29
1 ဒီးစီၤဒၤဝံးစံးဘၣ် တၢ်အိၣ်ဖှိၣ်ခဲလၢာ်န့ၣ်, ယဖိခွါ စီၤၡလိၤမိၤလၢယွၤဃုထၢအီၤထဲတဂၤဧိၤန့ၣ် မ့ၢ်ပှၤဖိၣ်သၣ်ခွါ, ဒီးဘီၣ်စၢ်, ဒီးတၢ်မၤန့ၣ်မ့ၢ်အဒိၣ်လီၤ. အဂ့ၢ်ဒ်အံၤ, တၢ်အနူၢ်န့ၣ်အိၣ်ဝဲလၢပှၤကညီအဂီၢ်တမ့ၢ်ဘၣ်. မ့ၢ်လၢကစၢ်ယွၤအဂီၢ်လီၤ.
2 ဒီးယကကတဲာ်ကတီၤ တ့ၢ်တၢ်လၢ ယဂံၢ်ယဘါခဲ လၢာ်လၢယကစၢ်အဟံၣ်အဂီၢ်, ထူဧိၤလွဲဧိၤလၢတၢ်လၢ ထူအဂီၢ်, ကျိၣ်ဧိၤစ့ဧိၤလၢတၢ်လၢစ့အဂီၢ်, တိၢ်ဧိၤပှာ်ဧိၤ လၢတၢ်လၢတိၢ်အဂီၢ်, ထးဧိၤတြၤဧိၤလၢတၢ်လၢထးအ ဂီၢ်, သ့ၣ်ဧိၤဝၣ်ဧိၤလၢတၢ်လၢသ့ၣ်အဂီၢ်, တၢ်မျၢ်မဟူ ယၤ, ဒီးတၢ်မျၢ်မၤပှဲၤတၢ်, ဒီးလၢၢ်အကံၣ်, ဒီးလၢၢ်ကံၣ် ဃ့, ဒီးလၢၢ်အတၢ်လုၢ်ဒိၣ်ပှ့ၤဒိၣ်, ဒီးလၢၢ်ဝါအါအါက လဲာ်လီၤ.
3 လၢန့ၣ်အမဲာ်ညါ မ့ၢ်လၢတၢ်ဘၣ်ယသးလၢယကစၢ် အဟံၣ်ဒီး, မ့ၢ်လၢယအိၣ်ဒီးယတၢ်ဒၣ်ယဲ, ထူဧိၤလွဲဧိၤ, ဒီးကျိၣ်ဧိၤစ့ဧိၤအဃိဒီး, ယဟ့ၣ်အီၤလၢ ယကစၢ်အ ဟံၣ်လၢတၢ်လၢယကတဲာ်ကတီၤ လၢဟံၣ်စီဆှံအဂီၢ်
4 အဖီခိၣ်, ဒ်ပစံးတၢ်အသိး, ထူအကံကၢ်သၢကထိလၢ အိဖ့ၢ်အထူ, ဒီးစ့သိအသးအကံကၢ်နွံကထိလၢပှၤကပီၤ ဟံၣ်အဒူၣ်လၢအီၤအဂီၢ်လီၤ.
5 ထူဧိၤလွဲဧိၤလၢတၢ်လၢထူအဂီၢ်, ကျိၣ်ဧိၤစ့ဧိၤလၢတၢ် လၢစ့အဂီၢ်, ဒီးလၢကယဲၢ်တၢ်မၤအဂီၢ်လၢပှၤမၤတၢ်သ့ ကမၤဝဲလၢအစုလီၤ. ဒီးမ့ၢ်မတၤကပာ်စီဆှံ တီနံဒၣ်အ တၢ်လၢယွၤအဂီၢ်လၢမုၢ်မဆါတနံၤအံၤတဂၤလဲၣ်.
6 ဒီးပှၤအပၢ်တဖၣ်အခိၣ်တဖၣ်, ဒီးအံၣ်စရ့လးအဒူၣ် တဖၣ်အခိၣ်တဖၣ်, ဒီးပှၤတကထိအခိၣ်တဖၣ်, ဒီးပှၤ တကယၤအခိၣ်တဖၣ်, ဒီးပှၤလၢစီၤပၤအတၢ်မၤအဖီခိၣ် သ့ၣ်တဖၣ်န့ၣ်မၤဘူၣ်တီနံဒၣ်တၢ်လီၤ.
7 ဒီးလၢယွၤအ ဟံၣ်အတၢ်မၤအဂီၢ်န့ၣ် ဟ့ၣ်လီၤထူအကံကၢ်ယဲၢ်ကထိ, ဒီးဒၤရံးတကလး, ဒီးစ့အကံကၢ်တကလး, ဒီးတိၢ်အ ကံကၢ်တကလးဃိးကထိ, ဒီးထးအကံကၢ်တကလီၤ န့ၣ်လီၤ.
8 ဒီးပှၤလၢအအိၣ်ဝဲဒီး တၢ်မျၢ်တဖၣ်န့ၣ်ဟ့ၣ်ဝဲလၢယွၤ အဟံၣ်အတၢ်ပာ်ဖှိၣ်အလီၢ် လၢပှၤက့ရၡိၣ်ဖိ စီၤယဃံ အ့လးအစုပူၤလီၤ.
9 တုၤနုၤတစုပှၤဂီၢ်မုၢ်အသူၣ်ခုအသးခု လၢအဟ့ၣ်တီ နံဒၣ်တၢ်အဃိလီၤ. အဂ့ၢ်ဒ်အံၤ, မၤဘူၣ်ဒၣ်တၢ်လၢ အသးဒီဖျၢၣ်လၢယွၤ, ဒီးစီၤပၤဒၤဝံးသူၣ်ခုသးခုလၢတၢ် သးခုဖးဒိၣ်လီၤ.
10 ဒီးစီၤဒၤဝံးစံးထီၣ်ပတြၢၤယွၤ လၢတၢ်အိၣ်ဖှိၣ်ခဲလၢာ် အမဲာ်ညါ, ဒီးစီၤဒၤဝံးစံးဝဲဒၣ်, နဲဒၣ်ယွၤအံၣ်စရ့လးအ ကစၢ်, ပပၢ်ဧၢ, မ်နဘၣ်တၢ်စံးထီၣ်ပတြၢၤနၤအစိၤစိၤ အဃၣ်ဃၣ်တက့ၢ်.
11 ကစၢ်ဧၢ, တၢ်အဒိၣ်, ဒီးတၢ်အစိအကမီၤ, ဒီးတၢ်အ လၤအကပီၤ, ဒီးတၢ်မၤနၢၤတၢ်, ဒီးတၢ်အကဟုအက ညီၢ်န့ၣ်အိၣ်ဝဲဒီးနၤလီၤ. အဂ့ၢ်ဒ်အံၤ, ကယဲၢ်တၢ်အိၣ်ဝဲ လၢမူခိၣ်, ဒီးအိၣ်ဝဲလၢဟီၣ်ခိၣ်မ့ၢ်နတၢ်လီၤ. တၢ်အဘီ အမုၢ်န့ၣ်မ့ၢ်နတၢ်, ကစၢ်ဧၢ, ဒီးနအိၣ်လၢတၢ်ခဲလၢာ်အ ဖီခိၣ်လၢအခိၣ်လီၤ.
12 တၢ်ထူးတၢ်တီၤဒီးတၢ်လၤကပီၤ ဟဲဝဲလၢနၤ, ဒီးနပၢတၢ်ခဲလၢာ်, ဒီးတၢ်ဂံၢ်တၢ်ဘါ, ဒီး တၢ်အစိအကမီၤအိၣ်ဝဲလၢနစုပူၤ, ဒီးနစုပာ်ဒိၣ်တၢ်, ဒီး ဟ့ၣ်လီၤတၢ်ဂံၢ်တၢ်ဘါလၢပှၤခဲလၢာ်လီၤ.
13 ဒီးခဲကနံၣ် အံၤ, ပကစၢ်ဧၢ, ပအူးထီၣ်နၤ, ဒီးပစံးထီၣ်ပတြၢၤနမံၤ အိၣ်ဝဲဒီးအလၤအကပီၤလီၤ.
14 ဒီးယဲဒၣ်အံၤ, ယမ့ၢ်မတၤ တဂၤလဲၣ်. ဒီးယပှၤဂီၢ်မုၢ်လၢပဟ့ၣ်လီၤတီဒံဒၣ်တၢ်ဒ် အံၤကသ့ပမ့ၢ်မတၤတဖၣ်လဲၣ်. အဂ့ၢ်ဒ်အံၤ, တၢ်ခဲလၢာ် န့ၣ်ဟဲလၢနၤ,ဒီးလၢနစုပူၤန့ၣ်ပဟ့ၣ်တၢ်လၢနၤလီၤ.-အ
15 ဂ့ၢ်ဒ်အံၤ, ပမ့ၢ်ပှၤတခီဘီမုၢ်ဖိလၢနမဲာ်ညါ, ဒီးပှၤတမှံၤဒ် ပပၢ်ခဲလၢာ်အသိးန့ၣ်လီၤ. ပမုၢ်နံၤတဖၣ်လၢဟီၣ်ခိၣ်ချၢ အံၤမၤသးဒ်တၢ်ကဒုအသိး, ဒီးတၢ်မုၢ်လၢ်တၢ်တအိၣ်ဘၣ်.
16 ယွၤပကစၢ်ဧၢ, တၢ်ဖိတၢ်လံၤလၢပကတဲာ်ကတီၤတ့ၢ် ခဲလၢာ်အံၤ, ဒ်သိးပကသူၣ်ဟံၣ်လၢနမံၤစီဆှံအဂီၢ်န့ၣ်, ဟဲဝဲလၢနစုပူၤ, ဒီးမ့ၢ်နတၢ်ဒၣ်နဲအိၣ်ဒီးနၤခဲလၢာ်လီၤ.
17 ဒီးယသ့ၣ်ညါ, ကစၢ်ဧၢ, လၢနမၤကွၢ်ပှၤကညီအသး, ဒီးဘၣ်နသးလၢတၢ်တီတၢ်လိၤလီၤ. ယဲဒၣ်အံၤ, ယမၤ ဘူၣ်တၢ်ခဲလၢာ်အံၤ တီနံဒၣ်တၢ်လၢယသးလိၤ, ဒီးခဲ ကနံၣ်အံၤယထံၣ်ဘၣ်နပှၤဂီၢ်မုၢ် လၢအအိၣ်ဖဲအံၤဒ်သိး အကမၤဘူၣ်တီနံဒၣ်တၢ်ဒီးယသူၣ်ခုသးခုလီၤ.
18 ယွၤ, စီၤအၤဘြၤဟၣ်, စီၤအံၤစဲး, ဒီးစီၤအံၣ်စရ့လး, ပပၢ်တဖၣ်အကစၢ်ဧၢ, ပၢၤတၢ်အံၤလၢနပှၤဂီၢ်မုၢ်အသး ဆိကမိၣ်အကူၣ်တၢ်အပူၤ လီၤထူလီၤယိာ်, ဒီးဒုးအိၣ် ဂၢၢ်ဆိးကျၢၤအသးဒီးနၤတက့ၢ်.
19 ဒီးဟ့ၣ်လီၤယဖိခွါ စီၤၡလိၤမိၤအသးဒီဖျၢၣ်ဒ်သိးအ ကတိၢ်န့ၢ်နတၢ်မၤလိာ်, ဒီးနတၢ်အုၣ်နသး, ဒီးနတၢ်သိၣ် တၢ်သီ, ဒီးဒ်သိးအကမၤတၢ်တဖၣ်န့ၣ်ခဲလၢာ်, ဒီးသူၣ်နူၢ် တဖျၢၣ်လၢယကတဲာ်ကတီၤတၢ်လၢအဂီၢ်န့ၣ်တက့ၢ်.
20 ဒီးစီၤဒၤဝံးစံးဘၣ်တၢ်အိၣ်ဖှိၣ်ခဲလၢာ်, စံးထီၣ်ပတြၢၤ လၢ်ယွၤသုကစၢ်တက့ၢ်. ဒီးတၢ်အိၣ်ဖှိၣ်ခဲလၢာ်စံးထီၣ်ပ တြၢၤယွၤအပၢ်တဖၣ်အကစၢ်, ဒီးဆုးလီၤအခိၣ်ဒီးဘါ ထီၣ်ယွၤဒီးစီၤပၤလီၤ.
21 ဒီးလုၢ်ယွၤလၢတၢ်လုၢ်, ဒီးလုၢ်တၢ်လုၢ်မ့ၣ်အူလၢယွၤ လၢမုၢ်ဆ့ၣ်ထီၣ်တနံၤ, ဂီၤဖံးဖါတကထိ, သိဖိတကထိ, သိဖိတကထိ, အိၣ်ဒီးအတၢ်မၤဘူၣ်တၢ်အီ, ဒီးတၢ်လုၢ် အါအါကလဲာ်လၢအံၣ်စရ့လးခဲလၢာ်အဂီၢ်လီၤ.
22 ဒီးအီၣ်တၢ်ဒီးအီတၢ်လၢ မုၢ်တနံၤန့ၣ်လၢတၢ်သးခုဖး ဒိၣ်, ဒီးပာ်စီၤဒၤဝံးအဖိခွါစီၤၡလိၤမိၤလၢစီၤပၤပှဲၤထီၣ်ခံ ဘျီတဘျီ, ဒီးဖှူအီၤလၢယွၤအဂီၢ်လၢတၢ်အခိၣ်, ဒီးစီၤ စၤဒိးလၢပှၤလုၢ်တၢ်အဒိၣ်လီၤ.
23 ဒီးစီၤၡလိၤမိၤဆ့ၣ်နီၤစီၤပၤလၢ ယွၤအလီၢ်ပစိာ်လၢ အပၢ်စီၤဒၤဝံးအလီၢ်, ဒီးဘီၣ်ထီၣ်ညီထီၣ်, ဒီးအံၣ်စရ့ လးခဲလၢာ်စူၢ်ဝဲအကလုၢ်လီၤ.
24 ဒီးပဒိၣ်ဖးဒိၣ်ခဲလၢာ်, ဒီးပှၤအဆူၣ်, ဒီးစီၤပၤဒၤဝံးအ ဖိခွါခဲလၢာ်ပာ်အသးလၢစီၤပၤၡလိၤမိၤအဖီလာ်လီၤ.
25 ဒီးယွၤပာ်ဒိၣ်ထီၣ် စီၤၡလိၤမိၤဒိၣ်ဒိၣ်ကလဲာ်လၢအံၣ် စရ့လးခဲလၢာ်အမဲာ်ညါ, ဒီးဟ့ၣ်လီၤအီၤလၢစီၤပၤအက ကညီၢ် လၢအတအိၣ်ဘၣ်ဒီး စီၤပၤလၢအမဲာ်ညါလၢ အံၣ်စရ့လးအကျါနီတဂၤဘၣ်.
26 ဒီးစီၤယံးၡဲအဖိခွါစီၤဒၤဝံးကဲစီၤပၤလၢ အံၣ်စရ့လးခဲ လၢာ်အဖီခိၣ်လီၤ.
27 ဒီးမုၢ်နံၤတဖၣ်လၢအကဲစီၤပၤလၢ အံၣ်စရ့လးအဖီခိၣ်န့ၣ် မ့ၢ်အနံၣ်လွံၢ်ဆံနံၣ်လီၤ. ကဲစီၤ ပၤနွံနံၣ်လၢဃ့ဘြိၣ်အပူၤ, ဒီးကဲစီၤပၤသၢဆံသၢနံၣ်လၢ ယရူၤၡလ့ၣ်အပူၤလီၤ.
28 ဒီးသံဝဲလၢအခိၣ်ဝါဂ့ၤ, ပှဲၤဝဲဒီးနံၤတဖၣ်, ဒီးတၢ်ထူး တၢ်တီၤ, ဒီးတၢ်လၤကပီၤ, ဒီးအဖိခွါစီၤၡလိၤမိၤကဲထီၣ် စီၤပၤလၢအလီၢ်န့ၣ်လီၤ.
29 ဒီးတၢ်ဘၣ်ဃးဒီးစီၤပၤဒၤဝံးလၢအခီၣ်ထံး, ဒီးလၢအ ကတၢၢ်န့ၣ်, ကွၢ်ကွၢ်, ကွဲးအသးလၢပှၤထံၣ်တၢ်စီၤၡ မူၤအ့လးအလံာ်ပူၤ, ဒီးလၢဝံနၤသၣ်အလံာ်ပူၤ, ဒီးလၢ ပှၤထံၣ်တၢ်စီၤကးအလံာ်ပူၤ,
30 အိၣ်ဒီးအမၤစီၤပၤအတၢ် ခဲလၢာ်, ဒီးအစိအကမီၤ, ဒီးတၢ်အဆၢအကတီၢ်လၢ အလဲၤပူၤကွံာ်အီၤ, ဒီးလဲၤပူၤကွံာ်အံၣ်စရ့လး, ဒီးလဲၤ ပူၤကွံာ်ထံဧိၤကီၢ်ဧိၤတဖၣ်အဘီမုၢ်ခဲလၢာ်န့ၣ်လီၤ.