17
1 ဒီးအဖိခွါစီၤယဟိၤၡၤဖးကဲထီၣ် စီၤပၤလၢအလီၢ်, ဒီး မၤဆူၣ်ထီၣ်အသးထီဒါအံၣ်စရ့လးလီၤ.
2 ဒီးပာ်ပှၤသုးဖိတဖၣ်လၢ ယူဒၤအဝ့ၢ်အိၣ်ဒီးအခိၣ်ဒူခဲ လၢာ်အပူၤ, ဒီးပာ်လီၤပှၤပၢၤတၢ်ဖိတဖုတဖု လၢကီၢ် ယူဒၤအပူၤ, ဒီးလၢအ့ဖရဲၣ်အဝ့ၢ်တဖၣ်အပူၤ လၢအပၢ် မၤန့ၢ်ဝဲလီၤ.
3 ဒီးယွၤအိၣ်ဝဲဒီးစီၤယဟိၡၤဖးလီၤ. အဂ့ၢ်ဒ်အံၤ, ပိာ်အ ပၢ်စီၤဒၤဝံးအကျဲခီၣ်ထံးတဖၣ်န့ၣ်, ဒီးတဃုဘၣ်ဘဧၤ လးတဖၣ်ဘၣ်.
4 ဒီးဃုယွၤအပၢ်အကစၢ်, ဒီးလဲၤဝဲလၢ အတၢ်မၤလိာ်အပူၤ, ဒီးတမၤထွဲဘၣ်အံၣ်စရ့လးအမၤ တၢ်အခံဘၣ်.
5 ဒီးယွၤဒုးအိၣ်ဂၢၢ်ဆိးကျၢၤဘီမုၢ်လၢအစုပူၤ, ဒီးယူဒၤ ခဲလၢာ်ဟဲစိာ်ခိၣ်ဖးတဖၣ်ဆူ စီၤယဟိၤၡၤဖးအအိၣ်, ဒီး အိၣ်ဝဲဒီး တၢ်ထူးတၢ်တီၤ, ဒီးတၢ်လၤကပီၤအါအါက လဲာ်လီၤ.
6 ဒီးအသးဆူၣ်ထီၣ်ဝဲလၢယွၤအကျဲ, ဒီးသုးကွံာ်တၢ်အ လီၢ်ထီၣ်ထီတဖၣ်, ဒီးအရှ့ရၤတဖၣ်လၢယူဒၤအပူၤလီၤ.
7 ဒီးလၢအကဲစီၤပၤသၢနံၣ်တနံၣ်န့ၣ် မၢလီၤအပဒိၣ်ဖး ဒိၣ်တဖၣ်, စီၤဘ့ၣ်ဃၤယံလး, ဒီးစီၤဧိၤဘါဒယၤ, ဒီး စီၤစကၤရယၤ, ဒီးစီၤနၤသန့လး, ဒီးစီၤမံၤကါယၤ, ဒ် သိးအကသိၣ်လိတၢ်လၢယူဒၤအဝ့ၢ်ပူၤန့ၣ်လီၤ.
8 ဒီးအိၣ်ဒီးအီၤန့ၣ်ပှၤလ့ၤဝံဖိတဖၣ်, စီၤၡမါယၤ, ဒီးစီၤ နသၤနံယၤ, ဒီးစီၤစဘၤဒယၤ, ဒီးစီၤဧစၤအ့လး, ဒီးစီၤ ၡမံရမိး, ဒီးစီၤယိနၤသၣ်, ဒီးစီၤအဒိနံၤယၤ, ဒီးစီၤတိၤ ရံယၤ, ဒီးစီၤတိအဒိၤနံယၤ, ပှၤလ့ၤဝံဖိတဖၣ်, ဒီးအိၣ် ဒီးအီၤလၢပှၤလုၢ်တၢ်အဒိၣ်စီၤအလံၡမၤ, ဒီးစီၤယဟိရၣ် လီၤ.
9 ဒီးသိၣ်လိတၢ်လၢယူဒၤအပူၤ, ဒီးယွၤအလံာ်တၢ်သိၣ် တၢ်သီအိၣ်ဒီးအီၤ, ဒီးလဲၤဝ့ၤဝီၤတၢ်လၢ ယူဒၤအဝ့ၢ်ခဲ လၢာ်အပူၤ, ဒီးသိၣ်လိပှၤဂီၢ်မုၢ်လီၤ.
10 ဒီးတၢ်ပျံၤယွၤလီၤဘၣ်လၢ ကီၢ်တဖၣ် အပှၤဘီမုၢ်ဖိ လၢအအိၣ်ဝးတရံးယူဒၤ, ဒီးတဒုးသုးဘၣ်ဒီးစီၤယဟိ ၡၤဖးဘၣ်.
11 ဒီးပှၤလၢပှၤဖလ့ၡသးဖိအကျါတဖၣ် ဟဲစိာ်ခိၣ်ဖးဆူ စီၤယဟိၡၤဖးအအိၣ်, ဒီးဟ့ၣ်သွဲအစ့, ဒီးပှၤဧ့ရ့းဖိဟဲစိာ် န့ၢ်အီၤလၢသိ, ဒီးမဲာ်တဲးလဲးတဖၣ်, သိဖါနွံကထိနွံက ယၤ, ဒီးမဲာ်တဲးလဲးဖါနွံကထိနွံကယၤလီၤ.
12 ဒီးစီၤယဟိၡၤဖးဒိၣ်ထီၣ်ဒိၣ်ထီၣ်, ဒီးတ့တိာ်, ဒီးဝ့ၢ် တၢ်ပာ်ဖှိၣ်တၢ်လၢယူဒၤအပူၤလီၤ.
13 ဒီးမၤထီၣ်တၢ်အါ အါကလဲာ်လၢယူဒၤအဝ့ၢ်တဖၣ်အပူၤ, ဒီးပှၤသုးဖိ, ဒီး ပှၤအဒိၣ်အဆူၣ်အိၣ်ဝဲလၢယရူၤၡလ့ၣ်အပူၤလီၤ.
14 ဒီးအအံၤမ့ၢ်အတၢ်ဂံၢ် ဒ်အပၢ်အဟံၣ်အသိး, လၢယူ ဒၤအကျါပှၤတကထိအခိၣ်တဖၣ် စီၤဧၤဒနနၤမ့ၢ်တၢ်အ ခိၣ်, ဒီးပှၤအဒိၣ်အဆူၣ်အိၣ်ဒီးအီၤသၢကလီၤလီၤ.
15 ဒီး တၢ်အခိၣ်ခံဂၤတဂၤစီၤယိဃၤနၣ်, ဒီးပှၤခံကလီၤဃိးက လးအိၣ်ဒီးအီၤလီၤ.
16 ဒီးသၢဂၤတဂၤစီၤစံးကရံးအဖိခွါ စီၤဧမၤစယၤလၢအဟ့ၣ်လီၤဒၣ်အသးလၢယွၤ, ဒီးပှၤအ ဒိၣ်အဆူၣ်အိၣ်ဒီးအီၤခံကလီၤလီၤ.
17 ဒီးလၢဘံၣ်ယၤမံၣ်အကျါန့ၣ် ပှၤအဒိၣ်အဆူၣ်စီၤအ လံဒၤ, ဒီးပှၤအိၣ်ဒီးအစုကဝဲၤ, ဒီးချံၣ်, ဒီးကတီၤတဖၣ် အိၣ်ဒီးအီၤခံကလီၤလီၤ.
18 ဒီးခံဂၤတဂၤ စီၤယဟိစဘး, ဒီးပှၤကတဲာ်ကတီၤအသး လၢဒုးတၢ်အဂီၢ်အိၣ်ဒီးအီၤ တကလီၤဃိးကလးလီၤ.
19 အဝဲသ့ၣ်တဖၣ်န့ၣ် အိၣ်ခိးစီၤပၤလီၤ. လၢန့ၣ်အမဲာ် ညါ ပှၤလၢစီၤပၤပာ်ဝဲလၢ ဝ့ၢ်အိၣ်ဒီးအခိၣ်ဒူတဖၣ်လၢ ယူဒၤဒီဘ့ၣ်ညါအပူၤအိၣ်ဝဲလီၤ.