36
1 ဒီးထံဧိၤကီၢ်ဧိၤအပှၤဂီၢ်မုၢ် ဟံးန့ၢ်စီၤယိၤၡံယၤအဖိခွါ စီၤယဟိအါဃး, ဒီးပာ်အီၤလၢစီၤပၤလၢအပၢ်အလီၢ်လၢ ယရူၤၡလ့ၣ်အပူၤလီၤ.
2 ဒီးလၢစီၤယဟိအါဃးကဲသီစီၤပၤန့ၣ် အသးပှၢ်ခံဆံ သၢနံၣ်, ဒီးကဲစီၤပၤသၢလါလၢယရူၤၡလ့ၣ်အပူၤလီၤ.
3 ဒီးအဲၤကူပတူးအစီၤပၤသုးကွံာ်အီၤလၢ ယရူၤၡလ့ၣ် အပူၤ, ဒီးဒုးလိးပှၤကီၢ်ဖိလၢစ့အကံကၢ်တကယၤ, ဒီး ထူတကံကၢ်လီၤ.
4 ဒီးအဲၤကူပတူးအစီၤပၤ ပာ်လီၤအဒီပုၢ်ဝဲၢ် စီၤအ့ၤလ ယါကံၣ်လၢစီၤပၤလၢယူဒၤဒီး ယရူၤၡလ့ၣ်အဖီခိၣ်, ဒီး ယုၢ်ဝဲအမံၤလၢစီၤယဟိၤယါကံၣ်, ဒီးစီၤနကိၤဟံးန့ၢ်စီၤ ယဟိအါဃး, ဒီးစိာ်ထီၣ်အီၤဆူအဲၤကူပတူးလီၤ.
5 လၢစီၤယဟိၤယါကံၣ်ကဲသီစီၤပၤန့ၣ် အသးပှၢ်ခံဆံ ယဲၢ်နံၣ်, ဒီးကဲစီၤပၤတဆံတနံၣ်လၢယရူၤၡလ့ၣ်အပူၤ, ဒီးမၤတၢ်အၢလၢယွၤအကစၢ်အမဲာ်လီၤ.
6 ဘၤဘူၤလိၣ်အစီၤပၤ နဘူၤကးန့စၢ်ဟဲထီဒါအီၤ, ဒီး စၢဃာ်အီၤလၢထးသွဲ ဒ်သိးအကစိာ်ထီၣ်အီၤဆူဘၤဘူၤ လိၣ်န့ၣ်လီၤ.
7 ဒီးစီၤနဘူၤကးန့စၢ် စိာ်ထီၣ်ကွံာ်ယွၤအဟံၣ်အဃၢၤ အဃိၢ်ဆူဘၤဘူၤလိၣ်, ဒီးပာ်ဝဲလၢအနူၢ်ပူၤလၢဘၤဘူၤ လိၣ်အပူၤလီၤ.
8 ဒီးတၢ်အိၣ်လီၤတဲာ်ဘၣ်ဃးဒီးစီၤယဟိၤယါကံၣ်, ဒီး တၢ်သးဘၣ်အၢလၢအမၤဝဲန့ၣ်, ဒီးတၢ်လၢပှၤထံၣ်ဝဲလၢ အပူၤ, ကွၢ်ကွၢ်, ကွဲးအသးလၢအံၣ်စရ့လးဒီးယူဒၤအ စီၤပၤအလံာ်ပူၤ, ဒီးအဖိခွါစီၤယဟိၤယါခံၣ်ကဲထီၣ်စီၤ ပၤလၢအလီၢ်န့ၣ်လီၤ.
9 လၢစီၤယဟိၤယါခံၣ်ကဲသီစီၤပၤန့ၣ် အသးပှၢ်ဃိးနံၣ်, ဒီးကဲစီၤပၤသၢလါဒီးဆံဆဲၣ်နံၤလၢ ယရူၤၡလ့ၣ်အပူၤ, ဒီးမၤတၢ်အၢလၢယွၤအမဲာ်န့ၣ်လီၤ.
10 ဒီးနံၣ်ဆၢအလီၢ်, ဒီးစီၤပၤနဘူၤကးန့စၢ်မၢလီၤတၢ်ဒီး ဟဲစိာ်အီၤဆူဘၤဘူၤလိၣ် အိၣ်ဒီးယွၤအဟံၣ်အတၢ်အ ဃၢၤအဃိၢ်လၢအဂ့ၤအဘၣ်တဖၣ်, ဒီးပာ်အဒီပုၢ်ဝဲၢ်စီၤ စံးဒကံယၤလၢစီၤပၤလၢယူဒၤ, ဒီးလၢယရူၤၡလ့ၣ်အဖီ ခိၣ်လီၤ.
11 လၢစီၤစံးဒကံယၤ ကဲသီစီၤပၤန့ၣ် အသးပှၢ်ခံဆံတ နံၣ်, ဒီးကဲစီၤပၤတဆံတနံၣ်လၢယရူၤၡလ့ၣ်အပူၤလီၤ.
12 ဒီးမၤတၢ်အၢလၢယွၤအကစၢ်အမဲာ်လီၤ. တဆီၣ်လီၤ ဘၣ်အသးလၢ ဝံယံးရမံယၤလၢအကတိၤတၢ်လၢယွၤ အထးခိၣ်တဂၤအမဲာ်ညါဘၣ်လီၤ.
13 ဒီးပူထီၣ် စီၤပၤနဘူၤကးန့စၢ် လၢအဒုးဆိၣ်အီၤလၢ ယွၤအမဲာ်ညါ, ဒီးပာ်ဆူၣ်ထီၣ်အကိာ်, ဒီးမၤကိၤအသး ဒ်သိးအသုတဃၣ်အသးဆူ ယွၤအံၣ်စရ့လးအကစၢ်အ အိၣ်တဂ့ၤလီၤ.
14 ဒီးပှၤလုၢ်တၢ်အခိၣ်တဖၣ်, ဒီးပှၤဂီၢ်မုၢ်ခဲလၢာ် မၤက မၣ်ထွဲ ပှၤကလုာ်တဖၣ် အတၢ်သးဘၣ်အၢခဲလၢာ်အခံ အါအါကလဲာ်, ဒီးမၤဘၣ်အၢယွၤအဟံၣ်လၢအပာ်စီဆှံ ဝဲလၢယရူၤၡလ့ၣ်အပူၤန့ၣ်လီၤ.
15 ဒီးယွၤအပၢ်အကစၢ် မၢလီၤတၢ်လၢအကလူးတဖၣ် အစုပူၤ, ဂဲၤဆၢထၢၣ်ဂီၤဂီၤ, ဒီးမၢလီၤတၢ်လီၤ. အဂ့ၢ် ဒ်အံၤ, သးကညီၤအပှၤဂီၢ်မုၢ်, ဒီးအတၢ်အိၣ်ဝဲဆိးဝဲအ လီၢ်န့ၣ်လီၤ.
16 ဘၣ်ဆၣ်ဒီးအဝဲသ့ၣ် ဒုၣ်ဒွဲၣ်ယွၤအကလူးတဖၣ်, ဒီး တပးကဲဘၣ်အကလုၢ်အကထါဘၣ်. ဒီးမၤအၢအဝံတ ဖၣ် တုၤယွၤအသးထီၣ်ဘၣ်အပှၤဂီၢ်မုၢ်, ဒီးတၢ်မၤဘျါ က့ၤအီၤတအိၣ်ဘၣ်.
17 ဒီးဒုးဟဲထီဒါအီၤလၢ ပှၤက့ၤစ့းဖိအစီၤပၤ လၢအမၤ သံအပှၤဖိၣ်သၣ်ခွါ လၢနးလၢ အလီၢ်စီဆှံအဟံၣ်ပူၤ, ဒီးဖိၣ်သၣ်ခွါမ့ၢ်ဂ့ၤ, ပှၤမုၣ်လိၣ်ဘိမ့ၢ်ဂ့ၤ, ပှၤသးပှၢ်မ့ၢ် ဂ့ၤ, ပှၤလၢအပျိၢ်သကူး လၢအသးပှၢ်အဃိမ့ၢ်ဂ့ၤ, တ သးကညီၤဘၣ်ဝဲဘၣ်. ဟ့ၣ်လီၤကွံာ်ဝဲခဲလၢာ် လၢအစု ပူၤလီၤ.
18 ဒီးယွၤအဟံၣ်အဃၢၤအဃိၢ် ဒီးဒိၣ်ဒီးဆံး, ဒီးတၢ် လုၢ်ဒိၣ်ပှ့ၤဒိၣ်လၢယွၤအဟံၣ်ပူၤ, ဒီးစီၤပၤဒီးအပဒိၣ်ဖး ဒိၣ်တဖၣ် အတၢ်လုၢ်ဒိၣ်ပှ့ၤဒိၣ်န့ၣ် ဟဲစိာ်ဝဲဆူဘၤဘူၤ လိၣ်အပူၤခဲလၢာ်လီၤ.
19 ဒီးပှၤဆူးထီၣ်ကွံာ် ယွၤအဟံၣ်, ဒီးမၤလီၤပှီၢ်ကွံာ်ယ ရူၤၡလ့ၣ်အခိၣ်ဒူ, ဒီးဆူးထီၣ်ကွံာ်အနူၢ်တဖၣ် လၢမ့ၣ် အူ, ဒီးမၤဟးဂီၤကွံာ်အဃၢၤအဃိၢ် လၢအဂ့ၤအဘၣ် ခဲလၢာ်လီၤ.
20 ဒီးပှၤလၢအပူၤဖျဲးဒီးနးတဖၣ်န့ၣ် စိာ်ထီၣ်ဝဲဆူဘၤဘူၤ လိၣ်ဖဲအကဲထီၣ်အဝဲဒၣ်ဒီးအဖိခွါတဖၣ်အကုၢ် တုၤလီၤ လၢပၤရၣ်အဘီမုၢ်ပၢတၢ်,
21 ဒ်သိး အကမၤလၢထီၣ်ပှဲၤ ထီၣ်ယွၤအကလုၢ်လၢစီၤယံးရမံယၤအထးခိၣ်, ဒ်သိးထံ ဧိၤကီၢ်ဧိၤန့ၣ် ကမုာ်လၤလၢအမုၢ်အိၣ်ဘှံးနံၤတဖၣ်လီၤ. ကိးမုၢ်နံၤမုၢ်နၤလၢ အအိၣ်သယုၢ်န့ၣ် အိၣ်ဘှံးဝဲတုၤအ ပှဲၤထီၣ်အနံၣ်နွံဆံလီၤ.
22 ဒီးလၢပၤရၣ်အစီၤပၤကိရ့ၣ် အခီၣ်ထံးတနံၣ်န့ၣ်, (ဒ် သိးယွၤအကလုၢ်လၢ စီၤယံးရမံယၤအထးခိၣ် ကလၢ ထီၣ်ပှဲၤထီၣ်ဒီး,) ယွၤထိၣ်ဂဲၤပၤရၣ်အစီၤပၤ ကိရ့ၣ်အ သး, ဒီးအဝဲဒၣ်ဒုးသြီထီၣ်တၢ်လၢအဘီမုၢ်ဒီဘ့ၣ်ညါအ ပူၤ, ဒီးဒုးကွဲးစ့ၢ်ကီးတၢ်, ဒီးစံးဝဲဒၣ်,
23 ပၤရၣ်အစီၤပၤ ကိရ့ၣ်စံးဝဲဒ်အံၤ, ယွၤမူခိၣ်အကစၢ်ဟ့ၣ်လီၤယၤလၢဟီၣ် ခိၣ်အဘီမုၢ်ခဲလၢာ်, ဒီးမၤလိာ်ယၤဒ်သိးယကသူၣ်ထီၣ် အဟံၣ်လၢယရူၤၡလ့ၣ်အပူၤ လၢအအိၣ်ဝဲလၢယူဒၤလီၤ. လၢသုကျါန့ၣ်မ့ၢ်မတၤအိၣ်ဝဲလၢ အပှၤဂီၢ်မုၢ်ခဲလၢာ်အ ကျါတဂၤလဲၣ်. မ်ယွၤ, အကစၢ်အိၣ်ဒီးအီၤတက့ၢ်. က လဲၤထီၣ်ဒၣ်ဝဲတက့ၢ်.