33
1 လၢစီၤမနၤရှ့ၤကဲသီစီၤပၤန့ၣ်အသးပှၢ်တဆံခံနံၣ်, ဒီး ကဲစီၤပၤလၢယရူၤၡလ့ၣ်အပူၤယဲၢ်ဆံယဲၢ်နံၣ်လီၤ.
2 ဒီးမၤတၢ်အၢလၢယွၤအမဲာ် ဒ်ပှၤကလုာ်တဖၣ်လၢယွၤ ဟီထီၣ်ကွံာ်လၢ ပှၤအံၣ်စရ့လးဖိအမဲာ်ညါ အတၢ်သး ဘၣ်အၢအသိးလီၤ.
3 ဒီးမၤက့ၤတၢ်အလီၢ်ထီၣ်ထီတဖၣ် လၢအပၢ်စီၤဃံးစကံယၤမၤဟးဂီၤဝဲ, ဒီးမၤထီၣ်တၢ်လုၢ် လီၢ်တဖၣ်လၢဘဧၤလးတဖၣ်အဂီၢ်, ဒီးတ့အရှ့ရၤ, ဒီး ဘါထီၣ်မူခိၣ်အသုးမုၢ်ဂီၢ်မုၢ်ခဲလၢာ်, ဒီးမၤအတၢ်လီၤ.
4 ဒီးမၤတၢ်လုၢ်လီၢ်တဖၣ် လၢယွၤအဟံၣ်လၢ ယွၤစံး လၢအဂ့ၢ်, ယမံၤကအိၣ်လၢယရူၤၡလ့ၣ်အပူၤ လီၤထူ လီၤယိာ်လီၤ.
5 ဒီးမၤတၢ်လုၢ်လီၢ်တဖၣ် လၢမူခိၣ်အသုးမုၢ်ခဲလၢာ်အ ဂီၢ်လၢယွၤအဟံၣ်အဂၢၤပူၤခံပူၤလီၤ.
6 ဒီးမၢအဖိခွါ ခီ ဂာ်မ့ၣ်အူလၢ ဟံၣ်နိၣ်အဖိခွါအကစၢၢ်ကဆူးအပူၤ, ဒီး မၤကဒါပမဲာ်, ဒီးမၤတၢ်ဒီးပှၤအိၣ်ဒီးပှၤသံအကလၤတ ဖၣ်, ဒီးပှၤမဲာ်ထံၣ်ဝံတဖၣ်သတးဒီး, လၢယွၤအမဲာ်န့ၣ် မၤတၢ်အၢအါမံၤလၢတၢ်ထိၣ်ဂဲၤအသးထီၣ်လီၤ.
7 ဒီးပာ်လီၤတၢ်ဂီၤ, တၢ်ဂီၤလၢအတ့ဝဲလၢယွၤအဟံၣ်ပူၤ လၢယွၤစံးဘၣ်စီၤဒၤဝံးဒီး အဖိခွါစီၤၡလိၤမိၤ လၢအဂ့ၢ်, လၢဟံၣ်တဖျၢၣ်အံၤအပူၤ, ဒီးလၢယရူၤၡလ့ၣ်အပူၤလၢ ယဃုထၢလၢ အံၣ်စရ့လးအဒူၣ်ခဲလၢာ်အကျါန့ၣ်ယက ပာ်ယမံၤအစိၤစိၤအဃၣ်ဃၣ်လီၤ.
8 မ့ၢ်ထဲအတိၢ်န့ၢ်က ယဲၢ်တၢ်လၢယမၤလိာ်အီၤခဲလၢာ် ဒ်ကယဲၢ်တၢ်သိၣ်တၢ် သီခဲလၢာ်, ဒီးတၢ်မၤလိာ်, ဒီးတၢ်စံၣ်ညီၣ်လၢစီၤမိၤရှ့အ စုပူၤအသိးဒီး, ယတဒုးဟးထီၣ်လၢၤဘၣ်အံၣ်စရ့လးအ ခီၣ်လၢကီၢ်လၢ ယဟ့ၣ်လီၤသုပၢ်တဘ့ၣ်အပူၤဘၣ်.
9 ဒီးစီၤမနၤရှ့ၤကလံာ်ယူဒၤဒီးယရူၤၡလ့ၣ်, ဒ်သိးအက မၤတၢ်အၢအါန့ၢ်ပှၤကလုာ်တဖၣ်လၢ ယွၤမၤဟးဂီၤအီၤ လၢပှၤအံၣ်စရ့လးဖိအမဲာ်ညါတက့ၢ်လီၤ.
10 ဒီးယွၤကတိၤတၢ်ဒီးစီၤမနၤရှ့ၤ, ဒီးအပှၤဂီၢ်မုၢ်, ဒီးတ ဒိကနၣ်ဘၣ်တၢ်ဘၣ်.
11 ဒီးယွၤဒုးဟဲထီဒါအီၤ လၢအၤရှူၢ်အစီၤပၤ အပှၤသုး မုၢ်အခိၣ်တဖၣ်လၢအမၤန့ၢ် စီၤမနၤရှ့ၤလၢတၤဆှုၣ်, ဒီး စၢဃာ်အီၤလၢထးသွဲ, ဒီးစိာ်ထီၣ်ကွံာ်အီၤဆူ ဘၤဘူၤ လိၣ်အပူၤလီၤ.
12 ဒီးတုၤအဘၣ်တၢ်ကိၢ်တၢ်ဂီၤဒီး, ဃ့ကညးယွၤအက စၢ်, ဒီးဆီၣ်လီၤအသးဒိၣ်ဒိၣ်ကလဲာ်လၢအပၢ်တဖၣ်အ ကစၢ်အမဲာ်ညါလီၤ.
13 ဒီးဘါထုကဖၣ်ဝဲ, ဒီးအဝဲဒၣ် တူၢ်လိာ်အတၢ်ဃ့ကညး, ဒီးဒိကနၣ်အကလုၢ်, ဒီးဒုး ဟဲက့ၤအီၤဆူယရူၤၡလ့ၣ်ဆူအဘီမုၢ်အပူၤလီၤ. ဒီးစီၤမ နၤရှ့ၤသ့ၣ်ညါဝဲလၢယွၤမ့ၢ်ကစၢ်လီၤ.
14 ဒီးတၢ်န့ၣ်တဖၣ်အလီၢ်ခံ မၤထီၣ်ဝ့ၢ်အခိၣ်ဒူ လၢစီၤ ဒၤဝံးအဝ့ၢ်လၢခိလၢ ကံဃိၣ်အမုၢ်နုာ်တခီလၢကစၢၢ်က ဆူးအပူၤ, ပၢၢ်လၢတၢ်လဲၤနုာ်လၢညၣ်အပဲတရီ, ဒီးမၤ ဝးတရံးဧိၤဖ့လး, ဒီးမၤအီၤထီထီကလဲာ်, ဒီးပာ်ပှၤသုး ဖိအခိၣ်တဖၣ်လၢ ယူဒၤအဝ့ၢ်အိၣ်ဒီးအခိၣ်ဒူခဲလၢာ်အ ပူၤလီၤ.
15 ဒီးဟံးထီၣ်ကွံာ်တခီဘီမုၢ်ဖိအကစၢ်တဖၣ်, ဒီးတၢ်ဂီၤ လၢယွၤအဟံၣ်ပူၤ, ဒီးကယဲၢ်တၢ်လုၢ်လီၢ်တဖၣ်လၢအ မၤဝဲလၢယွၤအဟံၣ်အကစၢၢ်လိၤ, ဒီးလၢယရူၤၡလ့ၣ်အ ပူၤ, ဒီးကွံာ်တ့ၢ်ကွံာ်ဝဲလၢဝ့ၢ်အချၢလီၤ.
16 ဒီးမၤက့ၤယွၤအတၢ်လုၢ်လီၢ်, ဒီးလုၢ်တၢ်လုၢ်မၤဃူမၤ ဖိး, ဒီးတၢ်လုၢ်စံးထီၣ်ပတြၢၤလၢအဖီခိၣ်, ဒီးမၤလိာ်ယူ ဒၤဒ်သိးအကမၤယွၤအံၣ်စရ့လးအကစၢ်အတၢ်လီၤ.
17 ဘၣ်ဆၣ်ဒီးပှၤဂီၢ်မုၢ်လုၢ်ဒံးတၢ်လၢ တၢ်အလီၢ်ထီၣ်ထီတဖၣ်အဖီခိၣ်, မ့မ့ၢ်ထဲလၢယွၤအကစၢ်တဂၤဧိၤအဂီၢ်လီၤ.
18 ဒီးတၢ်အိၣ်လီၤတဲာ်ဘၣ်ဃးဒီး စီၤမနၤရှ့ၤ, ဒီးအတၢ် ဘါထုကဖၣ်လၢအကစၢ်, ဒီးပှၤထံၣ်တၢ်တဖၣ်လၢအ ကတိၤတၢ်ဒီးအီၤလၢ ယွၤအံၣ်စရ့လးအကစၢ်အမံၤအ တၢ်ကတိၤတဖၣ်, ကွၢ်ကွၢ်, အိၣ်ဝဲလၢအံၣ်စရ့လးအ စီၤပၤအလံာ်ပူၤလီၤ.
19 ဒီးအတၢ်ထုကဖၣ်, ဒီးလၢယွၤတူၢ်လိာ်အတၢ်ဃ့က ညး, ဒီးအတၢ်ဒဲးဘးခဲလၢာ်, ဒီးအတၢ်မၤကမၣ်ဒီးတ ချုးအဆီၣ်လီၤဒံးဘၣ်အသးန့ၣ် တၢ်အလီၢ်ဖဲအမၤထီၣ် တၢ်အလီၢ်ထီၣ်ထီတဖၣ်, ဒီးသူၣ်ထီၣ်အရှ့ရၤတဖၣ်, ဒီး တၢ်ဂီၤတဖၣ်, ကွၢ်ကွၢ်, ကွဲးအသးလၢပှၤထံၣ်တၢ်တ ဖၣ်အတၢ်ကတိၤအကျါလီၤ.
20 ဒီးစီၤမနၤရှ့ၤမံဝဲဒီးအပၢ်တဖၣ်, ဒီးပှၤခူၣ်လီၤကွံာ်အီၤ လၢအဟံၣ်ဒၣ်ဝဲအပူၤ, ဒီးအဖိခွါစီၤအၤမိၣ်ကဲထီၣ် စီၤ ပၤလၢအလီၢ်န့ၣ်လီၤ.
21 လၢစီၤအၤမိၣ်ကဲသီစီၤပၤန့ၣ် အသးပှၢ်ခံဆံခံနံၣ်, ဒီး ကဲစီၤပၤလၢယရူၤၡလ့ၣ်အပူၤခံနံၣ်လီၤ.
22 ဒီးမၤတၢ်အၢလၢယွၤအမဲာ်, ဒ်အပၢ်စီၤမနၤရှ့ၤမၤဝဲအ သိးန့ၣ်လီၤ. အဂ့ၢ်ဒ်အံၤ, စီၤအၤမိၣ်လုၢ်တၢ်လၢတၢ်ဂီၤ စိးပျၤအသးလၢအပၢ် စီၤမနၤရှ့ၤတ့ဝဲခဲလၢာ်, ဒီးမၤအ တၢ်လီၤ.
23 ဒီးတဆီၣ်လီၤဘၣ်အသးလၢ ယွၤအမဲာ်ညါ ဒ်အပၢ် စီၤမနၤရှ့ၤဆီၣ်လီၤအသးအသိးဘၣ်. ဒီးစီၤအၤမိၣ်မၤက မၣ်တၢ်အါထီၣ်အါထီၣ်လီၤ.
24 ဒီးအခ့အပှၤ ကူၣ်တၢ်ထီဒါအီၤ, ဒီးမၤသံအီၤလၢအ ဟံၣ်ဒၣ်ဝဲအပူၤလီၤ.
25 ဒီးကီၢ်အပှၤကညီမၤသံ ပှၤလၢအကူၣ်တၢ်ထီဒါ စီၤ ပၤအၤမိၣ်ခဲလၢာ်, ဒီးကီၢ်အပှၤကညီပာ်အဖိခွါစီၤယိၤၡံ ယၤလၢစီၤပၤလၢအလီၢ်န့ၣ်လီၤ.