃူရၣ်တ့သပၢၤ, ဒီးတပူာ်, ဒီးသလၢတဖၣ်လီၤ. စီၤဃူရၣ်မၤဝံၤတၢ်မၤ လၢအမၤဝဲလၢ စီၤၡလိၤမိၤအဂီၢ် လၢယွၤအဟံၣ်အဂီၢ်,
12 ထူၣ်ခံထူၣ်န့ၣ်, ဒီးသလၢတဖၣ် ဒီးတၢ်အခိၣ်ခံဖျၢၣ်လၢအအိၣ်ဝဲလၢထူၣ်အဖီခိၣ်, ဒီးစၤ အတၢ်မၤခံဘ့ၣ်, ဒ်သိးအကကျၢၢ်ဘၢတၢ်အခိၣ်လၢအ အိၣ်ဝဲလၢထူၣ်အဖီခိၣ်န့ၣ် အသလၢခံဖျၢၣ်,
13 ဒီးသလဲ သၣ်လွံၢ်ကယၤလၢစၤအတၢ်မၤခံဘ့ၣ်အဂီၢ်, သလဲသၣ် ခံဂ့ၢ်လၢစၤအတၢ်မၤတဘ့ၣ်အဂီၢ်, သလဲသၣ်ခံဂ့ၢ်လၢ စၤအတၢ်မၤတဘ့ၣ်အဂီၢ် ဒ်သိးအကကျၢၢ်ဘၢ တၢ်အ ခိၣ်လၢအအိၣ်ဝဲလၢ ထူၣ်အဖီခိၣ်န့ၣ် အသလၢခံဖျၢၣ် လီၤ.
14 ဒီးတ့တၢ်အခီၣ်ထံးတဖၣ်, ဒီးသရာ်တဖၣ်န့ၣ် တ့ဝဲလၢခီၣ်ထံးတဖၣ်အဖီခိၣ်,
15 ပီၣ်လဲၣ်တဖျၢၣ်, ဒီး ဂီၤဖံးတဆံခံဒုအိၣ်ဝဲလၢအဖီလာ်လီၤ.
16 ဒီးသပၢၤ, ဒီး တပူာ်, ဒီးနီၣ်ဆဲး, ဒီးကယဲၢ်တၢ်အဃၢၤအဃိၢ်ခဲလၢာ် န့ၣ်စီၤဃူရၣ်အဘံမၤဝဲလၢ တိၢ်ဂ့ၤလၢစီၤပၤၡလိၤမိၤအ ဂီၢ်, လၢယွၤအဟံၣ်အဂီၢ်န့ၣ်လီၤ.
17 ဒီးစီၤပၤသိအီၤလၢယၢ်ဒ့ၣ်အတၢ်ပျီပူၤ, လၢကပံာ်ကျါ လၢစူးကိၤသး, ဒီးစၢ်ဒသၤအဘၢၣ်စၢၤလီၤ.
18 ဒီးမ့ၢ်စီၤၡလိၤမိၤ တ့တၢ်ဖိတၢ်လံၤခဲလၢာ် အိၣ်ဝဲအါ အါကလဲာ်အံၤသတးဒီး, တိၢ်အလီၤတယၢၢ် ဒ်လဲၣ်ဒ် လဲၣ်န့ၣ်တဃုဘၣ်ဝဲဘၣ်.
19 ဒီးစီၤၡလိၤမိၤတ့ယွၤအဟံၣ် အတၢ်ဖိတၢ်လံၤခဲလၢာ် အိၣ်ဒီးတၢ်လုၢ်လီၢ်ထူ, ဒီးစီၢ်နီၤခိၣ်, ဖဲတၢ်မဲာ်ညါကိၣ် အိၣ်,
20 ဒီးမ့ၣ်အူဒၢထူစီမိၢ်ပှၢ်အိၣ်ဒီးအမ့ၣ်အူဒၢဖိတဖၣ် လၢအကကဲၤကပီၤထီၣ် ဒ်တၢ်စံၣ်ညီၣ်အသိး, လၢတၢ် ကတိၤတၢ်အလီၢ်အမဲာ်ညါ,
21 ဒီးဖီ, ဒီးမ့ၣ်အူဒၢဖိ, ဒီး နီၣ်တံာ်တၢ်လၢထူအစီကတၢၢ်,
22 ဒီးနီၣ်တံာ်မ့ၣ်အူ, ဒီး သလၢ, ဒီးနီၣ်တၢၤ, ဒီးသပၢၤမ့ၣ်အူသ့ၣ်တဖၣ်န့ၣ်မ့ၢ် ထူစီလီၤ. ဒီးလၢတၢ်လဲၤနုာ်ဆူဟံၣ်အဂ့ၢ်, တၢ်အလီၢ် စီဆှံကတၢၢ်အတြဲၤလၢညါတဖၣ်, ဒီးဒ်ပစံးတၢ်အသိး ဟံၣ်အနူၢ်န့ၣ်အတြဲၤတဖၣ်မ့ၢ်ထူလီၤ.