13
1 ဒီးစီၤပၤယၤရၤဘၣ် အနံၣ်ပှဲၤထီၣ်တဆံဃိးနံၣ်တနံၣ် န့ၣ်စီၤအဘံယၤ ကဲထီၣ်စီၤပၤလၢ ယူဒၤအဖီခိၣ်လီၤ.-
2 ဒီးကဲစီၤပၤသၢနံၣ်လၢယရူၤၡလ့ၣ်အပူၤ, ဒီးအမိၢ်အမံၤ မ့ၢ်နီၢ်မံၤကါယၤ, ပှၤကံဘဧၤဖိ စီၤအူရံၤအ့လးအဖိမုၣ် လီၤ. ဒီးတၢ်ဒုးသုးအိၣ်ဝဲလၢစီၤအဘံယၤဒီး စီၤယၤရၤ ဘၣ်အဘၢၣ်စၢၤလီၤ.
3 ဒီးစီၤအဘံယၤကတဲာ်ကတီၤတၢ်ဒုးတၢ် အိၣ်ဝဲဒီးပှၤ သုးမုၢ်, ပှၤသုးဖိအဆူၣ်, ပှၤဃုထၢဖိလွံၢ်ကလီၤလီၤ. ဒီး စီၤယၤရၤဘၣ်ကတဲာ်ကတီၤ တၢ်ဒုးသုးထီဒါအီၤ, အိၣ် ဝဲဒီးပှၤဃုထၢဖိ, ပှၤအဒိၣ်အဆူၣ်ဃိးကလီၤလီၤ.
4 ဒီးစီၤအဘံယၤဆၢထၢၣ်ဝဲလၢ ကစၢၢ်စမၤရဲၣ်အလိၤ လၢအအိၣ်လၢကစၢၢ်အ့ဖရဲၣ်, ဒီးစံးဝဲဒၣ်, စီၤယၤရၤ ဘၣ်, ဒီးအံၣ်စရ့လးခဲလၢာ်သ့ၣ်ဧၢ, ကနၣ်တက့ၢ်.
5 ယွၤ အံၣ်စရ့လးအကစၢ်ဟ့ၣ်လီၤ အံၣ်စရ့လးအဘီမုၢ်လၢစီၤ ဒၤဝံးလီၤထူလီၤယိာ်, လၢအဝဲဒၣ်ဒီးအဖိခွါတဖၣ်အိၣ် ဒီးတၢ်အၢၣ်လီၤအီလီၤဘၣ်ဃးဒီး အံသၣ်န့ၣ်သုတသ့ၣ် ညါဘၣ်ဧါ.
6 ဒီးစီၤနဘးအဖိခွါစီၤယၤရၤဘၣ်, စီၤဒၤဝံး အဖိခွါစီၤၡလိၤမိၤအခ့အပှၤတဂၤ ဂဲၤဆၢထၢၣ်, ဒီးပူ ထီၣ်အကစၢ်လီၤ.
7 ဒီးပှၤဟးဂီၤဖိ, ပှၤဘယးယဧးလးဖိ အိၣ်ဖှိၣ်ရိဖှိၣ်လၢအအိၣ်ဒီး ဖဲစီၤရဃၤဘၣ်မ့ၢ်ပှၤဖိသၣ်, ဒီးအသးလီၤဘှါ, ဒီးတြီအီၤတသ့ဘၣ်န့ၣ်ဒီး, မၤဆူၣ် ထီၣ်အသးထီဒါ စီၤၡလိၤမိၤအဖိခွါ စီၤရဃၤဘၣ်န့ၣ် လီၤ.
8 ဒီးခဲကနံၣ်အံၤသုစံးလၢသုကမၤဆူၣ်ထီၣ်သုသး ထီဒါယွၤအဘီအမုၢ်လၢ စီၤဒၤဝံးအဖိခွါတဖၣ်အစုပူၤ, ဒီးသုမ့ၢ်ပှၤဂီၢ်မုၢ်ဖးဒိၣ်လီၤ. ဒီးဂီၤဖံးထူလၢ စီၤယၤရၤ ဘၣ်တ့န့ၢ်သုလၢကစၢ်တဖၣ်န့ၣ်အိၣ်ဒီးသုလီၤ.
9 သုဟီထီၣ်ကွံာ်လံယွၤအပှၤလုၢ်တၢ်အဒိၣ်, စီၤအၤဟ ရိၣ်အဖိခွါတဖၣ်, ဒီးပှၤလ့ၤဝံဖိ, ဒီးသုပာ်ပှၤလုၢ်တၢ်အ ဒိၣ်ဒ်ကီၢ်တဖၣ်အပှၤကလုာ်တဖၣ်အသိးန့ၣ် တမ့ၢ်ဘၣ် ဧါ. ဖဲဒၣ်ပှၤလၢအဟဲပာ်စီဆှံအသးဒီး ဂီၤဖံးဖါဖိတဒု, ဒီးအသိဖါဖိနွံဒုတဂၤလၢ်လၢ်န့ၣ် ကကဲထီၣ်ပှၤလုၢ်တၢ် အဒိၣ်လၢတၢ်လၢအတမ့ၢ်ဘၣ်ကစၢ်တဖၣ်အဂီၢ်လီၤ.
10 မ့မ့ၢ်ပဝဲဒၣ်အံၤယွၤမ့ၢ်ပကစၢ်, ဒီးပတလဲၤသဒၣ်ဘၣ်အီၤဘၣ်. ဒီးပှၤလုၢ်တၢ်အဒိၣ်လၢအမၤယွၤအတၢ်တဖၣ်မ့ၢ်စီၤအၤဟရိၣ်အဖိခွါ, ဒီးပှၤလ့ၤဝံဖိ မၤအတၢ်လီၤ.-
11 တဟါဘၣ်တဟါ, တဂီၤဘၣ်တဂီၤ, ဆိၣ်ကဲၤထီၣ်တၢ်လုၢ်မ့ၣ်အူ, ဒီးတၢ်နၢမူလီၤ. ဒီးပာ်တၢ်ဂ့ၢ်အကိၣ်လၢစီၢ်နီၤခိၣ်စီဆှံအဖီခိၣ်, ဒီးမ့ၣ်အူဒၢမိၢ်ပှၢ်ထူ, ဒီးအမ့ၣ်အူဒၢဖိတဖၣ်လၢအကဲၤကပီၤထီၣ်ကိးဟါဒဲးလီၤ.- အဂ့ၢ် ဒ်အံၤ, ပဝဲဒၣ်အံၤပကွၢ်ယွၤပကစၢ်အတၢ်ကွၢ်လီၤ. မ့မ့ၢ် သုဝဲသ့ၣ်တဖၣ်န့ၣ်သုလဲၤသဒၣ်လံအီၤလံ.
12 ဒီးကွၢ်ကွၢ်, ယွၤအကစၢ်ဒၣ်ဝဲအိၣ်ဝဲဒီး ပှၤလၢပခိၣ် တဂၤ, ဒီးအပှၤလုၢ်တၢ်အဒိၣ်အိၣ်ဝဲဒီးကွဲၤသီၣ်တၢ်လၢ အကိးထီၣ်ထီဒါသုလီၤ. အံၣ်စရ့လးအဖိသ့ၣ်ဧၢ, ဒုး တၢ်ဒီးယွၤသုပၢ်တဖၣ်အကစၢ်တဂ့ၤ. အဂ့ၢ်ဒ်အံၤ, သု တဘီၣ်ထီၣ်ညီထီၣ်ဘၣ်.
13 ဒီးစီၤယၤရၤဘၣ်မၢပှၤတဖု ခိးခူသူၣ်ဟဲတရံးအီၤလၢ အလီၢ်ခံ, ဒီးပှၤအိၣ်ဝဲလၢယူဒၤအမဲာ်ညါ, ဒီးပှၤခိးခူ သူၣ်တဖုအိၣ်ဝဲလၢအလီၢ်ခံလီၤ.
14 ဒီးတုၤယူဒၤ ကွၢ်ကဒါအသးလၢအလီၢ်ခံဒီး, ကွၢ် ကွၢ်, တၢ်ဒုးတၢ်အလီၢ်အိၣ်ဝဲလၢအမဲာ်ညါ, ဒီးလၢအ လီၢ်ခံလီၤ. ဒီးကိးထီၣ်ဝဲဆူယွၤ, ဒီးပှၤလုၢ်တၢ်အဒိၣ်တ ဖၣ်န့ၣ်အူကွဲၤလီၤ.
15 ဒီးယူဒၤအပှၤကညီ ကိးပသူထီၣ်, ဒီးတုၤယူဒၤအပှၤကညီ ကိးပသူထီၣ်ဒီး, တၢ်မၤအသး လၢယွၤကျီကွံာ်စီၤယၤရၤဘၣ်, ဒီးအံၣ်စရ့လးခဲလၢာ်လၢ စီၤအဘံယၤ, ဒီးယူဒၤအမဲာ်ညါလီၤ.
16 ဒီးပှၤအံၣ်စရ့ လးဖိဃ့ၢ်ဝဲလၢယူဒၤအမဲာ်ညါ, ဒီးယွၤဟ့ၣ်လီၤကွံာ်အီၤ လၢအစုပူၤလီၤ.
17 ဒီးစီၤအဘံယၤ, ဒီးအပှၤဂီၢ်မုၢ်ကျီကွံာ်အီၤ လၢတၢ် ကျီကွံာ်ဖးဒိၣ်, ဒီးပှၤလီၤဃံၤသံလၢအံၣ်စရ့လးအကျါ, ပှၤဃုထၢဖိယဲၢ်ကလီၤလီၤ.
18 လၢအကတီၢ်န့ၣ်ပှၤအံၣ် စရ့လးဖိဃၣ်ဝဲ, ဒီးပှၤယူဒၤဖိမၤနၢၤအီၤလီၤ. အဂ့ၢ်ဒ် အံၤ,သနံာ်သန့ၤအသးလၢယွၤအပၢ်တဖၣ်အကစၢ်လီၤ.
19 ဒီးစီၤအဘံယၤလူၤ စီၤယၤရၤဘၣ်, ဒီးမၤန့ၢ်အဝ့ၢ်တ ဖၣ်, ဘ့ၤသ့လးဒီးအတဝီတဖၣ်, ဒီးယၡၤနၤဒီးအတဝီ တဖၣ်, ဒီးအ့ဖရဲၣ်ဒီးအတဝီတဖၣ်လီၤ.
20 ဒီးလၢစီၤအဘံယၤအမုၢ်နံၤတဖၣ်န့ၣ် စီၤယၤရၤဘၣ် တဆူၣ်ထီၣ်လၢၤဘၣ်. ဒီးယွၤတီၢ်အီၤ, ဒီးသံဝဲလီၤ.
21 ဒီးစီၤအဘံယၤဆူၣ်ထီၣ်, ဒီးဟံးန့ၢ်အမါ တဆံလွံၢ် ဂၤ, ဒီးထီၣ်ဖိအဖိခွါခံဆံခံဂၤ, ဒီးအဖိမုၣ်တဆံဃုဂၤ လီၤ.
22 ဒီးတၢ်အိၣ်လီၤတဲာ်ဘၣ်ဃးဒီး စီၤအဘံယၤ, ဒီးအ ကျဲတဖၣ်, ဒီးအတၢ်ကတိၤတၢ်တဖၣ်န့ၣ်ကွဲးအသးလၢ ဝံဧံးဒိၤအလံာ်ဃဲၤဖျါတၢ်အပူၤလီၤ.